Споменици и скулптури (општо)

Originally posted by zabegan и што сега, ако сме пропуштиле нешто мора по секоја цена да го надокнадиме? само го потврдуваш тоа што го кажал fichot , а и ти самиот спомна континуитет кој кај нас не се запазува баш со вакви плановии далеку од тоа дека ова е оддавање почит на национални херои, баш го прават спротивното, а тоа е срамотење и омаловажување на истите личности

Срамотење и омаловажување ? Ако оваа моментална влада ги посрамоти и омаловажи историските херои на Македонија, тогаш што ли правеа тие пред неа... [немам намера со ова да ја носам расправијава кон политичка насока само чуден ми е коментарот над мене.]

И што ако се поставени личности од различен период во непосредна близина еден до друг?
Иако во различни периоди од историјата секој од нив имал иста цел, тежнееле кон иста цел и ги водела иста идеја, која се надевам дека на сите на формуов ни е добро позната !

Edited by HugoGoulding - 30-Mar-2011 at 21:10

да бе, последен пат јас кога пишував вака за слободата на Македонија, настана огромна дебата за тоа како јас сум ја навредил македонската нација...
и тоа што ти го спомнуваш е чисто лечење на комплекси konstrukt, тоа што Македонија до вчера била под ропство, не значи дека сегас треба да налупаме споменици кај ќе ни текне, особено споменици кои немаат врска еден со друг и нафрлани се на рандом позиции во радиус од километар квадратен! тоа ли е оддавање почит на сопствената историја? ако е, тогаш целосна поддршка имаат од мене споменициве
и тоа што во Чешка начукале 100 споменици на една зграда, и сега и ние ќе начукаме да не останеме покуси, со друг збор се нарекува комплекс, и истиот се лечи со споменициве
ете затоа конкретно овие споменици се срамотење на историски личности, поради тоа што некој мисли дека повеќе почитува некого, ако му направи повеќе споменици!

Според мене, главната цел на Скопје2014 е воспоставување на Скопје како главен град на една држава/нација. Таквата целина се доловува со поставување на споменици и скулпури на разни видни личности од различни периоди/реони на Македонија кои придонеле да сме денес каде што сме.
Концептот можеби е „застарен“ но сепак и Македонија треба да го помине тоа за да добие правец и сите граѓани на Македонија (и странци) да знаат дека Скопје е главниот град. И не е само знаење од типот научи лекција и готово Скопје е главен град, туку Македонците на емотивно ниво да се поврзуваат со главниот град на нивната држава. ДА, "zabegan" и ние треба да го надополниме изгубеното во визуелното претставување на нашата историја, исто како што нашата книжевност тоа го направи во изминатите 65 години.

Кога доаѓав јас од Гевгелија во Скопје и стоев на плоштад, мене само Камени Мост, Калето и Ристиќеавата ми беа познати. Од кои сите можеби имаат поврзаност со колективната Македонска историја, но сепак се тесно поврзани со Скопје. Значи одењето во Скопје на мене ми беше еднакво со одењето во Битола. Македонско е, поврзан сум со него, но сепак прикажува само дел од својата локална историја.
Денес со спомениците Скопје доловува други емоции. Едноставно просторот доби значење не само како плоштад на Скопје, туку и плоштад на Македонија. Кога бев пред некој месец во Скопје, не беше веќе сеедно, го чуствував како да си седам на некоја клупа во центарот на Гевгелија, го чуствував како свое.

Да некој ќе каже емотивен пост, без многу логично размислување, но вистината е таква. Јас знам дека на Македонија и требат милион работи, но еднакво на тие милион работи (како ифраструктура), според мене, и ова недостасуваше на Македонија.

Сепак луѓе сме и имаме многу потреби, многу често нерационални. Сепак емотивно не е секогаш ирационално а токму ова емотивно претставување на историјата за да се воспостави Скопје како ВИСТИНСКИ главен град на Македонија, беше повеќе од потребно.

Ги има тие што се за, ги има тие што се против, ги има тие што мислат парите требале да одат на друго место, ги има тие што го тврдат спротивното. Според мене и тоа каде сме во моментот, најлогично би било да размислуваме на тоа што по Спомениците? Спомениците ги оправдувам (признавам има и некои нејаснотии: цена, оксидирање, напукнување), но сепак тоа не значи дека се друго во државата престанува за само тие да се изградат. Има и други паралелни проекти кои се одвиваат, а според некои постирања овде на форумот како тоа да не се гледа.

