Пуцко Петрол(поранешен G Mall Skopje)

WUT?

Значи уште од почетокот се спомнуваше дека ќе има трговски во склоп на кулите во Аеродром. 

Со овие 40 000 ГЛА (ако е се мисли на ГЛА) ќе биде најголемиот трговски центар во Скопје, после ГТЦ...

Е, ако не префрлете го ова, во нишката за облакодери, ако мислите дека е потребно...

ПРОСТОРОТ НА ПОРАНЕШНАТА ФАБРИKА ОСТАНА ЗАПУСТЕН

Трговскиот кај „Алумина“ не никнува

Наместо луксузен трговски центар, просторот на поранешната фабрика „Алумина“ веќе 4,5 години е пустелија. Израелската фирма „Газит глоуб“, која од Министерството за транспорт и врски го купи државното земјиште со најава дека ќе изгради досега нешто невидено, с` уште ги урива старите објекти и деловни простории од фабриката. Но, нема извадено градежна дозвола за почеток на какви било активности на трговскиот центар именуван како „Џи-мол“, изјавија од Општината Kарпош.

Според градоначалникот Стевчо Јакимовски, целата работа е усложнета и се сомнева дека воопшто ќе се изгради овој објект. Општината Kарпош е засегната, бидејќи почетокот на изградбата ќе значи и високи приходи од комуналии.

- Претставниците од израелската фирма очигледно не си ја сфатија сериозно работата бидејќи не ги поднесоа потребните документи за изградба на трговскиот центар. Тие не предложија ниту основен проект за изградбата на најавената градба. С` ми се чини ова ќе биде уште една пропадната инвестиција - скептик е градоначалникот на Kарпош.

Договор од 22 милиона евра

Израелската фирма „Газит глоуб“ го купи државното земјиште на лицитација во 2008 година и за него плати 22 милиона евра. Намерата на инвеститорите беше да изградат трговски, станбени и деловни објекти на површина од 90.000 квадратни метри. И тоа две десеткатници, како и паркинг за 2.500 возила.

Од фирмата „Газит глоуб“ не одговорија на прашањата дали и која е пречката за почнување на градежните работи за нивниот луксузно најавен проект. Воедно и дали воопшто имаат намера да го реализираат ветеното или ќе бараат пренамена на урбанистичкиот план за нешто сосема друго.

Претставникот на фирмата за Македонија, Мира Милева, изјави дека прашањата се препратени до раководството на фирмата во Израел, но дека с` уште нема повратен одговор.

- Не сум овластена да одговорам на какви било прашања. Одговорните во фирмата „Газит глоуб“ се запознаени, одговорите ги чекам. Не би можела да кажам кога ќе ги добијам - кусо одговори Милева во вчерашниот телефонски разговор.

Kако што досега неколкупати се пишуваше, почетокот на изградбата на „Џи-мол“ беше предвиден уште во 2008 година. Потоа, рокот се продолжуваше, а според последната најава, градежните работи требаше да почнат во првата половина од 2011 година со краен рок до 2013 година. Но, и тие најави пропаднаа во вода.

Kарпош се сомнева

Според проектот што го презентираа од израелската фирма, половина од просторот на трговскиот центар треба да биде наменет за издавање, а половина за паркиралишта. Во него се предвидува изградба на елитни продавници, киносали, галерии, како и станбен и деловен простор. Во подземјето на зградата е предвидено паркиралиште, а во околината сервисни улици со кои ќе се обезбеди пристап до самиот објект.

- Трговскиот центар ќе чини над 200 милиони евра. Не знам која е логиката некоја фирма од Израел да дојде и да даде над 20 милиони евра за да го купи земјиштето и истото тоа 4,5 години да остане во истата состојба - посочи градоначалникот Јакимовски.

Тој потсети дека откако Владата го продала земјиштето, општинските власти во договор со неа, усвоиле урбанистички план, и тоа по брза постапка.

- Ние ги исполнивме сите услови побарани од нас. Направивме измени и дополнувања во планот и с` беше подготвено градбата да почне, но Израелците с` уште ги нема да пројават интерес - изјави Јакимовски.

http://www.dnevnik.com.mk/?ItemID=69823404842C9D41BE20D07C37CA579A