Образовни институции (општо)

Овие глетки се од дополнителниот објект на ОOУ "Исмаил Ќемали"









https://www.facebook.com/VisarGaniu.Cair/videos/795348657778623

СРАМНА СЛИКА ВО УНИВЕРЗИТЕТСКАТА БИБЛИТЕКА - РУИНИРАНА, ЗАПУСЕНА, ЗАБОРАВЕНА



Прокиснат кров со дупки, вода на подот и скршени светла во Националната и универзитетска библиотека „Св. Климент Охридски“.

Вработените поставаат кофи на подовите за да се собере водата. Во вакви услови учат студентите во библиотеката, кои се подготвуваат за своите испити. Оваа зграда на библиотеката не е реновирана декади наназад- изгледа запустено, руинирано и отфрлена од сите власти, од сите надлежни.

Сегашниот директор на библиотеката Фримзим Даути денеска не беше на своето работно место, а за состојбата во читалните на библиотеката, во кратка писмена изјава за Телевизија 24, констатира дека запуштената и руинирана зграда е реалност, но ја потенцира сопствената немоќ да стори нешто, затоа што- не зависи тоа од него

- Состојбата во читалните на НУБ „Св. Климент Охридски“ - Скопје, е во крајно лоша состојба. Очекуваме од Владата и Министерството за култура да превземе мерки т.е. да ги обезбеди финансиските средства и да се реновира целата зграда а под итно кровот и читалните. Се надеваме дека во најбрз можен рок ова ќе се реализира и читателите ќе може да работат, учат и истражуваат во нормални услови. - вели Фримзим Даути, директор на Национална и универзитетска библиотека „Св. Климент Охридски“.

Од Министерството за култура велат дека министерката испратила комисија во ненајавена работна посета на библиотеката, и по извршениот увид биле констатирани бројни слабост и дека поради негрижа, објектот со години е запоставуван и доведен до исклучителна лоша состојба.

- Комисијата за Инвестициско одржување, осигурување, адаптација и набавка на опрема при Министерството за култура, во февруари годинава, достави извештај со кој за Нацрт-годишната програма за работа на НУБ не ги прифати барањата (за набавка на лифт, за сервисирање на системите за ладење и греење и за санација на покривот на стариот објект ) заради погрешна и непотполна документација. Вистинската адреса за овие барања е Програмата за инвестиции во културата каде што, доколку конкурирале, би им биле одобрени бараните средства за санација на покривот за која проектот е веќе направен. И во овој случај се работи за недоволна ангажираност на раководните лица. - велат од Министерство за култура.

Апсурдот продолжува- Во 2009 година беше отворена нова модерна зграда во продолжение на постоечката зграда на библиотеката, со што се зголеми за дополнителни 3000 м2. Но, овој простор не е во употреба, бидејќи ништо не се презема од Универзитетската бибилиотека за да функционира, ниту пак има одговор зошто не се создаваат тие неопходни критериуми и услови.

[URL= ][https://24.mk/details/sramna-slika-vo-univerzitetskata-bibliteka-ruinirana-zapusena-zaboravena/URL]

Во Чаир

...

The additional facility of the Municipal Primary School ′′ Ismail Qemali ′′ is heading towards completion. Most of the construction works are underway, so at the moment the work crews are doing central heating installation, window installation and interior painting of the facility.







https://www.facebook.com/VisarGaniu.Cair

Originally posted by stef4o Изградба на модуларно училиште во Општина Илинден - Скопје

Во Илинден веќе има едно модуларно училиште, го изградија пред некои 7-8 години.

Не сум сигурен дали моментално нешто е во изградба бидејќи можно е фотките да се постари,ретко минувам во тој дел и немам претстава што е во градба.

Образовно-културен центар Битола(28.06.2021)





https://www.facebook.com/Qendra-për-Kulturë-dhe-Arsim-

Увид во реконстуираното училиште ОЕМУЦ „Наум Охридски“ во Охрид [24.07.2021"> by Влада на Република Северна Македонија, on Flickr

Увид во реконстуираното училиште ОЕМУЦ „Наум Охридски“ во Охрид [24.07.2021"> by Влада на Република Северна Македонија, on Flickr

Увид во реконстуираното училиште ОЕМУЦ „Наум Охридски“ во Охрид [24.07.2021"> by Влада на Република Северна Македонија, on Flickr

Увид во реконстуираното училиште ОЕМУЦ „Наум Охридски“ во Охрид [24.07.2021"> by Влада на Република Северна Македонија, on Flickr

Edited by Џоле - 25-Jul-2021 at 13:00

Се распаѓа старото училиште „Димитар Македонски“, новиот објект сѐ уште се гради





На прагот од новата учебна година ниту стариот објект е во состојба да прими ученици, ниту новиот е довршен, а нема ниту информација од надлежните каде децата ќе ја следат наставата

Испукани ѕидови, стара и дотраена инсталација, покрив што при секој посилен дожд протекува, несоодветни тоалети, искршени плочки. Вака изгледа стариот објект на ООУ „Димитар Македонски“ во Лисиче.

