Булевар АСНОМ / АВНОЈ (+изградба на нов мост)

Булевар низ Керамидница ќе никне за да отвори пат за градење згради



Некои од жителите на ова маало велат дека откако слушнале за најавите за изградба на мост и булевар низ нивната населба, никој не дошол подетално да ги информира. ВЕЧЕР побара одговори од Град Скопје, како носител на овој голем проект и оттаму не информираа дека во тек се процедурите за изработка на инфраструктурен план, а деновиве ќе почне постапката за изработка на изведбен план кој ќе пропише три фази на реализација на проектот
Информациите за инфраструктурни зафати во еден дел на населбата Керамидница што пред два месеци ги најави градоначалникот на Град Скопје, Петре Шилегов, ги возбуди духовите во ова поранешно скопско маало кое е густо населено, каде има и голем број нови и модерни градби, но се уште има и многу чисто маалски елементи, стари објекти, трошни куќи и маалски живот. Некои од жителите на ова маало велат дека откако слушнале за најавите за изградба на мост што ќе ги поврзе со населбата Аеродром, како и на булевар кој ќе минува низ централниот дел на Кераминица, како и тоа дека ќе се градат згради од по 11 ката, училишта, дека тука ќе минува голем сообраќај, а ќе има и автобуски линии, практично од почетокот на годинава секој разговор им почнува и завршува со оваа тема. Засега отсуствуваат прецизни информации што и како ќе се гради, каде ќе минува трасата на булеварот, каде би се граделе некои од најавените објекти, наводно згради зад фабриките Санос и Комуна. Освен некои екипи од Град Скопје кои пред извесно време правеа увид низ населбата, никој друг не не посетил, да поразговара со нас, да одржи собир со граѓаните во месната заедница и подетално да не информира – ни рече еден жител на Керамидница.
ВЕЧЕР побара одговори од Град Скопје, како носител на овој голем инфраструктурен проект и оттаму не информираа дека во тек се процедурите за изработка на инфраструктурен план, а деновиве ќе почне постапката за изработка на изведбен план кој ќе пропише три фази на реализација на проектот. Меѓутоа, од Град Скопје не прецизираа што ќе биде опфатено во секоја од трите фази. Тоа ги зголемува стравувањата од евентуални нарушувања на не многу комотниот живот во населбата која има купишта урбанистички и комунални проблеми. Многумина од тукашните жители не ги завршиле постапките околу приватизацијата на земјата од своите дворови и легализацијата на куќите во кои живеат и на помошните објекти што ги користат, а кои им беа наметнати согласно новите законски прописи по 2010 година.
Стравувањата се зголемуваат, вели нашиот соговорник, со евидентното присуство на разни емисари, па и мешетари од бизнис и партиски провиниенции кои веќе имале средби со одредени жители чии имоти, пак, се на самата траса на булеварот.
Се слуша дека во зависност од нивните најави за изградба на вакви или онакви објекти, станбени згради и слично, трасата на булеварот што треба да се пробие се менува постојано, секако засега само во маалските муабети – ни изјави тој.
Меѓу прашањата што ги мачат жителите на Керамидница се и за тоа колкави ќе бидат цените на квадратен метар земја и на станбен квадрат за обесштетување на жителите за земјиштето од над 120 куќи и дворови, а што ќе им биде одземено само за потребите на новиот булевар.
Малку смирувачки делуваат некои информации што засега неофицијално доаѓаат од разно разни информатори дека до крајот на оваа и во наредната деценија токму Керамидница ќе биде едно од централните подрачја во градот каде ќе се врши интензивна изградба – вели овој жител на Керамидница.
А, колку таа, меѓу другото ќе биде сообразена и со потребите на жителите на оваа населба, кои, велат, веќе се присутни тука и со петтата генерација, по оние нивни предци што се населиле овде најчесто во 50-те и 60-те години на минатиот век, е прашањето на кое засега никој од одговорните се уште не дава конкретен одговор, што инаку го очекуваат од најповиканите за тоа во Градот Скопје и секако во Општина Гази Баба.
Од Град Скопје за ВЕЧЕР информираат дека интензивно се работи на овој проект. Комуникацијата меѓу стручните служби на Градот и општините поврзани во овој проект е секојдневна, а координативно тело на градоначалниците се оддржа на трети овој месец.

– Обемот на експропријацијата на имоти на трасите ќе биде конечно уточнета со правењето на финалните плански решенија. Град Скопје ќе работи и на овој проблем паралелно со изработката на проектната документација и нема да се случи, како што имаме примери од претходно, да се остават нерешени имотно-правни проблеми пред почетокот на изградбата на овој инфраструктурен мегапроект – одговорија од Град Скопје.

(С.Блажевска)
Од Ново Лисиче до Саем со автомобил ќе се стигнува за само 5 минути
Кон крајот на март годинава градоначалникот Шилегов на прес-конференција го најави новиот инфраструктурен проект за изградба на нов коридор со мост преку реката Вардар. Новиот мост ќе го поврзува булевар АСНОМ кај хотелот Русија, преку Вардар, и ќе минува низ населбата Ќерамидница се до раскрсницата кај скопското сајмиште.
Новиот проект освен нов мост преку Вардар во должина од 120 метри предвидува и пробивање на нов и реконструкција на стар булевар во вкупна должина од 2.170 метри, 5 вкрстувања, 6 коловозни ленти, велосипедски патеки во двете насоки, пешачки патеки и дрвореди. Новиот коридор во градот задолжително ќе биде проследен и со нови автобуски линии на јавниот градски превоз. Пробивањето на овој сообраќаен коридор ќе даде исклучителна развојна компонента на градот и истиот ќе овозможи да патуваме побрзо и побезбедно. Од Ново Лисиче до Саем или од Автокоманда до ТЦ Бисер со автомобил ќе се стигнува за само 5 минути. Времето на движење за велосипедистите и пешаците, исто така, ќе биде драстично намалено – велат од Град Скопје.
Проектот е предвиден во ГУП од 1965-та година, а досега за него никој во Градот ја немаше изготвено основната планска документација. Градбата на овој коридор со мост се ќе чини 16 милиони евра од кои 8 милиони за градежни работи а 8 милиони за експропријација и се очекува да биде завршена во рок не подолг од 24 месеци од почетокот на градежните работи.

https://vecer.press/булевар-низ-керамидница-ќе-никне-за-да/

Originally posted by alexsend Многу глуп и пристрасен наслов. Не! Булеварот ќе се гради за да се растерети градот и речиси милион жители од хаос. Можеле и така да почнат. Да сакале.

