Реонски Центар Аеродром

Еве нешто од мојата прошетка низ овој крај...

По осум месеци стопирање, продолжи изградбата на зградата која требаше да биде паркинг во Реонски центар Аеродром

Багерите од утрово ударнички се вратија на последната слободна парцела меѓу зградите во Реонски центар Аеродром. По осум месеци стопирање, продолжи изградбата на зградата која требаше да биде паркинг.
Во март годинава кога беше оградено градилиштето, жителите од околните згради побараа градежните активности да сопрат и да се најде начин да не се гради зграда на локацијата, туку да се изгради паркинг оти веќе има недостиг од паркинг места во Реонски центар.

Инвеститор на зградата е Акционерското друштво за изградба и стопанисување со станбен и деловен простор па жителите се надеваа дека Општината и државата ќе најдат заедничко решение да се заштити просторот. Тие уште во март кажаа дека токму сегашниот градоначалник Златко Марин во предизборната кампања им ветил дека нема да дозволи празниот простор да стане зграда туку ќе се залага тој да се пренамени во паркинг. Од Општината сега велат дека градоначалникот не ветил такво нешто.

„Градоначалникот Златко Марин во ниту еден момент не ветил изградба на паркинг – простор на тоа место во Реонски центар Аеродром. Станува збор за земјиште во сопственост на Акционерското друштво за изградба и стопанисување со станбен и деловен простор, кое е и инвеститор на посочената локација. Инаку одобрението за градба е издадено во 2016 година“, изјавија за „Макфакс“ од Општина Аеродром, но не одогворија зошто не нашле заедничко решение со Акционерското друштво просторот да се пренамени во паркинг.

Од Акционерското друштво не одговорија на прашањата зошто продолжуваат со градење по прекинот од осум месеци и зошто не ги послушале барањата на жителите просторот да се пренамени во паркинг.



https://skopjeinfo.mk/po-osum-meseci-stopiranje-prodolzhi-izgradbata-na-zgradata-koja-trebashe-da-bide-parking-vo-reonski

Фоткиве се од фб од пред месец дена

Од фб

Едно експертско мислење од вас во врска со зградава што се гради:
Имено оваа зграда од најблиската до неа е оддалечена само 6.8 метри.
Дали ова воопшто е дозволиво една зграда да биде толку блиску до друга (дали има некои минимални нормативи или ова е регулирано на друг начин). Инаку ова не се страни на згради каде што излегуваат прозори од тоалети и сл. туку баш сите спални соби се ориентирани спрема зградата која е само 6.8м од наведената.

Поздрав

Вака така реонски пак се трупа со згради за сметка на паркинзи и патеки...

------------------------------------------------------------------------------
ЖИТЕЛИ НА НОВО ЛИСИЧЕ ДЕНЕСКА СТОПИРАА УЗУРПАЦИЈА НА ПЕШАЧКА ПАТЕКА – НА ЛОКАЦИЈАТА ЌЕ НИКНЕ ЗГРАДА



На оваа локација во населбата Ново лисиче ќе треба да никне нова зграда која по своето уредување ќе биде станбена зграда со деловни простории. Инвеститорот рано утринава започнал со активностите кои ги револтирало граѓаните од околните згради.

Тие обвинуваат дека инвеститорот без никаква најава и дозвола го узурпирал пешачкиот простор – односно патеката која за нив претставува зона на поврзување со останатиот дел од населбата. Тврдат дека и покрај нивните барања од инвеститорот да се повлече и да не узурпира јавен простор тој си поставил лимена ограда, жителите побараа истите да бидат отстранети бидејќи за нив инвеститорот пробал да узурпира простор наменет за граѓаните.

За оваа зграда која треба да никне одобрение има издадено Општина Аеродром, од таму денеска побаравме објаснување за узурпацијата на просторот за кој обвинуваат жителите од населбата Ново Лисиче. На терен излезе општински градежен инспектор кој во моментот не беше расположен за било какви појаснувања. Но, од општината велат дека доколку инвеститорот не достави соодветна документација лимената ограда ќе биде остранета.

„Инспекторот укажал да не се преземаат никакви градежни активности на терен и дал рок до понеделник да се донесе комплетна документација. Доколку не се донесе соодветна документација, поточно одобрение за подготвителни работи за поставување ограда за градилиште, ќе биде донесено решение за нејзино отстранување.“ - велат од општина Аеродром.

Акционерско друштво за изградба и стопанисување со станбен и деловен простор кој е и инвеститор во случајов го демантира ставот на Општина Аеродром, од таму велат дека:

„Лимените огради околу парцелата се поставени по претходно добиена правосилно одобрение за градба на објектот од страна на општината Аеродром. Со овој документ располага како општината Аеродром така и нашето друштво. АДСДП функционира на пазарот на недвжнини повеќе децении и никогаш не работело ниту пак ќе работи спротивно постоечките закони и прописи.“ - велат од Акционерско друштво за изградба и стопанисување со станбен и деловен простор.

Инаку, според Деталниот урбанистички план, како инвеститор на зградата со намена за станбен и деловен простор се јавува Акционерско друштво за изградба и стопанисување со станбен и деловен простор кој ќе гради зграда од 4 ката со приземје и поткровје а со тоа населбата Ново Лисиче ќе добие нова зграда.

https://24.mk/details/zhiteli-na-novo-lisiche-deneska-stopiraa-uzurpacija-na-peshachka-pateka-na-lokacijata-kje-nikne-zgrada

Состојба со зградата означена со портокалово на 5 октомври(од фб)

Еве за колкава парцела се работи (од фб)

Фоткава е од фб,може да се видат десно дел од веќе изградените куќи во населбава а патем за што е наменета оградената парцела во преден план??

Ќе ја оставаш Струга за да дојдеш и се гушиш у тоа смогот кај Лисиче...