Подршка за градоначалникот,ама ме интересира што ќе прави со таа стаклената летна тераса на Дилавер Бојку десно на сликата.Ако го отстрани тоа,тогаш стварно е за почит.

Браво! Само нека продолжи вака, следно да ја среди чаршијата.

ОПШТИНА СТРУГА ГИ УРИВА НЕЛЕГАЛНИТЕ ТЕРАСИ КРАЈ ДРИМ Општина Струга започна со уривање на нелегално изградените тенди, конструкции и тераси на кејот од реката Црн Дрим. Градоначалникот на Струга, Зијадин Села, кој минатата недела во полицијата пријави дека примил телефонски закани од Дилавер Бојку ,кој е еден од сопствениците на нелегален објект,денеска не сакаше да даде изјава во врска со отпочната акција.Но пред неколку дена рече дека и покрај заканите ,тој ќе ги спроведе најавите од изборната кампања и ќе се справи со урбаната мафија. Прецизни информации не добиле ниту градските советници. Сепак тие ја поздравија акцијата, изразувајќи очекување дека таа нема да биде селективна. -Акцијата ја поздравуваме и се надеваме дека тука нема да застане и ќе ги опфати сите дивоизградени објекти во Струга, но со мала доза на резерва што понатаму со таа урбана опрема, затоа што Струга е туристичко место.-изјави Перо Петкоски, советник од коалицијата „За подобра Струга“. Акцијата која се спроведува со асистенција на полицијата тече без проблеми, а дел од сопствениците на угостителските објекти сами ја демонтираат поставената опрема. Жителите на Струга велат,оддамна требало да се спречи уништувањето на кејот на Црн Дрим ,но и на крајбрежието на езерото -Сосема е легитимна акцијата на општината бидејќи јавните површини беа узурпирани-изјави граѓанин на Струга. -Треба да се овозможи граѓаните да можат да се движат слободно.-додаде друг стружанец. Советниците на општина Струга очекуваат дека по отстранување на нелегално постабените објекти на јавни површини ,ќе се пристапи кон изготвување план за поставување на урбана опрема соодветен на туристичките потреби на градот.

http://telma.com.mk/index.php?task=content&cat=1&rub=6&item=28428

Не најдов друга соодветна тема на форумова за оваа статија, доколку постои посоодветна тема на форумов, администраторите/модераторите нека го префрлат овој пост во таа тема.
 
На Интернет страницата кон која води наредниот линк е објавен видео клип поврзан со конкретната статија.
 
http://www.telma.com.mk/index.php?task=content&cat=1&rub=6&item=31994
 

ПОРАДИ ГРАДЕЊЕТО ВИСОКОКАТНИЦИ НА ТЕТОВО МУ СНЕМУВА ВОЗДУХ

 

02.11.2013     Станбени објекти на растојание од само неколку метри, без доволно  паркинг простор и висококатници каде едвај функционира еден лифт. Градежната експанзија во Тетово која се одвива на незаконски начин, се повеќе го стеснува просторот. Непочитувањето на стандардите за градба ги принуди станарите да паркираат на улици и тротоари, а заради близината на зградите останаа без воздух.   Експертите велат дека одобренијата за градба се даваат на многу брз и едноставен начин, само за  да се наполни општинскиот буџет. Инвеститорите пак, одобрениот паркинг простор понекогаш го искорустуваат да изградат најмалку уште еден влез на зградата, која ако има дозвола за градење на пет, преку ноќ станува осумкатна. Професорот Енис Јакупи вели дека ваквата практика може да се спречи, доколку надлежните вршат контроли во текот на градбата, и ги преземат сите мерки согласно законот.   Одредени постоечки регулативи за градба, треба да се променат по теркот на европските стандарди, вели професорот.   Изминативе неколку години во строгиот центар на градот се изградија дваесетина станбени објекти. Голем дел од нив се градени без стандарди и нормативи, но никому до сега не му е изречена забрана за градење или казна.   [ Зоран Димовски ]

Некој со толку памет за да купи вакова стан за над 1000EUR/m2 утре ќе земе да преуредува и ќе му улета на стубов со хилта 

Originally posted by Staro Skopje https://twitter.com/Annadelimana/status/971302767653474305

Еве едно видео од пред 3 месеци поврзано со урбаното лудило кое владее низ Карпош,Стар Аеродром,Острово...

Следна за уништување е Матка:

ДИВА ПЛАТФОРМА ЗА КАФЕАНА НИКНА НА МАТКА, ГРАД СКОПЈЕ НЕ ЗНАЕ ШТО Е, ОПШТИНА САРАЈ НЕ КАЖУВА

Неверојатно како наводната диктатура во социјализмот била (многу по)поволна за урбанистичкиот развој и здравиот разум, а со доаѓањето на наводната демократија, Македонија западна во диктатура на мала група злобни луѓе кои ја уништија природата и благосостојбата на луѓето. Се палат трски, се уништуваат крајбрежја, се уништуваат шуми... Охрид сосе Струга треба да бидат избркани од УНЕСКО зашто свесно го уништуваат и културното и природното наследство и бојкотирани од светските туристи, а Македонија предмет на санкции и изолација поради истите причини. Сѐ додека не се ослободи од окупацијата на урбаната мафија, нема да биде третирана како држава, туку феудална диктатура. Можеби е време и за граѓанска непослушност и неплаќање даноци сѐ додека општините не почнат да работат во интерес на луѓето, наместо малата група профитери. Иако додека Мијалков, Камчев и слични ја раководат државава, наместо да лежат во Шутка, а Дизел и Крсто се на високи државни функции, тешко дека ќе има економски и социјален, а со тоа и урбан напредок - корупцијата и криминалот се негови најголеми непријатели.
Само природата (во поширока смисла на зборот) е посилна од изнасилениот бетон, па ќе биде добро кога тркалото ќе се сврти.

