споредено со 90% од досегашните споменици на Ск2014 и се по него, споменикот на Крсте петков Мисирков е гола вода (во однос на дискусијата за тоа колкава шега бил)

Аууууу.... не ми се верува... бистата така и така... ама постаментот!!!!! Немам зборови!!!

СЕ ПОДГОТВУВААТ НОВИ СПОМЕНИЦИ ЗА ЦЕНТАР


Шатев и Татарчев ќе ја красат Порта Македонија, Мајка Тереза плоштадот


Центарот на градот и годинава ќе го менува својот лик. Минатата година десетина споменици добија зелено светло од општина Центар и се очекува да започне нивното поставување

Неколку постаменти во центарот на градот се подготвени и чекаат да ги добијат своите паметници. Во текот на минатата година, советот на општина Центар го изгласа поставувањето на околу 10 спомен-обележја, а годинава тие ќе ја добијат својата реализација.

На постаментите кои се веќе се поставени, по еден од двете страни на Портата Македонија ќе бидат поставени спомен-обележјата на Павел Шатев и Христо Татарчев.

Општинските власти не открија кога точно ќе бидат поставени спомениците, само одговорија дека спомен-обележјата се уште се изработуваат и дека ќе се постават согласно утврдената динамика.
Уште три споменика, на Борис Сарафов, Петар Чаулев и Методија Шаторов-Шарло донација од Валентина Стевановска, Миле Брцески и Кирил Мукаетов, автори на неколку обележја, годинава ќе го добијат своето место во метрополата. Спомен-обележјето на Борис Сарафов ќе биде поставено на кејот на Вардар, кај новата зграда на МНР. Петметарскиот бронзен споменик на Петар Чаулев ќе биде коњаник и ќе се постави на крстосницата на булеварот "Гоце Делчев" и улицата "Стив Наумов". Последниот од овие три, оној на Методија Шаторов-Шарло ќе биде поставен во близина на мостот Око".

На плоштадот Македонија, на местото на кондураџијата Кенан", ќе биде поставен споменикот на најпознатата скопјанка, Мајка Тереза. Скулптурата ќе биде донација од Индија, а ќе биде висока дури 30 метри.

Последните пет споменика, за кои советот на Центар даде амин минатиот месец, ќе бидат донација од Здружението за духовно обединување на сетинци, попадинци и крушорадци од Лерин-Скопје. Тие ќе ги донираат обележјата на првиот македонски генерал Михајло Апостолски, Пере Тошев, Никола Петров-Русински, Андон Јанев-Ќосето и света Лидија Македонска.
Довршувањето на изградбата на новите два моста на Вардар, мостот "Око" и на Мостот на уметноста се очекува да биде во најскоро време. За разлико од Мостот на уметноста, работата на мостот "Око" е во застој поради проблемите и раскинувањето на договорот со изведувачот, хрватскиот Конструкторр.

Меѓу новите споменици и објекти, место во Центарот на градот ќе има и за новите стилизирани сендвичарници. Минатата недела Министерството за транспорт и врски го објави изгледот и локациите на шесте мали комерцијални објекти - сендвичарници, кои треба да бидат поставени во центарот на градот. Една од нив ќе се постави кај хотелот "Холидеј ин", втората локација ќе биде до Жена-парк кај ресторанот "Национал", третиот објект е планирано да се постави на улицата "Македонија" кај Спомен-куќата на Мајка Тереза. Останатите три сендвичарници ќе се постават една спроти Градски ѕид, другата малку подолу кај зградата на Т-мобиле на автобуската станица, а последната ќе се наоѓа кај Собранието на РМ.

Со поставувањето на новите споменици, галиите на Вардар, панорамското тркало и уште неколкуте новитети, градското јадро го очекува уште една година во која значително ќе си измени и разубави ликот на главниот град.

Фото. Н.Батев
vecer

Што се случи со скулптурата на плоштадчето кај хотел Јадран знае некој? Баш скоро поминав од таму, фино е средено, како пешачка зона и фини објекти наоколу (повеќе-помалку) ама на местото на скулптурата има елка. Мож е привремено заради празнициве или?

