Образовни институции (општо)

Изградба на модуларно училиште во Општина Илинден - Скопје









https://www.facebook.com/arsinvestt

Во Аеродром не е изградена нова гимназија

Ветувањето на градоначалниците на Скопје и на Општина Аеродром, Петре Шилегов и Златко Марин, за изградба на ново средно училиште, гимназија „Кузман Јосифовски – Питу“, е неисполнето.

Двајцата градоначалници излегоа со вакво ветување во кампањата за локалните избори кои се одржаа октомври 2017 година. Споменатото ветување е наведено во изборната програма на Шилегов, „Живот во Скопје за сите!“, стр.34, како и во изборната програма на Марин – „Живот во Аеродром за сите!“ (стр.20). Градоначалникот на Аеродром во својата програма се обврзал и дека новата гимназија во оваа општина ќе биде изградена за две години, поточно во периодот од 2018 до 2020 година.

Сепак, ваквите изборни проекции не се оставрија, досега (21.06.2021) во Аеродром не е направено ново средно училиште , гимназија „Кузман Јосифовски – Питу“. Изградбата на гимназијата не е ниту започната, а таа не се спомнува ниту во планираните проекти на Шилегов до крајот на мандатот – октомври 2021 година.

„Вистиномер“ побара информација од Општина Аеродром за тоа до каде е реализацијата на ветувањето за изградба на средно училиште, гимназија „Кузман Јосифовски – Питу“, оттаму ни одговорија дека:

Изградбата на гимназија во Општина Аеродром е проект што е во тек на реализација, инаку под надлежност на Градот Скопје. Поточно во моментов Општина Аеродром и Град Скопје работат на изготвување на документација за промена на деталниот урбанистички план и негово усогласување со Генералниот урбанистички план. Со оглед на тоа што станува збор за капитален проект потребно е да се исполнат одредени процедури. Веднаш по исполнување на сите услови ќе почне и изградбата на објектот.

Имајќи предвид дека мандатот на градоначалниците завршува за три-четири месеци, односно во октомври оваа година, а гимназијата сѐ уште не почнала да се гради, ова изборно ветување на Шилегов и на Марин го оценуваме како неисполнето.

https://vistinomer.mk/vo-aerodrom-ne-e-izgradena-nova-gimnaziјa/

Капe таванот во читална, нема услови за читање во Националната библиотека



Студентите кои учат во националната библиотека „Свети Климент Охридски“ не треба да излегуваат надвор за да видат какво е времето, бидејќи тоа го овозможува таванот на една од читалните.
Студентите, но и другите корисници на просторите на оваа библиотека се жалат на лошите услови со кои се соочуваат за време на учењето.
„Јас учам во читалната во Националната универзитетска библиотека скоро три години и оттогаш нема никаква промена, т.е. условите во кои учиме се влошуваат, секој ден се влошува и не се подобрува и ова зборува многу за фактот дека релевантните институции не се заинтересирани за условите во кои учиме ние како студенти“, истакна еден од студентите.

„Не, ние не сме обврзани да учиме тука, но немаме друга опција , како што можете да видите дека е, не можеме сите да се собереме на едно место, дефинитивно да дојдеме и тука“, додаде друг студент.

Директорот на НУБ „Свети Климент Охридски“ Фризмим Даути, кој е на чело на оваа институција веќе две години, признава дека условите не се соодветни за студентите. Даути за ТВ21 вели дека постојано барал средства за реновирање на библиотеката, но потребните финансиски средства не биле одобрени.
„Разбирливо е дека студентите не го заслужуваат ова, но дури и студентите за жал немаат многу избор. Некои ја претпочитаат оваа библиотека поради нејзината локација, затоа што се наоѓа во центарот и близу до Универзитетот „Свети Кирил и Методиј“. Секоја година, според законот, ние како библиотека сме должни да правиме наставен план за следната година и од тој аспект се и инвестициите во библиотеката. За жал, не постигнавме разбирање и скоро сите наши барања беа одбиени со образложение дека нема доволно финансирање и како резултат не успеавме да ги подобриме условите за корисниците на библиотеката“, истакна Фримзим Даути, директор на БКУ „Св. Климетн Охридски“.

Ниту останатите простори на оваа зграда не се подобри. Стари sидови, мувлосани тавани и скршени светла е сликата во најголемата библиотека и читална кај нас.

https://mk.tv21.tv/kape-tavanot-vo-chitalna-nema-uslovi-za-chitane-vo-natsionalnata-biblioteka/

училиштето „Димитар Македонски“ во населбата Лисиче







https://www.facebook.com/OpstinaAerodrom

Фотки на Phiko беа постирани по грешка во друга нишка

.....

УЧИЛИШТА ВО БИТОЛА ПО 40 ГОДИНИ ДОБИВААТ НОВА ДОГРАМА



По 40 години постоење, односно откако беше изградено, едно од најголемите основни училишта во Битола, „Елпида Караманди“ дури сега добива нова дограма. Со инвестиција вредна 2,5 милиони евра, обезбедени од Општина Битола и проект на УСАИД заменета е половина од училишната дограма, а останатиот дел до крајот на учебната година ќе биде комплетно променета преку проект на Министерството за образование.

