Грујо не фаќа страна, туку најтехнократски вели кој ќе пушти цевка е добредојден, иако гледа да се врзе со сите [1] тоа е и за пофалба, поентата е дека други сакаат да фатиме само проамеричка страна ко таква протуркана и преку европа

ова и во последното интервју каде збореше за гасификација го потенцираше, инаку лично сум да станеме директен сојузник на Русија не некој партнер или шура, туку чим не нејќат во еу комотно да почнеме здружување со брикс, но за вакво нешто маж не се наоѓа кај нас просто сите се плашат што би им сервирале тоа западните лихвари, нејсе и вака ко Грујо што тера ниваму нитаму е добро односно прифаќа економска соработка со сите

Originally posted by Dexter26 Originally posted by BOJAN Најпрво, не е тајна дека јас сум автор на текстот. Овде ќе се обидам да се објаснам и на дугачко. Ми се чини дека сите мислиме дека проектот „Турски поток“ ќе ни ги реши сите проблеми во државата - русите ќе дојдат овде, ќе истурат еден грст пари врз нас и ќе не спасат како држава од албанците. Ова буквално се мота на многу луѓе низ државава. Јас поинаку размислувам. Најпрво да видиме колку километри ќе биде долг гасоводот низ наша територија. Од Дојран до кумановскиот регион излегува дека треба да се изградат цевки во должина од околу 200 километри. Ако пресметаме колку ќе чини изградбата по километар, тогаш можеме да говориме за сума од над половина МИЛИЈАРДА евра, а можеби и повеќе. Овие пари треба Македонија да ги најде самата како држава. Русија вели: или ќе ви дадеме кредити, или од парите за транзит од гас ќе ви одбиваме по години. Како и да свртиме, со сигурност нашата земја НЕМА да види пари од ваков гасовод со години. Како второ, тоа што ќе минува цел гас за Европа низ наша територија не значи дека ќе има гас и на наша територија. Владата во моментов бара партнери за дистрибутивната мрежа по општините во земјава, но МАГИСТРАЛНИТЕ ГАСОВОДИ мора да ги изгради сама да ги изгради до градовите. Тоа значи од идните цевки на „Турски поток“ до Битола, Охрид, Тетово, Струмица, Велес итн. ДРЖАВАТА треба да вложи стотици милиони евра. Земете во предвид дека САМО за гасоводот од Клечовце до Штип ќе се одвојат 75 милиони долари! Или поедноставено, тоа ви е како да имате цистерна за бензин на Макпетрол до вас, вашата кола да нема бензин, да трагате по бензин, а да не можете да наточите од цистерната! Како трето, различните извори на енергија се најбитни. Како што во иднина треба да купуваме електрична енергија од различни добавувачи, бензин купуваме од различни бензински пумпи, така и кај гасот треба да имаме различни добавувачи, а не само Русите. Едноставно, ако нема монопол, тогаш имаме пониски цени, сигурен гас и НЕМА УЦЕНИ И ПОЛИТИЧКИ ПРИТИСОЦИ! Како четврто, Русија не ни е баш најдобар пријател. Нашиот премиер го прати Вранишковски во Санкт Петерсбург, а тој од таму ќе ни се врати со паралелна црква на МПЦ. Велат автокефалност нема, ама има автономија. Исто како со Украинската православна црква, каде што ваквата поделба е една од главните поделби и вовед во денешната војна. Дополнително, Русија сеуште ни го нема вратено клириншкиот долг, цела деценија со нив се тегнеме, министри се сменија, влади паднаа, а тие постојано наоѓаат некои причини за да не ни го вратат долгот. Едноставно, јас мислам само на Македонија. Мене ме интересира нашата земја да добие гас за поголема конкурентност на индустрискиот сектор и за добивање на електрична енергија преку гасни електрани. Не верувам дека само Русија може да ни биде партнер во ова. Тоа е тоа.  Парите се исфрлени од равенката уште од 2008 година кога започна идиотизмот наречен проект Скопје 2014. Од тогаш повеќе од јасно е дека парите не се проблем.  Ако има стотици милиони евра, или поконкретно - над половина милијарда евра - за споменици, административни згради и бројни други тотално непотребни глупости, тогаш несомнено има пари и за инфраструктурни проекти кои се неопходни.  Бидејќи мислиш само на Македонија, дај кажи која е алтернативата на рускиот гас ?  Кој е тој партнер од доверба кој би ни понудил подобра зделка од Русија ?  И дали тој партнер ќе биде толку дарежлив за да го изгради гасоводот на своја сметка, а не со издавање кредити или одбивање од парите за транзитот на гасот ?  Убаво што мислиш само на Македонија, но надвор од Македонија никој не мисли на Македонија, а не би било лошо и да се направи анкета низ цела Европа за да видиме дали воопшто знаат каде е Македонија, а за остатокот од светот па да не правиме муабет.  За 60 милиони долари клириншки долг ја сметаш Русија за не баш најдобар пријател, или за шарлатанот Вранишковски ?  Дај те молам објасни кои се нашите најдобри пријатели кои всушност направиле нешто добро за нас од осамостојувањето на Македонија во 1991 година па наваму ?  Ни јас немам нешто многу љубов кон Русија, ама затоа па уште помалку имам љубов кон остатокот од светот.  А ако сакаш статус кво како сега, рускиот гас и понатаму ќе остане доминантен, бидејќи јас не сум слушнал досега за увоз на гас во Македонија од некоја друга држава освен Русија.

