build.mk Homepage
Forum Home Forum Home > Главни теми > Урбани прашања
  Active Topics Active Topics
  FAQ FAQ  Forum Search   Register Register  Login Login

Урбана мафија и дивоградби (општо)

Bookmark and Share
 Post Reply Post Reply Page  <1 2324252627>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #481 Posted: 13-Nov-2021 at 15:41
Ова е најголемиот и најконтроверзниот сет спорни градби во општина Маврово и Ростуше.
Планирани се 87, а веќе се изградени 17 типски куќи кои треба да бидат дел од проектот наречен село Радика.





https://www.facebook.com/IRLMacedonia/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #482 Posted: 15-Nov-2021 at 18:11
Без проверка за потеклото на капиталот во Маврово влегоа инвеститори од Албанија и Косово



аму каде што ВМРО-ДПМНЕ почна, СДСМ продолжи. Проектот приватно село од 87 куќи под хотелот Радика во Маврово почна да се црта по општинските канцеларии на Општината Маврово Ростуше уште кога градоначалникот беше од ВМРО-ДПМНЕ, Мукрем Мехмеди, а продолжи со градоначалникот од СДСМ, Медат Куртовски. Истражувачката репортерска лабораторија (ИРЛ) истражуваше за сопствениците на оваа инвестиција – еден од најбогатите луѓе од Албанија и еден од најбогатиоте луѓе од Косово.

Александар Пило, банкар од Албанија, како мнозински сопственик, ја основа компанијата „Радика ресорт“ откако во 2006 година за 700 илјади евра го купува стариот имот на загубарот Железара, хотелот „Радика“, а дополнително низ годините ќе се стекне со 170.000 квадрати државно земјиште. Во сопственичката структура на „Радика ресорт“ се споменуваат и имињата на Моника Мило, Малтин Коркути, Артан Санто, кој беше и генерален директор и водечки акционер во „Крединс бaнк“. Во 2014 година Артан Санто е ликвидиран во мафијашки стил среде Тирана. Убиството го следат многу контроверзи пропратени шпекулации за вмешаност на организираниот криминал. Мотивите и нарачателите се енигма до денес бидејќи албанската полиција не бележи напредок во истрагата. Од 2013 во ресортот има нов партнер. Тоа е фирмата „Алкора“ од Тирана во сопственост на извесен Артур Синани, албански бизнисмен чии деловни активности не се познати во јавноста. Од 2013 до 2017 Пило и „Алкора“ заедно го водат ресортот.

Пило е еден од најбогатите 10 Албанци во државата. Поседува медиуми, шопинг и забавни центри на најатрактивните локации во земјата, фирми за финансиски и банкарски услуги, а преку фирмата „Емигрос“ врши и други активности, како инвестиции на крајбрејжјето во Албанија. Сопственик е на удели и член е на Управниот одбор на „Крединс банк“, првата приватна банка во Албанија која настана со приватизација на државната банка. Некои од нејзините најистакнати лица во првите години на инвестицијата се нашле во сопственичката структура.

Од 2017 година нов сопственик е Шериф Рамука, косовски стопанственик, омразен кај еколошките активисти поради неговите зделки со малите хидроелектрани во Косово. Истата година во Тирана се прави друга зделка: Шериф Рамука ги купува сите удели од Артур Санини во албанската фирма „Алкора“. Од Централниот регистер во Косово може да се види дека 43-годишниот Рамука е сопственик е на „Алба груп“, конзорциум кој се бави со градежништво, ископ на руда, транспорт, инвестира во мали хидроелектрани.

ИРЛ открива дека првите одобренија за градба се дадени уште во 2017 година, неколку дена пред локалните избори. Тогашниот градоначалник непосредно пред изборите наплатил комуналии за 22 објекта од предвидените 87.

Новиот сопственик на „Радика ресорт“ доаѓа во време кога статусот на Националниот парк Маврово не е редифиниран и не се исцртани забранетите зони за градење. Но тоа никој не го прави од 1952 година.

