Споменици и скулптури (општо)

Многу сериозна анализа, секоја чест.

значи дури и без некоја посебна анализа, енерално опциите се тие

1. спомениците да бидат топонимски или историски поврзани со локациите
2. секој споменик би требало да се наоѓа во свој сопствен простор, како фокална точка во тој простор
3. доколку споменикот е од национално значење и не може да се поврзе диркетно со било која локација во градот, а се смета дека е од доволно големо значење, тогаш може одереден ново креиран простор да му се посвети на него, и тоа е најчесто некој парк или плато

и последната опција е онаа која ја спомнува култузин, дека ако со една шака треба да се опфати поширок спектар на луѓе или настани, тоа да се направи преку споменичен комплекс, кој може да биде во разни форми, дали ќе биде тоа парк, плоштад, меморијален објект, или нешто друго, сеедно, се додека некој се потруди да направи смисла и целина преку композиција

и уште еден битен момент кој го забораваме, е тоа од кои причини се поставува споменик... кај нас се поставија без причина, со одредени исклучоци... значи треба споменикот да е респектиран, баран и предмет на гордеење... извинете, ама мора да признаете дека за 80% од спомениците, додека не поставеа плочка на постаментот, везе немавме кои се, без разлика колкави се нашите познавања од историјата... мноу од нив се луѓе кои ги немаме ни во учебници по историја

споменикот не е естетски елемент, проста уметничка скулптура, или учење на историја... се знае што е споменик и како се поставува

Околу спомениците, сметам дека еден ден длабоко треба да се дебатира и да се преземат конкретни мерки како од симболичко така и од естетско значење. Патем според мене одредени споменици треба да не се чепакаат, одредени да се преместат, а одредени и дури да се рушат бидејќи се целосно не потребни.
Со СК14 целосно е нарушен концептот и потребата за поставување на спомен обележје на некоја личност или настан.

При евентуално поместување на споменици, секако треба да се размисли за поместување дури и низ други градови. Ченто во Прилеп, Самуил во Охрид, Беровски во Берово, Питу Гули во Крушево...
На плоштад би остана само фнтаната споменик која е невозможно да се помести/руши од многу аспекти, а лично сметам и дека нема потреба. Како и мислам дека се во ред спомениците на Гоце и Даме, со аналогија на двата споменици коњаници кои некогаш биле тука.
На плоштадот од спротива исто така е невозможно дислоцирање на Филип. Меѓутоа просфетителите можат да се префрлат. Точна локација за нивно префрлање не знам, меѓутоа сметам дека треба да Се во Скопје и да бидат од две страни на улица, мост или сл.
Во паркот жена-борец да остани само споменикот обелиск за сите бранители. За овој парк дури мислам дека е потребно преработка или дислоцирање и на некои стари споменици, бидејќи за жал ова е последниот парк во строгиот центар и тука треба да му се даде предност пред се на зеленилото.
Спомениците по улиуца Македонија кои се поскладни и не симболизираат конкретна личност воопшто не се за поместување. Патем тие се покажаа како полн погодок и од естетски и од туристички аспект, со исклучок можеби на бикот.
Лавовите на мостот Гоце делчев не мора да се дислоцираат, но дефинитивно треба да се подобри оградата, барем да се фарба НЕ златно.
Спомениците од двата пешачки моста (Око и на Уметноста) треба целосно да се дислоцираат и да се распоредат или како споменична целина во некој парк или да се расфрлаат на секаде низ државата по училишта, институции...
Поставување на споменици во кружни текови е некако ок, меѓутоа и тука не е лошо да има некоја симболика.

Споменици како на Ќосето, Тодор Александров, „Лавчето“ пред штабот на Вмро... да се рушат.

Сето ова преместување чини пари, меѓутоа секој разумен човек треба го одобри.

Edited by stratus - 16-Oct-2015 at 17:44

А ти Крале што предлог имаш?
Вака е се во ред?

Скопје не може и не смее да се нарекува метропола. Особено не денеска.

Originally posted by Џоле

Originally posted by King Првпат во мојот живот, а не сум млад, можам да си дозволам да кажам дека е метропола. Од касаба, преку соц-реалистичен град полека израсна во репрезентативен главен град на нашата Македонија.

Да не те плаќаат по пост.

Originally posted by kiriOK Originally posted by King Првпат во мојот живот, а не сум млад, можам да си дозволам да кажам дека е метропола. Од касаба, преку соц-реалистичен град полека израсна во репрезентативен главен град на нашата Македонија. Да не те плаќаат по пост.

Не, ме плаќаат од збор, затоа пишувам долги постови. Вие имате сериозен проблем бидејќи неможете да разберете дека некој реално мисли поинаку од другите, дотолку повеќе што е спремен да го брани својот став до крај. Вашиот став дека само будала и платеник може да го подржува новото Скопје, е ваша слабост. Јас ги почитувам вашите ставови и размислувања, но не се согласувам со нив, истовремено не ги омаловажувам и навредувам, дури не се трудам да ве разубедам, само си ги бранам моите гледања на нештата.
п.с. Овој долг пост значи бајаги паричка за мене.

Промените на подобро се очигледни и ретко кој може да ги оспорува, но тоа што го пишуваш погоре и што го нарекуваш Скопје метропола се смешки што можат да поминат само кај народ што не излегол од границите на (античка) Македонија.

Скопје е еден ужасно валкан град без основен архитектонски концепт, еден вид недовршен град. Нема никаква компатибилност и надоврзување на различните архитектонски стилови, и не може да се доживее како целина, како што многу европски и светски градови се доживуваат. А со проектот Скопје 2014 таа нецеловитост само дополнително се нагласува. Фактот што градот стана синоним низ светот за кич и невкус зборува доволно. Веќе никој не го користи изразот „циганска архитектура“, сите велат - еј, ова е зграда а ла Скопје 2014 - кога сакаат да укажат на нешто лошо во архитектурата. Но тоа е друга приказна.

Патем, видовме колку им значат спомениците - ги поставија, сега ги отстрануваат, за на нивно место да постават други, па утре пак ќе ги отстранат новите за на нивно место да постават нови - и така бексрајно ќе се вртиме во круг додека некои ликови ќе нè убедуваат дека тоа било планирано и дека Скопје е метропола на која сите ѝ завидуваат.