Joined: 01-Mar-2009
Location: Аеродром
Online Status: Offline
Posts: 4699
QuoteReply#1Topic: Возен парк на полицијата Posted: 09-May-2012 at 14:37
Ја отварам темава по повод, набавката на нови возила за македонската полиција. Тоа не значи дека се работи само за новите возила кои ќе бидат одбрани... туку и за старите, претходни, во употреба или надвор од употреба полициски возила кои ги користела македонската полиција... Тука спаѓаат и џиповите, мариците/комбињата, мотори, хеликоптери, бродови, чамци, глисери и други возила и превозни средства кои ги користела/користи и ќе ги користи македонската полиција... Секако може и примери од странство како за споредба...
Можеби и имало материјал на форумот околу оваа тема... но мислам дека немало оделна нишка... ако ја има тогаш ќе видиме што ќе правиме... но ако ја нема добро би било се што е по другите нишки расфрлано да го префрлиме тука... (?)
Еве со ова ја почнувам оваа нишка:
Полицајците ќе возат Шкода или Сеат Среда, 09 Мај 2012 14:18
Министерството за внатрешни работи денеска во присуство и на претставници на медиумите го одржа јавното отоворање на понудите за доделување договор за јавна набавка на 150 полициски моторни возила.
Постапката, соопшти денеска МВР, ја спроведуваше Комисија за јавни набавки определена со одлука на министерот за внатрешни работи, а се реализира преку електронскиот систем за јавни набавки.
Од страна на заинтересираните, кои по распишувањето на јавната набавка ја подигнаа тендерската документација, на огласот број 17-05/2012 свои понуди поднесоа два економски оператори, ТД „Порше Македонија“ ДООЕЛ од Скопје и ТД „КА-ДИС“ ДООЕЛ од Скопје.
Понудувачот „Порше Македонија“ од Скопје понуди моторно возило ШКОДА модел ЈЕТИ 2.0 ТДи 4џ4, додека „КА-ДИС“ од Скопје понуди моторно возило СЕАТ, модел АЛТЕА ФРЕЕТРАЦК 2.0 ЦР 4ЊД.
Наредниов период ќе следи сериозна анализа на понудите и нивна евалуација, односно оценување дали истите во целост ги исполнуваат условите предвидени во тендерската документација. Доколку тоа се потврди, заинтересираните ќе бидат известени за терминот на јавното наддавање, бидејќи единствен критериум по кој ќе се одбере новото возило на македонската полиција ќе биде понудената цена.
МВР кон крајот на март годинава, распиша тендер за набавка на нови полициски возила со кој би се замениле постоечките возила „Крајслер“. Повикот за прибирање на најповолни понуди беше распишан на интернет страницата на Бирото за јавни набавки и со него се планира набавка на 150 моторни возила во полициска изведба со соодветна потребна опрема. Единствен услов за склучување договор е висината на цената, а начинот на кој ќе се одбере најповолната понуда е принципот на јавно електронско наддавање. Во крајната цена треба да биде вкалкулиран вкупниот трошок, односно сумата која ја вклучува и специфичната опрема која е точно дефинирана и подразбира држачи за радиостаници и друга опрема, носачи за ротациски светла, соодветна надворешна боја (полициски ознаки) и други елементи.
Во тендерската спецификација предвидено е возилата да бидат со дизел мотор со зафатнина 1900 - 2300 ццм и моќност од 110 до140 КЊ. Начинот за плаќање на возилата е предвидено да биде на 36 месечни рати. Станува збор за купување возила, а не лизинг, така што со потпишување на договорот и испораката на возилата, сопственик на возилата ќе биде МВР.
Со набавката на возилата треба да се обнови возниот парк на МВР во делот на означените полициски возила.
Последна набавка на полициски возила беше пред 12 години, во 2000 година кога се набавени 210 патнички возила „Крајслер“ и 30 теренски (џипови), сите со бензински мотор. Набавените „Крајслери“ се во голема мера амортизирани. Во просек, секое од овие возила има поминато повеќе од 500.000 километри, а некои и повеќе. Голем дел од нив, околу 20 отсто, веќе се неупотребливи и расходувани (околу 40 „Крајслери“). Годишните трошоци за сервисирање и одржување на крајслерите кои се во возна состојба изнесуваат околу 7.000 евра по возило, бидејќи само една замена на автоматскиот менувач изнесува околу 3.000 евра. Просечната потрошувачка на гориво на овие возила им изнесува над 14 литри на 100 километри.