Шериф Рамука еден месец откако го презема ресортот Радика, поднесува барање за изградба на 10 куќи. Барањето го поднесува врз основа на постоечки урбанистички план за село Леуново донесен од општината Маврово и Ростуше. Тогаш општината ја води Мукрем Мехмеди од ВМРО-ДПМНЕ и ги одбројува последните месеци од неговиот мандат. Градоначалникот дозволата ја потпишува само два дена пред локалните избори, на 13 октомври 2017 година.

Потоа општината ја презема градоначалникот Медат Куртовски од СДСМ, а под хотелот Радика почнува да се градат првите десет куќи.

Планерската куќа од Гостивар „Полог проект“ изработува Архитекстонско-урбанистички проект (АУП) со намена Б5, односно хотелски комплекс и изградба на 87 куќи. Архитектонско-урбанистичкиот проект е доставен до градоначалникот на Маврово-Ростуше и во отсуство на урбанистички план, тоа е документот врз основа на кој инвеститорот бара дозвола за градба на останатите куќи од проектот „Радика вилиџ“. Градоначалникот Куртовски на 31 октомври 2018 година го отвора патот за багерите на Шериф Рамука и тој продолжува да го гради туристичкото село покрај Мавровското Езеро.

Кога градежната офанзива добива поголеми размери, локалците и сопственици на викендици од Леуново забележуваат дека тој дел од мавровскиот крај неповратно ќе се бетонизира и пишуваат писмо до 20 институции и организации. Никнуваат огромни градби во близина на брегот на езерото, онаму каде што не е дозволено според котите за нивото на езерото определени од ЕСМ.

Кон крајот на 2020 година Рамука бара нова дозвола за градба на уште 22 куќи. Документацијата ги поминува сите контролни фази со десетина институции кои се вклучени при издавање на градежна дозвола. Општината констатира дека инвеститорот го завршил техничкиот и бирократски дел и во јули годинава му дава пресметка за да плати комуналии.

Водејќи се од претходното искуство, кога инвеститорот ги плаќа комуналиите, а дозволата за градба градоначалникот ја потпишува во рок од 10 дена, Шериф Рамука одлучува да почне да гради без официјалното одобрение за градба. Надевајќи се дека во меѓувреме сигурно ќе стигне.

Но, тогаш во медиумите се појавува напис дека покрај Мавровското Езеро за две години се изградени 20-тина викенд куќи, а инвеститорот планира вкупно 87. Градоначалникот е под притисок на постојани прашања од новинарите, кои бараат одговори како и под кои услови издава дозволи за градење.

Притисокот врз градоначалникот го засилуваат и мештаните кои бараат да се стопира градежната експанзија, а се ближат и локалните избори. Градежен инспектор од општината издава решение за уривање на 9 куќи. Истиот инспектор, Ќирко Џуковски, претходно ја потпишал и дозволата за градба. Решението за уривање е издадено, никој не урива, а инвеститорот си продолжува со градењето.

По издавањето на решението за уривање, гостиварската полиција поднесе и кривична пријава против Шериф Рамука за бесправно градење. Основното јавно обвинителство отвори и предистражна постапка за овој предмет.

„Не можам да разберам зошто ова се прави, бидејќи јас ги имам сите документи и стојат и кај мене во архива, а ги има и општината. Како би можел да градам 87 викендици без дозвола, без ништо. Можеби за една викендица ќе го направиш тоа, но 87 викендици не се шала. Јас сум сериозен инвеститор со сериозна компанија и инвестирам милиони. Ова го нема никаде, да платиш толку пари, а да не ти дадат дозвола да градиш. Ова само во Маврово го има“, изјави за ИРЛ Рамука.

https://www.mkd.mk/makedonija/razno/bez-proverka-za-potekloto-na-kapitalot-vo-mavrovo-vlegoa-investitori-od-albanija-i
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15002
  Quote Џоле Quote  Post ReplyReply #483 Posted: 24-Nov-2021 at 16:58
Нов ден, нов бетон на Калето

Автор: Гоце Трпковски
Објавено на 24 ноември 2021

Ливчето од градежната инспекција, заглавено меѓу две тули за да не го дувне ветерот, е единствениот податок што може да се најде на новото градилиште во близина на скопската тврдина Кале, каде што непознат инвеститор на државно земјиште направил бетонска платформа од шеесетина квадрати и донел други градежни материјали за да изѕида објект. Во него е наведен датумот и времето кога градителот треба да се појави во Општина Центар и да донесе документи за градбата, ако ги има.