Dexter 26, ќе ти дадам одговор на сите твои прашања.

Најпрвин, тоа што се фрлија неброени милиони евра за СКОПЈЕ 2014 не значи дека треба да се продолжи со безумното трошење финансиски средства. Доколку мене некој ми каже имаш стотици милиони евра и си премиер на земјава, тогаш најпрво би ја доградил пругата кон Бугарија. Тоа е прво, второ, би изградил магистрален гасовод кон југ кон границата со Грција. На тој начин, Македонија ќе има директно поврзување со јужниот сосед, кој како извор го користи и течниот гас што се пренесува со танкери. Грција не е потполно зависна од рускиот гас, па зошто да не се обидеме и ние преку друг добавувач на гас! Ова е АЛТЕРНАТИВА на рускиот гас. Да не говориме за ТАП, ќе видите дека многу брзо тој ќе стане стратешки приоритет на ЕУ, унија која има милијарди евра за ваков проект.

РУСИЈА НЕМА ДА ГО ГРАДИ „ТУРСКИ ПОТОК“ НИЗ МАКЕДОНИЈА НА СВОЈА СМЕТКА. СТОТИ ПАТ ПОВТОРУВАМ. АКО МЕНЕ НЕ МИ ВЕРУВАТЕ, ОТВОРИТЕ АДЕКВАТНИ СТРАНИЦИ НА ИНТЕРНЕТ.

Наши најдобри партнери во светот се европските земји. Никако Русија. Ако гледаме од аспект на инвестирање во градителски проекти во земјава. Но, и ако гледаме каде нашите печалбари заминуваат во странство, каде одиме да се образуваме, каде одиме на патувања, кои јазици ги учиме итн. итн. Ние сме цврсто поврзани со европските земји. Да не наведувам хидроелектрани, пруги, автопати, возови и други проекти што се поддржани од европските финансиски институции, еве очекувам одговори ШТО Русија вложила во Македонија, освен во Јован Вранишковски!?!

Бојан што очекуваш да вложи Русија кога ние освен рецка што не и маваме ништо друго немало, главното вложување она го направи на двапати во клучни моменти за нас прво со признавањето на земјава прва меѓу големите, што овие сите од запад го немаа во агендите години потака, а потоем и за конфликтот во 2001 индиректно преку прорсука украина тогаш ја снабди емјата со доволно оружје за да можеме да се спротивставиме на увезената агресија, дури кондолиза рајс отиде директно во киев да протестира зошто ни продавале оружје бреј колку тоа ние сме само кратковиди а посекако и со кратко помнење

реално доколку се фатиме на оро со брикс сигурен сум дека би потекле тука проекти во изобилство, би ме изненадило позитивно во ваква шема да влезат и турција и грција и србија, јасно што би било возможно сценарио откако грците ќе ги шутнат од еу или овие доброволно не побараат да излезат, а колку и ова да изгледа ко фатаморгана ќе ве потсетам дека и за јужен ток новава опција никогаш не беше во игра па сега гледаме дека се е возможно во дадени околности

~

а ко што наведуваш бидејки албанците избрале страна паметно е ние да ги следиме, со што нема да се согласам, во најмала рака треба да бидеме неутрални, но дури и да смениме име и да не интегрираат во еу и нато пак нема да потечат тука инвестиции, еве се утепаа од течење во хрватска и албанија, просто за тоа ни треба здрава економска клима и конкуретни понуди кои се возможни за нас само надвор од еу бидејки само така можеме да имаме неависна економска политика, но ето гледаме дека кога ваквата неутралност неможат да ја дестабилизираат однадвор пробуваат сега да ја ресетираат пак одвнатре преку секакви подли удари, капак кај нас има и кој отворено и да им ги одработува

