па еве да речеме и дека не е променлив водостојот и дека реката секогаш е како на сликава горе... пак не е издржано, ако некој сакал парк да направи, тоа можел и на брегчињата од реката да го направи (доколку реката е константно во форма на поточе), вака само еден куп пари за платформа ќе се фрлат... ко плоштадот кај стоковна во Скопје

Originally posted by ovaj_stariov Најава за покривање на дел од коритото на реката во Прилеп

Најпрвин две прашања:
- За колкава должина точно се работи?
- Како е официјалното име на оваа рекичка? Прилепска река? (народското име го знам )


Според мене, покривање на река или макар рекичка како оваа, е секогаш погрешно. Тоа е природен дар кој може и треба да се облагороди, а не по кратка постапка да се „затрупа“ ако се јавил некаков проблем предизвикан од човекот. Рекичката е мала, но „мајор“ коритот е големо, па покривањето нема да е баш ефтино. Ако проблемот е лоша миризба, нели е далеку попаметно тие пари да се вложат во мерки за прочистување? Со оглед на количеството на вода, тоа не би требало да е којзнае колкава инвестиција. А пешачката и рекреативната зона многу поприкладно е да се направи покрај реката, отколку врз нејзе. Исто така со каскадни бранички може да се зголеми нивото на водата и малку да се прошири водотекот, за сето тоа да изгледа поубаво.

Се повторува истата грешка од Штип и платформите на Отиња, само во прилепскиов случај покривањето прилично поопсежно...

А еве еден обратен пример од Сеул, каде што во 50-тите години на минатиот век направиле слична грешка на не многу поголема рекичка (а со многу подобри мотиви и причини отколку нашите). Пред десетина години сфатиле дека погрешиле и ја исправиле грешката. За да ја вратат закопаната рекичка, преместиле неколку километри урбан автопат, пренасочиле дополнителна вода од друга река и прекрасно го уредиле кејот. За сите активности потребни за реализација на проектот потрошиле вкупно 900 милиони долари, ете колку биле спремни да вложат во благодетот што го пружа оваа нивна мала рекичка. За ова имаше и документарец на некој од познатите документаристички канали.

Кој постапува правилно, ние или Кореанците?






Edited by Cloverstack - 20-Dec-2012 at 00:56

Да ви го претставам и овој проект кој веќе е во фаза на градење



Еве како изгледаше до сега просторот,според мене доста загушен без потреба,со новиов проект ќе се оформи еден симпатичен плоштад,единствено не знам како ќе изгледаат стреите(како и да се викаат) за сенка,вака на видеото доста груби ми личат.




Секако за заокрожување на целиот проект ќе треба да се почека на реконструкцијата на Џамијата за која сеуште нема никаква активност.
Моменталната состојба

Парковите се најевтино, најбрзо и најеколошко урбанизирање на запуштени предели, депонии и слично. А уште пак ако е добро осмислен может да бидат многу пријатни места за одмор и рекреација, а во некој изминати времиња парковите беа места каде се ќареа девојки, кда што се случуваа први бакнежи и слично. Денеска целата таа процедура оди преку интернет (ама ако)

Big like Конечно се среди платото кај млечен ресторан, во Карпош. Еве го текстот од сајтот на општината, а слики се надевам дека наскоро ќе одам во тој правец па ќе доловам како изгледа.

„Во саботата вечер (26.1.2013), градоначалникот на Општина Карпош Стевчо Јакимовски свечено го пушти во употреба комплетно реновираното плато на Млечен ресторан. Воодушевените сограѓани и официјално се запознаа со новиот лик на нивното скоро реконструирано плато. Тие со причина можат да се гордеат дека тие се жители на оваа општина, која штотуку го спроведе едно од своите најубави идејно-урбани решенија. Во оваа пригода пред насобраните граѓани се обрати првиот човек на општината, Стевчо Јакимовски, кој истакна дека без разлика на временските состојби кои беа составен дел од градежните работи, сепак задоволството е уште поголемо, кога нешто ќе се добие со мака и напорна работа. Тој посака токму на ова место да се склопуваат нови пријателства, да има многу среќни мигови и љубов во изобилство. – Општина Карпош имаше свој концепт, но ги зема предвид мислењата и потребите на граѓаните. Се надевам дека овој простор ќе биде исполнет со разновидни содржини особено во текот на летните месеци.