Ова е втора покана што ја оставиле општинските инспектори, вели градоначалникот на Центар, Горан Герасимовски.

„Досега двапати никој не се појави. Инспекцијата ќе остави и трета покана, а ако и тогаш не дојде инвеститор, ќе мора да почнеме постапка за уривање. За жал, тогаш тоа ќе биде на наша сметка, бидејќи не е познато кој гради“, додава градоначалникот.

Кај дивоградбите со познат инвеститор, трошоците за уривањето и за отстранувањето ги покрива тој. Но, овде општината нема начин да дознае кој гради, освен да остави покана и да се надева дека некој ќе се јави.

Нелегалното градење во околината на скопското Кале веќе наликува на трките за грабање земјиште од американските вестерн-филмови, во кои сѐ што треба за некој да стане сопственик е да си стави свое обележје на плацот на кој му фрлил мерак. Новата бетонска платформа, не само што се наоѓа на државно земјиште, туку е изградена на катастарската парцела со број 5071/1, огромна површина од над 180 илјади квадратни метри (18 хектари). Таа ја опфаќа и самата тврдина и поголемиот дел од просторот што, според важечкиот Генерален урбанистички план за Скопје, треба да биде заштитен како нејзина контактна зона.



Со текот на времето и во отсуство на соодветна заштита и грижа, дел по дел се нагризува оваа парцела. На неа веќе постојат дваесетина приватни објекти, соодветно заведени во катастарот на недвижности. Според катастарските документи што ги добивме, главно станува збор за сопственици со адреси на улицата Самоилова, каде што се наоѓа Калето (со исклучок на двајца), а објектите се постари дивоградби што биле легализирани според законот донесен во 2011 година. Потоа некои биле реновирани или целосно реизградени, а еден служи и како угостителски објект.

Случајно или не, новата платформа, покрај која веќе се наредени тулите и бетонот и се чекаат само работници за да изѕидаат објект, се појави откако излегоа најавите за донесување нов закон за легализирање дивоградби, од една страна со поголемо финансиско оптоварување за градителите (наместо со едно евро за квадрат како порано), но од друга со олеснителни околности во врска со градењето во заштитени подрачја.

Така овој јавен простор веднаш спроти турскиот конзулат, со панорамски поглед кон половина Скопје, на кој до неодамна немаше ништо, освен заборавена камионска приколка со ознаки од скопска транспортна компанија, прво се огради со зимзелени дрвца за да се попречи погледот, а потоа се бетонираше.

Според Општина Центар, нема никакви дилеми дека сегашната градба е спротивна на законите и дека единственото решение за неа е уривањето. Но, во изминативе неколку години, градењето околу Кале, дури и кога беше диво, не беше целосно нелегално. БИРН веќе пишуваше дека бавноста на институциите надлежни за заштита на културно-историското наследство и нивната заплетканост во бирократски процедури овозможи на овој чувствителен и историски важен простор за државата да се создаде сива зона, во која некои опортунистички инвеститори знаеја да се снајдат.

Генералниот урбанистички план предвидува целиот простор меѓу тврдината и Музејот на современа уметност, како и меѓу музејот и француските воени гробишта, да биде парк. Веќе имаше и конкурси, домашни и меѓународни, за да се дизајнира како тој би изгледал, каде би имало патеки, каде отворени простори за културни настани и друго.

Но, за да се реализира тоа, прво треба да се направи елаборат за ревалоризација на тврдината, документ со кој прецизно ќе се определат границите на заштитената и на контактната зона, како и правилата што смее и што не смее да се прави таму, за да не се нарушат вредностите на просторот. Тој документ и натаму е во постапка за донесување, иако поминаа речиси пет години откако завршија децениските археолошки истражувања на тврдината и се отвори просторот за нејзино уредување и туристичка презентација.

