КУМАНОВО - Во април годинава во Куманово ќе се постават мерна
регулациска станица и приклучоци за гас, ветиле претставници на
компанијата ГАМА по средбата со градоначалникот Зоран Дамјановски и со
надлежните од ЈП „Куманово-гас“. Директорот на ЈП „Куманово-гас“,
Момчило Мирчевски истакна дека е донесен правилник за потрошувачите и
утврдена цената на приклучокот која ќе изнесува 800 евра.
Државниот
инспекторат за садови под притисок лани издаде решение за исправност на
поставениот цевковод, по претходното пневматско тестирање на
инсталираната делница од примарната мрежа.
Проектот гасификација
се реализира четврта година. Според директорот на „Куманово -гас“,
досега се поставени 6.600 метри гасна дистрибуциска мрежа, од која
4.100 се челични, а другото полиетиленски цевки.
Гасификацијата во Република Македонија е проект за кој доста и често се зборува но досега не е сторено многу.
Се зборува и во Струмица каде граѓаните оваа грејна сезона ќе се греат вообичаено, но ако се' оди според планираното, веќе од следната година Струмица ќе биде првиот град во Македонија во кој ќе се спроведе гасификацијата.
Градоначалникот на општина Струмица Зоран Заев, пред своите граѓани и видно горд, го претстави новиот проект за гасификација на градот.
Од следната грејна сезона гасот први ќе го користат јавните институции и стопанството, потоа за обработливото земјоделско земјиште и во третата фаза и домаќинствата, рече градоначалникот Заев.
-„По пат на јавна расправа, согласно законот за финансирање на единиците за локална самоуправа, можам да констатирам дека имавме одлична јавна расправа на која што граѓаните апсолутно го дадоа првиот чекор на поддршка за спроведување на еден многу храбар проект, а тоа е гасификацијата на Струмица, проект кој општина Струмица има намера да навлезе со неговото спроведување, со крајна цел за само неколку месеци да протече гасот“.
Струмичани со задоволство ја пречекаа оваа вест, бидејќи гасот ќе биде поефтин од струјата.
Еве што за проектот вели директорот на средното училишта „Никола Карев“ Слободан Вета:
-„Со проектот кој моментно го работиме и се надеваме дека советот ќе донесе решение да биде завршен, ќе добиеме некаде уште 40% заштеда на нивона училиште, годишно трошиме околу 4-5 милиони денари за нафта а сега ќе трошиме 2-2,5 милиона. Тоа ќе биде голема заштеда и конечно професорите и учениците од ’Никола Карев’ ќе се стоплат.“
И стопанствениците се задоволни. Велат дека гасификацијата ќе придонесе за поквалитетно и поздраво земјоделие кое ќе биде според европските стандарди, вели стопанственикот Трајче Карадаковски:
-„Тоа е една прекрасна идеја за нас во стопанството, бидејќи ние сме многу далеку од енергетските ресурси како што и во светот природниот гас е еден од најефтините енергенси, така и за нас како стопанство, тој значи многу.“
Гасот во Струмица ќе се дистрибуира во мрежа долга 13 километри, проектот тежи 4,5 милиони евра, а ќе се носи од гасната централа во бугарскиот град Петрич.
Општината средствата ќе ги оебзбеди преку кредит од Светската банка, додека жителите гасот ќе го добиваат по цена од 20 денари за кубен метар.
Се очекува работите на овој проект да се реализираат во октомври од кога струмичани треба да ги почуствуваат благодетите на гасот.
По
инвестицијата во Србија, се поголеми се очекувањата на Македонската
Влада дека руската нафтена компанија Гаспром ќе влезе и на македонскиот
пазар. Компанијата се гледа како сериозен партнер во изградба на
македонскиот гасоводен систем. Дека се очекува Гаспорм да учествува во
изградбата на гасоводот, го потврди и Mинистерот за финансии Ставрески
во интервју за руската новинска агенција Итар Тасс. Во него Ставрески
вели: ,,Поаѓајќи од утврдениот проект на Владата за гасификација на
Македонија, мислам дека е јасен интересот за соработка со Гаспром. Во
тој контекст уште еднаш ја реафиримирам подготвеноста за затварање на
клириншкиот долг со Руската Федерација преку проектот за гасификација и
во тоа очекуваме максимална поддршка од Гаспорм,, А за два месеца се
очекува целосно да се затвори прашањето со долгот вреден 60 милиони
долари што Руската Федерација го има кон Македонија.
