Реконструкција на Нова Македонија

Za sreka toj del ne e taka visok za da namontiraat edna na vrv. Mojot strav e opravdan bidejki kupolata ima i svoja medicinska dijagnoza: psihopatoloska fetisisticka opsesija so kupoli i drugi slicni falusoidni predmeti prv pat zabelezana megju planerite i arhitektite na grad Skopje, koj voglavnom naiduva na sesrdno odobruvanje od strana na birokratite i garniturata.

Пет министерства во зградата на НИП „Нова Македонија“

Пет министерства ќе го добијат најголемиот дел од деловниот простор во зградата на поранешното НИП „Нова Македонија“, реши Владата.Најмногу, вкупно девет ката, доби Министерството за образование и наука, кое целосно ќе се пресели во објектот чие реновирање е во завршна фаза. Таму, на располагање им е ставен просторот од седмиот до 15-тиот кат на зградата. Подрумот на објектот, инаку, ќе го делат Министерството за економија, кое таму ќе ги смести геолошките збирки и Државниот архив на Македонија за архивска граѓа. Приземјето, дел од подрумските простории и галеријата на зградата ќе ги користи Државната изборна комисија, заедно со Министерството за инфроматичко општество, кое ќе има простор и на вториот кат. На Јавното претпријатие за станбен и деловен простор му припадна првиот кат, заедно со Службата за општи и заеднички работи, која ќе има и други простории на приземјето и во подрумот. Министерството за локална самоуправа, пак, во иднина ќе биде на вториот кат од зградата, а на третиот Министерството за култура. На четвртиот кат ќе биде изграден посебен прес-центар на Македонската информативна агенција, а на два ката погоре ќе бидат Секретаријатот за законодавство и Комисијата за заштита на конкуренцијата.