build.mk Homepage
Forum Home Forum Home > Главни теми > Проекти
  Active Topics Active Topics
  FAQ FAQ  Forum Search   Register Register  Login Login

Плажи и бродови на Вардар

Bookmark and Share
 Post Reply Post Reply Page  <1 61626364>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1241 Posted: 21-Jun-2021 at 15:38
Судот уште не решил, а градот продолжи со уривањето на галијата

Во камионче се складира инвертарот од кафулето на бродот на „среќата“. Оваа галија во реката Вардар и официјално е под клуч за гостите. Нејзиното демолирање продолжи откако скопскиот Апелационен суд ја укина времената мерка со која беше сопрено демонтирањето. Причина за уривањето е раскинат договор откако фирмата Сервис која управува со бродот не платила три закупнини, за што се тужат со Град Скопје пред Граѓанскиот суд.

Основниот суд во Скопје закажа рочиште на 7 јули на кое што јас кажав дека ќе го застапувам Град Скопје. За оние кои што не знаат, бидејќи гледам дека има разни контроверзии во градот, согласно законот, законски застапник на институцијата Град Скопје е градоначалникот на Град Скопје. Јас имам право да го застапувам овој Град во секоја постапка“, изјави Петре Шилегов, градоначалник на Скопје.

Го контактиравме Жарко Миленковски управителот на фирмата Сервис која раководи со галијата. Тој останува на истиот став од пред пет дена дека уривањето на бродот е собирање политички поени на Шилегов. Миленковски реагира дека уривањето е пред граѓанскиот суд кој треба да пресуди за спорот меѓу нив и Град Скопје.

„Лично на Градоначалникот му испратив две писма со молба да објасни како мисли да ни помогне, затоа што даваше изјави дека ќе помогнат на стопанството. Кога видов дека не одговара плативме сè што должиме 100%. Веднаш потоа договорот ни беше раскинат. Тоа е вистината. Сè друго е манипулација. На судењето на 7-ми jули може да дојде не лично Петре Шилегов, туку и Св. Петар да дојде фактите се сепак на наша страна“, нагласи Жарко Миленковски, управител на ЕМУС Сервис АД Скопје.

Инаку, ова е втор обид за демонтирање на галијата. Првичниот, Шилегов лично го најави уште во април, па со времена одлука на граѓанскиот суд цели два месеца беше сопрено уривањето. Галијата од Вардар треба да заврши во склад на Град Скопје. Ова е бугарска инвестицја и за случајот фирмата ги известила бугарскиот претседател Румен Радев, абмасадите на Бугарија и САД, како и делегација на Европската Унија.

https://alsat.mk/mk/https-alsat-mk-mk-grad-skopje-deneska-prodolzhi-da-go-otstranuva-inventarot-od-na-edna-od-galiite/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1242 Posted: 30-Aug-2021 at 13:59
ГАЛИЈАТА ВО ВАРДАР РАЗУРНАТА ОДВНАТРЕ, ОД ГРАД СКОПЈЕ ВЕЛАТ ЕСЕНВА ЌЕ ЈА НЕМА



Галијата во реката Вардар кај хотелот „Холидеј ин“ се урива одвнатре. Екипи од ЈП „Улици и патишта“ го отстрануваат мебелот и ентериерот на бродот, по што ќе се следи отстранување и на конструкцијата.

„Активностите за демонтажа на бродот се во тек, очекуваме есенва тој целосно да биде отстранет и овој дел ослободен“, велат од Град Скопје.

Сопственост на бродот, фирмата „ЕМУС сервис АД Скопје“, го тужи Град Скопје за уривањето. Од Град Скопје велат дека биле исполнети сите услови за раскинување на договорот односно газдата не платил кирија три месеци, а укината е и времената мерка од судот.