Владимир
Солоцински Амбасадор на Руската Федерација во Македонија вели : според
нашите сознанија договорот ќе се потпише најдоцна до април годинава, со
тоа ќе се заврши едно отворено економско прашање меѓу двете земји и се
надевам дека економските односи ќе се продлабочат.
Тогаш и
двајцата Министри за финансии се очекува да го официјализираат
потписот. Но наместо кеш, Русите парите ќе ги вратат преку инвестиција
во гасоводниот систем. За негова доизградба потребни се околу 200
милиони евра, Владата ќе учествува со 15 милиони евра.
Градските власти најавуваат офанзива за гасификација на
метрополата. Првиот чекор од конкретната реализација на овој
долгонајавуван проект ќе почне за петнаесетина дена, кога ќе биде
објавен меѓународен тендер за избор на фирма. Ова вчера го најави
скопскиот градоначалник, Коце Трајановски, на пауза од седницата на
Координативното тело на скопските градоначалници, на која една од
точките на дневен ред беше разгледување на информацијата за гасоводот. -
Тендерот би требало да биде објавен за петнаесетина дена и доколку се
биде во ред, изборот на фирма ќе биде извршен до крајот на летово и
реализацијата би можела да почне кон крајот на годинава. Во оптек се
повеќе модалитети како да се спроведува овој проект и, се разбира, ќе
бидат разгледани сите. Гасификацијата ќе се врши парцијално по општини,
територии, а не на цел град, информираше Трајановски. Проектот ќе се
реализира преку а.д. Енергетика", компанија преку која ќе се вклучат
домашни и странски фирми или концесионери.
Наспроти
Костовски, кој беше категоричен дека ќе се залага 51 отсто од акциите
да му останат на Градот, Трајановски рече дека нема да инсистира на
такво нешто
Градската власт најавува дека за две недели ќе
распише меѓународен конкурс за избор на фирма заинтересирана да ја
спроведе гасификацијата на Скопје, информираше вчера градоначалникот
Коце Трајановски по одржаната средба на Координативно тело со
останатите општински градоначалници. Градот за оваа цел пред три години
го формира јавното претпријатие „Енергетика“, кое потоа прерасна во
акционерско друштво, но работата запре поради локалните избори.
Сега
Трајановски очекува да се пријават многу заинтересирани фирми. Изјави
дека ако тендерската постапка помине како што планираат, летово може да
биде зацртана и целата стратегијата како ќе се одвива изградбата на
мрежата.
- Може да одиме со гасификација на делови на Скопје,
но тоа допрва ќе се утврди. До крајот на годинава можно е да почне и
изградбата - изјави тој.
Градската власт се' уште не одлучила
дали гасификацијата ќе ја изведе со целосна концесија или со продажба
на акции. Поранешниот градоначалник Трифун Костовски се залагаше
контролниот пакет од 51 отсто во „Енергетика“ да остане во рацете на
Градот, а Трајановски има поинаков став. Ако дојде до продажба на
акции, тој рече дека нема да инсистира мнозинскиот капитал да биде
градски.
- Мене ми е најважно граѓаните да добијат гасификација - изјави градоначалникот.
На
средбата на Координативно тело на градоначалници, градоначалниците
разговарале и за доставата на решенијата за данокот на имот за 2010
година. Трајановски рече дека е договорено решенијата да ги доставува
„Македонска пошта“, а сами тоа ќе го прават општините Кисела Вода,
Карпош и Гази Баба, бидејќи сметаат дека доставата на тој начин ќе биде
понавремена и побрза.
каква стратешка "видео" игра е ова тоа е човек да ужива да прати вакви анализи!
Оптимизам за Набуко и покрај пречките 17/02/2010
Вашингтон најави нова енергетска стратргија и ја покани Русија да одигра улога во проектот за гасоводот со цел диверзификација на снабдувањето со природен гас. Но, парите и политичките нестабилности може да создадат пречки на патот.
Шефот на проектот за гасоводот Набуко изразува уверување дека истиот ќе биде комплетиран, додека другите поддржувачи бараат начини за надминување на пречките кои го задржуваа напредокот досега.
Набуко „ќе биде реализиран по секоја цена“, изјави за турскиот весник Хуријет главниот извршен директор Рајнхард Мичек, велејќи дека се надева оти оваа година ќе биде пресвртница. Тој ги спомена неодамнешните разговори со меѓународните финансиски институции, како и преговорите со Азербејџан, Туркменистан и Ирак за испумпување нивни гас низ планираниот гасовод.