Поради несоодветните услови за нормално и непречено одвивање на наставата, пред неколку години започна да се гради ново училиште, кое треба да ги задоволи потребите не само на децата и наставниците и да ги исполнува сите потребни стандарди за едно модерно училиште во кое основите на своето образование ќе ги постават многу идни генерации. Но, на прагот од новата учебна година ниту стариот објект е во состојба да прими ученици, ниту новиот е довршен, а нема ниту информација од надлежните каде децата ќе ја следат наставата.

Објавата на надлежните за изградба на ново училиште беше поздравена од страна на локалното население како исклучително важна, но сепак, и по неколку години, ова ново основно училиште сѐ уште се гради, а во стариот објект нема повеќе никакви услови за одвивање на наставниот процес. Како резултат на тоа, децата и родителите но и наставниците што предаваат во училиштето, буквално на само неколку денови пред стартот на новата учебна година не знаат како и каде ќе се оди на училиште.

-Немаме никакви информации како родители како ќе учат нашите деца, а еве уште неколку денови и ќе почне учебната година. Цело време на вести слушаме дека наставата ќе се одвива со физичко присуство, а во училиштето каде што учи моето дете, нема услови за тоа. Не знам зошто толку долго се прави новата зграда – вели родител чие дете посетува настава во ова училиште.

И директорката на ова основно училиште вели дека нема подетални информации околу тоа како ќе се одвива наставата од први септември.

-Немам подетални информации како ќе се одвива наставата од први септември. Во моментот првата ламела од новата училишна зграда е готова, а на втората ламела интензивно се работи – истакна Јулијана Тодоровска, директорка на ООУ „Димитар Македонски“ која меѓу другото потенцираше и дека во просториите на стариот објект во кој досега се изведуваше наставата, нема услови да се продолжи со работа.

За одговор на прашањата зошто толку долго се гради ова училиште, кога ќе биде пуштена во употреба новата училишна зграда како и каде ќе учат децата од први септември, досега не добивме одговор ниту од Општина Аеродром ниту од Министерството за образование и наука.

Основното училиште Димитар Македонски е основано во 1964 годинa, а наставата се одвиваше во објект од монтажен тип. Најавите од Општина Аеродром за стартот на изградбата на новиот училиштен објект се од јули 2017 година.

– Денеска, 29.7.2017 година, на местото на старите бараки на ОУ „Димитар Македонски“ почна изградба на нов модерен објект во соработка со Министерството за образование и наука. Според рокот на изградба новото училиште, ќе се гради во две фази, така што околу 1.000 ученици, колку што е капацитетот на новата зграда, ќе можат да посетуваат настава веќе наредната учебна 2018/2019 година – стоеше тогаш во официјалната најава за почеток на градежните работи.

Сепак, и три учебни години потоа, ваквите најави сѐ уште не се реализирани.

Од друга страна, пак, на официјалната веб-страница на Општина Аеродром на чијашто територија се наоѓа ова училиште, стои дека во јуни оваа година, Општината направила увид на терен и било констатирано дека работата се одвива во предвидената динамика.

Училиштето што е во изградба ќе биде со површина од 2 840 квадратни метри и со капацитет за 700 ученици, кои ќе ја посетуваат наставата организирани во две смени. Ќе биде опремено со најсовремени кабинети, простории за дневен престој, кујна и простории за наставниците.

https://www.slobodenpecat.mk/se-raspagja-staroto-uchilishte-dimitar-makedonski-noviot-objekt-sѐ-ushte-se-gradi/

Порталб.мк: Студентскиот дом во Тетово не е подготвен ниту за овој семестар, се ветува од 2016 година



Студентскиот дом во Тетово сè уште не е готов, иако Министерството за образование и наука претходно најави дека се очекува домот да заврши во мај/јуни годинава, пишува Порталб.мк.