За просторот никогаш досега не се направил ниту детален урбанистички план. Сега се подготвува првиот. Ако тој ги следи одредбите од Генералниот план, а мора да ги следи, освен Калето и музејот, целиот преостанат простор треба да биде зеленило. Но, градбите се веќе тука и се легализирани, па ниту може да се урнат, ниту да бидат соодветно вклопени во урбанистичката документација.

По сето тоа, откако на дел од сопствениците им појде од рака да имаат легални објекти на овој подзаборавен, но атрактивен простор во центарот на главниот град, макар тие законски „виселе во воздух“ бидејќи се на државно земјиште, тоа охрабри и други да си ја пробаат среќата во оваа трка за парче земја околу Калето.

Следниот развој ќе зависи од тоа кој ќе биде поажурен – општинската инспекција или непознатиот градител. Историските сателитски снимки покажуваат дека во изминативе години биле доволни неколку месеци за да се изградат куќи на државното земјиште, ако ниеден инспектор не го сврти погледот нагоре кон ридот. Една таква дивоградба стои веќе две години, затскриена зад легализирани објекти, но од северната страна на Музејот на современа уметност, меѓу овој објект и француските гробишта. Таа се забележува само од небото, но новата платформа се гледа од улица.

Градоначалникот на Центар, Герасимовски вели дека е решен да ѝ стави крај на оваа појава. Побара јавноста повеќе да го пријавува нелегалното градење, за да може неговите служби да реагираат навреме. Јавноста не беше пасивна ниту досега. Вработените од Музејот на современа уметност, во изминативе пет години испраќале претставки до различни институции, секогаш кога ќе забележеле нови градежни активности во т.н. Кале маало. Ги алармирале градоначалниците на Центар и на Скопје, нивните градежни инспекции, Државниот градежен инспекторат и други, но или не добивале одговор, или добивале оправдување дека некоја од установите каде што се обратиле не била надлежна за проблемот.

https://prizma.mk/nov-den-nov-beton-na-kaleto/
За сè има вторпат
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #484 Posted: 26-Nov-2021 at 15:12
Originally posted by stef4o

Дивоградбата кај амбулантата во Ченто пред свечено отворање, надлежните молчат





https://www.slobodenpecat.mk/divogradbata-kaj-ambulantata-vo-chento-pred-svecheno-otvoranje-nadlezhnite-molchat




https://www.facebook.com/groups/145337166272043
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #485 Posted: 04-Jan-2022 at 16:33
Општина Центар отстрани дивоградба на улица „Самоилова“ на Кале



Градбата која е отстранета е објект од втора категорија, со димензии 10 метри на 5.5 метри, изграден од армирано бетонска конструкција, на земјиште сопственост на Република Македонија.

Секторот за инспекциски работи на Општина Центар по извршениот вонреден надзор, постапувајќи по член 134, став 1, алинеа 1 и член 137, став 1 од Законот за градење, донесе решение за отстранување на објектот, затоа што инвеститорот не поседува одобрение за градба и останата документација. Инвеститорот, согласно членот 142 од Законот за градење, има три дена за сам да постапи по решението. Откако истиот не постапил, Секторот за инспекциски работи присилно го отстрани објектот.

Општина Центар упатува апел до сите инвеститори и сопственици на нелегални објекти, да постапуваат по издадените решенија за отстранување на објектите. Во спротивно, општината присилно ќе ги отстрани, со што трошоците за отстранувањето ќе паднат на товар на инвеститорите, односно сопствениците на нелегално поставените објекти.

https://kanal5.com.mk/opshtina-centar-otstrani-divogradba-na-ulica-samoilova-na-kale/a510628
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #486 Posted: 18-Feb-2022 at 10:10
Кондово, дивоградба на сред шума- Општина Сарај бара уривање на објектот



Ова е најновиот пат кој води до шумата во село Кондово. Патот е отворен неодамна, но не се знае од кого. Сечени се и дрвја, а жителите од оваа област до редакцијата на ТВ21 пријавија дека над нивните куќи има многу прашина од копањата направени во последно време.

Жителите на с. Кондово се жалаат дека се копа патот за камења во нивната шума, но состојбата на терен е поинаква. Како што видовме и ние, почнало да се гради викендичка.