Проектот поддржан од САД и ЕУ, со цел олеснување на зависноста на Европа од рускиот гас, наиде на пречки поради финансии и потребата да се најдат сигурни снабдувачи. Поддржувачите, исто така, работеа на тоа да се тргне перцепцијата на ривалство со гасоводите поддржани од Москва.
Во јануари Вашингтон објави дека има цел да ја „деполитизира“ енергетската стратегија, па дури и сугерираше дека Русија би можела да има улога во Набуко.
„[Постои] можност Русија да учествува во проектот, не како контролирачки партнер, туку како учесник“, рече американскиот специјален претставник за евроазиски прашања, Ричард Морнингстар. „Со оглед на актуелната светска финансиска ситуација, ова би можело да биде најрационален начин за придвижување напред.“
Турција, клучен играч во Набуко, е исто така отворена за потпишувањето на Москва. „Ако конзорциумот не може да го обезбеди потребното количество гас, нема да го отфрли предлогот на Гаспром да се приклучи на проектот како снабдувач“, изјави заменик потсекретарот на турското Министерство за надворешни работи, Хаки Акил, за месечното списание Енерџи репорт. „Ова нема да го претвори Набуко во Набуков. Да се има учество во конзорциум е нешто друго од пристапување во проектот како еден од снабдувачите.“
Сепак, идејата беше официјално отфрлена од рускиот амбасадор во Турција, Владимир Ивановски, на состанокот што се одржа во турскиот Центар за меѓународни и стратешки анализи во Анкара, на 27-ми јануари.
Набуко беше предложен пред неколку години како алтернативен енергетски извор за европските држави. Во моментов Гаспром ги контролира сите гасоводи што ја сервисираат Европа од исток и обезбедува околу 25 отсто од гасот што го консумираат европските држави.
Земјите-членки на Набуко -- Турција, Бугарија, Романија, Унгарија и Австрија -- потпишаа меѓувладин договор во Анкара на 13-ти јули 2009 година. Според планот, гасоводот долг 3.300 километри ќе носи природен гас за Европа од богатите гасни полиња на каспискиот басен и Централна Азија, заобиколувајќи ја Русија и елиминирајќи го украинскиот транзитен монопол.
Конзорциумот на Набуко го предводи ОМВ, австриска фирма за нафта и гас, заедно со четири национални енергетски корпорации -- Ботас од Турција, Булгаргас од Бугарија, Трансгас од Романија и МОЛ од Унгарија, плус РВЕ, германска енергетска група.
Наоѓањето сигурни снабдувачи е една од најголемите пречки за гасоводот, чиј капацитет се очекува да биде 31 мил.км до 2020 година.
Планерите на Набуко го сметаат Азербејџан за најсигурен извор, а министерот за надворешни работи на државата, Араз Азимов, во интервјуто од 29-ти јануари рече дека најверојатно оваа година ќе има „решение“. Сепак, аналитичарите предупредуваат дека политичките прашања може да бидат пречка бидејќи државата -- која е во жестоки спорови со Ерменија поради Нагорно Карабах -- бара поголемо влијание. Минатата година Баку се приклучи на проектот за гасоводот Јужен тек, поддржан од Москва.
Вашингтон, исто така, го смета Туркменистан за еден од главните снабдувачи за Набуко, посочи Морнингстар во јануари. Но, голем број други пречки стојат на патот на неговото учество, вклучително и постојните договори со Русија, трнливите односи со Азербејџан и територијалните расправии во врска со Каспиското Море.
Ирак, пак, претставува богат извор на природен гас, но внатрешните несогласувања го прават невозможен неговиот придонес сега засега. Иран, уште една држава богата со гас, не е во комбинација, освен ако не се променат политичките услови.
Финансиите се друг нерешен проблем.
Европската инвестициска банка минатата година ја потврди својата подготвеност да обезбеди 2,25 милијарди американски долари за проектот, што изнесува 25 отсто од вкупната вредност. Проектниот конзорциум, исто така, планира да аплицира за кредити од меѓународни финансиски институции, рече управниот директор Мичек.
И покрај пречките, планерите на Набуко очекуваат изградбата да почне следната година. Набуко гес пајплајн интернешнал, надлежен за изградба и управување со гасоводот, инсистира на тоа дека истиот ќе почне да испумпува гас за Европа до 2014 година.
