build.mk Homepage
Forum Home Forum Home > Главни теми > Проекти > Верски
  Active Topics Active Topics
  FAQ FAQ  Forum Search   Register Register  Login Login

Св. Константин и Елена - Центар

Bookmark and Share
 Post Reply Post Reply Page  <1 1718192021 22>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #361 Posted: 25-Aug-2016 at 07:00
Ikonostasot velat deka ke bide kombinacija od mermer i drvo. Inaku tenderot neznam koj go dobil samo znam deka zoografite se od Ukraina. Tie rabotat na freskite. No i tie nemozat da preciziraat koga ke bidat gotovi bidejki vo vnatresnosta imalo uste mnogu rabota.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #362 Posted: 25-Aug-2016 at 12:34
Најверојатно уште една година и половина ќе се довршува црквата „Свети Kонстантин и Елена“ што се гради на улицата Македонија веднаш до Домот на АРМ.



Од Македонската православна црква – Охридска архиепископија велат дека е неблагодарно да се каже со сигурност кога ќе биде готов храмот бидејќи се одвиваат специјални уметничко-занаетчиски работи што не може да се предвидат со конкретен рок.

Моментно таму се слика фрескоживописот.

Бобан Митевски, презвитер во кабинетот на архиепископот Стефан вели дека фрескописот го работат тајфа зоографи од Украина и тој е веќе 50 проценти поставен.

- Фрескописот се работи во византиски стил и е според македонската школа. Проучуван е фрескописот во византискиот период преку нашите најрепрезентативни споменици, како што се храмовите „Свети Пантелејмон“ во Нерези, „Света Богородица Перивлепта“ во Охрид и „Свети Ѓорѓија“ во Старо Нагоричино - објасни Митевски.

Во подрумскиот дел на црквата се предвидува амфитеатар, простории за функционирање на храмот (свештенички и административни канцеларии), крстилница и еден помал параклис.

На камбанаријата на „Свети Kонстантин и Елена“ се поставени 12 ѕвона, што според презвитер Митевски е најголем спој на камбани забележани во Македонија, освен во Бигорскиот манастир. Тие ќе одекнуваат кога црквата комплетно ќе се заврши.

Ѕвоната, кои се изработени во Австрија, ќе продуцираат тонови во три октави. Проектот за ѕвоната го изработија архитектите Искра и Владимир Лековски од студиото „Лелелеле“, кои го изработија и идејното решение и основниот проект за изградбата на храмот, а рускиот проектант Марк Галтерин го изработи проектот за звучниот сет.

Централното ѕвоно е тешко 8,3 тони и е најголемото ѕвоно на Балканот. Второто по големина е тешко 3,5 тони, а третото 2,3 тона. Сите 12 ѕвона ќе бидат наместени да произведуваат различни мелодии. Една мелодија ќе се произведува за големите празници, а друга ќе биде за во неделите.

http://vesti.mk/read/news/10198478/3574963/najgolemoto-dzvono-na-balkanot-ke-odekne-od-centarot-na-skopje
Back to Top
xnx View Drop Down
Senior Member
Senior Member


Joined: 05-Apr-2009
Online Status: Offline
Posts: 1943
  Quote xnx Quote  Post ReplyReply #363 Posted: 25-Aug-2016 at 13:01
aha uste godina ipol, ke vidis kako ke ja zavrsat pred izbori
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #364 Posted: 25-Aug-2016 at 14:28
Хаха тоа е нормално. Гога народот е глуп нека си играт.
Back to Top
FoSsiL View Drop Down
Senior Member
Senior Member
Avatar

Joined: 01-Mar-2009
Location: Аеродром
Online Status: Offline
Posts: 4699
  Quote FoSsiL Quote  Post ReplyReply #365 Posted: 17-Nov-2016 at 15:13








Македонија - Земја на чудата!
Back to Top
Doni View Drop Down
Newbiе
Newbiе


Joined: 09-Nov-2016
Online Status: Offline
Posts: 9
  Quote Doni Quote  Post ReplyReply #366 Posted: 17-Nov-2016 at 15:30
Можело и да се помачат малку и да внимаваат на детали а ? Чудо не го одбрале полесниот и поефтин пат да налепат стиропор на црквава
Back to Top
hcitrS View Drop Down
Senior Member
Senior Member
Avatar