Од Град Скопје велат дека трошоците за уривање ќе ги плати газдата на бродот.

https://sdk.mk/index.php/dopisna-mrezha/galijata-vo-vardar-razurnata-odvnatre-od-grad-skopje-velat-esenva-ke-ja-nema/
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #1243 Posted: 18-Sep-2021 at 14:07

Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1244 Posted: 20-Sep-2021 at 06:59
Првата од трите галии „отпловува“ во историјата, Шилегов за ТВ21: Не е потребна судска одлука за отстранување



Првата од 3-те галиии во коритото на Вардар почна да заминува во историјата! Скопје, една поинаква приказна! -вака ја најави демонтажата градоначалникот на Град Скопје Петре Шилегов. Откако беше најавено отстранувањето од страна на Град Скопје со реакција се јави сопственикот Жарко Миленковски.

„По повод рушењето на оваа галија во центарот на Скопје со реакција се јави и сопственикот на бродот, Жарко Миленковски. Тој вели дека судски спор има, но се додека нема судска одлука оваа галија не смее да биде срушена. Инвестицијата чини 1,2 милиони евра.“, вели репортерот на ТВ21.

ЖАРКО МИЛЕНКОВСКИ:

Град Скопје нема никакво побарување спрема нас!
Ова е приватна инвестиција, Град Скопје нема инвестирано ниту еден денар!
На градот плаќаме по 1000€ месечно за концесија. Сé е платено, не должиме ништо!
Не е укината дозволата за поставување на урбана опрема, што значи правниот акт врз основа на кој е поставен бродот, се уште е во сила.
Судот трпи огромен притисок да не донесе времена мерка како би се спречило настанување на штета.
Ова е странска инвестиција од бугарски инвеститор. Информирана е Бугарската Амбасада и Европската Унија.
Ние не сме виновни ниту за Пандемијата ниту за политиките на бившата власт, ниту треба да трпиме штета поради ветувањето на Градоначалникот дека ќе ги руши галиите.
Во текот на целата пандемија имаме пратено неколку писмени барања до Град Скопје на кои ниту еднаш не добивме одговор.
Плативме се’ 100% и по една недела добивме информација дека еднострано е раскинат договорот.

Според Шилегов нема никаква правна пречка за да се отстрани галијата, еве и зошто:

-Договорот со кој е поставена галијата е со извршна клаузула, извршната клаузула значи дека кога ќе се исполнат условите за раскинување на договорот галијата може да се отстрани автоматски без да се води судска постапка.-вели Шилегов.

Галииите во центарот на Скопје беа поставени во реката Вардар од централната и локалната власт на ВМРО-ДПМНЕ како дел од проектот Скопје 2014. Во 2011 година Советот на Град Скопје донесе Одлука за спроведување на постапка за доделување на правото на поставување урбана опрема за вршење угостителска дејност на Кејот на реката Вардар со која беа предвидени условите за давање на право на угостителите да ги постават овие објекти во времетраење од 30 години, за што треба да плаќаат надомест на Градот Скопје.

https://mk.tv21.tv/prvata-od-trite-galii-otplovuva-vo-istorijata-shilegov-za-tv21-ne-e-potrebna-sudska-odluka-za-otstranuvane/
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #1245 Posted: 20-Sep-2021 at 16:58
Темпирано ритуално сечење на скалпот на вмро. Курбан мора да иде нешто што изградила претходната власт, па макар и галијата. А подобро ќе беше на пример она ругло бетон на сред улица ткн. Споменик на Мајка Тереза.
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15001
  Quote Џоле Quote  Post ReplyReply #1246 Posted: 20-Sep-2021 at 17:22
Можеа и Аце и Филип (само спомениците, фонтаните нека останат), да намалиме малку причини за потсмев низ светов.
За сè има вторпат
Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #1247 Posted: 21-Sep-2021 at 06:48
Ако нешто треба да се тргне од СК2014 тоа се дефинитивно галиите.
За спомениците не се согласувам. Нека си останат.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1248 Posted: 29-Sep-2021 at 06:59
СЕ ЗАПАЛИ ГАЛИЈАТА КАЈ „ХОЛИДЕЈ ИН“ КОЈА ГРАД СКОПЈЕ ЈА УРИВА

Вечерва пожар избувна во галијата во реката Вардар кај хотелот „Холидеј ин“. Како што вели за САКАМДАКАЖАМ.МК командантот на скопската Пожарна, Владимир Симоновски пожарот избил во една од просториите.