Ве
информираме дека денес во Министерството за транспорт и врски по
истекот на рокот за доставување на понудите во 12.00 часот, беа
отворени пристигнатите понуди по огласот за доделување на договор за јавна набавка на услуга за изработка на техничка документација на ниво на Основен и Изведбен проект за магистрална линија на гасоводен систем во Република Македонија. На меѓународниот оглас, кој беше објавен на 18.12.2009 година се пријавија вкупно седум конзорциуми и компании:
Конзорциум:
МЗТ Пумпи АД – Скопје
„Институт Јужниигипрогас“ - Украина
Конзорциум:
Diwi Consulting International GmbH – Германија
Диви Консулт Интернационал Македонија – ДООЕЛ – Скопје
Конзорциум:
ДИК „Чакар - Партнерс“ – Скопје
Градежен Институт Македонија – Скопје
„КАТ ПЛУС“ – Кичево
„Балкан Консалтинг“ ДОО – Скопје
„Прима Инженеринг“ ДОО – Скопје
„IDOM Ingeneria y Consultoria S.A“ – Шпанија
ОАД „Укргазпроект“ – Украина
Во наредниот
период Комисијата за спроведување на јавната набавка ќе изврши преглед
на комплетноста и валидноста на доставената документација, како и
евалуација на пристигнатите понуди, по што ќе биде избран најповолниот понудувач.
Предметот
на јавната набавка опфаќа набавка на услуга за изработка на техничка
документација на ниво на основен и изведбен проект за магистрална
линија на гасоводен систем во Република Македонија, односно изработка
на геодетски елаборати за посебна намена (елаборати за трајна и времена
експропријација, изработка на Ажурирани геодетски подлоги, изработка на
орто-фото документација во појас од 200-300м' лево и десно од осовината
на гасоводот, како и изработка на Државна урбанистичка планска
документација (ДУПД). http://mtc.gov.mk/new_site/mk/storija.asp?id=2342
Во однос на проектот гасификација на Скопје, Трајановски рече дека
неодамна одржале состанок со претпријатието АД Енергетика и со неговиот
управен одбор.
Оваа година поинтензивно ќе работиме за реализација на овој проект
при што првиот чекор е да се анимираат странските компании да влезат во
ова претпријатие и да започнат со реализација на проектот.
Компанијата која ќе го купи претпријатието ќе стане доминантен
сопственик на над 50 отсто до акциите но сепак околу 20 отсто ќе задржи
и Град Скопје.
Струмица готова за гасификација, чека одобрение за кредит
Проектот за гасификација чини 4,5 милиони евра
СТРУМИЦА - Со виртуелен гас, кој преку компресирање ќе се носи од
бугарскиот град Петрич, Струмица планира да го реализира проектот за
гасификација на општината. Извршени се сите подготовки, а градот само
чека одобрување за кредитно задолжување од Министерството за финансии.
„Проектот
чини 4,5 милиони евра, а за него ќе побараме кредит од Светска банка.
Нема дилеми дека ќе биде одобрен, бидејки Струмица е финансиски моќна
општина, без еден денар долг. Општинскиот буџет за годинава е
проектиран на 15,5 милиони евра“, вели градоначалникот Зоран Заев. Тој
укажува дека Општина Струмица со овој потег ќе обезбеди значително
поевтина, еколошки чиста енергија што е тренд во современиот и развиен
свет.
За реализација на оваа цел, општина Петрич и' обезбеди на
Струмица бесплатна локација. Таму Струмица ќе изгради гасна
станица-мајка, која градот ќе може да ја користи во наредните
четириесет години. Петрич од Струмица е оддалечен само 54 километри, а
двата града се поврзани со коректна патна мрежа. Компресираниот гас ќе
се транспортира во специјални цистерни, а оттаму во Струмица ќе се
складира во две станици-ќерки.
„Уште летово ќе почнеме со
изградба на гасоводна мрежа низ градот во должина од 13 километри и ќе
почнеме со гасификација на сите стопански субјекти и јавните
институции. Покрај ова, ќе извршиме гасификација и на поголем дел од
пластеничкото земјоделско производство во регионот што ги опфаќа и
другите три општини Ново Село, Василево и Босилово. На овој простор под
пластеници се над 80.000 хектари. Ова има посебно значење ако се има
предвид фактот дека половина од стоилјадното население во овој крај
живее од земјоделство. Со гасификацијата, земјоделците ќе ги намалат
трошоците и ќе го зголемат производството, потенцира Заев.
