Споменици и скулптури (општо)

15.05.2013, 17:06
Референдумот во Центар засега само политички адут



Експерти блиски до десницата му порачуваат на Жерновски дека иако законот дозволува граѓанско изјаснување, други околности ќе го спречат референдумот

ДЕСПИНА ТРАЈКОВСКА


Новиот градоначалник на Центар тешко ќе ја оствари намерата за одржување на референдум за спомениците и нивно евентуално преместување на други локации доколку тоа се покаже дека е волја на граѓаните. Иако законот овозможува таква акција рамки на една општина, сепак, околностите од терен не се на страна на Андреј Жерновски, велат луѓето со кои што разговаравме.

„Иако законот за локална самоуправа дава можност за распишување на референдум, Жерновски не ќе може да го стори тоа по прашањето за спомениците или пак генерално за ‘Скопје 2014‘ бидејќи во најголем дел тоа се проекти на Министерството за култура и Град Скопје. Во случај и спомениците да се дело на Општината, доколку тие се платени со пари од Министерството за култура, целата постапка се усложнува“, вели Тања Каракамишева Јовановска.

Таа додава дека е важна и локацијата на објектите, односно фактот што некои од нив освен што се на подрачјето на општина Центар истовремено се и на плоштадот Македонија кој е пак во надлежност на Градот. Тоа, вели Каракамишева, може да го попречи целиот процес на спроведување на референдум бидејќи градоначалникот на Центар ќе треба за него да добие согласност и од Градот каде шефува вмрвоскиот градоначалник Коце Трајановски. Кажано поедноставно, не се доволни само законските одбредби за да се распише референдумот ако истовремено не се исполнети други услови врзани за целиот случај.

Слично толкување има и професорот Владо Поповски. Тој вели дека не се сомнева во искрената намера на актуелниот прв човек на Центар, но смета дека Жерновски досега давал паушални изјави.

„Мислам дека има премногу политички набој, Жерновски се' уште плива со еден балон со хелиум. Прво треба убаво да си ги разгледа и научи надлежностите па потоа да се впушта во било какви изјави. Како и да е, тој во ниту еден случај не може да оспорува нешто што е правно основано како што е целиот проект ‘Скопје 2014‘ вклучувајќи ги и спомениците“, коментира Поповски.

Од кабинетот на Жерновски велат дека референдумот е еден од начините за новиот градоначалник да им излезе во пресрет на граѓаните кои сметаат дека некои споменици не се поставени на соодветни локации.

„За референдум се уште само се размислува. И да се случи тоа би било пред се' заради принципот за транспарентност. Жерновски никогаш досега не рекол дека ќе урива споменици. Во неговиот речник и визии не постои збор уривање. Тој е дојден да гради се' она што е од интерес на граѓаните“, велат од кабинетот на Жерновски од каде потврдуваат дека градоначалникот се' уште сериозно не ги разгледал сите можности, ниту, пак го дефинирал потенцијалното референдумско прашање.



Што вели законот?

Постапката за распишување на референдумот е појаснета во Законот за локална самоуправа, кој вели дека всушност граѓаните преку референдум можат да одлучуваат за прашањата од надлежност на општината, како и за други прашања од локално значење. Општинскиот совет е должен да распише референдум на барање од најмалку 20 отсто од избирачите на општината. Советот може да распише референдум за прашања од негова надлежност, по сопствена иницијатива. Во законот е напоменато дека одлуката донесена на референдумот е задолжителна за советот.

http://www.utrinski.com.mk/default.asp?ItemID=D4405140043CAC4FA734FCA1863DB17D

костурницата во Велес


Kosturnica, Veles by Dancho Kirov, on Flickr


Kosturnica, Veles by Dancho Kirov, on Flickr

алеја на спортисти... кој измислува вакви ствари човече?
за такви ствари си има hall of fame која може да биде сместена било каде

Ова мора да е монтажа бидејќи Христо Узунов не е од Радишани, туку е од Охрид   

Денешни фотки

За овој споменик говорев на средбата .

Инаку јас лично мислам дека каде и да се постави овој споменик во централното подрачје на Скопје симболиката секогаш ќе му одговара со околината (па скоро 70% од Скопје било уништено во земјотресот и секаде имало починати жители) но сепак би сакал да биде крај пешачка зона баш во центарот (макар и на плоштад).
Како и да е се согласувам со тебе дека подобро му беше старото место.

мене ми игледа грозно овој споменик,и ме потсетува на она што го извадивме пред 3 дена од Треска

Originally posted by daci92 За овој споменик говорев на средбата . Инаку јас лично мислам дека каде и да се постави овој споменик во централното подрачје на Скопје симболиката секогаш ќе му одговара со околината (па скоро 70% од Скопје било уништено во земјотресот и секаде имало починати жители) но сепак би сакал да биде крај пешачка зона баш во центарот (макар и на плоштад). Како и да е се согласувам со тебе дека подобро му беше старото место.

се согласувам со мислењево, ама локацијата кај библиотеката му е далеку од адекватна... може единствено да се постави во некој нов парк или плоштад посветен на земјотресот, не мора да е централна фигура, ама нека си држи симболика

Originally posted by gjoko Пред музејот на старата железничка

ако воопшто некогаш се формира тој плоштад како пешачка целина, тоа би било најсоодветно место... освен ако не стават таму некој роднина на Филип и Александар поради „симетрија“... just sayin'...

OD koga e ovoj spomenik? Mene mnogu mi se dopagja od nego zraci umetnost.