„Пожарот е изгаснат за десетина минути, поради брзата интервенција не се прошири низ целиот брод“, вели Симоновски.

Град Скопје летово почна да ја урива галијата во Вардар. Веќе се демолира внатрешноста на брадот и како што најавија од Градот есенва ќе биде отстранете целосно од коритото на Вардар.

Сопственик на бродот е фирмата „ЕМУС сервис АД Скопје“. Фирмата го тужи Град Скопје за уривањето бидејќи како што велат Градот нема основ да ја урива. Од Град Скопје пак велат дека биле исполнети сите услови за раскинување на договорот, односно газдата не платил кирија три месеци, а укината е и времената мерка од судот која беше донесена по тужбата на сопственикот.

Уривањето на галијата го врши градското претпријатие „Улици и патишта“ , а од Град Скопје велат дека трошоците за уривање ќе ги плати газдата на бродот.

https://sdk.mk/index.php/dopisna-mrezha/se-zapali-galijata-kaj-holidej-in-koja-grad-skopje-ja-uriva/
Back to Top
xnx View Drop Down
Senior Member
Senior Member


Joined: 05-Apr-2009
Online Status: Offline
Posts: 1943
  Quote xnx Quote  Post ReplyReply #1249 Posted: 29-Sep-2021 at 07:20
Originally posted by skopskodete

Ако нешто треба да се тргне од СК2014 тоа се дефинитивно галиите.
За спомениците не се согласувам. Нека си останат.

Галиите и Мајка Тереза дефинитивно. А многу од спомениците треба да се дислоцираат на други плоштади или во други градови ама никако да се рушат.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1250 Posted: 23-Oct-2021 at 10:18
од твитер





Back to Top
skopskodete View Drop Down
Senior Member
Senior Member
Avatar

Joined: 17-Feb-2017
Online Status: Offline
Posts: 926
  Quote skopskodete Quote  Post ReplyReply #1251 Posted: 23-Oct-2021 at 13:30
Мене ми личи или и галијава како мостот ќе биде отворена, односно, срушена два дена пред избори.
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #1252 Posted: 23-Oct-2021 at 14:10
Јас се повеќе мислам дека намерно "се руши" со овакво споро темпо и не се чепка ништо конструктивно статичко на објектот. Све со идеја после избори сопственикот да тужи и да добие обештетување, и градот практично да му ја реновира галијата. Фингерај за пред јавност, а намерата во позадина е сосема поинаква. Гледате дека се мотаат едвај двајца работници цело време и кобајаги ја рушат, а уствари само ја гребат и ја грицкаат.

Edited by user8642 - 23-Oct-2021 at 14:11
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1253 Posted: 10-Nov-2021 at 18:15
ФОТО: Кај галијата денеска мирно, Блажевски демантира дека тој е сопственик и дека тој ги бркал работниците

Не престануваат заканите по живот се жали Спирко Блажевски откако низ медиумите се прошири видео во кое се гледа како со закани се бркаат работници кои ја рушат галијата во Вардар. Блажевски, кој инаку е сопственик на ресторанот Мечка во Дебар Маало, денеска реагираше дека тој ниту е сопственик на галијата, ниту пак го снимал видеото.

– Јас не го снимав видеото, туку само го споделив. Не знам кој го снимал, ми се појави видеото на Фејсбук и јас го споделив. Тоа е се. Но, по објавата дека јас сум сопственикот кој со пцовки ги брка работниците, почнаа да ми се закануваат непознати луѓе преку пораки. Навистина сум загрижен за безбедноста на моето семејство, едноставно не знам колку се сериозни и колку далеку можат да отидат во извршување на заканите, вели Спирко Блажевски.