ШКОДА модел YETI 2.0 TDi 4x4 или SЕАТ ALTEA FREETRACK 2.0 CR 4WD, едно од овие две ќе биде ново полициско возило. Само две понуди пристигнале до денешното јавно отворање на понудите за набавка на 150 полициски моторни возила.
Порше Македонија и КА-ДИС биле единствените фирми кои со понуди се јавиле на јавниот оглас. Од нив ќе треба да се бира најповолниот понудувач. Според убидот во понудите и двете компании имале повисока од макесимално огласената сума на МВР. Понудите допрва ќе се анализираат, ќе се проверува дали во целост ги исполниле условите, а потоа ќе се оди на јавно наддавање. Главен критериум за МВР останува цената.
Крајслерите кои дванаесет години се возеа низ македонските патишпта заминуваат во историјата, дали ќе ги замени Јети или Алтеа ќе се знае наскоро.
Компаниите кои се јавиле на тендерот понудиле дизел мотор, што беше еден од условите, а ќе мора во нив да ги имаат и држати за специјална полициска опрема.
Автомобилете ќе се отплаќаат на 36 рати, а причинза за замената на Крајслерите според МВР е нивната дотраенсот и превисоките трошоци за сервис.
јас се сметам за добар познавач на автомобилската индустрија и ви тврдам дека нема никаква разлика помежу сеат и шкода,различен е само изгледот и квалитетот на пластиките во ентериерот.све е исто.заеднички збор на оваа појава во свеопштата индустријата се вика ГЛОБАЛИЗАЦИЈА каде еден производ се продава под неколку брендови во зависност од вкусот на купувачот.
има многу примери а еден од нив е Гранде Пунто не е ништо друго туку ушминкана Опел Корса,или Алфа 159 е препакирана Опел вектра последна генерација итн
Јас навивам за понудата на Шкода, бидејќи понудените Јети возила (не се баш џипови, судејќи по моќноста на нивните мотори) се со погон на сите 4 тркала, а тоа го сметам за предност на возилата со оглед на фактот дека тие возила сигурно ќе се возат барем во наредните 5 до 10 години.
Инаку, да, секако дека ова и не е баш некој избор, бидејќи и Сеат и Шкода се во сопственост на Фолксваген, но сепак имам многу поголема доверба во чешката отколку во шпанската автомобилска индустрија.
Ролс Ројс е во сопственост на БМВ и користи мотор на БМВ, но сепак да возиш Ролс Ројс не е исто како да возиш и БМВ.
Ферари е во сопственост на Фиат, но сепак Ферари сами ги произведуваат моторите за своите возила, не користат мотори на Фиат и дефинитивно да возиш Ферари не е исто како да возиш и Фиат.
Возилата на Шкода користат мотори на Фолксваген, но сепак Чесите докажано произведуваат поквалитетни возила од Шпанците, па дури може да се каже и дека се достојни конкуренти на Германците иако користат германски мотори и други автомобилски делови произведени во Германија, но готовиот чешки производ е достоен конкурент на готовиот германски производ, тоа е моето лично мислење и затоа навивам за понудата на Шкода.
Не мисла дека Jети е добро за основен автомобил на полициjата. Возилото е од специфичен сегмент. На мене ми допага много, но за служечно возило на целата полициjа . . . СЕАТ изглежда поуниверсално возило. Инако Шкода Октавиjа би била одличен избор /мое мислене/.
МВР има веќе Шкоди Октавии кои ги користи како увидни возила,тие се со моторот на WV со 1.6 литри и 103 КС и искрено не се баш нешто.на 8000 км откажа механизмот на здната врата,пластиките шкрипат како да е Југо,влечната моќ е чудно сосема незадоволителна.Ауди А4 со истиот мотор на места во Кичево каде без проблем излегува во 5 степен,на шкодата му треба во најдобар случај да се помине во 4 степен.дали е во преносот или пак кичевската шкода не е погодена незнам
Мошне актуелно е деновите по отворањето на понудите за доделување договор за јавни набавки од Министерството за внатрешни работи за нови 150 возила. Свои понуди доставиле само два импортери во државава, Порше Мекедонија, за Škoda Yeti 2.0 TDi 4x4 и Ка-Дис за Seat Altea Freetrack 2.0 CR4WD.
