Булевар АСНОМ / АВНОЈ (+изградба на нов мост)

Originally posted by user8642 Знаеме дека се почна со рушење на експроприраните објекти заради предизборната кампања. Од Град Скопје чекаа на еднаш да почнат да рушат заради ефикасност и поефтино да им излезе ангажирање на механизација, ама ако и ова е добро. Можеме да бидеме сигурни дека дел од трасата физички е расчистен. А верувам дека ќе има и психолошки ефект кај оние што уште се инатат за експропријацијата.

Кај некои и може нема да има психолошки ефект (примери: Беласица и Водњанска).

Originally posted by Théoden Ако се направи како што треба булеварот и се потсреди уште малку околината, ова може да биде едно од поубавите катчиња во градот.

Само кај нас булевар се смета за катче , обично таму каде поминува булевар е мртва зона за хумано живеење

СЕ УРИВААТ 26 КУЌИ ВО СКОПСКА КЕРАМИДНИЦА, ОД ВКУПНО 100 НА ТРАСАТА ЗА ПРОДОЛЖУВАЊЕ НА БУЛЕВАРОТ АСНОМ ОД АЕРОДРОМ КОН ГАЗИ БАБА

Екипи на Град Скопје почнаа со уривање на првите куќи и објекти кои се наоѓаат на трасата за продолжување на булеварот АСНОМ преку новиот мост во Аеродром низ Керамидница. Завршени се постапките за експропријација за 26 објекти и во наредните неколку дена, како што велат од Град Скопје, сите ќе бидат урнати, а просторот ќе биде расчистен.

На трасата за новиот булевар кој ќе биде продолжение на мостот, се наоѓаат околу 100 објекти кои треба да бидат урнати. Експропријацијата за сите објекти ќе чини околу 2,5 до 3 милиони евра.

„Интензивно се работи на расчистување на имотно-правните односи и за другите објекти во Керамидница кои се наоѓаат на трасата на пробивањето на булеварот во овој дел градот. До јуни наредната година, булеварот ќе биде готов “, велат од Град Скопје.

Од Град Скопје додаваат дека во завршна фаза е изградбата на новиот мост дел од овој коридор. Мостот кој ќе се вика „Генерал Михајло Апостолски“ треба да биде завршен за еден месец. Со изградбата на новиот мост и пробивањето на булеварот АСНОМ низ Керамидница, ќе се поврзат Општините Аеродром и Гази Баба. Целата траса е во должина од 400 метри, а само мостот 150 метри со три коловозни ленти во двата правци, пешачка и велосипедска патека.

По изградбата на овој мост и пробивањето на новиот коридор, од Ново Лисиче до Судската палата со автомобил ќе се стигнува за 5 минути, со автобус за 10 минути, со велосипед за 18 минути, а со пешачење за 35 минути. Со тоа, како што велат од Градот, граѓаните на овие три општини може да заштедат и до 20 минути од времето поминато во сообраќај ако ја изберат оваа рута.

Вкупната вредност на овој проект е 16 милиони евра.

https://sdk.mk/index.php/dopisna-mrezha/se-urivaat-26-kuki-vo-skopska-keramidnitsa-od-vkupno-100-na-trasata-za-prodolzhuvane-na-bulevarot-asnom-od-aerodrom-kon-gazi-baba/

Пошто е извесно дека уште долго нема да се изгради булеварот низ Ќерамидница, иако се обеќава 2022-ра, сепак на сите ни е јасно дека ќе го користиме мостов закачен на секундарна и терцијарна веќепостоечка патна мрежа низ Ќерамидница уште долго.

Затоа се обидов да направам две мапи. Едната е анализа каков е тој "привремен" сообраќаен режим кој би важел неколку месеци до неколку години у најлош случај, доколку би сакале да сепак го користиме мостот, а без да го имаме булеварот. За да функционира сообраќајниот режим, потребно е да се отвори патна врска на мапата обележана со црвени точки. Тука приватни имоти допираат до оградата на ФАС и нема како да се успостави патна врска, се додека овие објекти не се експропреираат. Преку дворот на ФАС можда може да се изигра нешто привремено, ама тешко. Би добиле практично еден виртуелен голем кружен тек користејќи ја локалната патна мрежа, кој сосема задоволително би ги опслужувал потребите и би имале апсолутно проточен сообраќај без застои. Не дека ваквиот режим би оправдал завлечкување со изведбата на булеварот, ама јас друго нормално решение макар и привремено, не гледам.



Втората мапа е мапа на екпропријација според податоци од катастар. Можно е да постојат правосилни решенија кои сеуште не се заведени во катастар, ама сега за сега статусот е тој. Куќите се генерално поделени и природно групирани во 4 зони. Зоната најблиску до Вардар е целосно експропреирана, можда една гаража да стои уште, што не е страшно. Во средината е пола-пола каде ќе биде идната раскрница за Автокоманда. А на почетокот кај Саем, е тамо има само две куќи екпропреирани и тоа се тие двете од кајшто завчера имаше официјално почнување со рушењето. Можда ова е и некоја динамика која ја наметнале институциите вака по овој ред да тераат, ама битно е дека работата е сеуште далеку од готова.

Екипи на Град Скопје продолжуваат со уривање на објектите кои се наоѓаат на трасата за продолжување на булеварот АСНОМ преку новиот мост во Аеродром низ Керамидница. Објектите кои се уриваат се експропирани, а сопствениците се обесштетени според законски предвидената методологија.









https://www.facebook.com/CityofSkopje

Град Скопје, пред неколку часа објави фотографии како се расчистува теренот за пробивање на булеварот АСНОМ, со цел врзување со новиот мост во изградба. НО, на фотографијата никој не забележува дека на објектите кои во моментот багерот ги руши, не се постапува по протоколот за отстранување на азбестните покривни елементи, кои се штетни по здравјето на луѓето особено кога се прекршуваат. Покрај штетноста за белите дробови (особено на оние кои се на терен), истите имаат и посебен начин на пакување и одложување во отпад Апел до тие што живеат во непосредна близина, да си ги затворат прозорците и да стават маска доколку излегуваат, додека трае несоодветниот процес на одстранување на постоечките објекти!

https://zivotnasredina.skopje.gov.mk/proekti/otstranuvane-na-azbest/

Фантастичен проект со кој ќе се исчисти една цела населба. Што побргу тоа подобро!

(Галерија) Финишира изградбата на мостот кој треба да поврзе две населби и три општини во Скопје











https://nezavisen.mk/galerija-finishira-izgradbata-na-mostot-koj-treba-da-povrze-dve-naselbi-i-tri-opshtini-vo-skopje/