„Слободен печат“ се обиде да стапи во контакт со Жарко Младеноски, управител на Галијата во сопственост на фирма со бугарски капитал Сервис Емус АД Скопје, но до сега не добивме одговор дали тој вчера ги снимал работниците додека ги брка од бродот и ги спречува да продолжат со уривање

Младеноски претходно велеше дека штетата од рушењето на галијата на крајот ќе биде на грбот на граѓаните.

– Ние нашите права ќе ги бараме и во Судот во Стразбур. Доколку барем имаше одлука од Советот на Градот за отстранување на урбаната опрема од сите локации во Скопје, немаше да има никаков проблем, а сега ова се однесува само на нас и ние го доживуваме како директен удар врз нашата фирма, објаснуваше тогаш управителот на бродот.

И поранешниот градоначалник Петре Шилегов имаше свое објаснување.

– Никогаш не заборавајте дека правото е мојата матична наука. Ние работиме согласно договорот кој го имаме склучено со корисниците во кој што меѓу другото постои и т.н. извршна клаузула, што значи дека кога ќе се исполнат условите за раскинување на договорот, се стапува директно на извршување, не се оди на судска постапка. Во постапката должникот има право на приговор до претседателот на судот по решението на извршувањето, и има право до жалба до Апелациониот суд. Тоа право сопственикот на галијата го користеше, и одбиен е и од претседателот на судот и од Апелациониотт суд. Во меѓувреме има почнато два судски спора со барање за времена мерка, но двете барања се одбиени. Ние имаме целосно чиста правна ситуација, изјави Шилегов.

„Слободен печат“ денеска направи обиколка на галијата. Работници немаше, само остатоци од деловите кои почнале да се рушат и демонтираат.







https://www.slobodenpecat.mk/foto-kaj-galijata-deneska-mirno-blazhevski-demantira-deka-toj-e-sopstvenik-i-deka-toj-gi-brkal-rabotnicite/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1254 Posted: 13-Nov-2021 at 11:23
ГАЛИЈАТА ВО ВАРДАР ЌЕ ПРОДОЛЖИ ДА СЕ УРИВА, ГРАДОНАЧАЛНИЧКАТА АРСОВСКА ВЕЛИ ДЕКА ТОА Е ЗАВРШЕНА РАБОТА



Галијата во коритото на реката Вардар ќе продолжи да се урива. Градоначалничката Данела Арсовска вели дека галијата е завршена работа, има потпишано извршно решение од нејзиниот претходник Петре Шилегов.

„Таму се постапува. За другите две треба да видам како стојат работите, до каде се постапките па потоа ќе се одлучи што ќе се прави. Јас не би урнала ништо“, кажа Арсовска.

Пред неколку дена сопственикот на бродот објави видео како ги брка со навреди и псовки работниците кои работат на уривањето.

„Кај Петре да одите“, им вели тој псуејќи ги и бркајќи ги од бродот.

Бродот „Среќа“ кој е дел од трите галии поставени во рамките на проектот „Скопје 2014“ почна да се урива пролетта. Сопственикот на бродот го тужи Град Скопје бидејќи според него бесправно се урива.

Ексградоначалникот Петре Шилегов при почетокот на уривањето кажа дека се исполнети сите услови за нејзиното отстранување односно сопственикот немал платено три кирии, што според договорот овозможува негово раскинување. Шилегов ја почна постапката за уривање и на бродот кај МЕПСО, но за него сè уште нема извршно решение поради тужба на сопственикот.

https://sdk.mk/index.php/naslovna/galijata-vo-vardar-ke-prodolzhi-da-se-uriva-gradonachalnichkata-arsovska-veli-deka-toa-e-zavrshena-rabota/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1255 Posted: 04-Jan-2022 at 08:03
ВЕЧЕР ВЛЕЗЕ ВО ГАЛИЈАТА КАЈ „ХОЛИДЕЈ ИН“: Од „брод на среќата“ сега е брод на духови







