Расадник

Расадник оди на меѓународен конкурс, жителите ќе го избираат ликот на идната населба



Граѓаните на Кисела Вода пријавија над сто нерегуларности во донесените Детални Урбанистички Планови. Градоначалникот на Кисела Вода, Орце Ѓорѓиевски, најавува дека е започната постапка за дислокација и уривање на Центарот за зависници и дека на тоа место ќе развива локален туризам, а до крајот на овој месец ќе се распише меѓународен конкурс за простортот кај Расадник

На 31 јануари истече рокот што им го даде градоначалникот на Општина Кисела Вода, Орце Ѓорѓиевски, на граѓаните за да достават конкретни забелешки од донесените детални урбанистички планови во рамки на проектот „Стоп за урбаната мафија”, кој започна пред еден месец. Ѓорѓиевски за весникот ВЕЧЕР вели дека се пристигнати над сто пријави за нерегуларности во донесените ДУП-ови, кои претходно беа извадени од фиока, дигитализирани и ставени на увид на граѓаните.

– Интересот е изненадувачки голем. Најголеми забелешки има во делот на Црниче и на Пржино, каде што жителите побараа зелени површини, а на тие места, се издавале маркици за изградба на колективни згради со намена А2, како и за куќи со по осум, па и повеќе станбени единици. Интересно е дека граѓаните беа прилично конкретни и, покрај забелешките, дадоа и предлози и идејни решенија околу урбанистичкото уредување на одредени локации во Општината. Сево ова ќе биде разгледано и за нас, како раководство, многу ќе помогне да постапуваме согласно со Законот и да им излеземе во пресрет на жителите и нивните потреби – нагласува Ѓорѓиевски.

Тој е дециден дека нема да се издадат нови одобренија за градење згради во Пржино и во Црниче и дека е стопирано градењето околу чешмата „Света Петка“, кај народот локација попозната како Балаклија, каде што во зеленилото биле предвидени пет градежни парцели со намена станбени куќи со висина од 10,20 метри.

– Го стопиравме и Деталниот урбанистички план Ј 15 блок 4 или План за дел од Припор, каде што беше констатирано дека, спротивно на Генералниот урбанистички план, се предвидени станбени згради со А2-намена – вели Ѓорѓиевски.

Општината започна и постапка за дислокација и уривање на Центарот за зависници, како што иницираа 1.100 граѓани на Кисела Вода.

– Точно на оваа локација се темелите на денешната населба Кисела Вода. Ова место треба и мора да биде репрезент на Општината во културна смисла, да биде локација која секој ќе може и ќе сака да ја посети, кое, ако гледаме пошироко, може да биде и место кое ќе биде основ за развој на локален туризам. Наспроти тоа, претходното раководство направи само бучава, даде лажни ветувања околу решавањето на овој проблем, а ги остави жителите сами да се снаоѓаат со немањето безбедност во овој дел на градот, со таложењето медицински инфективен отпад и со другите опасности што го нарушуваат квалитетот на нивното живеење. Овој проблем ќе биде целосно надминат – уверува Ѓорѓиевски.

До крајот на овој месец, Општина Кисела Вода ќе распише меѓународен конкурс за конечниот изглед на населбата Расадник. Градоначалникот Ѓорѓиевски вели дека конкурсот е подготвен, но ликот ќе го избираат самите жители на Општината.

– Конкурсот е подготвен и во петок јавно ќе го објавиме на нашата веб-страница на competition.rasadnik@kiselavoda.gov.mk за да може граѓаните да дадат свои забелешки за текстот на меѓународниот конкурс за идејно решение. Вториот чекор што го правиме е негово доставување и до стручната јавност – до Архитектонскиот факултет во Скопје, Комората на овластени архитекти и инженери и до Асоцијацијата на архитекти на Македонија, со цел меѓународниот конкурс да биде стручно издржан. По ова, до крајот на февруари, тој ќе биде меѓународно објавен, а по неговото завршување, ликот на Расадник ќе го избираат неговите жители – вели Ѓорѓиевски.