Заменик министерот за образование, Арафат Шабани даде ново ветување и изјави дека останува да се довршат работите околу ентериерот.

„Прво на ред беа градежните работи. Сега следи опремувањето со ентериер. А во меѓувреме се појави трето прашање кое беше надвор од првичниот договор на претходната Влада, а тоа е уредување на дворот. Откако ќе бидат завршени дворот и внатрешноста, домот ќе биде комплетиран и ќе се пушти во употреба“, изјави Шабани.

Запрашан кога студентскиот дом ќе биде готов, Шабани рече дека процедурите ќе продолжат по изборите.

„Многу скоро, мислам дека пред Нова година треба да се заврши целата работа што е во тек“, рече Шабани.

Изградбата на студентската куќа во Тетово е инвестиција вредна 166,5 милиони денари, зградата ќе има 305 легла. Покрај спалните соби, во студентскиот дом има и технолошка соба, читална, сала каде студентите ќе можат да вежбаат фитнес, простор за ужина итн.

Истиот ден кога Владата го усвои законот за основање на Универзитетот „Мајка Тереза“ беше најавена и изградбата на студентски дом во Тетово, и тоа во 2016 година, а истата година беше објавен тендерот за изградба на овој беше студентски дом.

Потсетуваме дека министер за образование и наука во тоа време беше Абдилаќим Адеми.

Но, и покрај фактот што тендерот за изградба беше отворен во септември 2016 година, одлука за почеток на работите немаше, истата беше официјално донесена на крајот на март 2018 година и беше планирано објектот да биде финализиран во април/мај годинава. Но, и во оваа временска рамка тоа не беше направено. Се очекува студентскиот дом да биде готов пред нова година, како што изјави заменик министерот за образование, Арафат Шабани.

Инаку, немањето студентски дом е проблем за многу странски студенти, бидејќи според нив, цените на приватните станови се скапи, а покривањето на трошоците е неиздржливо за еден студент. Од друга страна, наоѓањето на еден или повеќе цимери со кои ќе живеете заедно во стан и ќе ги споделите трошоците не е секогаш лесно. Има студенти кои поради немање студентски дом се принудени да патуваат.

https://meta.mk/portalb-mk-studentskiot-dom-vo-tetovo-ne-e-podgotven-nitu-za-ovoj-semestar-se-vetuva-od-2016-godina

Ќе се гради ново училиште во Визбегово

Во Визбегово ќе се гради ново основно училиште. Денеска градоначалникот на Општина Бутел, Дарко Костовски го потпиша воведот во работа за изградба на новото училиште, процедура која беше започната уште во 2014 година.

-Тогаш како советник гласав за отпочнување на целата постапка, а денес како градоначалник во соработка со МОН ќе изградиме ново општинско основно училиште во Визбегово – истакна Костовски.

Тој информираше дека е направен увид на градежната парцела каде наскоро ќе започнат градежни активности и поставување на камен темелник.

-Како Општина Бутел во најбрз рок ќе ги обезбедиме сите потребни работи за непречено одвивање на градежните активности. Инвестицијата во општинското основното училиште е во вредност од 106 509 812,00 денари и ова училиште ќе има капацитет за над 500 ученици – информираше Костовски.

Тој најави дека новото општинско училиште ќе биде готово во учебната година 2023/2024 година.

-Со изградбата на овој модерен училишен објект во чиј состав е предвиден и простор за рекреација и спортување, се одговара на долгогодишните потреби и барања на жителите од населбата. Воедно, ќе се надополнат и потребите за економски развој на овој дел од градот – соопштија од Министерството за образование и наука (МОН).

Оттаму додваат дека забрзано инвестираат во осовременување на образовниот систем и квалитетно образование достапно за секое дете.

-Изминатиот период освен во нови објекти, реконструкција и санација на постојните, за што во 2021 година беа обезбедени на 1 милијарда денари, МОН вложи во нови наставни програми, опрема, нагледни и дидактички средства и 260 нови кабинети по природни наука. Со овие инвестиции правиме трансформација на националниот образовен систем преку кој го поттикнуваме полниот потенцијал на секој ученик и ученичка. Дополнително вложуваме и во унапредување на наставниот кадар, кој е клучот за квалитетно образование, за што е обезбедена континуирана обука и поддршка – се наведува во соопштението од надлежното министерство.

https://www.vecer.press/ќе-се-гради-ново-училиште-во-визбегово/