Се повикува нон-стоп на реално размислување, но не сакаме овде реално да размислуваме дека спомениците сами по себе си носат одредени бенифиции. Од која причина тоа не сака да се согледа, незнам. Реалното размислување во овој случај е да се прифати поради која причина се градат спомениците, а не каде требало да одат парите. Реално е да се прифати дека одредени историски, политички и економски причини се позадина на тие споменици, а не дека не била исплатлива нивната изведба.

Делумно се согласувам со вас, Скопје е главен град, и треба да биде препознатлив по нешто, да има чувство на главен град. Но, треба(ше) првин да го направиме да заличи на град. Кој е првиот впечаток кој го добивате кога влегувате во Скопје? Крпеници по автопат, неплански куќички и колиби покрај автопат, диви депонии поставени иронично покрај оние знаци за забрането фрлање шут и отпад. Почнуваш да влегуваш во градот, автомобилот ти останува без амортизација, од веќе познати причини. Решиш да пешачиш, кај ќе пешачиш? Тротоарите имаат огромни кратери, посебно се привлечни после некој дожд. Е, си стигнал до спомениците и прекрасните згради во центарот, пред обраснатиот кеј и матниот вардар, поминуваш на Камениот мост, за да стигнеш до музеите, и те пречекуваат улични продавачи на се - од козметички препарати до чорапи 5 за 100. Која слика ја добиваш за градот?
Дефинитивно ни се измешани приоритетите.

Edited by Sykes - 31-Mar-2011 at 14:05

Originally posted by Sykes Делумно се согласувам со вас, Скопје е главен град, и треба да биде препознатлив по нешто, да има чувство на главен град. Но, треба(ше) првин да го направиме да заличи на град. Кој е првиот впечаток кој го добивате кога влегувате во Скопје? Крпеници по автопат, неплански куќички и колиби покрај автопат, диви депонии поставени иронично покрај оние знаци за забрането фрлање шут и отпад. Почнуваш да влегуваш во градот, автомобилот ти останува без амортизација, од веќе познати причини. Решиш да пешачиш, кај ќе пешачиш? Тротоарите имаат огромни кратери, посебно се привлечни после некој дожд. Е, си стигнал до спомениците и прекрасните згради во центарот, пред обраснатиот кеј и матниот вардар, поминуваш на Камениот мост, за да стигнеш до музеите, и те пречекуваат улични продавачи на се - од козметички препарати до чорапи 5 за 100. Која слика ја добиваш за градот? Дефинитивно ни се измешани приоритетите.

Првиот болд:
Па нешто треба и за општините да остане. Има некои делови за кои треба државата да се погрижи (теза:главен град) но сепак некои работи самите општини треба да ги сработат. Неможе за секоја канта ѓубре да се грижи државата. Тука ја наоѓам владата само крива од гледна точка што не ги притиска општините во Скопје да превземат нешто во врска со севкупниот изглед на градот.

Вториот болд:
За приоритети, мислам дека сите се согласуваме.

Originally posted by N23 Е јас ќе ти кажам дека апла противењето не ми е од политичка причина. Не може прво да го поддржувам проектот, после не, ако иам политички бекграунд. Се возиш ли ти по македонските автопати? Кога задњи пут си бил до Охрид? Кога задњи пут си се возел со воз? Па немој да ми кажеш дека приоритет е Јустинијан, отколку целосно реновирање на патот кај Стража. Дека побитна е новата зграда на АЕК (до вчера не ни знаев дека постои таква државна институција) отколку средување на патот Ск-Ве со што драстично би се намалиле штетите на колите. Па реално гледајте луѓе. Што ако се разбудиме конечно со национална свест дека иаме споменици, кога утре ако идам за Гевгелија ќе треба бандажи на кола да мењам. Немојте со националните тези да се вадиме. Јасно е дека очигледно морате да го браните проектот, мене ми се допаѓаше додека изгледаше разумен. Сега бега од разумот. Скопје ќе добие сообраќајница со една лента затоа што Александар морал да биде токлу метри висок. Можеа по метро сите да ги скратат и со тие пари што ќе останеа и друго да се гради.

Дека морам да го бранам проектот - немора. Но го бранам дека ми се допаѓа. Ако сакаш да имплицираш некои други работи, тогаш само ќе ти кажам дека грешиш.

За патиштата знаеме сите, за возовите знам многу добро, но ти покрај „реалноста“ на твојот пост неможеш да ги согледаш реалните (ќе повторам пак) политички, историски и економски околности.