Тој го стопираше извршувањето на ДУП-от за Расадник бидејќи, како што вели, бил скроен така за таму да се изградат 99 згради, со што целосно ќе се задуши просторот.

Интересен податок е дека во Градот Скопје досега имало вкупно два меѓународни конкурса за изготвување урбанистички планови. Првиот е во далечната 1914 година, распишан од Министерството за градежништво на тогашното Кралство Србија. Вториот, пак, е распишан во 1965 година, по катастрофалниот земјотрес, на кој првата награда ја добиле Кензо Танге и двајца хрватски архитекти.

– По 57 години, Општина Кисела Вода е првата која распишува ваков меѓународен конкурс, и тоа за конечниот изглед на населбата Расадник. Правењето идејни решенија за уредување градски квартови и за градови, во Западна Европа е стандардна процедура. Тоа, секако, е одличен начин да се подигне естетиката на просторот и да се запазат принципите на хумано живеење. Но, во Македонија не постојат дури ни правила за објавување меѓународен конкурс за урбанистичко планирање и уредување. Се надеваме дека, можеби, Општина Кисела Вода ќе биде таа што ќе иницира, ќе поттикне законски решенија или барем ќе биде модел по кој ќе се создаде ваква убава пракса – нагласува Ѓорѓиевски.

Пропадна тендерот за ревизорска куќа, следната недела ќе се распише нов

Пропадна тендерот што општина Кисела Вода го распиша за избор на ревизор или ревизорска куќа кој требаше да даде одговор околу неправилностите во делот на урбанистичкото работење на претходните раководства на општината. Ѓорѓиевски вели дека предвидената надворешна ревизија опфаќа два паралелни процеси.

– Првиот е проверка на издадената документација, издадените одобренија за градба за кои нема правосилност и кои сакаме да ги ставиме на увид на експерти за да ги проверат и да го потврдат она што нашата стручна комисија веќе го изнајде како неправилност. Другиот процес опфаќа проверка на зданијата кои се веќе во фаза на градба и за кои треба да се утврди дали се градат согласно издадените одобренија и проекти – вели тој.

Тоа што не се јавил никој на тендерот, Ѓорѓиевски нагласува дека не го обесхрабрува.

Веќе следната недела повторно ќе го објавиме тендерот и силно верувам дека постојат стручни и чесни луѓе кои сакаат да бидат дел од почетокот на новите времиња во Кисела Вода во кои ќе се почитуваат законите. Иако сме свесни дека можеби има страв, можеби имало и закани до одредени лица кои сакаат да се пријават, сакам да ги охрабам и да им укажам дека само заеднички можеме да ставиме крај на урбанистичкото дивеење во Кисела Вода. Мораме заеднички да упатиме порака дека никој не е над законите и дека не може урбаната мафија да управува со општината. Да расчистиме со криминалот кој долги години е рефрен во Кисела Вода и да почнеме транспарентно, чисто и законски да го градиме новиот имиџ на оваа општина. На наша страна се сите граѓани. Тие побараа промени – потенцира Ѓорѓиевски.

https://www.vecer.press/расадник-оди-на-меѓународен-конкурс-ж/

Објавен меѓународен конкурс: Расадник ќе се гради според потребите на жителите, нема да има 100 згради

На просторот кај Расадник во општина Кисела Вода нема да никнат стотина згради како што беше предвидено во последниот Детален урбанистички план. За него деновиве е објавен Меѓународен конкурс, па тој ќе се уредува според идејното решение кое ќе биде избрано и кое ќе биде основа за изработка на нов ДУП.

Градоначалникот Орце Ѓорѓиевски, вели дека со ова се заокружува една фаза од средување на урбанистичкиот хаос во општина Кисела Вода, целосно дефиниран само од потребите на жителите. Тој потсети дека Расадник со години наназад е на врвот на интересот на целата јавност, но за жал според неприципиелноста, алчноста, непочитувањето на елементарните урбанистички правила за хумано живеење при планирањето.