Joined: 27-Nov-2015
Online Status: Offline
Posts: 873
  Quote hcitrS Quote  Post ReplyReply #367 Posted: 17-Nov-2016 at 15:47
Стварно е иронично дека објектот со најконзервативна намена во Ск14, има најубава и најсовремена фасада. Пак ќе наведам дека не сум фан на локацијата, ама многу ми се допаѓа фасадата и нејзината изведба.
Back to Top
FoSsiL View Drop Down
Senior Member
Senior Member
Avatar

Joined: 01-Mar-2009
Location: Аеродром
Online Status: Offline
Posts: 4699
  Quote FoSsiL Quote  Post ReplyReply #368 Posted: 17-Nov-2016 at 15:58
Иначе не знам колку се гледа на сликиве, али некои од плочите имаат да ги речам „пукнатини, одронувања, дупки“, кои се намерни... и на тоа место има позлатеност... На првата и третата слика се гледа најдобро.
Македонија - Земја на чудата!
Back to Top
Калоян View Drop Down
Newbiе
Newbiе
Avatar

Joined: 23-Sep-2015
Online Status: Offline
Posts: 14
  Quote Калоян Quote  Post ReplyReply #369 Posted: 27-Dec-2016 at 13:57
Тоа е ефектот на каменот, мислам дека станува збор за травертин,прочитав некаде погоре. Сум видел на подови во општествени објекти и на фасади, секаде има такви “одронувања“ кои се површински и не влијаат на монолитноста и долголетието на материјалот како цело а на објектот му даваат автентичност, во случајов е одличен избор бидејќи се работи за неовизантијски стил. Убаво е.
Back to Top
Понтифик View Drop Down
Newbie
Newbie
Avatar

Joined: 04-Mar-2017
Online Status: Offline
Posts: 24
  Quote Понтифик Quote  Post ReplyReply #370 Posted: 28-Sep-2017 at 23:03
Има ли нешто ново при објектов? Фотографија, некој?
Само тъмен ум като моя може да знае всички тайни, защото са тъмни, толкова тъмни...но в теб.
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15016
  Quote Џоле Quote  Post ReplyReply #371 Posted: 06-Oct-2017 at 16:50
Нема големи промени, мислам дека се работи само на камбанаријата и на внатрешно живописување, однадвор е вака веќе цела година...

Skopje by Chang Ju Wu, on Flickr
За сè има вторпат
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #372 Posted: 30-Dec-2017 at 13:34
Овде веќе подолго време имам впечаток дека не се работи.Еве една денешна фотка од камбанаријата чија фасада сеуште не е почната да се прави.

Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #373 Posted: 26-Nov-2018 at 08:43
Црквата „Свети Константин и Елена“ чека молитви од Синодот за да биде завршена



