Пуцко Петрол(поранешен G Mall Skopje)

Нови згради во Скопје, Општина Карпош, поранешна Алумина

Секоја недела ли ке има нови рендери?
Целата приказна ми изгледа малку несериозна

Огромните блокови од 35 ката ќе го спречат и воздухот и светлината за жителите во Тафталиџе 1: Ќе се дозволи ли нивна изградба?



Не престануваат реакциите на граѓаните, граѓанските организации и активистите загрижени за хуманото живеење во Скопје, поврзани со предложениот ДУП за просторот кај поранешната фабрика „Алумина“, на кој е предвидена изградба на згради високи и по 35 ката. Покрај нив, на овој простор ќе има и две 14-катници, една десеткатница и две згради на 9 ката, сите наменети за домување.

Станува збор за плански опфат кој се наоѓа меѓу улицата Прашка, булеварите 8 Септември и Митрополит Теодосиј Гологанов, како и новопроектираната улица С6. Предлог ДУП Градска четврт 3 06, блок 11, до петок, односно до 15 декември е на јавна анкета, а утре ќе се одржи и негова јавна презентација.

Според она што е прикажано на синтезниот план на просторот опфатен со овој ДУП максимално дозволена површина за градење изнесува околу 28 500 метри квадратни на кои, со сите предвидени катови, би се добила површина од речиси 430 000 метри квадратни.

Сопственик на најголемата површина за градба, според податоците кои се јавно достапни на интернет страницата на Агенцијата за катастар на недвижности, поточно сопственик на просторот на некогашната фабрика „Алумина“ е фирмата „Пуцко Петрол“. Градежните парцели кои ги поседува оваа фирма се со вкупна површина од околу 36 500 метри квадратни, од кои максимално дозволени за градење се нешто повеќе од 21 000 квадрати. На овој простор се сместени парцели за две огромни згради, една деловна и една станбена, кои можат да бидат по 35 ката, односно високи по 108 метри. Доколку сопственикот и ивеститорот решат да ги изградат високи колку што им е дозволено во предлог ДУП-от, само во деловната зграда, на пример би се добила изградена површина од околу 335 000 метри квадратни.

Општина Карпош на огласната табла на својата веб страница покрај известувањето за јавна анкета и јавна презентација има објавено и 3Д приказ за тоа како би изгледал овој простор откако ќе се изградат зградите. На визуелизацијата се прикажани модерни згради, со зелени тераси и покриви, а меѓу нив зеленило и пешачки патеки.

Но, доколку се спореди синтезниот план со она што е прикажано на 3Д приказот ќе се забележи голема разлика. Наместо неколку згради, на синтезниот план целиот простор кај поранешната фабрика, во сопственост на „Пуцко Петрол“ е поделен само на две градежни парцели, кои доколку се изградат според планот ќе претставуваат огромни блокови од 35 ката.

Граѓаните реагираат дека ако се дозволи тоа, сосема ќе се спречи струењето на воздухот, но и светлината за куќите и зградичките кои се наоѓаат од другата страна на улицата Прашка. Сепак, жителите од овој дел немаат право на жалба, затоа што на јавната анкета можат да учествуваат и да даваат забелешки само граѓаните кои живеат на просторот опфатен со овој ДУП.

Советниците од „Независни за Карпош – За заштита на Карпош“ вчеравечер организираа собир на граѓаните од Тафталиџе 1, каде се споделија сите сознанија, ставови и проблеми поврзани со ДУП Градска четврт 3 06, блок 11.

На предложениот план има многу приговори и забелешки. Меѓу другото, како што е наведено во листата со приговори, за да се обезбедат енормните параметри кои се наведени во предлог ДУП за само еден приватен инвеститор, на близу 500 градежни парцели со намена А1 – домување во приватни куќи им е узурпирано правото на надградба од 1,6 метри на постоечкките висини, што е флагрантно кршење на правата на граѓаните и обезвредување на нивните имоти. Се приговара и за огромните димензии на објектите покрај булеварите од 35 ката и висина од 108 метри.

Природната сончева светлина има незаменливо влијание врз психофизичкото здравје на луѓето особено во зимските месеци. Во текот на зимските месеци кога сонцето се движи по зимската траекторија и е ниско на хоризонтот, овие мега висини ќе ги засенат сите објекти кои се наоѓаат во близина. Никој нема право да им ја одземе осонченоста на граѓаните кои тука живеат со децении во месеците кога најмногу им треба сончева светлина. Гимназијата „Ѓорѓи Димитров“ се наоѓа на север од планираниот комплекс на само 140 метри. Во зимските месеци училниците ќе бидат во сенка, како и спортските терени во дворот – се наведува во еден од приговорите на ДУП.