Напоредно
со овие зафати ќе се гасифицираат околу 9.500 станбени единици во
градот. Конечната цел е сегашната скапа енергија во Струмица и
Струмичко целосно да биде заменета со најевтина енергија. (И.Б.)
Две странски и една домашна компанија ќе
го исцртуваат гасоводните траси на Македонија.
Министерството за транспорт ги избра фирмите што ќе ја
изработуваат техничката документација според која треба да се реализира
долгонајавуваната гасификација на земјава.
Магистралниот гасовод од Клечовце до Неготино во должина од околу
100 км, ќе го проектира фирмата „Прима Инженеринг“ ДОО - Скопје, а делот
од Неготино до Битола во должина од околу 100 км и од Штип до Хамзали
во должина од околу 60 км украинската „Укргазпроект“.
Планот за гасоводот од Хамзали до Стојаково во должина од околу 50
км, ќе го изработува конзорциумот ДИВИ Консалт Интернационал од
Германија и од Македонија.
По склучувањето на договорите, избраните понудувачи имаат рок од
една година да ги изработат четирите проекти, чија вкупна вредност
изнесува 2,8 милиони евра без ДДВ.
На конкурсот кој беше објавен на 18-ти декември минатат година се
пријавија вклупно 7 компании и конзорциуми.
Проектот за гасификација на земјава е еден од најбитните и за
стопанството и за домаќинставата, но со години остана само ветување на
различните влади.
Избрани најповолните понуди за гасификација во должина од 310
километри
Маја Томиќ
Гасификација на земјата,
заглавена повеќе од десет години, конечно, тргна од мртвата точка.
Министерството за транспорт го направи изборот на најповолните понуди за
проектот за магистрална линија на гасоводниот систем. Задолжената
комисија направи избор на најповолни понудувачи во четири пакети. За
пакетот број еден, кој опфаќа изработка на техничка документација на
ниво на основен и на изведбен проект за магистрален гасовод Клечовце -
Неготино, во должина од околу 100 километри, за најповолна е избрана
понудата на понудувачот „Прима инженеринг“ од Скопје. За вториот пакет,
исто така, за изработка на техничка документација на ниво на основен и
на изведбен проект за магистрален гасовод од Неготино до Битола, во
должина од околу 100 километри, за најповолен понудувач е избрана
украинската ОАД „Укргазпроект“ од Киев. Оваа компанија го доби и третиот
пакетот за магистралниот гасовод Чвор - Штип, Чвор - Хамзали, во
должина од околу 60 километри. За пакетот број четири за гасовод од Чвор
- Хамзали до Стојаково, во должина од околу 50 км, за најповолна е
избрана понудата на конзорциумот „ДИВИ косалт интернационал ГмбХ“ од
Есен, Германија, и „ДИВИ консалт интернационал Македонија“ од Скопје.
Избраните
понудувачи имаат обврска во рок од 12 месеци по склучување на
договорите да ги изработат проектите. Вкупната вредност на четирите
пакети изнесува 166.174.475 денари или 2,7 милиони евра. Поточно, првиот
пакет ќе чини 56 милиони денари, вториот 50, а третиот 30 милиони
денари, исто колку и четвртиот пакет.
Меѓународниот оглас за
доставување понуди беше објавен на 18 декември минатата година и се
пријавија вкупно седум конзорциуми и компании од земјава и од странство.
Гасификацијата
многу одамна е приоритет во многу енергетски планови на сите досегашни
влади. Постојано се потенцира нејзината важност за развојот на
економијата, пред се', поради големите заштеди на електрична енергија
доколку се користи гасот како примарен енергенс. Причина плус да се
побрза со гасификацијата е што Македонија има преземено обврска за
спроведување проекти од ваков тип, со сите меѓународни договори од
областа на енергетиката, а посебно сега, кога претседателствуваме со
Европската енергетска заедница. Но, најголема кочница за реализација на
овој проект, освен финансиите, е и долгогодишниот судски спор меѓу
државата и „Макпетрол“ околу сопственоста на гасоводот. Побрза изградба
на гасовод побара минатата есен и Европската комисија во својот
извештај, која и' забележа на земјата што остана слепо црево во регионот
кога станува збор за вакви проекти. Во извештајот ЕК препорача и
поскора разрешница на спорот со „Макпетрол“.