„На овој начин и ОУ ‘Елпида Караманди’ се вбројува во училиштата со реализирани проекти во насока на зголемување на енергетската ефикасност, а се очекува веќе во следната сезона, да се добијат и првите видливи заштеди на енергија“,велат од училиштето.

Ова е само едно од училиштата во Битола чии покриви и дограми се санирани по повеќе децении преку средства обезбедени од општината и други проекти, со што се зголемува енергетската ефикасност. Така, во пет училишта, од кои две средни „Таки Даскало“ и „Ѓорги Наумов“ и три основни комплетно е реконструиран покривот, уште во други две има санација на делови од кровните конструкции.

Во десетина училишта, од кои дел средни, дел основни извршена е замена на дограмата, некаде дрвена стара со години со нова ПВЦ. Зaменети се прозорци и врати по кабинети, училници, влезови, ходници и тоалети.

https://sdk.mk/index.php/dopisna-mrezha/uchilishta-vo-bitola-po-40-godini-dobivaat-nova-dograma/

Еден месец од поставувањето на камен темелникот, напредува брзо работниот процес за изградба на дополнителниот објект на О.У. “Исмаил Ќемали“.





https://www.facebook.com/VisarGaniu.Cair/videos/3607552619371189

Со одлична динамика се одвива доградбата на училиштето во рамките на училиштето „Лазо Ангеловски“ во Ново Лисиче







https://www.facebook.com/marinzlatko

51. PS Kuzman Josifovski Pitu, Kicevo, Before by USAID North Macedonia, on Flickr

52. PS Kuzman Josifovski Pitu, Kicevo, After by USAID North Macedonia, on Flickr

Отворен студентски град да никне на местото на напуштената фабрика „Купрум“



Ѓорчепетровци со идеја напуштената фабрика во Хром, која наликува на сцена од хорор филм, да се претвори во студентски град со тенденција во иднина да стане мултикултурен балкански центар, бидејќи се простира на површина од 22.000 квадратни метри. Позитивни сигнали добиле од Општина Ѓорче Петров, од министерствата за култура и образование, како и од Управата за заштита на културно наследство



Жителите на Ѓорче Петров ја реактивираат идејата објектот на некогашната фабрика за обоени метали „Купрум“, што се наоѓа на влезот на општината во населбата Хром, да се претвори во место кое ќе заживее и ќе се користи. Овој објект од едната страна граничи со реката Вардар, а од другата страна со улицата „Васил Чакаларов“, со што одлично е поврзана со центарот на градот, но го нагрдува овој дел, бидејќи тој е запуштен.

– Искршени прозорци, метални скали кои недостигаат, демолирани лифтови, расфрлани шприцови насекаде, ѓубре, шут и непознати течност. Влегувањето во напуштената фабрика „Купрум“ наликува на сцена од култните хорор филмови посебно, ако ја посетите на тмурен ден. Огромниот објект со децении е напуштен, оставен времето да го уништува тула по тула. Она што не успеа природата да уништи, уништуваат луѓето, намерно или ненамерно – потенцираат жителите.

Од „Културно ехо“ имаат реализирано низа активности кои ја промовираат идејата за ревитализација и реупотреба на напуштениот индустриски комплекс „Купрум“ во студентски културен центар (со сместувачки капацитети). Оттаму велат дека во моментов работат на изготвување на стратегија за наредните проектни активности, чија цел ќе бидат експонирање на ова напуштена фабрика, како нов атрактивен јавен простор во интерес на младите. Тие сметаат дека постојат сите предуслови да се реализира идејата.

– Овој објект се наоѓа на влезот во Влае и е оддалечен само 1,5 километри од Студентскиот дом „Гоце Делчев“, поради што е најпогодно да се ревитализира во отворен студентски град, да прерасне во културно-едукативен центар со економски дел, но и да стане мултикултурен балкански центар, бидејќи се простира на површина од 22.000 квадратни метри – потенцираат од „Културно ехо“.

Иницијативата е доставена и до Владата, по што стигнале позитивни одговори од министерствата за култура и образование, како и Управата за заштита на културно наследство.

– Мотивирани од успехот спроведуваме нов проект, со наслов: „Од напуштена фабрика до студентски град“, финансиран од Агенција за Млади и спорт-информираат од „Културно ехо“ и додаваат дека во рамките на проектот биле реализирани низа активности, меѓу кои е и издавање на публикација „Купрум-Рудник на супкултурата“ која е достапна и онлајн .

– Публикацијата е поделена на три дела: минато, сегашност и иднина. Во првиот дел се обработуваат историски и фактографски податоци за фабриката, во делот Сегашност се обработува моменталната состојба во која се наоѓа индустрискиот комплекс, додека во делот Иднина се претставени повеќе магистерски решенија од архитекти кои магистрирале токму со идејно решение за ревитализација на овој простор во културно образовен центар – објаснуваат од „Културно ехо“.

