Споменици и скулптури (општо)

Оваа скулптура би требало да биде во Дојран. Да не знае некој каде поточно, дека јас никогаш ја немам видено.

ОГРАДАТА КАЈ МНР ЌЕ БИДЕ УКРАСЕНА СО ДЕВЕТ БРОНЗЕНИ ФИГУРИ


Оградата на Kејот на Вардар, на потегот од Министерството за внатрешни работи па с` до Археолошкиот музеј, ќе биде декорирана со девет нови бронзени фигури, а за нивно чување и одржување ќе се грижи Градот Скопје, се вели во Одлуката за нивно поставување, која следната недела ќе се најде пред Советот на Скопје. Четири од деветте фигури, како што е појаснето, се донација од неколку уметници, а за останатите фигури нема таква информација.

Kејот ќе добие поубав изглед

На оградата предвидено е да се постават бронзени елементи на просветителите Kирил Пејчиновиќ и Јоаким Kрчовски, учебникарот и филолог Партенија Зографски, уметникот Христофер Жефаровиќ, книжевникот Висарион Дебарски, охридскиот архиепископ Доротеј, монасите Евтихиј и Михаил, како и на светите Георги Kратовски и Прохор.

- Со нивно поставување, од едната страна, кејот ќе добие поубав изглед, а од друга ќе го надополнат културното наследство во градот Скопје со што би се добила една целина - објаснуваат надлежните градски власти.

Оттаму потенцираат дека уметниците Димитар Филиповски, Kристина Пауновска, Зоран Тошевски и Слободан Милошевски, решиле да донираат четири фигури- безусловно и без надомест. И тоа на Зографски, Пејчиновиќ, Kрчовски и Жефаровиќ.

Меѓу другото донации се и петте спомен-обележја, кои ќе се постават на разни локации во градот. Предлозите за нивно подигање беа усвоени на минатата седница на Советот на Скопје, без да бидат обелоденети локациите. Станува збор за генерал Михајло Апостолски, а и на револуционерите Андон Јанев-Ќосето, Пере Тошев, Никола Петров-Русински и Ѓорѓи Сугарев. Kако донатор се јавува „Здружението на духовно обединување на Сетинци-Попадинци и Kрушоради од Лерин во Македонија-Скопје“.

Петте споменици меѓу МОБ и Сајмиште

Споменици ќе се постават во реонот каде што се наоѓаат Универзитетската библиотека, Судската палата и Сајмиште. Четири од личностите се претставени како коњаници, само Андон Ќосето - не.

Најголема висина има обележјето на генерал Апостолски, вкупно десет метри, а останатите се по 8,5 метри. Предвидено е генералот да се издигне на кружниот тек кај хотелот „Kонтинентал“, а Русински на аголот меѓу Универзитетската библиотека и МОБ. На другиот агол од библиотеката, оној што гледа кон Судска палата ќе биде поставен споменикот на Пере Тошев. Отспротива, кај Судска палата, ќе се најде обележјето на Андон Ќосето, а на Сугарев кај Универзитетскиот факултетски комплекс.

Претседател на одборот за подигање на спомен-обележја е Бранислав Саркањац, а членови Марјан Додовски и Љупчо Трпевски.
ГРАДСКАТА КУЌА ЌЕ СЕ ВИКА „МАЈКА ТЕРЕЗА“, КАТНАТА ГАРАЖА – „ТОДОР АЛЕКСАНДРОВ“

Градоначалникот на Скопје, Kоце Трајановски, му предлага на Советот на Скопје, градската куќа, која е во изградба на кејот на Вардар под Kале, да го носи името на Мајка Тереза. Додека, пак, катната гаража, исто така во изградба кај ТЦЦ „Плаза“, да се именува по Тодор Александров.

- Градот Скопје ја изразува својата почит во одбележувањето на ликот и делото на Мајка Тереза и го потенцира значењето што таа го има на светско ниво. Со донесувањето на оваа одлука, Градот, ќе придонесе кон зачувување и негување на споменот, ликот и делото на Мајка Тереза и нераскинливата врска што ја има со градот, како најистакната личност од историјата и културата - е образложението на предлагачите за нивната намера.

Околу именувањето на катната гаража, од Градот појаснуваат дека Тодор Александров претставува личност која активно учествувала и придонела во македонската револуционерна борба за самостојност и сувереност на Македонија.

Со донесувањето на оваа одлука, од Градот сметаат ќе придонесат за зачувување на споменот и значењето на ликот на Тодор Александров.

Предлозите се очекува да се усвојат на седница, која е закажана за следната недела.
Јорданка Ивановска
http://dnevnik.mk/?ItemID=ED3AED5D3B1F7E488B6ACEE409A82E63

за тие на кејот веќе се знаеше пошто се виде дека има обезбедено место.само никој не ни кажа дека ни е скроил капата

Како сме тргнале со споменициве и скулптуриве, еден ден ќе се појави легенда како таа за кинеската палата во која се наоѓаат скулптури на војници, за кои едни велат дека се вештачки, а други велат дека се вистински војници кои биле скаменети.
 
Еден ден ќе се појават будали кои ќе велат дека сите овие споменици и скулптури во Скопје всушност биле вистински личности кои се скамениле на лице место.
 