Коj ќе ги замени американските дотраени и амортизирани модели од Chrysler останува да видиме, бидејќи допрва претстојат оние завршните анализи и мислења од експертите, како од полето на автомобилската сфера, така и од економската, бидејќи едно од основните прашања е секако, колку сето тоа ќе чини. - Наредниот период ќе следува анализа на понудите и нивна евалуација, односно оценување дали тие во целост ги исполнуваат условите предвидени во тендерската документација. Доколку се потврди тоа, заинтересираните ќе бидат известени за терминот на јавното наддавање, бидејќи единствен критериум по кој ќе се одбере новото возило на македонската полиција ќе биде понудената цена - велат од МВР.
Според тендерската спецификација, возилата треба да бидат со дизел-мотор, со зафатнина од 1.900 до 2.300 кубни сантиметри и моќност на моторот од 110 до 140 киловати. Во крајната цена треба да биде вклучена и специфичната опрема на возилата. На почетокот мошне интересно е да се истакне дека и двете компании, поточно двата бренда во оваа битка, се дел од Концернот Volkswagen. И двете возила кои се актуелни во понудата, според динамиката и структурата се слични, користат соодветни технологии и технички решенија, но поради конфигурацијата и поставеноста на возилата, сепак тие се и многу различни.
Freetrack е надграден врз темелите на Alteа, моноволуменско возило нecнесомнено еден од најбараните и најоригиналните модели на шпанскиот Seat. Поточно на продолжената верзија означена како XL. Должината на возилото е непроменета и изнесува близу 4,5 метри (4.493 mm), како и широчината 1,8 метри (1.788 mm), со меѓуоскино растојание од 2.576 mm, но затоа Altea Freetrack и има 40 милиметри поголема одалеченот од подлогата и е повисока за 185 милиметри од моделот XL, што секако е битен фактор за обезбедување на подобри off-road перформанси. Што се однесува до дизајнот вреди да се истакне дека се одело на тоа да не се направат премногу модификации во однос на она ремек дело за кое многумина сметаат дека е вистински бисер, стандардната везија на Altea, творба на великанот Валтер да Силва, сега прв човек на одделот за дизајн во Концернот. Однадвор се разликува по робусните странични заштитници и специфични пластични браници кои не се во боја на каросеријата, не само поради поагресивниот и подинамичен стајлинг, туку и од практични причини. Токму поради ова има посебна заштита на праговите и калниците, како и на двојниот крај на издувните цевки, светлата за магла и кровните носачи. Специјално за Alteа Freetrack дизајнирани се 17-инчни фелни. Во внатрешноста Altea Freetrack ги задржува сите позитивни страни на стандардната Alteа XL, поточно голема пространост, функционалност и флексибилност. Напред доминира инструменталната табла и мошне прегледната средишна конзола. Патниците позади имаат доволно место, а седиштата може да се регулираат за 160 mm по должина, овозможувајќи на тој начин различни комбинации со големината на багажникот(490 литри).
Што се однесува до понудениот мотор, станува збор за проверениот агрегат на Концернот, што според бројките е најбараниот и најпродаваниот, кога станува збор за дизелската понуда. Овој 2,0 литарски TDI агрегат е со технологија од последната генерација на common rail, располага и со DPF филтер за честички и има максимален вртежен момент од 350 Nm при 1.800 вртежи/минута. Вака екипираната Altea Freetrack постигнува максимална брзина од 204 km/h, а до 100 km/h забрзува за 8,7 секунди. Што се однесува до потрошувачката во комбиниран режим на работа троши до 6,0 l/100 km, а емисијата на CO2 e 159 g/km.
При управувањето не се чуствуваат димензиите и тежината на возилото (1.540 килограми). Благодарејќи на одличното подвозје и потпирање Altea Freetrack може прилично брзо да се вози. На асфалт има одлични забрзуваења и се карактеризира со врвен комфор, иако поради теренските потреби потпирањето е малку покруто. Во нормални услови на возење интегралниот погон ги задвижува само предните тркала, а во случај на потреба Haldex спојката ја префрлува и до 50 % сила и на задната оска. Одалеченоста од подлогата од 310 mm, аглите на пристап и тргнување, како и аголот на преминување преку препреки му даваат особини на вистински теренец.