Инаку, во земјава
преку „Макпетрол“ се увезува руски гас од кај преминот Деве Баир и на
него се приклучени двесетина фирми од Кратово, Куманово и од Скопје,
значи дека се употребува само во дел од индустријата. Во просек, се
трошат по 80 милиони кубни метри гас годишно. Во поблиското соседство,
поголеми делови од земјите одамна се гасифицирани: Србија, Бугарија и
Босна и Херцеговина. Во Словенија и во Хрватска, гасификацијата
функционира уште пред сто години. Останаа негасифицирани Македонија,
Албанија и Косово.
Според досегашни процени, најбрза реализација
на гасификацијата ќе се обезбеди доколку гасоводниот систем се поврзе
со регионалната гасна инфраструктура за пренос на руски гас кај Петрич
во Бугарија и во Грција, на дел од гасоводот што ги поврзува Грција и
Италија.
Според Министерството за транспорт и врски, за целосна
реализација на гасификацијата ќе бидат потребни околу 270 милиони евра.
Веќе е договорено во оваа сума да влезат и шеесетте милиони долари од
рускиот долг. За нив по дведецениско чекање, се очекува Македонија и
Русија да потпишат спогодба во мај годинава.
Со
задоцнување од година ипол конечно во мај месец ќе стартува
гасификацијата во Куманово.
Од јавното претпријатие Куманово -гас се надеваат дека ГАМА,
овојпат ќе го исполни ветувањето и ќе ја постави мерната регулациона
станица од 6.000 кубни метри.
ГАМА е должна по Законот за енергетика да ни даде приклучок на
нивниот главен вод и да постави станица,вели директорот Момчило
Мирчевски.
„Со тоа Ќе се овозможат и создадат услови за понатамошно ширење на
нашиот систем,мрежа со почнување на приклучување на првите ценети
потрошувачи”, изјави Момчило Мирчевски, директор на јавно претпријатие
Куманово-гас.
Благодетите на гасот први ќе ги почувствуваат најголемите
потрошувачи државните институции , училиштата,домот за стари лица.
Гасификацијата на целата општина ќе биде завршена за 4 до 5 години.
Капиталниот проект ќе чини 10 милиони евра.
ПРЕДЛОГ НА СТОПАНСТВЕНИЦИТЕ Македонија и Бугарија да се поврзат со гас
Дваесет и пет компании од Бугарија дојдоа во Скопје за да најдат свои партнери во туризмот, информатичката технологија, банкарството, финансиите и во енергетиката. Македонски компании со посредство на Американската стопанска комора во Македонија остварија средби со фирми од САД и од Бугарија за да го прошират својот бизнис на тие пазари. - Лично сметам дека енергетиката е главниот сектор на иднината во кој најмногу треба да се вложува и во Македонија и во Бугарија - изјави Валентин Георгиев, извршен директор во Американската стопанска комора во Бугарија. Тој рече дека соработката во енергетиката е во интерес и на двете земји што се членки на Европската енергетска заедница, а од особена важност е да се изгради заедничка гасна централа која ќе направи гасоводна мрежа што ќе ги поврзува двете земји, бидејќи гасот за домаќинствата не е спроведен до граѓаните ниту во Македонија, ниту во Бугарија. Според Георгиев, недостигот од енергија е заеднички проблем и на двете земји и затоа заемното инвестирање е од голема полза. - Владата прави се за да привлече странски инвестиции, доказ за тоа се даночните реформи и брзото регистрирање фирма. Велам се е добро на хартија, ама патот што треба да се изоди за да доведеш инвеститор во земјата е многу тежок - вели Георгиев.
И покрај тоа
што нé одминуваат сите меѓународни гасни коридори, со инвестиција од 50
до 100 милиони
евра, државата може да се приклучи и да донесе енергија во
земјата
Гасификацијата на Македонија, која веќе дваесетина години тапка во
место, ќе почне кон крајот на оваа или на почетокот на идната година. Во
Министерството за транспорт и врски потврдуваат дека се одредени
приоритетните магистрални правци во правецот Клечовце-Битола, со крак до
Струмица и правецот Скопје-Тетово-Гостивар. Според најавите, за една
година гасот ќе влезе во дел од домаќинствата во земјава, што ќе
резултира со намалување на сметките за греење од 30 до 50 отсто. Корист
ќе имаат и компаниите, кај кои ќе се намалат трошоците на производство.