Се приговара и дека огромните блокови ќе го спречат погледот кон Водно, ќе се намали аерацијата во четвртта, дека улицата за пристап до објектите и паркинзите излегува на улицата Прашка, која и сега едвај ги сервисира потребите на жителите на новите згради. Забелешка има и на фактот дека не се предвидени градинка и училиште иако бројот на жители ќе се зголеми за 8346 жители.

Од „Независни за Карпош – За заштита на Карпош“ ги повикуваат граѓаните да им се обратат на советниците во Советот, кои на крајот треба да го гласаат овој ДУП.

Пиши им на твоите советници, твои претставници во општината, зошто градби 108 метри високи на просторот од бивша „Алумина“ не се за твоето/нашето маало, твое/наше Тафталиџе 1, твој/наш Карпош. За да знаат кога ќе дојде ред да се гласа за овој ДУП, да не биде не знаевме. Граѓанскиот глас си ти, но тие тој глас го претставуваат во Советот – апелираат независните советнички.

https://www.slobodenpecat.mk/ogromnite-blokovi-od-35-kata-kje-go-sprechat-i-vozduhot-i-svetlinata-za-zhitelite-vo-taftalidzhe-1-kje-se-dozvoli-li-nivna-izgradba/

„ПУЦКО ПЕТРОЛ“ ЌЕ ГИ ГРАДИ ВИСОКОКАТНИЦИТЕ ВО „АЛУМИНА“, ВО 2020 ГОДИНА ГО КУПИ ЗЕМЈИШТЕТО ОД ИЗРАЕЛСКАТА ФИРМА „ГАЗИТ ГЛОУБ“

Покрај решението кое го објави Општина Карпош, има уште две решенија направени по барање на сопственикот на земјиштето, кои предвидуваат повеќе и повисоки згради



Фирмата „Пуцко Петрол“ е сопственик на земјиштето во поранешната фабрика „Алумина“. Според новиот Детален урбанистички план за оваа парцела, се предвидува да се градат згради кои можат да бидат високи и до 35 метри.

На седница на Општина Карпош пред еден месец, фирмата која го изработуваше Детаљниот урбанистички план „Тајфа архитекти“ презентираше проект како може да изгледа просторот, а потоа Општина Карпош тие слики ги објави на својата веб-страна. Но, тоа, како што кажа планерот Стефан Лазаревски, не значи дека во „Алумина“ ќе се градат згради според нивниот концепт, инвеститорот може да одбере или да изготви и друг концепт. На советниците им беше кажано дека по барање на сопственикот на земјиштето веќе се изработени уште две решенија од други планерски куќи и од нив беше презентирано кратко видео. Според другите две решенија, на просторот има повеќе згради и со поголема висина.

„Ова земјиште во 2008 година е купено од израелската компанија ‘Газит Глоуб‘ кој тука сакаше да гради голем трговски центар. Во 2018 година планот е укинат од Уставен суд бидејќи не се почитувала процедурата за негово носење. Во 2020 година земјиштето е продадено на ‘Пуцко Петрол‘. Ние како планерска куќа врз основа на параметрите од ДУП-от предлагаме како може да се реши просторот, но до инвеститорот е што и како ќе гради“, рече планерот Лазаревски.

Според одредбите од ДУП-от, се предвидува намена домување и комерцијално-деловна намена.

Јавната презентација за ДУП-от ќе се одржи на 12 декември (вторник) во 13 часот во просториите на Општина Карпош. Анкетни листови со забелешки на овој план можат да поднесат само оние кои се сопственици на земјиште во просторот на „Алумина“. Во овој случај, тоа е сопственикот на земјиштето „Пуцко Петрол“.

Граѓаните кои имаат куќи веднаш до новиот комплекс згради кој се планира и кои живеат тука со години немаат право да поднесат анкетен лист оти не се во овој блок кој се планира.

Според 3-Д презентацијата, која е објавена на веб страната на Општина Карпош, на просторот се нацртани осум згради, од кои шест се со висина од 9 до 14 ката, а две се кули од 25 до 35 ката. На презентацијата зградите се претставени со зеленило на терасите, на просторот се изведени улици и минипаркови меѓу зградите, но нема ниту еден објект за јавна намена како градинка или школо.

https://sdk.mk/index.php/naslovna/putsko-petrol-ke-gi-gradi-visokokatnitsite-vo-alumina-vo-2020-godina-go-kupi-zemjishteto-od-izraelskata-firma-gazit-gloub/?fbclid=IwAR3lR3ZeVPHeLyIDBhYz0O9ByO86w1CkREX-zQrevLgqCfgO1ERbLXVw7s8

Колку само нема да излезе вака, ама ај.

видео од проектот на страната на О.Карпош

https://karpos.gov.mk/%d0%b8%d0%b7%d0%b2%d0%b5%d1%88%d1%82%d0%b0%d1%98-%d0%b0%d0%bb%d1%83%d0%bc%d0%b8%d0%bd%d0%b0/

Е ова може!
Дека има кој да плати знаеме, ама дали има наша фирма стручна за да го изведе

Штета што нешто вакво не се издејствува и кај Треска, 2-3 повисоки модерни зград со голем парк...