Галијата порано им носеше среќа на посетителите затоа што работеше како казино, а сега целосно е расчеречена и изгледа како брод на духови. Сега во внатрешноста е мрачно и небезбедно. И покрај тоа што сега галијата внатре личи на некој напуштен средновековен замок на духови, сепак, некој тука наоѓа прибежиште. Од десната страна на влезот забележавме остатоци од храна и празно пластично шише

„Бродот на среќата“ наскоро ќе го снема од водите на Вардар. Галијата кај хотелот „Холидеј Ин“, порано им носеше среќа на посетителите затоа што работеше како казино, а сега целосно е расчеречена и изгледа како брод на духови.

Откако Град Скопје го доби судскиот спор со кираџиите на галијата и им беше наредено да се иселат, почна нејзиното отстранување, дел по дел. Прво беше откорната влезната врата и се почна со демонтирање на внатрешноста, а во тоа многу им помогнаа и лица од ромска националност кои набрзина однесоа дел од дрвенаријата и слично.

Сега во внатрешноста е мрачно и небезбедно. Таблите по кои некогаш се газело, сега ги нема на повеќе места. Може да се пропадне во отворените дупки ако не се внимава каде да се згазне. Поради тие причини не се осмеливме да се качиме по скалите за да видиме во каква состојба е горниот кат на галијата. И покрај тоа што сега галијата внатре личи на некој напуштен средновековен замок на духови, сепак, некој тука наоѓа прибежиште. Од десната страна на влезот забележавме остатоци од храна и празно пластично шише.

Оваа галија беше дел од пакетот од три галии во коритото на Вардар како дел од проектот „Скопје 2014“. Едната кај МЕПСО, позната како „Фаланга“ работеше како ресторан еден период, потоа и ставија клуч на врата поради нерентабилност. Втората галија сè уште работи како хотел.

Отстранувањето на галијата започна пред 7 месеци откако Град Скопје ја доби правната битка по жалбата од управата на галијата, по што судот најпрво изрече времена мерка за нејзино уривање, а потоа ја уважи жалбата на Град Скопје да се продолжи со отстранување на бродот од коритото на Вардар.

Потоа избувна пожар во галијата и со брза интервенција на противпожарна екипа, истиот беше локализиран и изгаснат. Отстранувањето продолжи и на 9 декември минатиот месец се случи инцидент кога Спирко Блажевски, угостител од Скопје, упадна во галијата и ги избрка работниците, ангажирани за рушење на објектот.

Новата скопска градоначалничка, Данела Арсовска за медиумите изјави дека галијата ќе продолжи да се урива. Арсовска вели дека тоа е завршена работа, има потпишано извршно решение од нејзиниот претходник Петре Шилегов.

– Таму се постапува. За другите две треба да видам како стојат работите, до каде се постапките, па потоа ќе се одлучи што ќе се прави. Јас не би урнала ништо – изјави Арсовска.

[https://www.vecer.press/вечер-влезе-во-галијата-кај-холидеј

Edited by stef4o - 04-Jan-2022 at 08:03
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #1256 Posted: 04-Jan-2022 at 17:43
Сега ќе снема пари за универзална, брт, булевар, ама затоа ќе има пари да се "обештети" сопственикот на ѓубрево. Впрочем и затоа намерно само го гребеа два месеца со два чекана за да се процени кој ќе победи на избори.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1257 Posted: 11-Jan-2022 at 18:38
Паднато дрво со денови закотвено во коритото на Вардар, на терен „галиите“ не се рушат [фото]







Паднато дрво и друг отпад со денови се закотвени во речното корито на Вардар во центарот на Скопје. Мета.мк на 2 и 9 јануари ја забележа препреката од дрво кај една од „галиите“ спроти Археолошкиот музеј, додека денеска истото дрво беше закачено на една од врбите и повеќе од една недела наназад не е отстрането.