Лимените тараби околу градбата на црквата „Свети Константин и Елена“ се уште стојат и одземаат речиси третина од улицата „Македонија“ во нејзиниот централен дел. Така е веќе шеста година откако во ноември 2012 година, почна нејзината изградба. Најголемиот дел од овој храм со кој ќе се обнови некогашната позната истоимена црква која беше урната по оштетувањето во скопскиот земјотрес, е веќе завршен. Но, сега откако работите се доближија до крај никако и да завршат. На ограденото градилиште со месеци нема никој, не се работи, така што се поставува прашање дали и кога скопјани ќе ја добијат обновената црква.
Градилиштето, кое што го обиколивме деновиве, е целосно затворено, а оградата служи како место за лепење на плакати што создава и грда слика. Однадвор се гледа дека надворешниот дел од црквата е речиси завршен. Над влезот се поставени и два клима уреди кои што го нагрдуваат впечатокот за убавиот храм бидејќи таму воопшто не им е место. Незавршена е камбанаријата висока околу триесетина метри и на неа ќе треба уште да се работи. Според поранешните најави од Скопската епархија новата црква веќе требаше да биде завршена, но…
– Поминаа цели шест години откако почнаа да ја градат. Сигурно причината е во тоа што се нема доволно пари. Синодот би требало повеќе да се ангажира околу тоа за да не се случи направеното да пропадне. Сега е зима и ладното време може да оштети нешто. И крајно време е улицата да се ослободи, просторот да се уреди и да биде убаво за поминување, ни вели скопјанецот Страхил Николовски.
Објектот досега е граден со донациите од граѓаните и фирми. Се одржаа три донаторски средби на кои што се собраа најголемиот дел од парите со кои се стаса до оваа фаза во изградбата. Сега нема најави дека ќе се одржи некој нов собир на донаторите што значи дека пари тешко ќе се обезбедат. Со тоа постои и опасност и ова црква – заедно со незавршената Градска куќа и хотелот на плоштадот како и фасадите на зградите на ЕЛЕМ/ЕВН и на ГП „Пелагонија“ – да останат долго време такви. Со тоа плоштадот и главната улица „Македонија“ да не го добијат замислениот лик во кој би уживале граѓаните и туристите.
Новата црква, познато е, првично беше планирана да се прави на централниот градски плоштад во непосредна близина на поранешниот храм кој беше урнат, а на негово место изграден Градски трговски центар . Но, по отпорoт во јавноста, пред се албанската, надлежните решија да ја префлат нејзината локација на пешачката улица. Оваа црква е специфична и по тоа што е меѓу ретките чија фасада е изработена од резбан травертин, а специфични се и куполите што се направени од инокс во златна боја.

12 камбани чекаат да удрат
За потребите на црквата биле изработени 12 камбани, направени во фабриката „Грасмаер“ од Инсбрук, од кои, најголемата камбана е со тежина од 8,3 тони, а втората и третата камбана тежат 3,5 и 2,3 тони. Ова ќе биде најголем спој на камбани забележани во Македонија, со исклучок на оние во Бигорскиот манастир.

http://skopskoeho.mk/tsrkvata-sveti-konstantin-i-elena-cheka-molitvi-od-sinodot-za-da-bide-zavrshena/?fbclid=IwAR14ilXYrBDT1C3B9s2PzRO_ESa05kE5MtdG3EXh4OPlyETFTYRR0pzDig8
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #374 Posted: 18-Jul-2019 at 18:20
Стопираното може да се тргне изградбата продолжува,во текстов покрај за оваа има и за останатите цркви кои се градат низ Скопје и кога би можело да се очекува да бидат готови.Секој дел од текстот е распореден во соодветната нишка
-----------------------------------------------------------------------------
Отец Ванчо од Скопската епархија уверува дека за четири години ќе бидат изградени сите започнати храмови. Во црквата „Свети Константин и Елена“ што се наоѓа до Домот на АРМ се работи на фрескоживописот, а во наредните четири години ќе се прави иконостасот и ќе се цртаат иконите.


Иако досега требаше да биде осветена црквата „Свети Константин и Елена“ што се наоѓа до Домот на АРМ, отец Ванчо вели дека ќе бидат потребни околу четири години таа комплетно да се заврши и да биде осветена.

Пред еден месец започнаа работите на фрескоживописот. Тој е голем и потребно е внимание и посветеност, а со тоа и подолг временски период. Засега 50 до 60 проценти од него се завршени. Освен тоа, треба да се работи и на иконостасот, да се исцртаат иконите и затоа се потребни три до четири години за да се заврши комплетно и да се освети – информираше отец Ванчо.

Оваа црква започна да се гради на 11 ноември 2012 година кога беше извршено осветувањето на темелите, лично од поглаварот на МПЦ, г.г. Стефан. Идејното решение и основниот проект на црквата се изработени од архитектите Искра и Владимир Лековски од студиото „Лелелеле“, додека за изградбата беше задолжена градежната фирма „Бетон“. Инвеститор на изградбата на храмот е МПЦ кој за таа цел ја основа Фондацијата „Свети цар Константин“. За да собере пари за изградба на црквата, фондацијата одржа три донаторски конференции.

https://www.vecer.press/политичарите-ги-предадоа-на-верницит/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #375 Posted: 27-Nov-2019 at 14:00
Od Instagram

Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #376 Posted: 10-Apr-2020 at 14:17
Тајната вечера: Како МПЦ со партиска поддршка собра 2 милиона евра за црквата на улица „Македонија“






ИРЛ Македонија за прв пат ги открива сите 440 донатори, меѓу кои најголемиот е ЕВН, со 500,000 евра. Организацијата била партиска, а висината на донациите се „сугерирала“.

