Скопско Кале

Музеите (двата, без црквата)









фото: миа.мк

Originally posted by zabegan ^ за првата гравура се верува дека е од северната страна на калето и дека реката на сликата е Серава по стариот тек... се веругва дека практично вака изгледал градот пред да го запали Пиколомини

Сосема се согласувам со ова. Стариот тек на Серава, ако не се лажам, е улицата која врви пред Сули-ан.

Инаку за втората „гравура“ мислам дека е современа реконструкција, не постара од 50-60 години. Субјективна е и големината на долниот град на истата(делот кој излегува на директно на реката). Највероватно авторот бил доста убеден во значењето на долниот град, иако се знае дека најразвиениот трговски дел на градот бил токму истиот како и денес - чаршијата. Во прилог на ова одат и остатоците од црквата св. Ѓорѓи (Султан-муратова џамија) (позната средновековна практика е формирањето на градски и трговски центри околу манастирските панаѓуришта кои од периодични настани прераснувале во перманентни населби(пр. Прилеп))

^
за првата гравура се верува дека е од северната страна на калето и дека реката на сликата е Серава по стариот тек... се веругва дека практично вака изгледал градот пред да го запали Пиколомини
втората гравура е многу поверојатна затоа што соодветствува на денешниот лик на калето, гледано од јужната страна
реконструкцијата не се правеше според гравурите, туку според основите на кулите видливи во тогаш изрушениот ѕид, се согласувам дека реконструкцијата е паушална, ама па да се правеше според гравурите ќе беше уште полошо
се согласувам и дека портата е лошо изведена и се сомневам дека соодветствува на оригиналот

калето сеуште не е довршено, им остана да реконструираат уште две кули од горниот ѕид (18 и 15), а колку што знам, ако не е сопрено нешто, моментално се врши шрезервација и реконструкција на некои делови од Киклопскиот ѕид

инаку, ова скицава горе ти е малку погрешна, Киклопски ѕид не е дел од горната ѕидина, туку уште една ѕидина во внатрешноста, која би требало отприлика да се движи по линијата на патеките од паркчето... овој дел колку што знам најинтензивно се копа и истражува, заедно со делот измеѓу двете ѕидини

засега, би требало да се задржат најмногу на ископувањето и детерминирањето на линиите на се што постоело како градба горе... после тоа, би било кул да ја реконструираат шестоаголната кула бр.18, култата 20 (за која имаме основа) и ѕидовите кои се наоѓаат во долниот дел од ридчето од кои има слики поназад во оваа тема, или во темата за објектот на Водовод
токму затоа тој дел не требаше да се чепка и да се градат објекти врз него, туку да се креира едно убаво паркче/пешачки простор, кое со реконструираните парчиња од тврдината, би се надоврзало на влезот каде што е новата реконструирана порта

Edited by zabegan - 17-Jan-2016 at 00:03

Многу мал делува за Камен мост. Јас сепак сметам дека оваа река врвела зад Кале, од страната на Чаир, а подоцна била пренасочена што логично и мостот денес не постои.
На сликата е обележано што предлагам



Портата 7 денес не е реконструирана.

Edited by stratus - 16-Jan-2016 at 16:15

План на калето, втора половина на 19 век

Јас мислам дека тоа нема врска со никаков господ, туку со катастрофалните културни политики што се водат од осамостојувањето до денес. Не постои долгорочна визија, план за културен развој, постојат само плитки и ситни партиски/локални интереси, желба за брза заработка, уметници без свое јас, итн. итн. Во меѓувреме, голем дел од културното наследство пропаѓа, се изнесува надвор од државата, а понекогаш намерно и свесно се уништува.

Скопското кале полека умира со недоизградените музеи

Државната власт ги заборави најавените три музеи на Скопското кале. Веќе една година не се изведуваат работи за довршување на Музеите на праисторискиот, средновековниот и отоманскиот период. Ситуацијата на терен покажува дека изграденоста на објектите е идентична како пред една година. Во градежниот дел, целосно завршени се Музеите на праисторискиот и отоманскиот период, но артефакти во овие објекти во моментов нема. Истовремено, најавениот Музеј на средновековниот период е оставен на ниво на карабина, додека целиот околен простор е ограден и недостапен за посетителите на калето.









Изградбата на трите музеи на Скопското кале го чинеше државниот буџет над 1,1 милиони евра. Сите активности за пуштање во употреба на објектите требаше да завршат до крајот на минатата година, но дадениот рок не е испочитуван. И додека на неодредено време продолжува изведбата на градежните работи, голем дел од просторот на калето е заграден, некогашниот ресторан е затворен, а сите клупи и корпи за отпадоци се отстранети. Отсуствуваат и содржини (информативни табли и сл.) што можат да им ја објаснат на посетителите важноста на овој локалитет.

На Скопското кале ја нема ниту отворената сцена, на која граѓаните во текот на летните месеци уживаа во театарски претстави и концерти поблиску до ѕвездите. На локалитетот не се поставени патокази, па така туристите мака мачат да стигнат до некоја од кулите, од каде може да се фрли панорамски поглед на главниот град. На просторот не можат да се купат сувенири, а посетителите не можат да се снадбат ниту со вода и останати пијалоци.

Наспроти ваквата очајна состојба во која се наоѓа градската тврдина, Управата за заштита на културното наследство ветуваше дека ова парче од стариот дел на Скопје ќе прерасне во примамливо место за граѓаните. Вредните артефакти од археолошките истражувања на локалитетот беше замислено да се сместат во трите музеи, кои требаше да им понудат на посетителите продавници за сувенири и едукативен простор. Институциите ветуваа ново хортикултурно уредување на просторот и урбана опрема, но од сето тоа засега нема никаква реализација на терен.

Текст, фото: Бојан Блажевски
bojan.blazevski@build.mk

http://www.build.mk/?p=46097

https://www.elance.com/samples/ministry-of-justice/119925386/

Од тука е сликата

Originally posted by my Macedonia Нов хотел или ресторант лоциран во кале.

Од каде е сликата? Ако знаеш нешто повеќе, сподели со нас...