Програмските насоки биле доставени и до експертската јавност, до Архитектонскиот факултет во Скопје, до Комората на овластени архитекти и инженери и до Асоцијацијата на архитекти на Македонија, со покана и тие да се вклучат во овој голем проект. Прифатиле сите три најрелеванти институции кои со свои претставници директно се вклучиле во групата која го подготвувала конкурсот.

Финалниот текст од вчера е достапен на електронскиот систем за јавни набавки на Бирото за јавни набавки, на сајтот за јавни набавки на Европската унија, како и на општиската веб страна. Тој во себе содржи два дела и осум прилози. Во првиот дел се зададени програмските насоки кои треба да ги насочат учесниците на конкурсот за изработка на идејното решение за Расадник, додека во вториот дел е конкурсната документација. Нашите програмски насоки во овој дел од Кисела Вода подразбираат детска градинка, основно училиште, црква или верски објект, урбана – парк шума од минимум 100 000 метри квадратни, спортско рекреативни содржини, високо образование со ботаничка градина итн. Од учесниците ќе побараме современо и квалитетно урбанистичко решение, кое ќе ги задоволи потребите на жителите – нагласи градоначалникот на Кисела Вода.

За прворангираните три места предвидени се и награди од 15 000, 8 000 и 3 000 евра и по 2 000 евра за два откупени труда. Најдобрите решенија ќе ги избира жири комисија во која ќе има стручни лица, но вклучени се и граѓаните преку Партиципативното тело на општината.

Конкурсот ќе трае 4 месеци, што значи дека во ноември веќе ќе го знаеме бројот на пријавени трудиви и ќе започне процесот на евалуација кој очекуваме да заврши до крајот на декември годинава – рече Ѓорѓиевски.

По завршување на рокот на конкурсот, ќе следи и јавна презентација на сите трудови кои ќе може да ги види целата јавност и да даваат сугестии на жири комисијата.

https://www.slobodenpecat.mk/objaven-megjunaroden-konkurs-rasadnik-kje-se-gradi-spored-potrebite-na-zhitelite-nema-da-ima-100-zgradi/

Голем интерес за конкурсот за ДУП-от во Расадник, во Англија, Иран, Украина…

Голем интерес кај стручната јавност предизвикува Меѓународниот конкурс за идејно решение за ДУП за Расадник, кој го распиша Општина Кисела Вода пред повеќе од два месеци. Со цел да се обезбеди што подобро архитектонско-урбанистичко решение за потребите на жителите на овој дел од Скопје и целосна транспарентност на процесот, конкурсот е објавен на повеќе меѓународни стручни веб страници.

Имено, покрај на сајтот за јавни набавки на Европската Унија, на веб страниците на Архитектонскиот факултет, Комората на овластени архитекти и инженери и Асоцијацијата на архитекти конкурсот е поставен и на веб страниците на нивните сестрински организации. Истиот до стручњаците од нивните земји го пренесе и Сојузот на архитекти на Црна Гора, а текстот со сите критериуми се појави и на престижниот портал https://www.architectsjournal.co.uk/, како и на најпосетуваниот светски сајт за архитектура https://www.archdaily.com/986151/international-competition-for-conceptual-urban-architectural-solution-for-a-city-quarter-j14-rasadnik-skopje-municipality-of-kisela-voda.


Досега интерес околу учество на Меѓународниот конкурс има од стручни лица од целиот свет, како од Англија, Иран, Украина, Србија, Црна Гора… Жири комисијата во која има и врвен меѓународен експерт од областа на архитектурата и урбанистичкото планирање, претставници од домашната стручна јавност, и граѓаните преку Партиципативното тело за урбанизам на Општина Кисела Вода, веќе одржа неколку состаноци. Главниот фокус беше ставен на пристигнатите прашања и барања за дополнителни податоци. Од пред неколку дена, сите досега пристигнати прашања и нивните одговори, се достапни и на веб страницата на Општина Кисела Вода.

http://www.kiselavoda.gov.mk/index.php/component/content/article/8-soodrzina/3428-2022-09-16-12-07-24


Истото ќе биде пракса и во периодот што останува до 11 ноември 2022, кој е краен рок за пристигнување на идејните решенија.

