Originally posted by Sale SK Дали некој знае колку чини изградбата на тој музеј на Кале?

Мислам дека 1 и пол милиони евра.

Калето е затворено од безбедносни причини

Калето веќе три недели е затворено за посетителите и пошироката јавност поради безбедносни причини.



http://www.makfax.com.mk/#2%2F248213%2Fjankuloska_kaleto_e_zatvoreno_od_bezbednosni_prichini

15.02.2011. - Реакција на Македонското археолошко научно друштво по повод последните случувања на Скопското Кале

По повод последните случувања на скопската тврдина Здружението на археолозите на Македонија (Македонско археолошко научно друштво - МАНД) е испровоцирано најостро да реагира на низа дејствија и активности, за кои сметаме дека сериозно и штетат не само на сликата за Македонија како цивилизирана европска средина, но и на тешко стекнатиот углед на археологијата во Македонија, како една од ретките дејности чии резултати се почитувани во европски и светски рамки.

Скопското Кале е еден од водечките археолошки локалитети во Македонија. По обемните истражувања во последните 4 години тој веќе е нашироко афирмиран како незаобиколив пункт во познавањето на балканската праисторија, средновековие и отомански период. Повеќеслојноста на локалитетот, модерниот методолошки пристап во истражувањата, како и севкупните откриени културно-историски вредности, го прават вистинска гордост на македонската археологија, која очекуваме во целост да се експонира по конзервацијата на откриените движни и недвижни објекти и нивната трајна презентација во рамки на финалното уредување на внатрешниот простор на Калето.
Во секој случај, Скопската Тврдина претставува споменик на култура од прва категорија, со што подлежи на строгите меѓународни критериуми за негова заштита и презентација. Во таа смисла, единствено археолозите - истражувачи, на основа неговите карактеристики, потенцијали и откриени културни вредности можат да сугерираат решенија за негово идно уредување и да предлагаат солуции за откриените градби, кои утре ќе бидат јавно презентирани и ставени во идна туристичка, културна и научна експлоатација.

Силно реагираме на можноста секоја една група граѓани, било да се тоа од типот на “Разбуди се”, политичка или етничка група, да решава за судбината и иднината на еден ваков споменички пункт. Без да се познаваат и почитуваат вредностите на споменикот како и меѓународните принципи за негова заштита и презентација и да се изнесуваат неосновани желби потикнати единствено од политички потреби, ја доближуваат нашата земја до некои од азијатските земји, а нашата археологија ја претвараат во слугинка на политиката. 

Идејата за реконструкција на црквата од 13 век, откриена 2007-та година  во југоисточниот агол на тврдината и нејзината намена за изложбен простор, нашето здружение во целост ја подржува и ја смета за оптимално решение. Тоа е без сомнение најдобрата солуција, не само за заштита на оргиналните остатоци на самиот објект, туку и за остварување на потребата за експонирање на откриените наоди и документација, на самата Скопска Тврдина. Уште повеќе, очекуваме и ги охрабруваме надлежните, тој простор да биде наменет за постојана музејска експозиција само на наодите поврзани со Средновековно Кале, така што за останатите два големи периоди на употреба на Калето (Праисториско и Отоманско Кале) да се изнајдат исти такви соодветни објекти, кои по конзервацијата и реконструкцијата би се намениле за изложбени простори за артефактите од праисториските култури и од отоманската култура. Сето тоа, потенцијалите на Скопската Тврдина го овозможуваат, но и го налагаат како неопходност.  

Од 
Членството на Македонско ахеолошко научно друштво

http://www.mand.org.mk

Eve i od mene nekolku sliki od kale



Ova mi e favorit

Актуелизирајте ја борната дилема со ваши написи по разни форуми - за да го заштитиме можното уништување на археолошки локалитет долен град ...

ПАСКО КУЗМАН, ДИРЕКТОР НА УПРАВАТА ЗА ЗАШТИТА НА КУЛТУРНОТО НАСЛЕДСТВО, НА РАБОТНА РЕХАБИЛИТАЦИЈА ВО ОХРИД

Место црква, три музеи на Скопското кале

Едниот објект е посветен на праисторискиот период, што Албанците си го нарекуваат дека е период од Дарданците