Ова има никнато во Ѓорче карши Порта Влае. Цело градилиште го обиколив никаде нема никаква информација, за рендер да не збориме.

Само скапаните греди од кровот ги отстраниле бидејќи претставувале опасност за минувачите другото си останува како што е..

-------------------------------------------------------------------------------

Зградите на „Фиком“ станаа опасни – „Антигона“ почна да скапува



Двете згради, „Антигона 1“ и „Антигона 2“, едната со зелена фасада, а другата карабина, уште стојат кај Стара рампа како потсетување на најголемата градежна афера со станови, позната како „Фиком“. Но, вниманието на граѓаните кои секојдневно поминуваат покрај двете згради го привлекоа градежните работници качени на покривот на зградата „Антигона 2“. Првин беше тргната оградата на зградите, а потоа почнаа градежните активности. Вчера пред „Антигона 2“ беше паркиран камион од фирмата „Карпош“. Оние работници што беа качени на покривот ги симнуваа гредите со мини-кран. Граѓаните што пред повеќе од десет години дале пари за стан, но останале со празни раце, почнаа да се интересираат дали можеби за зградата се нашол некој инвеститор и ќе доградува. Но, работниците што беа во камионот ни рекоа дека зградата не ја доградуваат туку го тргаат постојниот покрив оти веќе скапал. Зградите кои со години стојат неизградени веќе почнаа да претставуваат закана за минувачите.

Од фирмата „Карпош“ ни изјавија дека се ангажирани единствено за отстранување на покривот, односно дрвената конструкција која повеќе од една деценија ја печеше сонце, ја врнеше дожд и ја дуваше ветер. Конструкцијата веќе скапала и станала небезбедна за минувачите. Фирмата ја ангажирал одборот на доверители, кој добил налог од инспекцијата. „Ние само сме ангажирани за отстранување, другото не е наша работа“, ни изјавија од фирмата.



Според нашите непотврдени информации, оваа зграда, „Антигона 2“, не е под хипотека, но што точно зела Еуростандард банка не се знае. Од банката, која имаше дадено кредит на брачниот пар Николиќ за да ги гради зградите и потоа бараше да ѝ бидат вратени парите, велат дека немаат ништо конкретно со оваа зграда, но други информации не откриваат. Неофицијално, тргањето на покривот го наложила Општина Кисела Вода, откако одборот на доверители заседавал минатата недела и донел одлука за 800.000 денари да се тргне распаднатата конструкција. Сопственици на локацијата на која е карабината за „Антигона 2“ се пет семејства, но тие не се во одборот на доверители.

Стечајната управничка Весна Спирковска ни рече дека не може да дава никакви изјави. „Има портпарол на Основен суд 2, ќе се обратите таму“, рече Спирковска. Но, во Основниот суд Скопје 2 велат дека судијката која го води случајот е на боледување и не можат да кажат кога ќе се врати.

Градежната афера „Фиком“ медиумите ја открија во 2006 година кога група граѓани тврдеа дека нивниот стан бил продаден уште на неколку лица. Претходно сопствениците на „Фиком“, сопружниците Николиќ, успеале да измамат многу луѓе ветувајќи им евтини, модерни станови, речиси во центарот на Скопје. Во седум згради во централното градско подрачје тие продавале станови по цена од 450 до 500 евра за квадратен метар, без склучен договор. За измамата да биде уште поголема, еден стан го продавале на повеќе лица. Стотици семејства беа оштетени, становите ги платија, но не добија дом.

Сопственикот Никола Николиќ беше осуден на 24 години и 2 месеци затвор, а неговата сопруга на 12 години затвор. Во 2015 година, неколку дена пред првиот слободен викенд, Николиќ беше најден обесен во затворот во Штип под сомнителни околности. Неговата сопруга Весна Николиќ излезе од затвор поради здравствени проблеми.

Во 2014 година Врховниот суд ги преиначи пресудите на Основниот суд Скопје 2 и на Апелацискиот суд кои беа во прилог на оштетените и ја уважи ревизијата на тужената Еуростандард банка. Банката тврдеше дека кредитот што ѝ го дала на „Фиком“ во вредност од 1,5 милион евра го дала законски врз основа на нотарски акт за хипотека врз недвижен имот и немала сознание за незаконските дејствија.

Оштетените бараа повторување на постапката бидејќи нашле нови докази, предметот сега е во Апелацискиот суд, но од таму нема одговор. Во меѓувреме Еуростандард со налог за извршување врз недвижност сакаше да стане сопственик на зградата „Антигона 1“. Иако Николиќ го приватизирал земјиштето, сепак тоа не е ставено под хипотека, туку само идниот објект кога ќе биде изграден.

Сепак, никој од измамените не доби ниту денар, а случајот уште се влече низ судовите и тешко се доаѓа до информација што се случува.

Фросина Факова-Серафиновиќ

https://nezavisen.mk/zgradite-na-fikom-stanaa-opasni-antigona-pochna-da-skapuva/

Нема да се направи ред со тоа „терасите“ се додека се спороведуваат правилата кампањарски. А под тоа мислам, ќе ги толерираат одредено време па во една акција повеќето ќе ги регулираат одеднаш. Се додека не се контролира и регулира континуирано ќе продожат газдите и да се шират кај што не им е место. Со ова камапањарсково рушење им доаѓа и добро за бизнис, бидејќи по година две таман и се создава можност да реновираат и ребрендираат.