Наталожениот отпад кај „галијата“ ја намалува проточноста на реката Вардар, но и собира друго ѓубре што го носи реката, а на ваквиот „пејзаж“ се сведоци бројните минувачи во центарот на Скопје.

Мета.мк вчера испрати прашања до Градот Скопје за тоа дали и кога планираат да го отстранат дрвото и останатиот наталожен отпад во речното корито во центарот на Скопје, но досега не добивме одговор на поставеното прашање.

Градските власти се одговорни за одржување на хигиената во Скопје, но и за проточноста на речното корито на Вардар.

Трите „галии“ коишто беа изградени во рамките на проектот „Скопје 2014“ го намалуваат протокот на речните води во центарот на Скопје, а градоначалничката Данела Арсовска во ноември лани најави дека ќе продолжи со рушењето на галијата спроти хотелот Холидеј Ин.

„За другите две треба да видам како стојат работите, до каде се постапките па потоа ќе се одлучи што ќе се прави. Јас не би урнала ништо“, изјави градоначалничката Арсовска пред два месеца.

Мета.мк на терен се увери дека всушност објектот во рекатта Вардар спроти Холидеј Ин во моментов не се урива. Нема градежни работници кои работат на отстранување на објектот, чиешто рушење го започна претходниот градоначалник Петре Шилегов. Тој го потпиша извршното решение за рушење на „галијата“, чиј ентериер веќе е отстранет. Сепак, самата конструкција на градбата изминативе недели не се руши, а заедно со натрупаниот отпад во коритото на Вардар, создава исклучително лош впечаток за хигиената во центарот на градот.

Градот Скопје вчера го прашавме и кога ќе продолжи рушењето на „галијата“ спроти хотелот Холидеј Ин и што ќе прават со другите две „галии“ во коритото на Вардар, но одговори не добивме и на ова прашање. Претходниот градоначалник Шилегов ја почна постапката за уривање и на „галијата“ лоцирана кај МЕПСО, но за неа сè уште не е обезбедено извршно решение за рушење поради тужба на сопственикот.

Инаку, реката Вардар има добиено уредено корито по скопските поплави во 1962 година. Најголем дел од течението во Скопската котлина, од Сарај до железничкиот мост меѓу Трубарево и Лисиче е со две зони на заштита – минор и мајор корито, изградено во 60-тите и 70-тите години на минатиот век, со цел да го заштитат главниот град од евентуални поплави

https://meta.mk/padnato-drvo-so-denovi-zakotveno-vo-koritoto-na-vardar-na-teren-galiite-ne-se-rushat-foto/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1258 Posted: 15-Jan-2022 at 17:43
Град Скопје: Обврска да ја отстрани галијата кај Холидеј Ин е на оној што ја поставил

И покрај тоа што Градот Скопје го започна рушењето на една од трите галии во строгиот центар, по неколку месеци од почетокот на постапката објектот спроти Холидеј Ин не е отстранет. Новата градска власт вели дека самиот инвеститор којшто ја изградил галијата е оној што треба да ја отстрани од речното корито во Вардар.

Мета.мк изминативе денови забележа паднато дрво и друг отпад што беа закотвени на една од галиите во центарот на Скопје. Ова нè поттикна да испратиме прашања до Градот Скопје околу чистењето на закотвениот отпад во речното корито на Вардар, но и за веќе започнатата постапка за рушење на галиите.

„Обврската за отстранување на галијата е кај оној кој ја поставил“, е краткиот одговор од Град Скопје на нашите прашања зошто Градот Скопје не ја отстрани полуразрушената галија од речното корито и кога ќе продолжи нејзиното рушење.

Изминативе недели нема никаква активност на терен за довршување на рушењето на галијата. Со започнатото рушење од претходното градско раководство речиси целата внатрешност беше отстранета, но самата бродска конструкција со огромна дупка остана во речното корито.

Скопската градоначалничка Данела Арсовска во ноември лани најави дека ќе продолжи со рушењето на „галијата“ спроти хотелот Холидеј Ин.