Истражувачката репортерска лаборатија открива дека државни институции и бизнисмени чии фирми добро профитираа од државните тендери од „Скопје 2014“ се најголемите донатори за фондацијата на Македонската православна црква за да ја изгради црквата Св. Константин и Елена“ на улицата Македонија.

Проектот беше онолку религиозен колку што беше и политички. А парите се собрале на три приватни донаторски вечери во еден скопски хотел каде што присуствувале политичари, бизнисмени и врвот на МПЦ.

„Свети Цар Константин и Елена“ на улица „Македонија“ во центарот на Скопје влезе во седмата година од изградбата. Почна во 2012 година и требаше да биде готова за три години, но локацијата се уште е оградена со тараби. Дозволата за градба беше издадена на 9 ноември 2012 година, а почна да се гради два дена подоцна. Првата лопата ја фрли поранешниот премиер Никола Груевски, кој заедно со поглаварот на МПЦ-ОА г.г. Стефан го означија почетокот на овој, како што го нарекуваа, „велелепен“ духовен храм.
Црквата беше идеја што ја туркаше тогашниот премиер Никола Груевски и ВМРО-ДПМНЕ. Уште пред да се издаде дозволата за градба беа задушени протестите на граѓаните кои сметаа дека не треба да се гради црквата, а кога се носеше ДУП-от во општина Центар и кога се вцрта маркицата беше проследено со насилства од лица организирани од ВМРО-ДПМНЕ. Во овој случај којшто го отвори Специјалното јавно обвинителство познат како „Шамари во Центар“ од раководството на партијата обвинети се Никола Груевски, Миле Јанакиески и Даниела Рангелова и неколку советници од ВМРО-ДПМНЕ во општина Центар.

Шест месеци пред да биде издадена градежната дозвола, во мај 2012 година, МПЦ формира фондација „Свети Цар Константин“ која се јавува како инвеститор на градбата. Фондацијата е регистрирана на адресата на синодот на МПЦ со основачки влог од 65.000 евра. Црквата истата година вложува 1 милион евра на сметката, а останатите пари почуваат да се собираат со донации. Беа организирани три донаторски конференции. Првата во декември 2012, потоа пролетта 2013 и последната во декември 2014 година.

Од годишните сметки на фондацијата Свети Цар Константин доставени до Централниот регистар на РМ може да се види дека во 2012 година единствени приходи се милион евра кои како донација ги уплатила МПЦ. Во 2013 година фондацијата има приходи од 1.650.000 евра, во 2014 – 700.000 евра приходи. Како што опаѓа моќта на ВМРО-ДПМНЕ, така се намалуваат и донациите. Во 2015 година нема донаторски конференции и се собрани 280.000 евра приходи. Во 2016 година се пријавени 28.000 евра, а во 2017 година само 160 евра.

ИРЛ од Министерството за правда го побара списокот на донатори. Во оваа институција секој донатор има обврска да ја пријави донацијата, за да добијат потврда дека се работи за јавен интерес. На листата која што ја добивме има 440 донатори.

Партиска операција, црковна инфраструктура: Се делеле и налози со точни суми за донација

Вкупно се донирани 2.044.357 евра. Од нив 258 се од приватни фирми, шест донатори се државни институции и 176 се физички лица. Најголем донатор е ЕВН Македонија со половина милион евра. Од оваа компанија за ИРЛ одговорија дека многу често донираат за верските заедници и ова не е прва донација.

„Конкретно во однос на верските заедници, компанијата поддршката ја демонстрира преку разни форми на соработки како парични донации, донации во форма на основни прехранбени и продукти за хигиена, мебел и опрема, но и креирање на поволности за олеснување на плаќањето на долговите за потрошена електрична енергија. Со учество во донаторски конференции е поддржана изградбата на црквата Св. Константин и Елена во центарот на Скопје“, велат од ЕВН.