Или ќе се тропаат глупости од типот на вулканска ерупција од вулканот Водно, кој го уништил целиот град.

Originally posted by jyvation ФОТО: Воинот на коњ меѓу најубави фонтани во светот Порталот „BoredPanda" ја објави листата со најубави фонтани во светот. Покрај фонтаните во Дубаи, Австрија, Шпанија, Јужна Каролина на листата го има и Воинот на коњ кој го краси центарот на Скопје. http://skopjeinfo.mk/gradot/1884821109/foto-boinot-na-konj-megju-najubavi-fontani-vo-svetot

Не бивајте излажани жртви на нашето т.н. новинарство. Со едно просто пребарување се дознава дека тоа е само повик кон читателите на boredpanda.com да постираат слики од ним најубавите фонтани, при што некој Мартин Петковски ја постирал нашава фонтана. Не се работи за некаков избор, ниту за селекција од страна на сајтот (кој патем, не е ништо особено битен за да се замараме за нивното мислење).

http://www.boredpanda.org/post-the-most-creative-fountains-from-around-the-world/

Споменик за киднапираните Македонци од Непроштено


Четворицата киднапирани и убиени Македонци од воениот конфликт во 2001 година од село Непроштено, добија свое спомен обележје во нивното родно село. На денешен ден пред 13 години, Стојан Михајловски беше свирепо убиен во сопствениот дом а телата на киднапираните Крсто Гоговски, Михајловски Цветко и Михајловски Васко, се уште не се пронајдени. Законот за амнестија, ги спречи надлежните институции да спроведат истрага за пронаоѓање на сите 12 киднапирани Македонци. Семејствата на киднапираните бараат повторно поведување на
истражна постапка.
Семејствата на киднапираните Македонци велат дека за разлика од кај нас, во земјите од поранешна Југославија, интензивно се работи на откривање на исчезнатите лица од војните. Спомен обележјето е единственото место, каде засега можеме да оддадеме почит на нашите најблиски, кои ги загубија животите во воениот конфликт.
На отворањето на спомен обележјето присуствуаше и потпретседателот на собранието, Антонио Милошоски кој истакна дека правдата ќе биде задоволена а злосторниците ќе се казнат
Почит на киднапирани Македонци испратија и повеке здруженија и невладини организации.

Зоран Димовски
http://telma.com.mk/vesti/spomenik-za-kidnapiranite-makedonci-od-neproshteno

(ГАЛЕРИЈА) Иницијатива за обновување на спомен обележјето од „Масакрот кај Дабница“

Центарот за стратегии и развој „Пактис“ – Прилеп, во соработка со здружението „Плоштад слобода“ – Скопје, покрена иницијатива за акцентирање на проблемот со спомен обележјето од „Масакрот кај Дабница“ и потребата од негово обновување, реставрирање и уредување.

„Масакрот кај Дабница“ е извршен на 19 септември 1942 кај прилепското село Дабница од страна на фашистичкиот-бугарски окупатор. Во масакрот настрадале 19 луѓе.
Денес, две основни училишта од вкупно шест во целиот град, носат имиња на двајцата паднати херои, Добре Јованоски и Рампо Левката, а во чест и спомен на останатите 17-мина, имињата ги носат многу улици во Општина Прилеп.
Што се однесува до спомен обележјето во Дабница, каде и се случил Масакрот, е целосно запуштено и запоставено, а во непосредна близина, просторот се користи како дива депонија. Бронзената статуа изработена во бронза од страна на првиот академски образован скулптор во Македонија, Димо Тодоровски (1910 – 1983), која долго време стоела во чест на загинатите е украдена во 2006-та година.
Иницијативата вклучува:
- Барање за обнова и реставрација на скулптурата за „масакрот кај Дабница“, од страна на надлежните и нејзино повторно поставување на празниот постамент.
- Уредување на спомен обележјето и околината.

Поддршка на иницијативата може да дадете тука.

http://libertas.mk/%D0%B3%D0%B0%D0%BB%D0%B5%D1%80%D0%B8%D1%98%D0%B0-%D0%B8%D0%BD%D0%B8%D1%86%D0%B8%D1%98%D0%B0%D1%82%D0%B8%D0%B2%D0%B0-%D0%B7%D0%B0-%D0%BE%D0%B1%D0%BD%D0%BE%D0%B2%D1%83%D0%B2%D0%B0%D1%9A%D0%B5-%D0%BD/

Edited by kultuzin - 25-Jul-2014 at 00:51

Крст на третиот милениум, Кокимбо, Чиле

Изградбата започнала 1999 година, а завршила 2001. Висок е 83 метри, а широк 40. Се смета за највисокиот споменик во Јужна Америка.

http://en.wikipedia.org/wiki/Cruz_del_Tercer_Milenio

Излегува дека џабе сме се гордееле со нашиот Милениумски крст дека е највисок во светот, а не ме чуди нашиве да ја украле идејата од Чилеанците (како што крадат идеи и од многу други земји, посебно последниве години).

Цар Душан поправен, ќе остане ли таков?

06.08.2014 | 17:20МакедонијаПрочитано: 454
Цар Душан си го доби крстот и жезлото назад, а му го поправија и носот. Преку ноќ, како што го поставија, демолираа, така и го поправија



http://24vesti.mk/car-dushan-popraven-kje-ostane-li-takov