Пешачки зони и помали плоштади (општо)

пред сите згради во Кичево се ставаат коцки на терет на градот,имам некои слики ама сакам да ги докомплетирам заедно со новоасфалтираните улици,па ќе ги ставам

Нешто ново во кисела вода, нов парк кај зградите во близина на општината или кај пругата.

Игралишта за фудбал, или игралишта со нишалкии со детскии чуда?

Па добро, на првата слика се гледа дека има простор и да се постават и тие игралиштаа, само да ги очистат тие грмушки што се до пругата.

СЕ ГРАДИ НОВА УЛИЦА ВО ОKОЛИНАТА НА ПЛОШТАДОТ МАKЕДОНИЈА

„Максим Горки“ ќе излегува на Kеј

Градежните активности на улицата ќе завршат до јуни годинава, по што ќе се засадат и јапонски цреши

До јуни годинава, една од најстарите улици во центарот и во Скопје, Максим Горки, ќе добие свое продолжение до Kејот на Вардар, најавуваат општинските власти. Kракот во моментов е во изградба и неговата должина ќе изнесува 253 метри. Новопроектираната улица ќе почнува кај Еуростандард банка, која се наоѓа на истоимената улица, а ќе завршува кај новата катна гаража на МЕПСО.

Се работи за крак чија изградба се најавуваше уште пред десетина години. Почетокот на примарната сообраќајница Максим Горки е кај „Kингбургер“ и продолжува с` до плоштадот Македонија, но преку Градски ѕид, каде што се сече со улицата Даме Груев.

- Планирано е дел од улицата да биде за возила, а дел да биде пешачка. Нејзината изградба чини околу 7,5 милиони денари - објасни Јовица Ацковски, портпарол во Општина Центар.

По завршувањето на градежните работи на улицата ќе биде формиран дрворед од јапонски цреши, рече тој, не откривајќи за колку садници ќе стане збор, како и колку ќе чини нивната набавка. Дрворедот според објавениот оглас ќе биде од дрвја со цветни крошни од видот „лагерстроеми аиндициа“.

- По завршување на јавната набавка јавноста ќе биде информирана за сите детали - одговори Ацковски.

Градежните работи на овој крак од „Максим Горки“ се почнати кон крајот на минатата година. Според информациите од Центар, освен проектирање и изградба на улицата, предвидено е и поставување и на комплетна инфраструктура, односно нова водоводна, фекална и атмосферска мрежа, како и поплочување на пешачките патеки со павер-елементи. (А.П.)

http://dnevnik.com.mk/?ItemID=26A9B49FFE917249B6DA63D70DA7FE95

da,bas i jas toa sakav da prasam

ohh! vaka li xD,da bravo,mn mi se sviga sto ke posaduvaat i japonski cresi od stranite toa ke bide mn ubavo

ПРОМОЦИЈА НА НОВА РОЛЕРСКА ПАТЕКА
Градот Скопје Ве поканува на промоцијата на новата ролерско-велосипедска патека на левата страна од кејот на Вардар, којашто е закажана за утре /13.03.2012 година, вторник/ во 13:30 часот, во близина на мостот „Гоце Делчев“. На промоцијата на новата патека ќе присуствува градоначалникот на Град Скопје, Коце Трајановски.

Пешачка патека околу Дојранското Езеро
Недела, 18 Март 2012 16:24
Сподели

Споделете ја веста со Вашите пријатели
Пешачка патека во должина од 2.650 метри и во вредност од 54,3 милиони денари денес во Дојран пушти во употреба премиерот Груевски.

Предизвикот за развој и афирмација на Дојран како туристичка дестинација, истакна премиерот во своето обраќање, стои пред сите нас. За таа цел, рече тој, треба да приодонесат сите, како Владата така и општината, градоначалникот, бизнис секторот, како и жителите на Дојран.

Владата во изминатите неколку години заедно со градоначалникот Чабулев реализираше повеќе проекти меѓу кои и изградбата на оваа патека.

- Издвоивме околу 53 милиони денари, затоа што знаевме дека овој проект ќе биде доста значаен за Дојран. Како резултат на таа инвестиција пред нас се протега пешачка патека во должина од околу три километри и ширина од 6,5 метри, изјави премиерот.

Паралелно со пешачката патека изградена е и велосипедска патека, а по целата должина на патеката има жардињери, поставени се канделабри и друг вид урбана опрема. Патеката го поврзува центарот на Дојран, населбата Сретеново, кампот „Партизан“, населбата „Стара Мрдаја“, полицискиот камп, одмаралиштето „Пелагонија“ се до границата со нашиот јужен сосед.

Искористеноста на патеката според премиерот, ќе биде од особено значење како за плажите и камповите кои ги поврзува, така и за рестораните, сместувачките капацитети и останати бизниси во нејзина близина.

Премиерот најави дека во еден од најновите проекти на Владата од областа на туризмот чија реализација ќе биде преку Министерството за транспорт и врски е планирана изградба на мали пристаништа на Охридското, Преспанското, Дојранското и на Мавровското Езеро.

- Целта на овој проект е дополнителна промоција на атрактивните тутристички места во земјата и подобрување на условите во внатрешната пловидба на езерата. Овој проект ќе донесе дополнителна атрактивност и во Дојран, рече премиерот.

Министерот за транспорт и врски Миле Јанакиески најави дека овој месец ќе има објава за 12 нови плажи на Дојранското Езеро. Меѓу другото, тој посочи дека пешачки патеки од овој вид ќе бидат направени и околу Беровското и Велешкото Езеро.

Премиерот Никола Груевски истакна дека објавувањето на оглас за концесионирање на стопански риболов на Дојранското Езеро за домашни и странски компании ќе придонесе за развој на овој значаен сегмент.

- Се надевам дека постапката за месец - два ќе заврши, рече премиерот.

Огласот за концесионирање на Дојранското Езеро е објавен на 14 март

http://kurir.mk/republika/opstini/64692-Pesacka-pateka-okolu-Dojranskoto-Ezero

Уште еден подарок од Владата за Градот Скопје

О Д Л У К А
за давање согласност за партерно уредување на кеј „Димитар Влахов“ и реконструкција на ѕидот на мајор корито на лева страна на река Вардар на
потегот од мостот „Гоце Делчев“ до мостот на улица “Стив Наумов“

Со оваа одлука Град Скопје дава согласност на Инвеститорот, Служба за општи и заеднички работи на Владата на Република Македонија, согласно Детален урбанистички план, донесен од Општина Центар-Скопје, да изврши партерно уредување на кеј „Димитар Влахов“ и реконструкција на ѕидот на мајор корито на лева страна на река Вардар на потегот од мостот „Гоце Делчев“ до мостот на улица „Стив Наумов“.

Инвеститорот од член 1 на оваа одлука е должен партерното уредување и реконструкцијата на кејот да го изврши на своја сметка, а во име на Град Скопје и по изведбата истиот го предаде на Град Скопје.

http://ipserver.skopje.gov.mk/e-skopje/sluzben%20glasnik%20so%20konverzija.nsf/82aa49069edfbbb780256a22004ba9e0/b38ba53fd0774778c12579d0002a3018?OpenDocument

ДУПот може да се погледне овде. Улицата „Стив Наумов“ е заведена како „Моша Пијаде“. Се работи за мостот кај „Холидеј Ин“. Уште попрецизно, партерното уредување ќе се одвива вдолж објектите на проектот „Скопје 2014“, од Стариот театар па се до Министерството за надворешни работи.