Расадник

Па местово и сега е паркинг,а со една монтажна гаража ако мислат дека ќе решат проблем на 30,7-катни зградички наччкани една до друга.....во најмала рака несериозно,како и 30 годишното менаџирање со Кисела Вода.

Згарадта десно на сликава,уште од сега и се познаваат "ребрата" а дали е стара 2-3 години.... Вакви тумори некој одобрил и земал процент.
Дури и во време на епидемија во Скопје не запира нагрдувањето на градот со чкарт згради и гулабарници,нема сила оваа неинвентивност и профитерство што ќе ја запре.

Од оваа панорама може да се види што убаво би било оваа голема зелена површина да се претвори во еден голем парк од типот Central Park во New York, или пак парк близнак на градски парк со неколку езера мостови патека за велосипеди, големи дрва за сенка хммм ??

Апсолутно не се согласувам со претворање на Расадник во парк,ние и овие паркови што ги имаме не ги одржуваме пак втор гарадски парк...

На Кисела Вода и фалат многу работи,конкретно овде нели требаше да се градат:градинка,основно училиште,средно училиште,црква,трговски мислам ? Ништо од тоа нема. На кисела вода и фалат објекти од општествен карактер а најмалку што и фали се вакви мизерни 5-6 катници како до сега што се градат во Расадникот.
Има ли некој со мозок,архитекти,невладини организации,да предложи место 100 мизерни зградичиња,нека се изградат станови колку за 100 згради ама во 20-30-40-50 катни згради,значи во висина,а не да се узурпира цел простор за ЏАБЕ.

ОД СТОТЕ ЗГРАДИ КАЈ РАСАДНИК, ИЗБРИШАНИ МАРКИЧКИ САМО ЗА ТРИ, ГРАДОНАЧАЛНИКОТ ТЕМЕЛКОВСКИ ВЕЛИ ПЛАНОТ ЌЕ ОВОЗМОЖИ ХУМАНО ЖИВЕЕЊЕ, А ЌЕ ДОНЕСЕ 8.000 НОВИ ЖИТЕЛИ

Од нацртаните 100 згради во населбата Расадник избришани се маркички само за три, а на пет е намалена катноста. Ова се предвидува со Деталниот урбанистички план (ДУП) Градска четврт Ј14 Расадник, кој Општина Кисела Вода го стави на повторно јавна анкета, поради одредени усогласувања со Генералниот урбанистички план (ГУП).

И покрај барањата на жителите на Кисела Вода Општината да се откаже од овој план и наместо згради и нова населба да предвиди зелени површини на овој простор кој сега е празен и неизграден, во Расадник, што е на едвај 2 километри од строгиот центар на Скопје, ќе се гради. Трите згради се избришани бидејќи се наоѓаат во заштитена зона односно на траса на далекувод, а останатите згради остануваат со катност од 6 до 13 ката. Не се исполнети ниту барањата на граѓаните да се избришат маркичките за згради спроти основното училиште „Кирил Пејчиновиќ“ и до бензинската пумпа на улица Христо Татарчев.

Градоначалникот на Општина Кисела Вода Филип Темелковски вели дека планот ќе овозможи хумано живеење, 50 отсто се згради, а 50 отсто ќе биде јавен интерес односно зеленило, градинки, училишта, поликлиника.

„Со оглед дека 90 отсто од овој простор е приватна сопственост односно земјиштето е вратено со денационалицијата, во планот мора да има згради, не може Општината целото земјиште да го откупи. Просторот е испланиран плански, со голем број зелени површини, катна гаража, подземни паркинзи и нови улици. Според бројот на згради ќе има околу 8.000 нови жители, а ќе биде предвидена нова градинка, проширување на постојната, основно и средно училиште“, вели градоначалникот Темелковски.

На јавната анкета по првото излагање на планот над 200 анкетни листови биле од граѓани кои барале поголема катност на зградите, а 170 граѓаните биле потпишани на петицијата доставена како анкетен лист против новите згради во Расадник.

„Во оваа ситуација колку што имаме незадоволни граѓани, имаме исто толку кои бараат дури и поголема катност. Секогаш ќе има незадоволни. Но, јас сметам дека планот е добар, просторот е испланиран на тој начин што ќе овозможи хумано живеење“, вели Темелковски.

https://sdk.mk/index.php/dopisna-mrezha/od-stote-zgradi-kaj-rasadnik-izbrishani-markichki-samo-za-tri-gradonachalnikot-temelkovski-veli-planot-ke-ovozmozhi-humano-zhiveene-a-ke-donese-8-000-novi-zhiteli/

Неколку извадоци од предложениот план







https://www.kiselavoda.gov.mk/content-data/Broshuri/Ј14.pdf

Edited by Théoden - 10-Sep-2020 at 15:44

И тука исто како и кај претходните 2 плана објавени минатава недела, суштината на критиките од јавноста е сосема погрешна.

Зградите обележани со бордо би требало да се избришат и да се заменат со зеленило, а оние со црвено може да прераснат во пооддалечени кули. Пожелно би било и индустрискиот објект и двете згради источно од него да станат кули, иако тоа би било комплицирано, ако не и невозможно бидејќи индустрискиот објект веќе е изграден.

Што предвидува новиот ДУП кај Расадник, граѓаните против изградбата на комплексот згради



https://kanal5.com.mk/shto-predviduva-noviot-dup-kaj-rasadnik-gragjanite-protiv-izgradbata-na-kompleksot-zgradi/a438420

Како Кисела Вода размислува за својата иднина?!

Планот нуди загушување, губење на сите термини кои по лекциите од часовите по Урбанизам ги слушавме постојано ( во текот на студирањето), како на пример: градежна линија, габарит, висина, осончување, проветрување, организирање на функции, проектирање визури, зеленило, паркирање, сообраќајници… Сите овие точки кои го дефинираат урбанизмот се применети во својата негативна конотација.

Делувањето на урбанизмот според некои формули кои правилниците ги наложуваат без слободата на проектантот да создаде слика во контекстот на просторот, микро и макро во поглед на градот и нивно спроведување, претставува слепо работење и потценување на професијата, поткрепено од легислативата. Но, никој упорно не ја менува со години, туку ја моделира во правецот на ненаситниот бизнис сектор во градежништвото.

Планот е сосем дефиниран во втората димензија. Бидејќи тоа е многу далечно за окото на читателот, создадовме наједноставен 3д модел според максимите запишани во планот. Резултатот е повеќе од очаен.

Тоа што можеме да заклучиме, без посебни анализи е дека ова личи на случајно расфрлани тела низ просторот наместо планско делување со конкретен концепт, иако погледот одозгора одлично лаже .

Густото ткаење со овие височини е еднакво на создавање „кањони“ во кои светлината секако ќе биде еден од главните проблеми.

Во продолжение, компаративни погледи од неколку позиции   >>>















marh.mk/kako-kisela-voda-razmisluva-za-/?svojata-idnina