~

јужен ток долгорочно земено како инвестиција гарантира стабилност, и политички и економски а бидејки ова им е јасно на америте па пробуваат предвремено да го сопрат ваквиот развој, самиот Кери не стави на картата за поткусурување но штом се пуштат цевките единствено што ќе можат да прават америте е да ги набњудуваат од бондстил и кале и толку, реално и сега неможат нешто особено да спречат доколку немаат за тоа адути а тука речиси и да ги истрошија, освен сега да пробаат да активираат повратници од сирија ко новопечени борци за човекови права, а што ќе го направат и без јужен ток да потече, со оглед дека само преку нестабилна европа ним доларот им се стабилизира

Originally posted by BOJAN Dexter 26, ќе ти дадам одговор на сите твои прашања. Најпрвин, тоа што се фрлија неброени милиони евра за СКОПЈЕ 2014 не значи дека треба да се продолжи со безумното трошење финансиски средства. Доколку мене некој ми каже имаш стотици милиони евра и си премиер на земјава, тогаш најпрво би ја доградил пругата кон Бугарија. Тоа е прво, второ, би изградил магистрален гасовод кон југ кон границата со Грција. На тој начин, Македонија ќе има директно поврзување со јужниот сосед, кој како извор го користи и течниот гас што се пренесува со танкери. Грција не е потполно зависна од рускиот гас, па зошто да не се обидеме и ние преку друг добавувач на гас! Ова е АЛТЕРНАТИВА на рускиот гас. Да не говориме за ТАП, ќе видите дека многу брзо тој ќе стане стратешки приоритет на ЕУ, унија која има милијарди евра за ваков проект. РУСИЈА НЕМА ДА ГО ГРАДИ „ТУРСКИ ПОТОК“ НИЗ МАКЕДОНИЈА НА СВОЈА СМЕТКА. СТОТИ ПАТ ПОВТОРУВАМ. АКО МЕНЕ НЕ МИ ВЕРУВАТЕ, ОТВОРИТЕ АДЕКВАТНИ СТРАНИЦИ НА ИНТЕРНЕТ. Наши најдобри партнери во светот се европските земји. Никако Русија. Ако гледаме од аспект на инвестирање во градителски проекти во земјава. Но, и ако гледаме каде нашите печалбари заминуваат во странство, каде одиме да се образуваме, каде одиме на патувања, кои јазици ги учиме итн. итн. Ние сме цврсто поврзани со европските земји. Да не наведувам хидроелектрани, пруги, автопати, возови и други проекти што се поддржани од европските финансиски институции, еве очекувам одговори ШТО Русија вложила во Македонија, освен во Јован Вранишковски!?!

 
Пред се, забораваш дека и Русија е европска држава, исто како и Македонија, бидејќи и покрај тоа што не се членки на ЕУ, сепак територијално зафаќаат територии од европскиот континент.
 
Но кога сме кај не баш најпријателските односи помеѓу Македонија и Русија, тоа е пред се, заслуга на македонските политичари, кои од осамостојувањето на Македонија во 1991 година, трчаат по скутовите на западњаците, а Русија ја третираат како да не постои, иако ја призна Македонија под уставното име уште во 1990-те години, додека нашите големи пријатели САД ја признаа Македонија под уставното име дури во 2004 година, и тоа не бидејќи така одлучија или бидејќи така сакаа, туку така постапија со цел да издејствуваат референдумот за задржување на старата територијална организација на локалната самоуправа кој се одржа истата недела кога САД ја признаа Македонија под уставното име, да заврши неуспешно, и за жал - да, референдумот заврши неуспешно.
 
Нашиот јужен сосед, кој не е во целост зависен од рускиот гас, како што велиш ти, не е баш многу пријателски настроен кон Македонците кои живеат на неговата територија, а за Македонците кои заминуваат таму на одмор па да не правиме муабет. Патем, јас лично никогаш не сум бил во Грција, чисто информативно.
 
Можеш да кажеш дека сме одлични трговски партнери, не само со Грција, туку и со останатите држави членки на ЕУ, особено со Германија, но едно се трговски партнери, а друго се пријатели.
 