Донаторските конференции се организираа во хотелот „Александар Палас“. Според сведоштво на еден од бизнисмените, во организацијата помагале Стопанските комори, а целата „донаторска“ операција била водена од поранешните функционери на ВМРО-ДПМНЕ Миле Јанакиески и Кирил Божиновски. На донаторските вечери на масата пред секој гостин бил поставен готов договор за донација, во кој бизнисменот требал само да ја впише сумата. Дознаваме и дека дел од бизнисмените добивале налог и точно колкава сума да донираат, но и да лобираат кај други бизнисмени да се запишат на списокот донатори.

Државни институции кои донирале се: АД МЕПСО 66.000 евра, потоа ЈП Јасен со 3.200 евра, Комисијата за односи со верски заедници и религиозни групи – 2.800 евра, Совет за унапредување и надзор на ревизијата – 600 евра, Институт за земјоделско инженерство и инженерска сеизмологија 500 евра и државната агенција МИА донирала 100 евра.

Од државната МЕПСО велат дека учествувале на две донаторски конференции за изградба на црквата.

„Што се однесува на изградбата на храмот „Свети Константин и Елена“ МЕПСО во два наврати во 2013 и во 2015 година донирани се вкупно 4,08 милиони денари. Сите донации се одобрени од Министерството за правда и се донесени со одлуки на Управниот одбор на МЕПСО. Во период од 2013 година до сега МЕПСО на МПЦ и на ИВЗ двете најголеми верски заедници во Република Македонија донирал 17,23 милиони денари“, велат за ИРЛ од МЕПСО.

Донатори се стотина приватни фирми, најголемите градежни фирми, осигурителни компании, адвокати и извршители. На листата се сите оние градежни компании и фирми поврзани со моќници и бизнисмени кои за време на владеењето на ВМРО-ДПМНЕ добиваа милионски тендери од државниот буџет.

Градителите на Скопје 2014 на листата донатори: Гранит еден од подарежливите

Најголем донатор од градежниците е градежната компанија „Гранит“ која шти дала 244.000 евра донација. „Трансмет“ на бизнисменот Сеад Кочан издвоила 128.500 евра. Компанијата “Бетон“ на Минчо Јорданов, која што воедно и ја гради црквата, уплатила 95.000 евра. Познатата фирма „Бауер БГ“ која изгради десетици згради од проектот Скопје 2014 донирала 85.000 евра. „Жикол“ донирал 37.700 евра. Сега притворениот бизнисмен Орце Камчев, дал повеќе донации од различни фирми во кои што во тоа време компании кои се дел од холдингот „Орка“ во негова сопственост: млекарницата „Здравје Радово“, „Жито полог“ Тетово, болницата „Аџибаден Систина“, Земојделскиот комбинат „Пелагонија“ – Битола, „Орка холдинг,“, Градежното претпријатије „Бетон“ – Штип, сите зеадно со вкупно 58.000 евра.

Во 2015 година немаше донаторска конференција. Тоа е годината кога „пукаа“ бомбите на СДСМ и кога се потпишуваше Пржинскиот договор. Сепак, на сметката на фондацијата легнале 280.000 евра од донации. Донациите се слевале исто како по тертипот на финансирање на ВМРО-ДПМНЕ. Па така, во само два дена пристигнале 182 донации. На 21 октомври 2015 се вкупно 73, а следниот ден 107 донации.

„Во одреден период пристигнале поголем број барања за потврдување на јавниот интерес, а по добиените мислења од Комисијата за односи со верските заедници-беа изготвени 182 решенија“, велат за ИРЛ од Министерството за правда.
Меѓу донаторите од оваа група се и лица кои важеа за блиски во круговите на братучедите Никола Груевски и Сашо Мијалков. Компанијата „Пелистерка“ на Цветин Панделески кој што во моментов е во притвор за случајот „Империја“, донирала 10.000 евра. Компанијата„Дивелоп груп“ во тоа време во сопственост на бизнисменот Александар Ивановски којшто едно време беше и ортак во хотелот „Мериот“ со Мијалков, дал исто толку пари. „Тинекс“ на Владимир Тодоровиќ се истакнал со 35.700 евра, а сега пропадната „Фени индустри“ дала 59.000 евра за изградба на црквата.