Поставено е железна арматура и е подготвено местото за поставување на бетонска основа, но таму денеска не се работеше. Градежните работи се во прекин а во близина имаше истоварени тули. Жителите се пожалиле и до општина Сарај, од каде велат дека Градежниот инспекторат на општината веднаш излегол на терен и констатирал дека се работи за дивоградба и узурпација на државно земјиште.

„На 16.02.2022 Инспекторатот за градежништвово излезе на терен и констатираше дека е узурпирано државно земјиште, оштетена е шумата и има дивоградба. Подготвен е записник и донесена е одлука за уривање на објектот. Во постојан контакт сме со МВР, Државниот инспекторат на шумарство и другите институции“, велат од општина Сарај.

Од општина Сарај велат дека го следат случајот одблиску и делуваат според законските надлежности и обврски, а додаваат дека жителите се жалеле дека се плашат од можните поплави од дожд.
Од снимките на ТВ21 се гледа дека во шумата се изградени и неколку други куќи.

https://mk.tv21.tv/kondovo-divogradba-na-sred-shuma-opshtina-saraj-bara-urivane-na-objektot/
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15002
  Quote Џоле Quote  Post ReplyReply #487 Posted: 02-Apr-2022 at 14:00
Зградава и по толку изминати години пак претставува опасност по луѓето...

Ветерот откорна кров од зграда во Мичурин





https://lokalno.mk/politsija-i-pozharna-na-teren-veterot-otkorna-krov-od-zgrada-vo-michurin-foto/
За сè има вторпат
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #488 Posted: 02-Apr-2022 at 14:14
Зградата е со нерегулирани правни односи, можда и дивоградба да е сеуште нелегализирана, и никој нејќе да вложи денар.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #489 Posted: 02-Apr-2022 at 14:42
Зградава мислам е дивоградба,се изгради меѓу првите во оваа уличка пред 15-тина години и како што се гледа на втората фотка е за 2 ката пониска од соседната градена 2015-та.Не знам како не им пречи на тие на горните катови да живеат со полураспаднат кров од каде постојано нешто виси и е опасност за околината.
Треба барем да вложат да го средат поткровјето ако ништо друго но сигурно има нерегулирани правни работи па никој не чепка ништо.
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #490 Posted: 02-Apr-2022 at 14:45
Силен ветер во Скопје откорна дел од покрив од зграда во Аеродром



https://kanal5.com.mk/silen-veter-vo-skopje-otkorna-del-od-pokriv-od-zgrada-vo-aerodrom/a523849
Carpe diem
Back to Top
user8642 View Drop Down
Senior Member
Senior Member
Avatar

Joined: 18-May-2020
Online Status: Offline
Posts: 2016
  Quote user8642 Quote  Post ReplyReply #491 Posted: 11-Apr-2022 at 19:54
Back to Top
kiriOK View Drop Down
Senior Member
Senior Member
Avatar

Joined: 11-Apr-2012
Location: Tamworth,UK
Online Status: Offline
Posts: 983
  Quote kiriOK Quote  Post ReplyReply #492 Posted: 12-Apr-2022 at 00:21
Не е во Скопје ова, ама не е тешко да се најде вакво нешто
Back to Top
Leo View Drop Down
Groupie
Groupie


Joined: 02-Mar-2022
Online Status: Offline
Posts: 89
  Quote Leo Quote  Post ReplyReply #493 Posted: 12-Apr-2022 at 10:18
Originally posted by stef4o

Зградава мислам е дивоградба,се изгради меѓу првите во оваа уличка пред 15-тина години и како што се гледа на втората фотка е за 2 ката пониска од соседната градена 2015-та.Не знам како не им пречи на тие на горните катови да живеат со полураспаднат кров од каде постојано нешто виси и е опасност за околината.
Треба барем да вложат да го средат поткровјето ако ништо друго но сигурно има нерегулирани правни работи па никој не чепка ништо.