Инаку еве, кога ќе имаш време, земи израчунај колку ќе се зачуваа пари ако се „скратеа по 1 метар“ спомениците и кажи точно во кој пат, воз би ги инвестиарл ти. Не за друго така информативно и се разбира доброволно.

Ок, секој со дијаметрално спротивни размислувања. Само ме загрижуваат единствено размислувањата дека сме сиромашна земја, неаме пари за големи проекти, а имаме 400 милиони евра за овој проект. Сомнително во секој случај. Не би сакал повеќе да навлегувам во тематиката на споменициве.

Каде бе, рано е. Хотел, Офицерски и хотел, хотел кај мнр, објке тсо 13 институции меќу кои и драмски театар кај Пресвета Богородица, црквата и камбаната, водовод, хотел кај водовод, хотел малку подоле, царина, катна гаража односно повеќе ги има скоро десетина. Рано е до завршување.

сеуште не ми е јасно зошто има луѓе кои веруваат дека спомениците се најбитен приоритетен елемент на секој град и мора да има најмалце 1000 во километар квадратен...
и не ми е јасно како за вакви мегаломаски проекти сме богата држава, а кога се работи за други проекти општо земено, на прво место го ставаме штедењето
и поектот пази е просперитетен ако на него работеле повеќе ѕидари и други градежни работници

форумов е за градежништво и можеби од аспект на архитекти сте во право за споемниците,(иако и тоа е вкус) нели и јас кажав дека не ми се допагаат милион мали работи за нив но генерално ги подржувам - зошто

да не објаснувам ке покажам со реврс пример - кој со колкави средства и колкава енергија е против нивната изградба!!! ви текнува? 4 држави се имаат мобилизирано од кој најгласна е онаа на Југот - значи не станува збор за политика колку за национален интерес во даден момент.

да не се објаснуваме дека требаат - верувај нас во овие моменти највеке ни требаат. губиме фокус во дискусија - за цена, проценти, изведба насока, луксузирање може да разговараме

што сакам да кажам - примерот со Судот, од цел проект најнесоодветниот пример за барок шлапнат во релативно модерна средина така??? зошто за него не се дискутира?


конкретно на темата околу расфрланоста

ДАЛИ НЕКОЈ МОЖЕ ДА ГИ ВИДИ СИТЕ ТИЕ СПОМЕНИЦИ ВО ЕДЕН ПОГЛЕД? дали навистина се расфрлани?








еве пример, дали од една позиција ги гледаме другите споменици? дали визуелизацијата/птичјата перспектива допринесе за расштрканоста?

Edited by Konstrukt - 01-Apr-2011 at 12:59

конструкт, да не попувам, ама прво нешто што не треба да се дискутира на форумов е политика и национални интереси, и далеку од тоа дека со споменици треба да се тера политика и економија и национални интереси, тоа е чисто детско размислување, па дури и кажано од аматер, звучи неозбилно
и за судот и општо објектите од овој план на велико се дискутира, најмногу за нив, а од друга страна пак, административен објект и споменик се сосема различни работи и тешко е да се споредат и да се стават во иста дискусија

за раштрканоста, мислам дека си употребил погрешен збор, не е дека спомениците се раштркани, туку дека личи како да некој на слепо да ги има нафрлано секаде, без воопшто да размислува на тоа како доликува да се направи нечиј споменик
зошто на пример, на толку мало растојание, се ставени споменици на личности ко немаат врска еден со друг, немаат врска со локациите каде што се поставени и немаат  свој сопствен простор, или накратко кажано, споменици на национални личности и херои, се сведени на ниво на обични уметнички урбани скулптури
ако сакаа да ја постават цела македонска историја на еден простор, поарно да направеа еден ваков all in one комплекс


и не се работи само за аголот од кој ги гледаш спомениците (како демек од еден агол се гледаат само, ама ај), начинот на нивното поставување не се гледа само во нивната естетика или тоа како луѓето ќе ги гледаат, туку за ред други параметри кои се пазат при правење на споменици, прв пример што ми текнува е што имаме споменици спикани меѓу кафулиња, во ќоше, на страна, во неурбанизиран простор, до газот на друг споменик и каде се не

сепак, можеби не сум доволно интелегентен, ама никогаш не успеав да разберам зошто спомениците ни беа во моментов толкју мнооооогу потребни (само да не прочитам како досега тешко сме пателе од негостиг на споменици и како со нив се тера политика и национални нагони)




Edited by zabegan - 02-Apr-2011 at 01:25