Булевар АСНОМ / АВНОЈ (+изградба на нов мост)

БУЛЕВАР АСНОМ ПОЧНА ДА СЕ ГРАДИ И ПРОБИВА НИЗ КЕРАМИДНИЦА КОН АЕРОДРОМ

Градоначалникот Шилегов, заедно со градоначалниците на општините Аеродром, Гази Баба и Центар, Златко Марин, Борис Георгиевски, Саша Богдановиќ и претседателката на Советот на Град Скопје, Љубица Јанчева денеска присуствуваа на почетокот на градежните работи на третата фаза од капиталниот проект за изградба на булевар АСНОМ.
Третата и последна фаза од изградбата на новиот бул. АСНОМ опфаќа изградба на булевар на потег од крстосницата со булеварот Гоце Делчев до објектот на поранешен Пролетер во населбата Керамидница.
- Согласно проектот оваа фаза опфаќа реконструкција и изградба на дел од булеварот во должина од 317 метри, за што ќе се инвестираат околу 70,6 милиони денари. Реализацијата на овој проект и градежните работи ќе се одвиваат согласно динамиката на експропријацијата на имотите кои се на неговата траса и моите очекувања се дека најдоцна на почетокот на наредната година да биде пуштен во употреба – кажа на прес-конференцијата градоначалникот Шилегов.
Шилегов додаде дека изградбата на овој булевар во планската документација на Скопје постои уште од 1965 година, но за жал заради отсуство на визија за развој на градот и немање чувство за вистинските приоритети неговата изградба секогаш била одложувана за некои подобри времиња.
- Со изградбата на овој коридор граѓаните на Аеродром и Ново Лисиче ќе имаат уште едно поврзување со центарот на градот, кое освен за автомобилскиот сообраќај, ќе биде поврзано и со велосипедски патеки, а по истиот ќе се движат и нови автобуски линии, со што граѓаните ќе бидат поврзани на сите начини. Исто како и остатокот од булеварот и во овој дел е предвидено модерно булеварско решение со по 3 коловозни ленти во двата правци, странично и средишно зеленило, пешачки и велосипедски патеки и модерно ЛЕД осветлување – изјави Шилегов.
Градот Скопје продолжува да гради по план изнаоѓајќи сообраќајни решенија кои ќе обезбедат одржлива урбана мобилност за граѓаните, а тоа ќе значи побрз, поефикасен, побезбеден и поеколошки сообраќај во Скопје.







https://www.facebook.com/CityofSkopje/

https://www.facebook.com/p.shilegov/videos/192170769457360

Депото на КХС ќе се руши??

Сега треба да се искористи шансата да се раскопа и тој еден саглам влез што го имаат, Мостот да се заврши до карабина, целосно да се упропастат улиците со камиони и со мостот и со стамбените згради покрај Вардар. И после таквата ситуација да се искорсти за аекспропријација по пониски цени и да се зададе финален удар по вмровските лажги што ги имаат распространето по населбава.

На градов со децении слаба и болна точка му е експропријацијата,поради тоа такви се Водњанска,Беласица,три години преговараа за пералната на Трета Македонска и други такви позиции и имоти што ги има низ градов.
Тука отидоа прво со мостот затоа што лесно може да се прикаже активност и да се гради без правење експропријации исто така сега ќе гребат асфалт и ќе го санираат тој кус дел од булеварот а најтешкиот дел ќе го пролонгираат со години.
Ќе беше добро да им текне да почнат да ја решаваат Мавровка бидејќи со мостов пак ќе ги донесат сите коли да заглават таму и ќе нема некој голем ефект целиот проект затоа што пак ќе се создаде успорување и гужви само некој километар подолу.

Абе во Скопје едно дрво суво ќе се пресече па од тоа се прави медиумски настан но ниво да падне градската власт! Што мислите, дека така лесно ќе се затврои улица за сообраќај?! Никогаш нема да се случи тоа! Ќе рипне народ да јаде бабури по интернет и ќе се премисли кој и да е на власт.

Демек, за Мавровка ќе чекале да се заврши мостот, па после ќе мереле сообраќај, па ќе одлучувале што ќе прават. Во меѓу редови, ништо нема да прават.

А, да, заборавив, низ Мавровка треба да поминува и втората линија од БАС.

Карабината не е ни до пола готова после пола година излегување над земја. Така да мое очекување е дека најмалку пола година им треба за да имаме фунционална топтан улица од Хотел Русија до првата уличка во Ќерамидница. Овие овакви "амбициозни" изјави се само кампања и ништо повеќе.

билеваров непотребно ќе фаќа еден куп кривини