Во чест на сите бранители од Општина Прилеп кои несебично застанаа на браникот на слободата, Локалната самоуправа со одлука на Советот на општина Прилеп ќе постави ново футуристичко спомен обележје кое ќе го носи името „Прилепски бранители“.

На овој урбанистички потфат претходеше градежна интервенција на вкрстувањето од булеварот "Гоце Делчев" и улицата "Димо Наредникот" со изградба на кружнен тек чија цел е олеснување на сообраќајот.

Името е избрано поради значајното учество на прилепските бранители и паднатите жртви во конфликтот во 2001 година.

Споменикот ќе биде челична конструкција со височина од 15 метри. Неговата впечатливост ќе доаѓа до израз со специјално осветлување кое на временски интервали ќе ја променува бојата.

Во тек е тендерот за избор на најдобар понудувач за изработка на споменикот „Прилепски бранители“ чие отворање ќе биде на 28.01.2013 година, за што се обезбедени средства од буџетот на општина Прилеп.

Споменикот ќе  сведочи за придонесот на прилепските бранители во зачувувањето на интегритетот на земјата во настаните во 2001 година. Скулптурата ќе е и паметник за идните генерации и ќе ја доловува сликата за Европски Прилеп.

http://kurir.mk/republika/opstini/100467-Prilep-ne-gi-zaborava-branitelite

Имало и видео:

http://youtu.be/xPqvGe2e0ew

Originally posted by Makedonij чие отворање ќе биде на 28.01.2013 година,

Грешка?
Инаку оној за Карпалак ми се допаѓа повеќе.

Споменик на Кузман Јосифовски-Питу во скопската населба Козле
Во населбата Козле во општина Карпош, денеска беше поставен споменик на народниот херој Кузман Јосифовски-Питу.


Споменикот, соопшти општина Карпош, е поставен во непосредна близина на местото на неговото погубување кое се случи на 25 февруари 1944 од страна на бугарски војник. Споменикот, кој со сопствени средства го градеше општина Карпош, има висина од 3,5 метри.

Автор на споменикот, кој е излеан во бронза е академскиот скулптор Сашо Поповски. Свеченото откривање ќе биде на 25 февруари, на денот на неговото загинување.

http://www.novamakedonija.com.mk/DetalNewsInstant.asp?vestInstant=14293

ФОТО: Погледнете ги новите шест бисти кои никнаа во Градскиот Парк
Скопје | 10. март 2013 - 13:06
Градоначалникот на Град Скопје, Коце Трајановски денеска ги промовираше шесте бисти на истакнати личности од македонската историја, кои се поставени во првиот дел на Градскиот Парк.

-Станува збор за бисти на истакнати личности од македонската историја, и тоа на Орце Николов, Цветан Димов, Кочо Рачин, Коле Неделковски, Крсте Петков Мисирков и Никола Вапцаров. Бисти од овие личности постоеле и во минатото, но истите се уништени и однесени во средината на 90-тите години од минатиот век, инфомираат од Град Скопје.

- Како што ветивме пред неколку месеци, бистите на овие дејци се повторно поставени во Градскиот парк. Апелирам до жителите на Скопје да ги чуваат овие бисти бидејќи истите се значајно обележје на градот Скопје и Градскиот парк. Во насока на нивно зачувување и заштита, поголем степен на заштита ќе посветат и од јавното претпријатие "Паркови и зеленило" - кажа градоначалникот на Скопје, Коце Трајановски.

Трајко Стаматовски, претседателот на Градскиот одбор на Сојузот на борците изрази благодарност до Градот Скопје за реализацијата на овој проект, бидејќи со него се дава почит на едни од најграндиозните личности од нашата историја.

Бистите се изработени според идејните решенијата на академските скулптори Беди Ибрахим и Сокол Цфарку од Факултетот за ликовни уметности, по претходно распишан јавен конкурс.

Вредноста на идејните решенија, леењето на бистите и реконструкцијата на постаментите изнесува околу 1,3 милиони денари, средства обезбедени од Буџетот на Град Скопје.



http://press24.mk/story/makedonija/skopje/foto-poglednete-gi-novite-shest-bisti-koi-niknaa-vo-gradskiot-park