„За другите две треба да видам како стојат работите, до каде се постапките па потоа ќе се одлучи што ќе се прави. Јас не би урнала ништо“, изјави градоначалничката Арсовска пред два месеца.

Од Градот Скопје денеска велат дека за другите две галии нема никакво решение за нивно отстранување.

Градоначалничката Арсовска во ноември лани рече дека нејзиниот личен став е оти ништо не треба да се урне, одговарајќи на прашањето за трите галии во реката Вардар.

Инаку, поранешниот градоначалник Петре Шилегов на почетокот на уривањето на галијата соопшти дека сите услови за нејзиното отстранување се исполнети, односно сопственикот немал платено три кирии, што според договорот овозможува негово раскинување. Шилегов ја почна постапката за уривање и на бродот кај МЕПСО, но за него немаше добиено извршно решение поради тужба на сопственикот.

За галијата кај Холидеј Ин се водеше исто така судска постапка, а сопственикот на бродот изјави дека инвестицијата во неговата изградба чинела 1,2 милиони евра. Тие тврдеа дека концесиите кон Град Скопје уредно ги плаќале, додека градската власт еднострано го раскинала концесискиот договор.

Инаку, поставувањето на галиите, заедно со врбите, во коритото на реката Вардар ја намалува проточноста на речните води во центарот на Скопје, која би можела да биде многу важен проблем во услови на закана од поплави во градот. Реката Вардар има уредено корито по скопските поплави во 1962 година. Најголем дел од течението во Скопската котлина, од Сарај до железничкиот мост меѓу Трубарево и Лисиче е со две зони на заштита – минор и мајор корито, изградено во 60-тите и 70-тите години на минатиот век, со цел да го заштитат главниот град од евентуални поплави.

https://meta.mk/grad-skopje-obvrska-da-ja-otstrani-galijata-kaj-holidej-in-e-na-onoj-shto-ja-postavil
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #1259 Posted: 15-Jan-2022 at 21:14
до сега сите три галии ќе ги отстранеа... срамота, од лошо полошо е прави... од кич инсталација во сред мала река, сега имаме грда рушевина која сеуште си стои... нито чудно пак да ја реновираат како што тоа беше случај до сега со дивоградби
Architects create dreams...politicians create nightmares
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #1260 Posted: 28-Jan-2022 at 07:58
ФОТОВЕСТ: Метална прачка виси од мостот на полуурнатата галија – опасност да падне врз минувачите



Метална прачка виси од мостот што го спојува кејот „13 Ноември“ со сега полуурнатата галија кај „Холидеј ин“. Под мостот секојдневно минуваат рекреативци и надвиснатата прачка над нивните глави е потенцијална опасност за нив.

Откако Град Скопје го доби судскиот спор со кираџиите на галијата, на кои им беше наредено да се иселат, почна нејзиното отстранување, дел по дел. Прво беше откорната влезната врата и се почна со демонтирање на внатрешноста, а во тоа многу помогнаа и лица од ромска националност, кои набрзина однесоа дел од дрвенаријата и слично.

Сега, во внатрешноста е мрачно и небезбедно. Таблите по кои некогаш се газело, сега ги нема на повеќе места. Може да се пропадне во отворените дупки ако не се внимава каде се гази. Како потенцијално опасен за безбедноста, околината на овој објект треба да се огради и да се обезбеди сè додека не заврши неговото целосно отстранување.

Во Законот за градење, поимот „отстранување“ се дефинира како изведување работи на уривање или на демонтирање градба, градежен објект или негови делови, на собирање и транспорт на градежниот материјал и отпад создаден со уривањето, односно со демонтирањето на градбата и на соодветно уредување на земјиштето.

https://www.vecer.press/фотовест-метална-прачка-виси-од-мосто/
Back to Top
 Post Reply Post Reply Page  <1 61626364>

Forum Jump Forum Permissions View Drop Down



This page was generated in 0.227 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.