Алумина е сега последна атрактивна голема и празна локација.

Edited by alexsend - 06-Dec-2023 at 20:32

Кај поранешна „Алумина“ ќе се гради комплекс од згради, две од нив високи по 35 ката



На просторот кај некогашната фабрика „Алумина“, во населбата Тафталиџе, се планира изградба на комплекс на згради со различна катност, меѓу кои двете највисоки ќе бидат со по 35 ката, поточно со приземје и 34 ката. Едната од нив, според предложениот Детален урбанистички план, е наменета за деловни простории, додека другата ќе биде станбена зграда. Покрај нив, на овој простор ќе има и две 14-катници, една десеткатница и две згради на 9 ката, сите наменети за домување.

Според она што може да се види на 3Д приказот во прилог на јавната презентација на ДУП за Градска четврт 3 06, блок 11, објавен на веб-страницата на Општина Карпош, на просторот ќе се изградат модерни згради, со зелени тераси и покриви, а меѓу објектите ќе има зеленило и пешачки патеки.

Станува збор за плански опфат кој се наоѓа меѓу улицата Прашка, булеварите 8 Септември и Митрополит Теодосиј Гологанов, како и новопроектираната улица С6. Предлог ДУП-от во моментов е на јавна анкета, која ќе трае до 15 декември, а на 12 декември ќе се одржи и јавна презентација во просториите на Општината, каде граѓаните кои живеат во овој плански опфат можат да доставуваат и анкетни листови секој работен ден од 7.30 до 15.30 часот.



На она што го нуди предложениот ДУП на својата фејсбук страница реагираа од граѓанската иницијатива „Борба за Влае“, кои во изминативе две години се најгласни и најупорни во борбата за хумано живеење во Општина Карпош.

Кај повеќето ДУП-ови има скриени податоци за кои треба детална анализа. Кај некои треба да се фокусираме на парцелите на кои нема ништо за да видиме колкава зграда е планирана и чиј е плацот. Најчесто тие ДУП-ови се носат баш за тие 1-2 згради кои излегуваат од параметрите од останатите објекти во населбите. Ама план како овој за „Алумина“ до сега не сме виделе. Кај другите ДУП-ови се жалевме дека планирале малку зеленило и не доволно простор за објекти од јавен интерес ( градинки, училишта.). Во ДУП за Алумина нема ни скриени податоци. Јасно е што се прави. Таму има само грст згради од 9, 11 и 14 ката. И две згради-монструми од 35 ката – коментираат од граѓанското здружение „Борба за Влае“.

Според нив, планот личи како градоначалникот да не се грижи за општината, за Тафталиџе и за целиот град, како да не се грижи ниту за својот углед.

За парцелата кај Алумина организираа партиципативни фокусни групи со невладини организации и граѓани. И на крајот што предлагаат за Алумина? Мега објекти од 35 ката. Ниту парк ниту нешто од јавен интерес. За градска четврт во која нема жители што можат да се пожалат на анкетниот лист бидејќи таму имаше фабрика, не домови, а Општината не дозволува да реагираат другите жители ниту ги зема предвид коментарите од алатката е-урбанизам, се планираат 35-катници и не се дозволува соседите да дадат мислење – велат од „Борба за Влае“.

Оттаму додаваат дека северно од тие 35- катници, преку една мала уличка, има куќи и зградички кои таму постојат со децении и немаат право да се пожалат за тоа што ќе им биде одземена сончевата светлина.

Овој предлог ДУП со 35- катници не е предлог кој би го прифатиле советниците. Овој предлог ДУП со 35катници е порака од градоначалникот за нив и за сите жители.Зградите во Алумина од 35 ката се врв на алчноста и непочитувањето кон сите жители на Карпош – сметат од граѓанската група.

https://www.slobodenpecat.mk/kaj-poraneshna-alumina-kje-se-gradi-kompleks-od-zgradi-dve-od-niv-visoki-po-35-kata/

Планот за овој потег

намена на земјиште А2 и Б4 Катност=П+34=108м







https://karpos.gov.mk/wp-content/uploads/2017/08/Sintezen-plan-Z06-blok-11.pdf?fbclid=IwAR3iwbC3cMDmcpzg-tJ3aNfyqvWou9Rf4wvY6LhjqwYiS1VeAlpCZXMo508

Почитувани, погледнете го извештајот кој содржи предлог за урбанистичко планирање на просторот на поранешната фабрика „Алумина“

https://karpos.gov.mk/wp-content/uploads/2017/08/AL11_Izvestaj-Kniga-2.pdf?fbclid=IwAR1JuEKO1fVS9gQBKAS8KakxQ8pihIXz-tIOqutP7zVq1YO2AQpif6PWF0o

https://www.facebook.com/OpstinaKarpos