Локалната самоуправа како и досега, така и во иднина ќе биде отворена за желбите и потребите на нејзините сограѓани и со заеднички договор ќе се стремиме кон подобри решенија. Затоа, платото на Млечен ќе биде симбол на нашата упорност и истрајност за чија цел заедно ќе успееме до крај – изјави општинскиот татко. Во прилог на оваа свеченост следеше и мал музички хепенинг, зачинет со прекрасните звуци на познати уметници од македонската естрада. Новиот архитектонски план за постојниот руиниран плоштад со површина од 5000 м2, предвиде комплетно реновирање на постоечкото бетонско плато на кое се постави нова двојна хидроизолација, и партерно поплочување со гранитни плочки. Спроведено е и хортикултурно уредување на зелените површини со соодветни системи за автоматско наводнување. Постоечкото осветлување е заменето со ново современо осветлување од европско производство кое располага со поголема светлосна моќност. Поставена е и нова урбана опрема во која се имплементирани современи клупи со елегантен дизајн, пепелници за надворешна употреба, инфотабли, канти за отпадоци и локери за велосипеди. Највпечатлив изглед на ова урбано катче даваат жардиниерите, во својата специфична геометриска фигура. Непосредно до самото плато, се наоѓа новото целосно реконструирано детско игралиште. Извршена е санација на сите ѕидови во приземјето во бела боја, како и санација на пристапните рампи кон подземните гаражи. Вкупната реконструирана површина изнесува 6500 м2. За комплетно реновираното плато да го добие својот вистински сјај, локалната самоуправа од својот буџет издвои околу 500.000 евра. Бетонските работи ја чинеа Општината 3.840.369 денари, изолатерските работи 2.938.247 денари, додека реконструкцијата на плоштадот чинеше 10.424.308 денари. За современо осветлување Општина Карпош издвои 2.075.177 денари, за хортикултурно уредување 1.398.972 денари, набавена е урбана опрема во вредност од 5.126.252 денари, додека целосната реконструкција на детското игралиште чини 350.000 денари“


http://karpos.gov.mk/index.php?option=com_content&view=article&id=2324:2013-01-28-11-23-49&catid=3:vesti

Originally posted by HugoGoulding Според мене ова е тотално непотребна реализација и проект, во Карпош има многу места кои ќе беа многу посоодветни за санирање, реконструкција или "разубавување" и за нив ќе беше многу попотребен ваков зафат за разлика од ова плато кое беше во прилично добара состојба и одличен изглед и претходно.

кои локации би ги предложил ти?

Не можам точно да кажам сега но сигурно има бидејќи овој дел што го реконструираа односно изменија беше во потполно солидна состојба а и изглед. Целосно беше покриен со фини бетонски плочки, имаше клупи, игралиште за баскет, прилично убаво урбано место. Не сум ја видел реконструкцијата но ќе повторам, тука и ништо да не направеа местото ќе си беше и си беше средено и убаво. Ова го имам слушнато и од станари од околината и го делам мислењето.





Edited by HugoGoulding - 29-Jan-2013 at 19:19

Вака ќе изгледа просторот околу Саат- кулата во Прилеп

Локалната самоуправа коплетно ќе го уреди просторот околу прилепскиот Градски часовник во автентичен стил, кој ќе биде атракција за туристите.


За два месеци комплетно ќе заврши реконструкцијата и санација на Саат-кулата, која ја извршува скопската фирма „Геинг“ од Скопје. Се поставува бетонска плоча под Саат-кулата, а се подигааат и оградни ѕидови односно стручно наречени платна во подножјето, информираат од општина Прилеп.


Санацијата изнесува 5 милиони денари, од кои три се од министерството за култура, а со 2 милиони денари учествува општината која планира коплетно да го уреди просторот околу саатот.


Паралелно со реконструкцијата на градскиот часовник, ќе се обновува механизмот. Овој препознатлив споменик на културата за Прилеп ќе стане и туристичка атракција за посетителите кои ќе може да се искачат горе и да уживаат во панорамскиот поглед.

http://www.kurir.mk/republika/opstini/103300-FOTO-Vaka-ke-izgleda-prostorot-okolu-Saat--kulata-vo-Prilep

Edited by HugoGoulding - 31-Mar-2013 at 15:54