Булевар АСНОМ / АВНОЈ (+изградба на нов мост)

А зошто па да не е син? Може и тротоарите и оградата да бидат сини.

Овој гитар каква бува пушти со бојата на мостот!

За еден месец се отвора новиот мост на АСНОМ со шест ленти



Привршуваат градежните работи на новиот мост на булевар АСНОМ, кој според планот се отвора за употреба во текот на наредниот месец. Мостот е веќе споен по интензивните градежни работи од двете страни на реката Вардар.
Скопје по повеќе децении добива нов мост кој овозможува брза врска на најнаселената општина во Скопје, Аеродром, со Гази Баба, преку централното градско подрачје. Со новиот мост се зголемува функционалноста и динамиката на движење, се олеснува сообраќајниот метеж, а Скопје и скопјани на располагање добиваат безбедна врска за движење низ трите општини.

Мостот на булевар АСНОМ се изведува во согласност со сите современи стандарди за изградба и е граден со најквалитетни материјали.

„Кога зборуваме за функционален и поврзан град, зборуваме за нови мостови. Во Скопје два мостови истовремено не се граделе со децении. Едниот го завршуваме есенва, а другиот штотуку го започнавме. Вардар нема да го дели Скопје, туку ќе го спојува“, вели градоначалникот Шилегов.

Новиот мост има 6 коловозни ленти, со енергетски ефикасно ЛЕД улично осветлување, како и тротоари и нови патеки за велосипедистите и корисниците на алтернативни средства на сообраќање. На новопробиениот булевар и на мостот се воведуваат и нови линии на ЈСП, а дополнително булеварот ќе го краси и дрворед, кој ќе биде засаден од двете страни.

https://skopje1.mk/archives/140766

https://www.novamakedonija.com.mk/makedonija/skopje/новиот-мост-на-булеварот-асном-се-отво/

Originally posted by stef4o Новиот мост има 6 коловозни ленти, со енергетски ефикасно ЛЕД улично осветлување, како и тротоари и нови патеки за велосипедистите и корисниците на алтернативни средства на сообраќање. На новопробиениот булевар и на мостот се воведуваат и нови линии на ЈСП, а дополнително булеварот ќе го краси и дрворед, кој ќе биде засаден од двете страни.

Знам дека во проектот има крак што треба да се спои со улицата кај пожарна/дојрана, за тие куќи ќе треба плус експропријација. На нероден петко шиле капа крои.

Овој што го завршуваме и е во завршна фаза...

https://skopje1.mk/archives/140766

Ќе се отвора нов мост кој не води до никаде? Македонска тажна реалност....

САЛИХУ ДООБЈАСНИ КАКО ЌЕ ФУНКСИОНИРА МОСТОТ АСНОМ ОТКАКО ЌЕ БИДЕ ПУШТЕН СЛЕДНИОТ МЕДЕЦ



- Ги разбирам реакциите кои ги видовме по интернет страниците и по социјалните мрежи, затоа што сме пред избори и има интенција ваквите големи проекти да се исмејуваат колку да им се одземе од значењето. Тоа што би сакал да појаснам, а и не беше јасно доволно јасно за граѓаните, е дека овој проект се работи во три фази. Првата фаза е пробивањето на булевар АСНОМ од страната на Аеродром, тоа што веќе го гледаме тука. Втората фаза е мостот Михајло Апостолски, кој што е при крај и може да се види. Третата фаза е пробивањето на булеварот од Керамидница, па се до мостот и како целосно булеварско решение, изјави портпаролот на Град Скопје, Ваљон Салиху за денешниот Утрински брифинг на Слободна ТВ.
-Како што гледате, по булеварот АСНОМ веќе се движиме, а мостот би требало да биде готов во наредните 30 дена. Тоа што би требало да знаат граѓаните за овој мост и булеварот е дека ќе има 6 автомобилски ленти, 3 од едната и три од другата страна, ќе има велосипедски патеки, лед осветлување, ќе има пешачки патеки, дрворед и зеленило, додаде Салиху.
- Кога почнавме со пробивањето на булевар АСНОМ од страната на Керамидница, јасно кажавме дека булеварот од таа страна ќе биде пуштен во Јуни 2022, меѓутоа тоа што треба да се појасни е дека после мостот (од Аеродром кон Гази Баба) има и секундарни улици, така да кога ќе биде пуштен делот на мостот заедно со булеварот од страна на Аеродром, првично ќе биде приклучен кон тие секундарни улици а потоа, некаде Јуни следната година, ќе биде целосно поврзан со булеварот од страната на Керамидница, појасни Салиху.
- Со изградбата на овој мост ќе се реши хаосот во овој дел од градот. Ние гледаме дека во сообраќајот секој ден граѓаните се нервозни и тоа не е случајно. Имаме многу тесни грла низ градот кои мора да се растеретат. За жал во градот имаме се повеќе и повеќе коли, а тоа што истовремено како град го правиме е потикнувањето на користењето на алтернативен превоз, па затоа сите нови булевари имаат и тротоари и велосипедски патеки се со цел да го растеретиме тој сообраќаен хаос, потенцираше Салиху.
- Ваков мост последен пат бил изграден во 70-тите години, тоа е мостот Гоце Делчев до влада, и сите ја знаеме тежината на тој мост. Замислете да го немаше тој мост, каков хаос ќе имаше тој дел на градот. Со пуштањето на овој мост, овој дел од градот, ќе се растерети од аспект на сообраќај. На пример, од Чаир за да стигнам до тука ми требаа околу 40 минути, замислете да беше пуштен овој мост и овој булевар, денес тука ќе бев за 10 минути. Кратењето на 30 минути во период на одење или враќање од работа, и тоа како ќе им значи на граѓаните на Скопје, заклучи портпаролот на Град Скопје Ваљон Салиху во денешната изјава за Утрински брифинг на Слободна ТВ.

https://www.slobodenpecat.mk/video-porparolot-na-gradot-ne-e-tochno-deka-ulicite-se-rekonstruiraat-samo-pred-izbori/

Така треба