И ајде објасни како и зошто Македонија не беше планирана за сега веќе откажаниот Набуко гасовод ?
 
И дали е упатена било каква покана од ЕУ кон Македонија за да учествува во планираниот гасовод ТАП ?
 
Едно се моите желби и моите мераци, друго се твоите желби и твоите мераци, а трето е реалноста.
 
Реалноста е дека Македонија нема добиено никаква покана од ЕУ за учество во планираниот гасовод ТАП, додека од друга страна, Русија ја разгледува можноста - значи ја разгледува, односно не донела конечна одлука - за изградба на гасовод од Русија кон Турција, кој би завршувал на границата помеѓу Турција и Грција, а од Грција би било изводливо - но само би било изводливо, а не и дефинитивно реализирано - да се пушти крак кон Македонија од истиот тој гасовод и преку Македонија да се заобиколи Бугарија со цел да може да се достави рускиот гас преку Македонија кон Србија, а преку Србија кон останатите држави од поранешна Југославија и кон членките на ЕУ.


Edited by Dexter26 - 02-Mar-2015 at 17:22

Originally posted by BOJAN Култузин, се надевам ќе го прочиташ горниот параграф. И ќе ти текне на тебе уште многу за проектите. Еве, на пример, чекам на тебе да ми кажеш што твојата Русија финансирала во Македонија. Опстојувањето на Груевски на власт, можеби? Ти можеш да бидеш македонче, македонец или како сакаш, само опасната националистичка политика на твојот миленик е идентична како онаа на Милошевиќ.

Ќе ме извиниш времески сум малку ограничен за подетален одговор но во глобала мислам дека ќе бидам јасен. Европа на Македонија во глобала ништо не и поклонува од љубов туку се работи за заемен интерес. Кредитите кои ги спомнуваш се со камати и посебни услови така да глупо е да се наметнува мислење дека уште и должни треба да се осеќаме затоа што зимаме кредити.
Околу гасоводот ќе повторам Македонија не треба да зазима страна туку да си ги брка интересите. Ако може една Јужно Отоманска Република да дозволи низ нејзина територија да поминува гасот и тоа да биде толерирано од ЕУ зошто една држава која на најбрутален начин е ставена во чекалната на ЕУ не би имала право да си ги тера интересите. На крај тој гас ќе оди кон Унгарија и кон Австрија а со тоа гасот ќе оди кон ЕУ која колку и да се прави наудрена Е и ќе биде зависна од тој гас.
Муабетот се на се и покрај тоа што си се потрудил не ти вреди ништо и си нема врска со интересите на Македонија ,се работи за еден поданички став сличен на оние во времето кога се менуваше уставот, знамето и името на државата. Што доби Македонија од таа поданичка политика?
Едно големо ништо? Всушност добивме имиџ на МЕКОКИЧМЕЊАЦИ па затоа и ден денес главните политички притисоци се врз наш грб. Мислам дека историјата ни докажа дека виткањето на кичма и подаништвото не се цени никаде, напротив во политиката се почитуват држави со свој СТАВ. Така да мојот СТАВ е МАКЕДОНИЈА пред и над се треба да ги гледа сопствените интереси.
Што се однесува до европа не е лошо да се спомене дека и покрај тоа што новата влада на Јужно Отоманската Провинција ги избрка како кучиња оние од Тројката и покрај тоа што не ферма ни Европа ни ништо на крај слушам денес за казна ќе и бапнат 50 милијади евра. Тоа е тоа колку и да не ги сакам и колку и да ни штетат знаат да го користат нефункционалниот европски систем и буквално прават како што сакат. Така да Европа прво нека се самодисциплинира а после нека солат памет на држави врз чиј грб сакат да тренират авторитет.

А ова за Груевски е одамна дегутантна пропаганда која нема врска со вистината и како таква може само да служи за самозадоволување по партиските штабови.