После речиси 60 години, Кисела Вода е првата општина која се осмели да направи сериозен чекор напред и да ги следи меѓународните стандарди за урбанистичкото планирање, транспарентното работење и водење сметка за јавниот интерес. За потсетување, програмските насоки за Расадник, зададени во конкурсот, предвидуваат постоење на детска градинка, основно училиште, верски објект, урбан парк од минимум 100.000 м2, спортско-рекреативни содржини, високо образование со ботаничка градина.


Ги охрабруваме сите заинтересирани да земат свое учество и да понудат архитектонско-урбанистичко решение кое ќе одговара потребите на жителите на Расадник и ќе биде естетско решение за идниот лик на овој дел од Кисела Вода. Наградите се парични. Сите детали се достапни на

http://www.kiselavoda.gov.mk/index.php/component/content/article/8-soodrzina/3216-2022-02-04-12-00-35 .

https://www.biznisvesti.mk/sindikatot-na-ukim-najavuva-medijatsija-pred-shtrajk-ako-vladata-ne-gi-povika-na-sredba-za-nivnite-barana/

Последно изградена но сеуште не е вселена

Не е многу важно тоа што граѓаните на Кисела Вода , СО ОВА , се подалеку се одалечуваат од поликлиниката , градинките и школите како и другите инфраструктурни објекти од јавен интерес .... не е важно тоа што сопствениците на градежно неизградежно земјиште (за кое секоја година плаќаат данок за истото ) повеќе од деценија не можат да го искористат тоа нивно сопственичко право. ....исто така не е многу важно што неговите колеги по другите општини успешно си ги тераат урбанистичките проекти по редовна постапка без потреба на меѓународни конкурсни идејни решениа , невидени досега уште од пред 60 години , со комисии од едно чудо домашни и странски архитектонски експерти и....

Важно е дека Дедо Мраз за Новата Година со балон донесе преку 3.000 пакетчиња.

Edited by Auric.Goldfinger - 28-Jan-2023 at 17:07

Еве неколку денешни фотки од изградените згради во првиот налет на урбанизацијата на ова место пред 10-тина години

Влезот кај бензинската Макпетрол е во прилично лоша состојба



..















мислам дека и другиов нечепнат дел од расадникот ќе доживее урбанизација слична на Стар Аеродром,веројатно конкурсите ќе бидат неуспешни и ќе се дозволат многу нови градби

Значи , првичната огромна заинтересираност резултира во недоволен број апликации . Стручната жири комисија помогната од еден Аритектонски факултет и две архитектонски здруженија по опсежни анализи , не ја соопштуваат јасно причината за неуспехот на конкурсот , но главното решение за според нив успешен повторен конкурс го гледаат во тоа да нема лимит за пристигнатите решениа.


Од она што во моментов може да се најде на интернет за сериозни меѓународни конкурси од Естонија , Кореа и Русија , ова на нашава општина , во споредба со нив , наликува во стилот на скечот - Фабрика за производњу "НИШТА" од легендарните Топ Листа Надреалиста.




Цццццц....

Само што приметив еден момент ,кој го има во официјалното соопштение на општина Кисела Вода за реобјавата на меѓународниот конкурс а повеќето медиуми одлучија да не го пренесат .
Тоа е ....