Паско Кузман, директорот на Управата за заштита на културното наследство, по оперативниот зафат кој го имаше неодамна, закрепнува во Охрид, но со неговиот темперамент се одмора работно. Со жар зборува за проектите во археологијата кои се во тек, и за она што следува. Ни најави оти на Скопското кале есенва ќе се градат три музеи.
"Во музејските објекти ќе бидат презентирани движните предмети откриени на Тврдината. Едниот објект е посветен на праисторискиот период, што Албанците си го нарекуваат дека е период од Дарданците.
Вториот ќе биде посветен на средновековниот период - византискиот или, како што си го викаат Македонците, периодот на христијанството, и третиот објект ќе биде за наоди од отоманскиот период, како што тие векови ги нарекуваат Албанците и Турците. Во него ќе има и реконструиран отомански објект", ни изјави Кузман, додавајќи оти овој проект ќе биде негова преокупација оваа и следната година.
Главните археолошки ископувања на Калето ги завршиле уште пред изборите, а во тек се конзервацијата, реставрацијата и реконструкцијата и, како што рече директорот, уште поважно, ревитализацијата, оживувањето на Скопската тврдина.
Во февруари минатата година се случи крвава тепачка меѓу Македонци и Албанци на Калето, кога се обелодени дека на местото на стара црква, која датира од 12 век, а била обновувана во 13 и во 14 век, ќе се гради црква - музеј, како што тогаш ја нарекоа од Управата. По неколкудневна тензична атмосфера, млади од две групи, едните од невладината "Разбуди се", што беа против градење на црквата, и другите, организирани на "Фејсбук" за одбрана на црквата, се судрија на Калето. По интервенција на полицијата, насилството заврши со неколку повредени, беше осудено од властите, и беше запрена изградбата на црквата - музеј.

Закрепнувам на охридскиот Монмартр

Паско Кузман го затековме со колеги археолози од Бугарија и од САД во родниот Охрид, во близина на црквата "Св.Софија" каде што закрепнува по операцијата од минатиот месец.
"Одлично се чувствувам, закрепнувам, одморам, што може друго во Охрид да се прави. Овде е охридскиот Монмартр, овде е најубавото место на Монмартр 'Света Софија', ресторанот, тука си е нашата виа сакра, поубаво место, здравје", ведро ни раскажа археологот.
Како што објавивме на почетокот на јуни, поради проблеми со циркулацијата на крвта, снабдувањето со крв до мозокот било нарушено, имало и затнување на главната артерија, поради што на Кузман му беше вграден стент.

Ѓомлезе и питулици во Заливот на коските

Еден од омилените проекти на Паско Кузман е Заливот на коските, за кој вели оти е целосно завршен проект, но најавува дека во иднина планираат да отворат национален ресторан. Ресторанот, додава Кузман, ќе биде целосно вклопен во просторот каде што туристите ќе можат да јадат повеќе домашни јадења, како ѓомлезе, питулици, гравче.
"Таму има голема посета и интерес, повеќе од странски туристи, оти нашите не разбираат што е тоа, велат селски куќи, тоа го велат оние луѓе што не се доволно едуцирани и образовани. Но интелектуалците од светот запишуваат и се воодушевуваат", истакнува директорот.

http://www.vest.com.mk/?ItemID=45FC23DCFEDC544DA7AF84F0AD65E0DC

Епа зашто ако Калемегдан има историски градби, цркви и сл, зошто да нема и Скопје. Тоа е таа логика, најголем дел од новите идеи во Скопје се за жал копирани од други градови.

Originally posted by zabegan тоа е жалосно на некој начин, што упорно се обидуваме да кошпираме некој друг...објектите на калемегдан си постојат уште од одамна, никој не ги изгради со цел да бидат музеи, тоа е исто како земјотресот воопшто да не постоел кај нас, и музеите денес на калето да се наоѓаа во стариот објект на калето кој го има по слики и дел од другите објекти кои биле таму, како турската касарна на примерсепак, внатрешност на калето е археолошки локалитет, не се работи за некој празен бришан простор и треба да си остане така и да не се нарушува, исто онака како што си постои локалитет на Самуиловата тврдина и Плаошник

И пак ќе се вратиме на поентата дека денешните креатори на Скопје сметаат дека Скопје нема ништо (што донекаде е сосема мала вистина), дека соседите имаат све, па ајде и ние да изградиме. Природно е на Кале да има еден објект, кој ќе биде како информатор за туристите, ќе се продаваат сувенири и сл и една кафуле, како што е во заливот на коските. Самото Кале е веќе музеј на отворено.
Но, кога некој ќе зацрта нешто, обично наоѓа начини тоа да го оствари, па макар и за тоа загубил политички поени на друго поле. Забеган не заборавај дека зголемувањето на туристичките групи низ Скопје, подоцнежната поголема посетеност на Калето, спомениците и сл ќе си ги припишат за заслуга тие што ова го замислиле и сето тоа склопено би дошло како една фина целина за која идните поколенија не би расправале многу. Копираме, тоа е лошо, но ајде барем да добие Скопје некој финансиски бенефит од сето ова на долгорочно ниво.

Ke ima tri mali objekti kade sto ke bidat smesteni najdenite artefakti od razlicni vremenski periodi. Tie objekti ke bidat od edukativen karakter i mislam deka navistina e potrebno posetitelite osven arheoloski urnatini malku i da se informirat za toa sto go gledat.

A od kade znaes deka tamu kade sto ke se gradi deka ne e ispitano?
Pasko na primer go veli ova:

"Главните археолошки ископувања на Калето ги завршиле уште пред изборите, а во тек се конзервацијата, реставрацијата и реконструкцијата и, како што рече директорот, уште поважно, ревитализацијата, оживувањето на Скопската тврдина."