Можеле, но ако погледнеш колку сообраќај опслужуваат полубулевари и тесни улици како што се Беласица, Водњанска, Васил Ѓоргов, Димо Хаџи Димов, Антон Попов, Перо Наков и Александар Македонски кој на влезот и излезот кај Автокоманда се стеснува на само две ленти, зошто мислиш дека поголемо внимание ќе посветат да изградат широк и проточен булевар, а не на ќумезарници какви што се градат во Маџир Маало?

Originally posted by phenomenon Originally posted by alexsend Многу глуп и пристрасен наслов. Не! Булеварот ќе се гради за да се растерети градот и речиси милион жители од хаос. Можеле и така да почнат. Да сакале. Можеле, но ако погледнеш колку сообраќај опслужуваат полубулевари и тесни улици како што се Беласица, Водњанска, Васил Ѓоргов, Димо Хаџи Димов, Антон Попов, Перо Наков и Александар Македонски кој на влезот и излезот кај Автокоманда се стеснува на само две ленти, зошто мислиш дека поголемо внимание ќе посветат да изградат широк и проточен булевар, а не на ќумезарници какви што се градат во Маџир Маало?

Па ако човек нема надеж останува само да се самоубие. А еве живот дојде Шилегов доби шанса, а на нас ќе да пресудиме за некоја година потегна 2-3 ептен храбри проекти што ретко кој би се осудил да ги најави па или ќе се зациментира на позицијава или брзо ќе го снема, трето нема.

И ти како пристрасните медиуми.
Храбри потези како најава за сообраќаен мост, 2 поточно (МЗТ и СитиМол) нешто што коце немаше МУДА да го спомне!

Originally posted by alexsend И ти како пристрасните медиуми. Храбри потези како најава за сообраќаен мост, 2 поточно (МЗТ и СитиМол) нешто што коце немаше МУДА да го спомне!

И што ако ги спомнал, па тој може секој ден да спомнува проекти. Еве може и мост на Илинденска да спомне.

Дали ние граѓаните сме пристрасни медиуми кога се возиме повторно во старите автобуси (бидејќи едните не купија асални, а овие не ни знаат да купат нешто), кога улиците и тротоарите не биле никогаш понечисти, кога кучиња скитници има на секој чекор и напаѓаат невини луѓе, кога ќе имаме дневни билети за ЈСП, еден билет за странци, кога ќе имаме градска линија до аеродромот како секој нормален европски град, кога ќе се преземаат мерки за градењето во Скопје, кога ќе има зелен катастар (нели господинот Шилегов ќе го правел Скопје, зелена престолнина) и ред други работи, за кои господинот Шилегов нема време од правење глупости и појавување и фотографирање на тотално небитни настани.

Патем сето погоре кажано е толку ОСНОВНО, што е трагично што треба да го спомнувам.

што бидна со мостов? Најавите беа почеток на градба во Септември. Еве го тропа на врата. Или за некој друг Септември се мислеше?

Хаха некој стана од зимскиот сон изгледа, само многу касно, сега повторно ќе се вратат во хибернација. Цената од 16 милиони евра е најавена уште при самата најава за булеваров. Само вечер нешто спиел.

Мора да направат некој нов закон за да вакви објекти не кочат вакви големи проекти.

Edited by skopskodete - 17-Feb-2019 at 00:14

Пред некој ден прочитав вест дека веќе било почнато со расчистување на трасата односно со објектите во Ќерамидница.

Еве ја веста,се вели дека повеќе од 30 отсто од трасата на која треба да поминува булеварот е веќе расчистено е сега дали се мисли дека постигнат е договор за уривање на објекти или дел веќе се урнати тоа незнам.
-------------------------------------------------------------------------
Побрз и побезбеден сообраќај: 120 метарски мост преку Вардар во населбата Ќерамидница

Пролетва ќе почнат градежните активности за булеварот кој ќе поминува низ населбата Ќерамидница.

Повеќе од 30 отсто од трасата на која треба да поминува новиот булевар во делот кај скопско Сајмиште е веќе расчистено. За изгрдабата на новиот коридор ќе бидат урнати 180 објекти низ Ќерамидница.

Новиот коридор во градот задолжително ќе биде проследен и со нови автобуски линии на јавниот градски превоз.

Проектот предвидува и изградба на нов мост преку Вардар кој ќе ги поврзе општините Аеродром, Гази Баба и Центар. Мостот ќе биде со должина од 120 метри, ќе се изгради во близина на хотелот Русија и ќе ги поврзе булеварот „АСНОМ“ во населба Аеродром со булеварот низ населба Керамидница.

Изградбата на новиот сообраќаен коридор треба да обезбедува развојна компонента на градот и да овозможи побрз и побезбеден сообраќај.

http://skopjeinfo.mk/pobrz-i-pobezbeden-soobrakjaj-120-metarski-most-preku-vardar-vo-naselbata-kjeramidnica