Пуцко Петрол(поранешен G Mall Skopje)

Доцни реализацијата на инвестиција вредна 120 милиони евра, која требаше да отвори неколку стотици нови работни места. И по 7 месеци од најавите на израелската компанија „ Газитглоуб“,  дека на местото на некогашната фабрика за алуминиумски профили „Алумина“ ќе изгради луксузен трговски центар, изградбата се уште не е ниту почната. Министерот за странски инвестиции Веле Самак вели дека не е во тек со оваа инвестиција. Алфа се обиде да ги контактира и првите луѓе на компанијата во Израел, од каде добивме само кус одговор:

„ Се уште сме во фаза на планирање, засега неможеме да ви дадеме какви било детали околу оваа инвестиција.“
Претседателот на компанијата, Хајм Кацман, своевремено  изјави дека е среќен што бизнисот ќе го прошири и во Македонија.

Тогашниот  министер за странски инвестииции Глигор Ташковиќ, пак, донесувањето на оваа инвестиција си ја припиша како своја заслуга.

„Газитглоуб“ го купи земјиштето на „Алумина“ за 22 милиони евра.

Израелските инвеститори заедно со тогашниот министер за странски инвестиции Ташковиќ уште пред 7 месеци токму на ова место најавија изградба на луксузен трговски центар, вреден 120 милиони евра. Од најавената инвестиција, засега на терен нема ниту трага.

Останува отворена дилемата дали ова е уште една од неколкуте странски инвестиции кои се одложија годинава поради продлабочувањето на економкста криза или израелсаката фирма се соочува со некои други проблеми во изградбата на трговскиот центар.