така е од чаламот си патиме

абе кој и да е на власт нема да дозволи вакво нешто да не одмине, но ова Бојан пушта вода колку да отвори дебата на форумов и воопшто не натера да почнеме да думаме јавно како би се испеглале доса дилеми, а меѓу кои главната колку и како ваков гасовод ќе ни го крене инвестицискиот рејтинг, под претпоставка дека ќе успееме да одолееме на ова ситнопаланечките политички стапици и ендеци кои ни ги сервираат и сервисираат "сојузниците"

ИМА ГОЛЕМА ГЕОПОЛИТИКА ВО ЦЕЛИОВ ПРОЦЕС НА ГАСИФИКАЦИЈА.
РУСИЈА САКА СО ЕДЕН ФИНАСИСКИ МАНЕВАР ДА РЕШИ МНОГУ НЕЈЗИНИ ПРОБЛЕМИ.
КАКО ПРВО ГО ОСЛАБУВА НАТО ПАКТОТ ТУРЦИЈА И ГРЦИЈА МОЖАТ ДА ГО НАЈДОТ ЕКОНОМСКИОТ СПАС СО РУССИЈА. ПРЕКУ ТУРЦИЈА ДА СЕ ШИРИ ВЛИЈАНИЕ НА БАЛКАНОТ И БЛИСКИОТ ИСТОК.ГРЦИЈА КЕ СИ ЈА НАЈДИ УЛОГАТА НА ЕХ ЈУГОСЛАВИА ВО 20 ВЕК ДА ИГРА ТОПЛО ЛАДНО МЕЃУ САД И РУССИЈА.
ВО ИСТО ВРЕМЕ ЈА ПРАВИ УКРИНА УШТЕ ПОЗАВИСНА ОД РУСКИ ГАС И ТРАНЗИЦИОНА ТАКСА ВО СТВАРНОСТ СИ ОТВИРА НОВИ ПРОСТОРИ НА РУСКО ВЛИЈАНИЕ.
СЕВО ОВА ШТО СЕ ДЕШАВАШЕ ВО ТУРЦИЈА ПА ВО МАКЕДОНИЈА Е ДЕЛ ОД ИГРАТА НА ГОЛЕМИТЕ СИЛИ.

анализа од спунт, може во контекст да се дума и на тема осигурани, односно со ваквиот гасовод ние ќе имаме и сигурен грб од исток [1][2] вака земено очигледен е цел притисок за дестабилизирање на Тр.,Гр.,Мк., па и Ср., прашање е како тоа ќе го прават кога цените на нафтата ќе збеснат, може и по воздух америте ќе и доставуваат течен гас на еу

http://www.thenewturkey.org/can-russias-new-turkish-gas-project-work/

Компанијата „Стројтрансгас“ веќе кон крајот на оваа недела ќе започне со изградба на делницата од гасоводот Клечовце-Неготино која ќе чини околу 75 милиони долари, пишува „Комерсант“.  Претходно се претпоставуваше дека оваа компанија ќе ја гради делницата  на „Јужен тек“ во Бугарија,  но на крајот на 2014 година Русија објави дек се откажува од проектот.

Според неименуван извор, во Македонија „Стројтрансгас“ ќе изгради гасовод долг 61 километар, со дијаметар од 508 мм. Работите можат да почнат веќе на крајот на оваа недела. Според планот малку повеќе од една година ќе помине во изградбата на делницата до Штип, потоа нејзиното продолжување до Неготино и изградба на уште 60 км за спојување на гасоводот со системот за транспорт на гас во Грција. Компанијата ја привршува подготвителната етапа за градба, вршејќи проценка на потребните сили и средства.                              

Од вкупната цена од 75 милиони долари, Македонија че плати само 15 милиони долари, а останатите работи ќе бидат пребиени од долгот на поранешниот СССР спрема Југославија, пишува весникот. Ова е постојниот договор кој банката ВЕБ и Народната банка на Македонија го потпишаа во 2010 година. „Стројтрансгас“ и „Македонски енергетски ресурси“ склучија договор за изградба во јули 2014 година. Засега Македонија добива руски гас преку Бугарија и Украина.

Алексеј Гривач од Фондот за национална енергетска безбедност искажа мислење дека цевководот преку Македонија ќе стане единствен за снабдување со гас за Србија, а спојувањето со системот за транспорт на гас на Грција гарантира стабилна испорака на гориво надвор од зависноста од судбината на транзитот преку Украина.

http://mk.rbth.com/news/2015/03/12/ruska_kompanija_za_75_milioni_dolari_ke_izgradi_gasovod_vo_makedonija_41403.html

Тоа ми е јасно,но јас малку зборував со сарказам.бараат од нас-балканските држави да се бориме со Русија и да го спречиме градењето на јужниот(турскиот) тек,а гледај...нивни држави ќе го киристат тој гас.Многу поедноставно е ЕУ да си донеси уредба да нема склучување на договори за купување на гас од овие гасоводи,па тогаш нема да има ефект од градењето на гасоводите.

Со други зборови,се казнува посредникот а не потрошувачот.

Класично лицемерие на `старата ороспија`