Сепак, експертите предупредуваат дека гасификацијата може да се развлече
со години, што од технички, што од политички причини.
Во Министерството за транспорт и врски информираат дека во тек е
изработка на техничка документација на ниво на основен и на изведбен
проект за магистрална линија на гасоводен систем во Република
Македонија. - Проектот опфаќа изработка на геодетски елаборати за трајна
и времена експропријација, изработка на ажурирани геодетски подлоги и
изработка на државна урбанистичка планска документација - велат во
Министерството.
Сé уште е нејасно дали точката на поврзување на гасоводниот систем треба
биде во Бугарија или во Грција. Доколку точката на поврзување биде во
Грција, сигурно ќе биде потребен и меѓудржавен договор, предупредуваат
експертите, кои велат дека просторот е многу мал за некакви политички
маневри или блокади од нашиот јужен сосед.
- Од технички аспект не би требало да има никакви проблеми, бидејќи се
работи за меѓународни коридори. Ако државата се договори со државите што
го продаваат гасот, како Русија, не би требало да има никакви пречки -
вели инженерот Чедомир Теодосиевски.
За заокружување на процесот на гасификација се проценува дека ќе бидат
потребни 270 милиони долари, од кои 60 се веќе обезбедени со договорот
за враќање на клириншкиот долг со Русија. Од Македонската академија на
науките и уметностите се залагаат за изградба на уште две големи
термоелектрани на природен гас, како и изградба на регионален гасоводен
прстен. Според академик Глигор Каневче, проблем е што сите гасоводи нé
заобиколуваат и единствено Македонија остана во центарот на Југоисточна
Европа без да помине ниту еден коридор за гас на нејзина територија.
Димитар Хаџимишев, претседател на Македонската енергетска асоцијација,
смета дека политиката игра клучна работа во бизнисот со гасот и многу
мало влијание имаат пазарните законитости.Тој не се согласува со тезата
дека меѓународните гасоводи нé одминуваат.
- Сите коридори поминуваат многу блиску или на растојание од 200
километри до границата на Македонија. Тоа е меѓу 50 и 100 милиони евра
инвестиција да се поврзете и да донесете енергија во земјата. Со
појавата на новата технологија за втекнување нафтен гас и оваа постапка
стана интересна, бидејќи истите глобални играчи од нафтата станаа и тука
атрактивни - вели Хаџимишев.
Моменталната искористеност на гасоводниот систем во земјата е 15 отсто.
Со пуштањето во употреба на комбинираната гасна централа ТЕ-ТО се
претпоставува дека овој процент ќе се зголеми на 50 отсто. Досегашната
мала искористеност на гасот е причина и за високата цена на гасот кај
нас. Поради овие причини, градоначалникот на Струмица, Зоран Заев реши
со камиони од Петрич, Бугарија да носи гас во општината, кој потоа ќе се
декомпресира и ќе се пушти во градската мрежа. Набавениот гас на овој
начин ќе чини 44 евра за 1.000 кубни метри. Во оваа цена се вклучени и
транспортот, шпедицијата, терминалите и царината од 2 отсто, вели Заев.
Предности и пречки
Предности
Заштеди во греењето кај граѓаните од 30 до 50 отсто, или од 200 до
1.000 евра годишно
намалени трошоци за компаниите 20-50 отсто
оранжериско производство за земјоделците и зголемена заработка
од 30 до 70 отсто
гасот е поевтин за 40 отсто од нафтата и за 30 отсто од мазутот
може да се складира и декомпресира, за разлика од струјата која
мора да се потроши кога ќе се произведе
еколошки е најчист и не ја загадува околината
Потенцијални пречки
нерешена сопственичка структура на гасоводот
долги тендерски постапки при изградбата, жалби и експропријации,
кои можат да се развлечат со години
Македонија лобира да се приклучи на гасоводот Турција -
Грција - Италија
Истанбул, 5 мај– Вложуваме сериозни политички напори Македонија да
се приклучи на гасоводот кој се планира да се гради и треба да оди од
Турција низ Грција за Италија, и на еден начин да биде конкурентен или
алтернативен на гасоводот Набуко, изјави вицепремиерот задолжен за
економски прашања Владимир Пешевски на маргините на 13.Евроазиски
економски самит што почна денеска во Истанбул.