Реализирана е и конференција на која учествувале повеќе државни функционери и претставници на граѓанскиот сектор.

Ѓорчепетровци со идеја напуштената фабрика во Хром, која наликува на сцена од хорор филм, да се претвори во студентски град со тенденција во иднина да стане мултикултурен балкански центар, бидејќи се простира на површина од 22.000 квадратни метри. Позитивни сигнали добиле од Општина Ѓорче Петров, од министерствата за култура и образование, како и од Управата за заштита на културно наследство



Жителите на Ѓорче Петров ја реактивираат идејата објектот на некогашната фабрика за обоени метали „Купрум“, што се наоѓа на влезот на општината во населбата Хром, да се претвори во место кое ќе заживее и ќе се користи. Овој објект од едната страна граничи со реката Вардар, а од другата страна со улицата „Васил Чакаларов“, со што одлично е поврзана со центарот на градот, но го нагрдува овој дел, бидејќи тој е запуштен.

– Искршени прозорци, метални скали кои недостигаат, демолирани лифтови, расфрлани шприцови насекаде, ѓубре, шут и непознати течност. Влегувањето во напуштената фабрика „Купрум“ наликува на сцена од култните хорор филмови посебно, ако ја посетите на тмурен ден. Огромниот објект со децении е напуштен, оставен времето да го уништува тула по тула. Она што не успеа природата да уништи, уништуваат луѓето, намерно или ненамерно – потенцираат жителите.

Од „Културно ехо“ имаат реализирано низа активности кои ја промовираат идејата за ревитализација и реупотреба на напуштениот индустриски комплекс „Купрум“ во студентски културен центар (со сместувачки капацитети). Оттаму велат дека во моментов работат на изготвување на стратегија за наредните проектни активности, чија цел ќе бидат експонирање на ова напуштена фабрика, како нов атрактивен јавен простор во интерес на младите. Тие сметаат дека постојат сите предуслови да се реализира идејата.

– Овој објект се наоѓа на влезот во Влае и е оддалечен само 1,5 километри од Студентскиот дом „Гоце Делчев“, поради што е најпогодно да се ревитализира во отворен студентски град, да прерасне во културно-едукативен центар со економски дел, но и да стане мултикултурен балкански центар, бидејќи се простира на површина од 22.000 квадратни метри – потенцираат од „Културно ехо“.

Иницијативата е доставена и до Владата, по што стигнале позитивни одговори од министерствата за култура и образование, како и Управата за заштита на културно наследство.

– Мотивирани од успехот спроведуваме нов проект, со наслов: „Од напуштена фабрика до студентски град“, финансиран од Агенција за Млади и спорт-информираат од „Културно ехо“ и додаваат дека во рамките на проектот биле реализирани низа активности, меѓу кои е и издавање на публикација „Купрум-Рудник на супкултурата“ која е достапна и онлајн .

– Публикацијата е поделена на три дела: минато, сегашност и иднина. Во првиот дел се обработуваат историски и фактографски податоци за фабриката, во делот Сегашност се обработува моменталната состојба во која се наоѓа индустрискиот комплекс, додека во делот Иднина се претставени повеќе магистерски решенија од архитекти кои магистрирале токму со идејно решение за ревитализација на овој простор во културно образовен центар – објаснуваат од „Културно ехо“.

Реализирана е и конференција на која учествувале повеќе државни функционери и претставници на граѓанскиот сектор.

При реализирање на оваа конференција имавме целосна поддршка и од Општина Ѓорче Петров. Ни беше дозволено конференцијата да ја одржиме во Културниот центар на Општината, а и градоначалникот Александар Наумоски зеде учество како говорник. Оттука, заклучуваме дека Општината има интерес да направи позитивни промени во однос моменталната состојба, но е немоќна, бидејќи се работи за комплексен и финансиски тежок проект. Сметаме дека без поддршка на централната власт, промената е скоро невозможна, а просторот ќе продолжи да пропаѓа, но и да претставува закана за локалното население и животната средина – сметаат од „Културно ехо“.

Поставена е и изложба во паркот на општина Ѓорче Петров каде граѓаните имаа можност да се запознаат со фотографии и идејни решенија за ревитализација на овој простор.

Од Општина Ѓорче Петров велат дека имаат искрени намери тој простор да биде во функција на граѓаните, младите, како и студентите.

– Со НВО „Културно ехо“ потпишавме Меморандум за соработка. Како општина ќе постапуваме во согласност со позитивните законски прописи, правата и надлежностите кои што ги имаме, земајќи ги в предвид сите иницијативи за заживување на тој простор, но и почитувајќи го моменталниот правен статус на објектите – одговорија од Општина Ѓорче Петров.

https://www.vecer.press/отворен-студентски-град-да-никне-на-ме/