Зградата е изградена некаде 2002ра година.
Во 2003та година менувавме стан и сакавме да го купиме станот на високо приземје на ќошот од зградава. Цената беше примамлива (искрено не ми текнува точно ни колкав беше станот ни која беше цената).
Среќа (што се вика имало господ) една комшика од старо маало има тука дуќан во трговскиот и кога разбра каде гледаме стан, само ни рече, БЕГАЈТЕ ОД ТАА ЗГРАДА!
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #494 Posted: 12-Apr-2022 at 20:45
инаку кровот виси така полураспаднат со години, не е од сега... имаше случај каде покривот скроз беше откорнат од ветер па го крпеа нешто, па сега виси вака
Architects create dreams...politicians create nightmares
Back to Top
Leo View Drop Down
Groupie
Groupie


Joined: 02-Mar-2022
Online Status: Offline
Posts: 89
  Quote Leo Quote  Post ReplyReply #495 Posted: 13-Apr-2022 at 09:16
+ имаше нешто и со лифтот...
зградата немаше лифт а требало да има
доправаа нешто од надвор од задната страна
не ми текнува што и како беше, поминаа скоро па 20 години
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #496 Posted: 13-Apr-2022 at 12:39
Затворивме градилиште на улица „Христо Чернопеев“ бб на Водно.

Постапувајќи по службена должност, овластен градежен инспектор на Општина Центар на инвеститорот на објектот му издаде решение за итен прекин на градежните активности и отстранување на градбата.
Доколку инвеститорот во предвидениот рок не ја отстрани градбата, истото ќе го стори општината, со што трошоците за извршувањето ќе паднат на товар на инвеститорот.
Апелирам до сите инвеститори и сопственици на нелегални објекти, да ги почитуваат издадените решенија за отстранување на објекти, затоа што во спротивно, општината присилно ќе ги отстрани, а трошоците за отстранувањето ќе паднат на товар на инвеститорите, односно сопствениците.





https://www.facebook.com/photo?fbid=367479788725803&set=pcb.367479922059123
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #497 Posted: 13-Apr-2022 at 12:52
Општина Центар затвори градилиште на Водно – место објект од 11 метри изградил зграда од 20 метри

Секторот за инспекциски работи на Општина Центар затвори градилиште на Водно, односно на улицата „Христо Чернопеев“ бб.

Овластен градежен инспектор доднесе решение со кое се наредува на инвеститорот, физичко лице со живеалиште во Струга, во законски предвидениот рок да прекине со сите градежни активности и да ја отстрани градбата.

Се работи за објект од втора категорија со намена А1 – домување во станбени куќи, со димензии 11.8 метри на 8.9 метри, изграден од армирано бетонска конструкција на улица „Христо Чернопеев“ бб, дел од локалитетот Тасино Чешмиче 1 и Тасино Чешмиче 2, а инвеститорот изградил далеку поголем објект од дозволеното.

На инвеститорот на објектот, овластен градежен инспектор на 20.7.2021 година, му издал Решение со кое му се наложува итен прекин на градежните работи. И покрај добиеното решение за прекин на изградбатата, инвеститорот продолжил со изградба на објектот, спротивно на издаденото одобрение за градење и заверениот основен проект.

Врз основ на член 134, став 1, алинеа 3 и 4 и член 137 став 1 од Законот за градење, овластен градежен инспектор постапувајќи по службена должност, изврши контролен инспекциски надзор и донесе решение со кое му наложи на инвестирот во зададен рок да ја отстрани градбата. Во спротивно, општината ќе пристапи кон присилно административно извршување, со што трошоците од извршувањето ќе паднат на товар на инвеститорот.

Упатуваме апел до сите инвеститори и сопственици на нелегални објекти, да постапуваат по издадените решенија за отстранување на објектите. Во спротивно, како во овој случај, така и понатаму, општината присилно ќе ги отстранува објектите, со што трошоците за отстранувањето паѓаат на товар на инвеститорите, односно сопствениците на нелегално поставените и изградени објекти.

https://nezavisen.mk/opshtina-centar-zatvori-gradilishte-na-vodno-mesto-objekt-od-11-metri-izgradil-zgrada-od-20-metri/
Carpe diem
Back to Top
Џоле View Drop Down
Moderator Group
Moderator Group
Avatar