Yeti во естетски стил е надградба врз пространиот Roomster. Но, сосема разбирливо, со префинет дизајнерски зафат направен е модел кој просечниот семеен автомобил го претворил во атрактивен SUV претставник со универзални способности. За Yeti едноставно употребена е најоптималната формула, бидејќи овој специјалитет долго време се „крчкаше“ (четири години), од концепт до сериски автомобил, во германската и чешката кујна. Што се однесува до димензиите ова е сепак компактен автомобил со должина од околу 4,2 метри и широчина 1.793 и височина 1.691 mm. На предниот дел доминираат големи светла каде се имплементирани оние помалите за магла. Маската е со препознатлив Шкодин трендовски дизајнрески пристап, каде доминира новото лого. Гледано од страна очигледно е повисокото подвозје во чии агли се сместени тркала од 17 цола, а робусниот изглед го даваат калниците и повисокиот заден дел каде доминираат одново големи оригинални задни светла и петтата врата.
И во ентериерот продолжува трендовската Шкодина приказна, со препознатливи детали од групата каде овој бренд припаѓа. Уредувањето е очекувано со сите потребни детали, одлична прегледност на инструменталната табла, со многу елементи на средната конзола и се разбира добар избор на материјали. Предните седишта добро го држат телото и се мошне удобни, што е многу близу до класичните автомобили, а не теренците. Позади, она што е и важно за ваков облик на возила има повеќе од солидна пространост. Седиштата се со Varioflex систем и може да се направи комбинација со три и со две места за седење, во зависност од потребите. Во багажникот ќе се најде доволно место- 413 литри. Реално, кога се ќе се земе во предвид Yeti, благодарејќи на добро смислената модуларна внатрешност, нуди многу простор за возило со меѓуоскино растојание од 2.578 mm. Перформансите на дизелскиот 2,0 литарски TDI мотор се исти како во Freetrack-от(и двата потекнуваат од VW) и овде нуди солидни вредности, како да не станува збор за каросерија со скромна аеродинамичност и возило тешко околу 1,5 тони. За ова сведочат и бројките, автомобилот забрзува до стотка за 8,4 секунди, а максималната брзина е 201 km/h. И во најекстремни градски метежи и посебни режими на работа, на отворен пат или надвор од патеката потрошувачката изнесува во просек околу 6 литри и емисија на CO2 155 g/km.
Yeti ја истакнува својата управливост и постојаност и во поекстремни ситуации, а свиоците ги „голта“ без проблем и добро ги „впива“ сите нерамнини пред се поради високиот клиренс (180 mm). Погонот на сите четири тркала е решен преку Haldex-спојка од четвртата генерација, која се контролира електрохидраулички. Спојката во ниту еден момент не создава оптоварување на погонот или менувачот. При добри услови (сува подлога) 96% од моментот се пренесува на предните тркала, а доколку ситуацијата налага, електронското управување може да префрли и до 90% позади. Автоматската блокада на диференцијалот спречува задното тркало со помал допир со подлогата да пролизга. Тоа значи Yeti лесно совладува препреки и терени, а со помош на електронијата управувањето со возилото е без поголеми потешкотии. При ова секако своја улога имаат сигурносните системи како ABS, ASR (состав против пролизгување), EDS (систем за стабилност), кои се во стандардна опрема. Не треба да се заборави и на пакетот воздушни перничиња ESP, EBV, MSR и MBA системите. Кон ова и потсетување дека и овде во стандардната опрема пристигнуваат многу елементи кои се грижат за функционалноста и ергономијата, но и задоволство при управувањето.
На крајот да споменеме дека од услугите и на двете изведби се задоволни полициските служби на повеќе држави во Европа, а анализите ќе потврдат дали Чесите или Шпанците, ќе ги заменат Американците.
Поништен тендерот за набавка на нови полициски возила
25 мај 2012
Тендерот за набавка на 150 нови полициски возила е поништен
поради невалиден електронски потпис и несоодветна цена на понудувачите
кои учествуваа во тендерот.
При проверка на валидноста на електронскиот потпис со кој е потпишана
понудата на понудувачот Порше Македонија ДООЕЛ од Скопје, комисијата
утврдила дека понудата не е потпишана со валиден електронски потпис
издаден од страна на овластена куќа, односно КИБС АД или Македонски
Телеком АД.
Другиот понудувач, пак, на тендерот „КА-ДИС“ ДОО извоз-увоз Скопје
понудил повисока цена од она што било утврдено како критериум.
