Ски центар на Галичица

За посета на посебни објекти и за патеката Магаро или островот Голем град на Преспанското Езеро влезницата чини 200 денари за посетител.

Како што објавивме и вчера, 30 минутен параглајдерски лет чини 300 денари, а целодневно полетување чини 1000 денари.

Од јуни се наплаќа и користење на природните убавини за комерцијални цели. Дневно снимање за фотографии ќе се наплаќа по 10.000 денари, додека за снимање од воздух ќе се наплаќа 20.000 денари.

Влезници ќе се купуваат во Инфо центрите во Охрид и во Стење.

http://libertas.mk/%D0%BF%D0%BE%D1%87%D0%BD%D0%B0-%D0%B4%D0%B0-%D1%81%D0%B5-%D0%BD%D0%B0%D0%BF%D0%BB%D0%B0%D1%9C%D0%B0-%D0%B2%D0%BB%D0%B5%D0%B7-%D0%B2%D0%BE-%D0%BD%D0%B0%D1%86%D0%B8%D0%BE%D0%BD%D0%B0%D0%BB%D0%BD%D0%B8/

Изработен е Мастер планот за Галичица, МЕПСО бара инвеститор за нов ски центар

АД МЕПСО објави Покана за пројавување на интерес, во име на Владата на Република Македонија и во својство на одговорна фирма за имплементација на проектот, со којa се бара реномирана компанија која ќе инвестира во развојот и изградбата и ќе стопанисува со ски центарот и одмаралиштето „Галичица“.

Агенцијата за имплементација (АД МЕПСО) изработи Физибилити студија и Мастер план за изградба на ски центар и одмаралиштa во НП „Галичица“. Проектот е во неколку фази и опфаќа две гондоли за осум патници, седум ски лифтови од кои два до три четворосед жичници, ски лифтови тип сидро и подвижни ленти кои се високо безбедни и наменети најмногу за деца и почетници.

Една гондола треба да поаѓа од регионот над селото Пештани на базна станица од 840 метри со една меѓу станица на 1.580 метри и крајна станица на 1.890 метри, а втората гондола (опционална во Мастерпланот) која би требало да се гради во последната фаза, треба да го конектира преспанскиот дел, преку туристичката населба Отешево до платото на Суво Поле на висина од 1.480 метри каде што се наоѓа базата на постоечкиот ски центар кој не работи подолго време.

Според проектот, ски центарот „Галичица“ се планира да биде центар од средна големина со капацитет да прими околу 3.500 скијачи дневно, капацитет на ски лифтовите 8.800 скијачи /час и околу 12 км должина на ски патеки. Во рамките на центарот се планира вештачка акумулација, систем од снежни топови за правење на снег, специјални ратрак машини кои покрај основната опременост ќе мора да имаат и дополнителна опрема, витло за совладување на стрмни нагиби и над 70%.

Низ целиот комплекс предвидени се и дополнителни помали туристички објекти, ресторани, хотели и забавни содржини плански организирани и корисни во текот на целата година (карпи за качување, патеки за велосипедизам). Покрај патеките за алпско скијање, предвидена е патека за нордиско скијање, а целиот ски комплекс ќе се протега на висина од 1.580 до 1.930 метри.

При анализата на планинскиот терен, земен е во предвид и јужниот дел попознат како Стара Галичица каде се наоѓаат и највисоките врвови Магаро 2.252 метри и Кота Ф10 2.265 метри, која според анализите нуди многу поволни ски услови имајќи во предвид дека тој дел од Галичица е свртен кон север, северо-исток,  со големи долини и теренски нагиб од 40-70% и ниска сончева изложеност, каде снегот се задржува подолг период. Но сепак не е опфатена со моменталниот проектот за развој на инфраструктурата во рамките на ски центарот.

Супер радио

извор: http://skimacedonia.mk/