Пешевски, одговарајќи на новинарско прашање истакна дека со гасоводот ќе
се обезбеди диверсификација во обезбедувањето енергенси за Македонија
особено на гасот не само од различна точка на влегување (сега неговиот
единствен влез е од Бугарија), туку и од различен извор на снабдување,
бидејќи, како што рече, сегашниот гас во државата доаѓа преку Русија.
- За овој гасовод се планира изворот на снабдување да бидат Азербејџан и
Иран. Тоа се уште се прелиминарни разговори. Носител на проектот треба
да биде една италијанска компанија. Вложуваме сериозни напори во
лобирање и имаме поддршка на политичко ниво од турската страна за овие
наши планови, додаде Пешевски. (МИА)
zaboraviv da kazam na kumanovskata tv nova isto taka kaza deka e prodolzeno so rabotite okolu gasifikacija so mernata stanica mislam deka beshe oti tamu se kocese rabotata i od septemvri kje imaat gas instituciite a posle i domakinstvata
Се интензивира работата на проектот за
гасификација на централното
градско подрачје. Екипите на Јавното претпријатие „Кумановогас„
деновиве работат на поставување на гасоводната дистрибутивна мрежа на
булеварот „Октомвриска револуција„.
Согласно проектот продолжуваме со ископи, поставување
на полиетиленски цевки,под булеварот Октомвриска Револуција значи
поврзување на еден поголем локалитет со стамбени згради со нашата главна
гасоводна мрежа.Со ова се усогласуваме со нашата програма за работа,
односно поголем дел од градот да биде поврзан што поскоро и да биде
приклучен кон гасоводната мрежа - вели Олгица Димитриевска, раководител
на ЈП „Куманово гас„.
Досега се завршени работите на
секундарната мрежа кај училиштето „11 Октомври„ детската градинка
„Синоличка„ и по проектот треба да се продолжи на улицата „11 Октомври„
каде треба да бидат приклучени повеќе јавни објекти, како што е
Општинската зграда, Македонски Пошти, Општински суд и други јавни
административни објекти.
На крстосницата на булеварот Трета МУБ и
Октомвриската Револуција денеска е извршено спојување на челични
гасоводни цевки со профил од 159 мм со што е овозможена изградба на нови
еден ипол километар од примарната гасоводна мрежа. Оваа операција ја
изведува екипата на ФЗЦ „11 Oктомври“.
Извршено е испитување на квалитетот на челичните цевки
со полиетиленска заштита на притисок од 16 бари што создава услови з
безбедносна и непречена дистрибуција на гасот на стандардните 10 бари
притисок-вели директорот на ЈП Куманово - Гас Момчило Мирчевски.
Веќе
се поставени полиетиленски цевки во должина од 600 метрина една од
главните градски сообраќајни артерии-булеварот Трета МУБ-до школската
амбуланта,а од наредната недела,по добиената дозвола од Телеком ќе
продолжи ископувањето кон институциите во строгиот центар на градот:
Македонска пошта, Полицијата, Општинската зграда и Судот - додава
Мирчевски.
Другиот крак од примарниот вод ќе се
притега кон Гимназијата Гоце Делчев, двете централни основни училишта
Браќа Миладиновци и Крсте Мисирков и популарниот Пионерски дом. Овие
зафати,според Мирчевски треба да завршат до крајот на август кога
дефинитивно,понеколку неостварени ветувања, компанијата ГАМА ќе ги
постави главната мерно-регулациона станица и приклучокот на
магистралниот гасовод со што Куманово наесен ќе почне да го користи
гасот како најеколошки енергенс за затоплување и за други намени.
Првите
корисници ќе бидат поголемите потрошувачи, училиштата детските градинки
домот за стари лица ЈП Водовод, Поштата и други институции и установи.
За нив цената на приклучокот ќе изнесува околу 5000 евра, додека за
домаќинствата ќе треба да издвојат 800 евра за да се вклучат на
гасоводната мрежа.
You cannot post new topics in this forum You cannot reply to topics in this forum You cannot delete your posts in this forum You cannot edit your posts in this forum You cannot create polls in this forum You cannot vote in polls in this forum
Quote 
isto taka kaza deka e prodolzeno so rabotite okolu gasifikacija so mernata stanica mislam deka beshe oti tamu se kocese rabotata i od septemvri kje imaat gas instituciite a posle i domakinstvata
Topic Options