Банки, адвокати, извршители дел од донаторите

Дарежливи биле и банките. Најмногу пари донирала Стопанска банка Скопје 58.500 евра.Прв на листата адвокати – донатори е Никола Додевски со 1.000 евра. Тој беше адвокатот кој го следеше Никола Груевски на сите судски процеси, се додека неговото име не се појави како сведок во случајот Талир на СЈО за нелегалното финансирање на ВМРО-ДПМНЕ. Серјожа Марков, адвокатот чија адвокатска канцеларија ги регистрираше сите офшор фирми поврзани со функционери и бизнисмени блиски до претходната власт, донирал 800 евра. На списокот којшто ИРЛ го доби користејќи се со правото на слободен пристап до информации од јавен карактер, има и имиња на извршители: Даница Страчкова, Гордан Станковиќ и Магдалена Симовска – Давидовиќ.

Најмалку, или, само 1 процент од вкупните донации доаѓаат од црковните лица. Единствен којшто донира е Митрополитот Агатангел и издвоил 2.000 евра.

Донатори се и лица од врвот на ВМРО-ДППМНЕ. Груевски бил најдарежлив и пријавил донации во вкупен износ од 3.000 евра. Поранешниот вицепремиер Владимир Пешевски издвоил 1.000 евра. Исто толку дала и скулпторката и авторка на „Воинот на коњ“, Валентина Стефановска. Донатори се и поранешните министри Спиро Ристовски, Миле Јанакиески, Кирил Божиновски, Билјана Бришкоска Бошковска и нејзиниот сопруг Дејан Бошковски, како и поранешниот ректор Велимир Стојковски.

Вкупната сума која МПЦ ја донирала е 2 милиони евра, а заедно со донациите на приватните фирми и физичките лица тоа се околу 4 милиони евра. Црквата сеуште се гради.

За споредба црквата Света Богородица чиј ктитор беше бизнисменот Трифун Костовски го чинела 2,3 милиони евра. Тој не донирал ниту денар на сметката на МПЦ, туку сам наоѓал изведувачи, уметници за фреските и зоографи и кога била готова црквата и’ ја подарил на МПЦ.

ИРЛ неодамна објави и како се гради руската црква во скопската населба Аеродром, чиј ктитор е бизнисменот Сергеј Самсоненко. На сметката на МПЦ тој уплатил донација од 1.8 милиони евра.



https://irl.mk/vmro-dpmne-im-deleshe-tenderi-mpts-im-gi-sobirashe-parite/
Back to Top
my Macedonia View Drop Down
Senior Member
Senior Member
Avatar

Joined: 09-Oct-2008
Location: 🇲🇰🇨🇭
Online Status: Offline
Posts: 4075
  Quote my Macedonia Quote  Post ReplyReply #377 Posted: 10-Apr-2020 at 14:54
Принчипот на ЕВН, каблите низ улици авганистански, без струја африкански ама пола милион донација за црква македонски.
#јадеме чоколадо а немаме за Леб -Горде

Edited by my Macedonia - 10-Apr-2020 at 15:08
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #378 Posted: 05-Jun-2020 at 11:28




https://www.facebook.com/Studio-lelelele
Back to Top
FT View Drop Down
Senior Member
Senior Member
Avatar

Joined: 22-Jun-2010
Location: Kocani
Online Status: Offline
Posts: 565
  Quote FT Quote  Post ReplyReply #379 Posted: 05-Jun-2020 at 15:43
Убаво изгледа а може и да се отвори у скоро време, т.е. просторот околу да се среди, вратата на црквата не мора да ја брзаат толку.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19539
  Quote stef4o Quote  Post ReplyReply #380 Posted: 08-Jun-2020 at 15:56


https://www.facebook.com/aerofoto.mk/
Back to Top
 Post Reply Post Reply Page  <1 1718192021 22>

Forum Jump Forum Permissions View Drop Down



This page was generated in 0.109 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.