Diamond of Skopje (Limak)

Се надевам дека си во право и дека овие чкрабаници што се во ДУП-от воопшто не го прејудицираат сообраќајното решение што ќе биде дел од проектот за Јужен Булевар.

Колку што се сеќавам, ова „решение“ потекнува од фикс-идејата на една личност од „ИНПУМА“ и потоа е реплицирано во сите ДУП-ови кои ги имаат изготвено тие, а и во ДУП-овите на „Тајфа План“, фирма произлезена од претходната. Овие две фирми во тоа време ги добија скоро сите тендери за изработка на ДУП-ови за центарот на Скопје.

Конкретно поврзувањето на Јужен булевар на оваа локација е толку очигледно лошо и нефункционално зацртано, што јас навистина не можам да разберам што си мислел авторот. Иако не е целосно јасно како ова би функционирало, а поради контрадикторности не е јасно ни дали решението зема во предвид еднонасочни или двонасочни колекторски улици, во било кој случај има големи проблеми.

Еве на пример овој конфликт во сообраќајните текови, кој извесно ќе продуцира голем хаос, застој и безбедносни проблеми:

Од другата страна кај малите кружни текови ситуацијата не е толкава катастрофа, но е далеку од добра. На пример оваа патетична рампа за влез во тунелот на Јужен Булевар:

Проблем е и оскудноста на влезно-излезни рмпи. Во претходниот ГУП и во ДУП-овите произлезени од него имаше зацртано вкупно 8, а овде фигурираат само 4, односно не се веќе парови на влезови и излези кои овозможуваат движење во сите правци, туку се „половинки“. Последица од ова е зачудувачки слаба поврзаност на булеварот со останатата сообраќајна мрежа. Ако некој на пример од Кисела Вода оди во Ѓорче Петров, не може да се приклучи на Јужен булевар се до Капиштец 

Наместо сообраќајот да се насочува да користи брза денивелирана сообраќајница, вака ќе е приморан да се движи по бавните површински улици во центарот, гужвата ќе си остане, а Јужен булевар за тоа време ќе зјае со неискористен капацитет.

Таа рампа воопшто не води во тунелот, туку се приклучува на булеварот после излезот од тунелот. Тоа е резултатот од преполовувањето на рампите, тунелот не го користат возилата што доаѓаат од рингот - тие на булеварот можат да се приклучат надвор од тунелот, во насока која води спротивно од него.

Јасно е дека тунелот сам по себе е нефукционален. Како привремено и релативно евтино решение за поголема искористеност, барем од источната страна, може да се преуреди триаголникот кај рампа. Сигурно оваа идеја е дискутирана и порано тука, двата крака на бул. Македонија да се направат еднонасочни како надоврзување на излезот од тунелот и да се вкрстат со 11 Октомври како кружни текови. Ова ќе го собира сообраќајот од Борис Трајковски и Македонска бригада низ подземниот булевар. За западниот излез сепак не би знаел ни за привремено решение.