"УНДП која во далечната 1964/65 со декларација ја презела обврската за реконструкција на Скопје, односно објавувањето на конкурсот за обнова на Скопје, ги препозна и поздрави нашите заложби за иновативни решенија во насока на креирање на услови за хумано и квалитетно живеење во Расадник. Оттука, оваа организација во рамките на проектот со кој ќе се одбележи јубилејот од земјотресот, ќе даде стручна поддршка и ќе го промовира Меѓунaродниот конкурс за Расадник преку своите меѓународни канцеларии, а ќе обезбеди и можност за зголемена транспарентност преку вклучување на набљудувачи во целиот процес."

https://www.kiselavoda.gov.mk/index.php/naslovna/9-novosti/3563-2023-03-15-11-02-32

На стручната жири комисија , покрај еден Архитектонски факултет , две архитектонски здруженија , едно партиципативно тело , сега како појачање им се прикључува и УНДП. Бидејќи сега со укинувањето на лимитот за пристигнати решенија како и можноста документите на УСБ да се пратат по брза пошта , до 3 Јули се очекува лавина од трудови .....

Сега замислете дека од претходно пристигнатите четири труда , по претпоставка трите странски да се откажат а едниот домашен ( на место да го препрати по брза пошта УСБ-то може и лично да им го даде ) меѓународниот конкурс може да биде прогласен за успешен. За што ќе посведочат и мегународните набљудувачи од УНДП .



Edited by Auric.Goldfinger - 17-Mar-2023 at 14:24

...." Јас како градоначалник, сакам овој процес да биде целосно ослободен од било какви можни влијанија, сосема транспарентен и чист, и затоа, од самиот почеток, до самиот крај, решив да се изоставам-истакна градоначалникот Ѓорѓиевски, кој потоа, седеше во публиката и ја следеше дикусијата водена од декан на Архитектонскиот факултет-Скопје,... "


Стратешкото повлекување со префрлањето на вина за неуспехот врз друг - официјално започна .


Од почеток на кампањата за локалните избори па до овој момент Градоначалникот на Кисела Вода беше водечката фигура на овој проект. Иако идејата потекна од неформално анти-бетон facebook здружение на аматери , он си ја прифати како главен адут за изборите , и не пропушти ниту еден момент да ја промовира по сите медиуми....

Ако повторениот конкурс трае до јули , разгледувања на трудови за време на годишни одмори е малку веројатно , па ќе фати есен и точно 2 години од добиениот мандат како не е мрднато ни јота од донесувањето на ДУП-от . Пола мандат го однесе водата.

Па ако по некое чудо се случи повторениот конкурс да заврши успешно , нели ќе организираше референдум каде граѓаните на Кисела Вода ќе одлучуваа кое идејно решение највеќе им се допаѓа ... па тек по тие одлучувања веројатно ќе се распише оглас за избор на проектно биро што ќе го изработува ДУП-от.

Проектново биро што ќе се нафати да работи од една страна ќе треба да се "инспирира" гледајќи во уметничката слика на парк шумата од 100 000 м2 од конкурсот а од друга страна ќе треба да ги почитува параметрите зададени во ГУП-от каде основната намена е домување а од трета страна основите на парцелите од Катастар каде сопственоста е приватна со намена градежно неизградено земјиште.Им посакувам многу успешна работа.

Ако по некое второ чудо , и они успешно ја завршат својата работа , тогаш предлог ДУП-от треба да помине низа институции на одобрување каде има конфликт со Градоначалник од Град Скопје и министерства каде на власт е партија спротивставена на онаа од локалнава власт. Значи потребно е трето чудо за предлог ДУП-от да стигне на гласање пред советниците на Кисела Вода да го усвојат.

За успешната реализација на ДУП Ј-14 , Расадник уште сега може да се стави знак на равенство на овој Градоначалник со она на неговиот политички брат близнак од претходноиот мандат,од другана партија , кој на тв рече дека ќе го донел планот ама малку му биле 4 години мандат за тоа .




Edited by Auric.Goldfinger - 03-Apr-2023 at 11:34

А како може студенти (недипломирани/немагистрирани архитекти) да се пријавуваат на конкурс за идејно решение?