Автопати и експресни патишта (општо)

Новиот магистрален пат Радовиш-Струмица денес ќе биде пуштен во употреба.
strumica

На пуштањето во употреба ќе присуствуваат заменик-претседателот на Владата и министер за финансии Зоран Ставрески и министерот за транспорт и врски Миле Јанакиески

Со новиот патен правец во должина од 10 километри ќе се овозможи брзина на движење од 100 километри, наместо досегашните 40 километри.

Во изградбата на патот Радовиш-Струмица се вложени 445 милиони денари, обезбедени од државниот Буџет. Градежните работи ги изврши „Гранит“, по раскинувањето на договорот со претходниот изведувач заради доцнење со роковите, хрватска ИНГРА.

ИЗВОР: http://kurir.mk/makedonija/vesti/100955-Magistraleniot-pat-Radovis-Strumica-ke-bide-pusten-vo-upotreba

Да, да. Го паравеа и сеа пак е планирано да се реконструира.
Иначе мене не ми е јасно зошто толку многу се влечи Росоман - Прилеп.
Од 2007 во програма им е и сеуште не е направен.

Грујо во Битола го најави почетокот на градбата на овој пат Прилеп-Градско оваа година.Мислам дека нешто зборуваше за пред летото

Originally posted by Svarog Да, да. Го паравеа и сеа пак е планирано да се реконструира. Иначе мене не ми е јасно зошто толку многу се влечи Росоман - Прилеп. Од 2007 во програма им е и сеуште не е направен.

Тој дел од патот е во поприлично лоша состојба, а е единствената врска за Прилеп, Битола, Ресен, па и Охрид и Струга до централна и источна Македонија. Освен тоа минува низ гадна клисура каде често има одрони. Минува и низ големо населено место како Росоман. Инаку новиот пат не е Росоман - Прилеп, туку Градско - Прилеп.

За патот Штип-Струмица веќе е направена Студија за оцена на влијанието врз животната средина.
Еве набрзина што прочитав, се предвидува автопат со 4 или повеќе ленти.

Мислам дека нема да се оди со автопат, зашто најавите се дека ќе биде експресен. Да сакаа автопат да направат, одамна ќе се најавуваше со автопат. Пред месец-два директорот на Агенцијата за државни патишта изјави дека годинава ќе почне изградбата на експресниот пат Штип - Радовиш по нова траса, по принципот една лента за возење, една за запирање. Магистралниот пат Радовиш - Струмица е реконструиран пред некое време колку што знам. Убаво што направиле студија за автопат, но реалноста е дека нема да се оствари.

[QUOTE=daci92]
Би сакал да ја чујам таја изјава Стаки, бидејќи знам дека најавија за годинава отпочнување на Штип- Кочани и веќе има обезбедено пари од кредит за тоа ,но за Штип - Радовиш не сум слушнал.Инаку и јас колку што знам планот за овој пат им е да биде експресен со можност за надоградба во иднина бидејќи нема економска оправданост за автопат засега.

http://www.sitel.com.mk/ekspresen-pat-shtip-radovish-kje-ja-povrze-istochna-so-juzhna-makedonija-1

Најдов зашто е одбрано да се гради експресен наместо автопат. (по моја претпоставка)
Цената на чинење на автопатот се предвидува на 908 милиони евра со експропријацијата. Информацијата можете да ја најдете детално разгледана на 239 и 240 страница во пдф документот.

Додека целосно не се завршат коридорите X и VIII не треба да се размислува за нови автопати, туку за експресни патишта но со профил на Тетово-Гостивар.

Штета што таква е законската регулатива, инаку 2х2 е сигурно подобра опција. Според информациите што ги имам прочитано лентата за возење ќе биде 3.75 или 3.5 метри и 2 метри за застанување. Вкупно тоа се 11 (11.5) метри ширина на патот. Да беа 12 или ете 13 метри, ќе имаше подобри услови за возење во иднина кога нели се предвидува и повеќе возила да го користат патот. Како и да е и вака е одлично што се вложува во нов експресен пат каде без проблем ќе се вози 80-100 км/ч. Овие патишта сепак се проектирани според понови правила за градење патишта. Нема да поминуваат низ населено место, ќе има благи кривини и слично. Реалноста е таа дека дури и со зголемување на бројот на возила, експресниот пат пак нема да е целосно искористен. Едноставно мала држава сме со мали гратчиња со мал број на население. Имам постирано претходно едно видео со дискусија дали треба експресен пат или автопат Штип - Кочани. И двајцата говорници говорат како попотребно е автопат. Не е спорно дека има многу гратчиња во Источна Македонија и дека е потребно реновирање на инфраструктурата во овој дел за да заживее. Ама не може најдоброто да се направи сегде. Во државата има приорирети. Не само што патот нема доволно да се искористи, туку и ќе има поголеми трошоци на оддржување. Заклучок: на овие инвестирања треба да се гледа позитивно, бидејќи сигурно ќе ја унапредат инфраструктурата во државата, а најверојатно и економијата.