Автопати и експресни патишта (општо)

луѓе, се мислев дали да коментирам затоа што не се разбирам толку многу во овие работи... ама сепак, нели звучи малце нелогично да се трошат пари за автопати на толку кратки и небитни делници на глобално ниво?
значи не зборам за тоа да не се инвестира во тие делници, туку да не се инвестира во автопат

Пак се јави чика Миле со неговите очекувања кои почнаа некаде на почетокот на годинава и требаше според него најдоцна до јуни да биде објавен тендерот, а еве сега пак си очекува он за некој месец ли, за некоја година ли, битно си очекува човекот

Дали автопатот Гостивар-Кичево се планира да биде изграден на нова траса или само да ги дополнат постоечките ленти?

извини вака, ама има слика од проектираната траса?

Originally posted by gjoko Тоа е комплетно нова траса и има невообичаено многу мостови.при проектирањето се запазени европските норми од минимален радиус на кривина и максимален наклон на трасата.кај зајас ќе има мост со должина од 550 метри

Воздушно гледано од Гостивар до Кичево, преку селата Лакавица и Србиново, ми изгледа дека би се добил побрз пат. На google maps, гледам дека од Гостивар до Србиново има пат, а потоа до Кичево би требало да се пробие. Теренот е планински, така што цената на овој автопат сигурно би била многу висока.

http://sitel.mk/ekspresen-pat-shtip-radovish-kje-ja-povrze-istochna-so-juzhna-makedonija

Од Штип до Кочани и од Штип до Струмица да се добијат експресни патишта за следните 4-5 години значајно би влијаело на растот на овој регион.

Инаку на видеото што го ставив за дискусијата за експресниот пат Штип-Кочани, говорниците тргнуваат од тоа дека десната лента би се користела единствено за застанување, но не и за возење. Во видеото на Сител директорот на агенцијата за јавни патишта кажува дека десната лента би се користела и за возење. Не ми е јасно зашто би се граделе две ленти, од кој едната би се користела единствено за застанување. Ако знае некој точно како е, може да каже како е точно.

Незнам зошто не се размислува за автопат на оваа траса од аспект на долгорочно планирање,каде што во иднина ќе има карго аеродром во Штип.
Со тоа би имала корист и една Струмица како најголем земјоделски, а можеби во иднина и рударски регион во Источна Македонија.

Миладиновци-Штип е 204мил. евра во должина од 47км.Отрпилика по 4-4.5м.е. по километар.Воглавно е рамничарски дел.

Според ова погоре што го говори директорот на ЈПДП, Штип-Радовиш би се одело само на изградба ете на тие 22км од вкупно 35.Можно е дополнително да се скрати трасата за некој километар.И тука се работи за релативно лесен терен.
Така да мислам со све експропријација комплет, сумата не би надминала 80-90 милиони евра.


Edited by jyvation - 11-Nov-2014 at 00:47

Ја пратам извесно време темава, па сакам да го изразам моето мислење за одредени работи. Како прво мора да нагласам дека е крајно позитивно што работите во однос на изградба на патишта во Македонија тргнаа од некоја мртва точка. Но не можам а да не го споменам моето чудење, а и револт за приоритетите во изборот на делниците. Не сакам да верувам дека тенденциозно се избираат одредени региони, додека други се игнорираат, но гледам дека и други членови веќе го споменаа тоа. Како пример навистина ме изненадува автопатот Штип-Скопје, а и Кичево-Охрид. Од друга страна се уште немаме автопатско поврзување со Бугарија на пример. Пелагонискиот регион (како еден од најважните) испаѓа дека моментално е најизолиран. Мислам дека се тотално неточни тврдењата дека патниот правец Битола-Прилеп-Скопје не е важен и нема голема фреквенција на возила. Па за да се стигне од Битола или Прилеп до Скопје е буквално голгота. Сите кои што возеле по Плетвар знаат, нема потреба да се објаснува. Исто така не е точно дека нема потреба од проширување на патот Битола-Прилеп до експресен пат. Не само што има потреба, туку треба да се размислува и за автопат. Воопшто не се сложувам со тврдењата на други членови дека овој пат е лесен за возење и претекнување. Напротив, иако целиот се простира на рамница, сепак е многу непрегледен со многу незгодни кривини. Се вози доста брзо и знае многу да ги залажи возачите. Едни од најстрашните сообраќајни незгоди кај нас се случиле на овој пат, и тоа од неприлагодена брзина и неправилно претекнување. За (не)квалитетот и оштетеноста на асфалтот да не зборуваме. Да не заборавиме и на одамна ветениот и долгоочекуван автопат од Прилеп до Велес преку Бабуна.

Друг игнориран патен правец е Битола-Охрид. Некој претходно спомена за жителите од Источна Македонија кои патуваат за Охрид. Мислам дека не е малку пола Македонија, плус Прилеп и Битола да не може да стигне човечки до најголемиот туристичи центар во државата. Сега се најави некоја реконструкција, но ни збор за проширување на патот.

Струмичкиот регион (исто така еден од најважните) тотално изолиран. Ај стигнете од Струмица до Охрид да ве видам.

Јас не сум експерт, ова го кажувам само како мое гледиште како обичен граѓанин. Колку што разбрав, до сега нема прецизна студија за фреквентноста и приоритетите на патните правци во државата, па се чудам зошто се избрани баш овие делници кои сега се градат. Ако пак има некакви податоци, зошто не се дадат на увид на јавноста и граѓаните, па да се види навистина кои патни правци имаат приоритет? Мислам дека револтот кај граѓаните е голем, посебно од пелагонискиот регион. Од една страна на големо се зборува за инвестиции и развој на индустриски зони (го имаме примерот со Жабени во Битола), но од друга страна имаме тотална изолација во однос на патна инфраструктура. Како ќе развиваш економија во еден град или регион ако немаш ни на видик развиена патна мрежа?

Пак ќе речам дека немам ништо против одредени региони да добијат подобри патишта, но мислам дека дефинитивно се измешани приоритетите и не е дозволиво што се запоставуваат гореспоменатите региони, особено пелагонискиот.

Edited by alexr - 11-Nov-2014 at 15:15

Доколку патарината не биде поставена помеѓу Миладиновци и Горно Коњаре, автопатот и тоа како ќе се користи на оваа делница, а потоа се исклучуваш и си возиш по делницата Горно Коњаре - Сушица - Малино - Горобинци - Свети Николе.