Joined: 23-Apr-2013
Location: Скопје
Online Status: Offline
Posts: 15002
  Quote Џоле Quote  Post ReplyReply #498 Posted: 13-Apr-2022 at 14:03




https://skopje1.mk/archives/177286
За сè има вторпат
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #499 Posted: 18-Apr-2022 at 12:03
Originally posted by Leo

Originally posted by stef4o

Зградава мислам е дивоградба,се изгради меѓу првите во оваа уличка пред 15-тина години и како што се гледа на втората фотка е за 2 ката пониска од соседната градена 2015-та.Не знам како не им пречи на тие на горните катови да живеат со полураспаднат кров од каде постојано нешто виси и е опасност за околината.
Треба барем да вложат да го средат поткровјето ако ништо друго но сигурно има нерегулирани правни работи па никој не чепка ништо.


Зградата е изградена некаде 2002ра година.
Во 2003та година менувавме стан и сакавме да го купиме станот на високо приземје на ќошот од зградава. Цената беше примамлива (искрено не ми текнува точно ни колкав беше станот ни која беше цената).
Среќа (што се вика имало господ) една комшика од старо маало има тука дуќан во трговскиот и кога разбра каде гледаме стан, само ни рече, БЕГАЈТЕ ОД ТАА ЗГРАДА!


Еве како изгледа од задната страна



Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #500 Posted: 19-Nov-2022 at 16:37
ОПШТИНА ЦЕНТАР НЕ ЗНАЕ КОЈ ЈА УРИВА ДИВОГРАДБАТА НА ПЛАСТИЧАРСКА, ЖИТЕЛИТЕ ВЕЛАТ ПАК ЌЕ СЕ ГРАДИ НА ДИВО НА ДРЖАВНО ЗЕМЈИШТЕ



Со градежни машини и работници се урива дивоградбата на Пластичарска улица на државно земјиште, но никој не знае кој и зошто ја урива. Станува збор за дивоградба помеѓу улиците Никола Карев и Самоилова, која пред 6 години, односно во април 2017 ја уриваше Општина Центар затоа што за објектот немаше издадено градежна дозвола и се градеше на диво. Ни тогаш не се дозна кој е сопственик на дивоградбата.

Граѓани од околните куќи на улицата Самоилова стравуваат дека објектот кој беше разрушен пред 6 години се урива за да се почне повторно да се гради на диво.

„Станува збор за државно земјиште и наместо Општината да го реши проблемот и на тој потег да се изгради катна гаража бидејќи на Пластичарска нема паркинзи па секој паркира кај ќе стаса, се дозволува самоволие. Убедени сме дека објектот се урива за повторно да се дигне дивоградба. Ниту негде има табла, ниту некој кажува зошто токму сега се урива објектот. Се повторува истата слика од пред 6 години“, велат граѓани од соседството кои се јавија во нашата редакција.

Од Општина Центар во 2017 не дознаа која го гради објектот, ниту пак сега знаат кој и зошто го урива. Трошоците за уривање што ги направи Општината останаа непокриени бидејќи немаше кому да му се достави фактура.

„Надлежен испектор излезе на терен и констатирано е дека објектот за кој постои решение за уривање уште од 2017, се урива. Не знаеме кој го урива. За тоа локација нема издадено никаква градежна дозвола“, велат од Општина Центар.

Дивоградбата на Пластичарска во 2017 се уриваше со асистенција на полиција во 3 часот наутро од страна на фирма која на тендер беше избрана од Општина Центар. Решението за уривање беше издадено уште кога објектот беше во фаза на ископ, но никој не го примаше и објектот си продолжи да се гради, беа кренати столбови и поставена плоча за првиот кат. Општината тогаш не го сруши целосно објектот туку само го разурна и го остави така да стои. Не беше ниту откриено кој го градеше објектот.

https://sdk.mk/index.php/dopisna-mrezha/opshtina-tsentar-ne-znae-koj-ja-uriva-divogradbata-na-plasticharska-zhitelite-velat-pak-ke-se-gradi-na-divo/
Carpe diem
Back to Top
 Post Reply Post Reply Page  <1 2324252627>

Forum Jump Forum Permissions View Drop Down



This page was generated in 0.157 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.