„Цената на понудата во висина од 279.952.583,60 денари без вклучен
ДДВ, ја прави понудата несоодветна. Поради тоа и оваа понуда не се
прифаќа.
Двете компании кои учествуваа на тендерот имаат право на
жалба до второстепената комисија во рок од осум дена“, соопштуваат од
МВР.
На 9-ти мај во МВР беа отворени понудите, “Порше Македонија“ од
Скопје понуди моторно возило „Шкода јети“, а понудувачот “КА-ДИС“ од
Скопје понуди моторно возило „Сеат алтеа“.
Последна набавка на полициски возила беше пред 12 години, во 2000
година кога се набавени 210 патнички возила “Крајслер“ и 30 теренски
(џипови), сите со бензински мотор.
Набавените “Крајслери“ се во голема мера амортизирани. Во просек,
секое од овие возила има поминато повеќе од 500.000 километри, а некои и
повеќе. Голем дел од нив, околу 20 отсто, веќе се неупотребливи и
расходувани (околу 40 “Крајслери“). Годишните трошоци за сервисирање и
одржување на крајслерите кои се во возна состојба изнесуваат околу 7.000
евра по возило, бидејќи само една замена на автоматскиот менувач
изнесува околу 3.000 евра. Просечната потрошувачка на гориво на овие
возила им изнесува над 14 литри на 100 километри.
ФОТО: Алфите со „хамер“ ќе ловат криминалци Четврток, 07 Јуни 2012 19:07
Посебната мобилна единица „Алфи“ ќе вози запленет „хамер“ од царината за кој судскиот процес е завршен, пренесува телевизија Сител.
Со променета боја и додадена опрема „Алфите“ ќе ловат криминалци со новиот „хамер“, кој од пред три дена е доделен на мобилната единица, а претходно бил во сопственост на косовски државјанин.
-Откако завршил процесот, агенцијата за управување со одземен имот донела ваква одлука. Претходно бил сребрена боја и регистриран во соседно Косово, но отсега со нов лик и нови таблички ќе крстосува низ Скопје. Во него веќе е вградена и потребната полициска опрема. Возилото четири години стоело на паркингот пред затворот Идризово, а отсега ќе лови криминалци по скопските улици, пренесува Сител.
ФОТО: Сител
Од МВР се надеваат дека наскоро ќе добијат уште еден „хамер“ сличен на овој, а веќе е поднесено барање полицијата да го добие и Хамерот на Бајруш Сејдиу кој беше запленет во акцијата Пепел.
Нов блиндиран Мерцедес вреден над половина милион евра деновиве треба да
се паркира во гаражата на Министерството за внатрешни работи.
Македонската полиција го потпиша договорот со единствениот понудувач на
објавениот тендер. Возилото кое е произведено по највсоките стандарди за
безбедност ќе се користи за превоз на државните функционери и
странските делегации кои ќе доаѓаат во посета на Македонија
Од МВР информираат и дека немало жалби од ниту една од фирмите кои
конкурираа на тендерот за набавка на возила кои требаше да ги заменат
дотраените крајслери и дека веќе започнала постапката за повтрорен избор
на најповолен понудувач од кого МВР треба да купи 150 возила за
потребите на полицијата.
Нов тендер и нови возила. Комисијата за јавни набавки во МВР по втор пат ги отвори понудите.
Освен Шкода Јети и Сеат Алтеа во трка за ново полициско возило влегуваат и Опел Инсигниа, Рено Колеос и Фолксваген тигуан.
Покрај Порше Македонија и Ка-дис, сега на тендерот се пријавиле и Аутомакедонија, Аумотив Груп и Делукс Ауто ДООЕЛ од Куманово.
Понудите денеска беа отворни јавно во присуство на претставници од
понудувачќите. Покрај барањето возилата да бидат со дизел мотор и да ја
имаат дополнително потребната полициска опрема, како клучен фактор МВР
ќе ја земе вредноста на понудите.
Претходниот тендер МВР го поништи, откако комисјата утврди недостатоци во пристигнатите понуди.
Според распишаниот тендер новите 150 автомобили ќе се отплаќаат на 36 рати.
Причина за замената на Крајслерите според МВР е нивната дотраеност и превисоките трошоци за сервис.
You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum
Quote 
Mислиш вакво:
?
Topic Options
