City Gallery

Nisto inventivno, ramo restavracija na poranesniot objekt.. I toa e dobro.
5 od mene.

Не го оценуваме објектот кој бил изграден пред многу децении, туку неодамнешното реновирање и преуредување. Сепак ни тоа не беше изведено којзнае како, па би рекол дека не си згрешил многу со оценката

Јас не сум обрнал внимание на темава, и дури сега гласам.

Свесен сум дека не се оценува објектот туку реконструкцијата, но бидејќи е реконструирана и програмата на објектот, а гледам дека многу луѓе го сметаат објектот за “комуњарски“, чуствувам потреба да фатам малце пошироко.. Ако сметате дека е премногу офтопик-слободно бришете

Мене зградата ми се допаѓа, и ја сметам за врвно дело на македонската модерна. Не зошто којзнае како изгледа од надвор, баш напротив. Мала исправка за Д.Gahan, авторот не е Чипан туку Славко Брезовски.

Човекот ја имал сета слобода на креативниот израз и можел да направи каков објект сака, да неречам- можел скроз да истрипа меѓутоа тој се решил за крајно ренесансен пристап, решил дека ќе си ја прегази суетата, и решил дека обликовно ќе се надоврзе на стариот објект на Милан Злоковиќ. тоа е искључително одговорен пристап и на тој принцип се изградени многу ренесансни градови и многу ренесансни плоштади. МОжеби објектот нема скулптури или заносни профилирани столбови, но неговиот генеративен принцип е длабоко традиционален, а сепак ослободен од секакви комплекси дека ете ние не сме ја имале ренесансата во Скопје. Од тие причини сметам дека објектов е искључително вреден, и дека треба да се внимава како се постапува со него...

Затоа и гласав со 1, бидејќи во време дефицит на електрична енергија, некој сметал дека е паметно, објект кој има ОГРОМНА стаклена фасада, да го затвори со гипскартон за да МОРА преку цел ден внатрешноста да се осветлува вештачки. Гринпис слободно можат да дојдат и да протестираат пред објектов.

Разбирам дека објектот има југозападна ориентација, меѓутоа ситем на брисолеи, или двојна фасада би бил далеку посоодветен и енергетски далеку поисплатлив. Чинам дека Брезовски е сеуште жив, и можеле да го консултираат пред да го напраат ова злодело. Тука се покренува и прашањето за авторските права при проектирањето, но еве да речеме дека тоа и не е толку битно.

Некој сметал дека е паметно еден од малкуте објекти во градов кој може да понуди некаков поглед,  да го затвори со гипскартон. Објектот на СитиГалери за  мене е самуилов војник, кој ѕирка низ окцето на ФМ кафе.

Срамота е таа фасада да се остави да биде само рекламно пано. Не знам зошто воопшто се мачеле да ставаат стакло... Ај стакло што стаиле па го наредила и со табли гипскартон... Ако тоа го направиле за да можат да го користат како излог, тогаш не знам кој нормален ќе може да добаци за да види што се случува во тој излог.

Внатре движењето е сосема збунувачко, комуникациите измешани и непрегледни. Ватрешните пејзажи ги нема.. Се сеќавам на просторната сензација кога се качував со ескалаторот низ тој огромен отворен простор, истовремено гледајќи и надвор низ огромните излози... Никако не можам да разберам како сегашниот тискавец од бутици и ходници е поубав од таа слика.

Можда отидов офтопик, но реконструкцијата од технички аспект, е солидно сработена, употребени се современи материјали, квалитетно се вградени, и надворешноста(и внатрешноста) до сега не покажале недоследност во изведувањето на реконструкцијата.... Само заради тоа се мислев за 2ка, но сепак... 1!!

@ ArchiTechTone

Воопшто не си офтопик! И не само тоа, туку вакви детални и добро образложени коментари се основа за вистински едукативна и продуктивна дискусија. Можам да кажам дека ми ги подотвори очите за некои работи.

Патем, дали знаеш точно од кога до кога се одвивала изградбата на објектов?


Edited by Cloverstack - 07-Apr-2009 at 14:02

Овој објект е ставен под заштита, така што не ни може да се прави некаква голема трансформација. Ќе се сложам со Architechtone дека затворањето на прозорците е глупо решение (па ќе трошат куп пари на струја), и навистина ми е криво што внатре просторот го исцепкаа и што при реконструкцијата на ентериерот употребија материјали кои се помалку ексклузивни од претходните (подот сега е изведен од керамички плочки, а изворно беше од мермер, барем на приземјето). Ама тоа е, наместо да ја трансформираат во репрезентативна стоковна куќа (како што се на пример Lafayette или Harrods и сл.) со отворени планови, просторот го исцепкаа на мали дуќанчиња со тесни клаустрофобични ходници. А таа застаклена фасада уште имаше потенцијал да биде и поинтерактивна, па дури да функционира како некаков екран.....ама тоа е

5-ka od men i ''No Comment'' 

Ја читав темава, ми се виде интересна, а веќе е замрена. Последниов пост ме зачуди-немам отидено да видам, навистина е се празно како што велат? Не би ме чудело, затоа што човек да сака да престојува во таков простор треба нешто да му фали...

^ Друже, концептот е еден (да не звучам клише, ама тоа е) концептот е профит. Баш ги заболе за некој таму Славко Брезовски и за некоја си таму македонска модерна, кога не му ја мислеле архитектите, шо па тие да му ја мислат. Пак ќе се вратиме на тој муабетот дека се е кај нас срање, а се е светло на "западот"

Originally posted by metodius Ја читав темава, ми се виде интересна, а веќе е замрена. Последниов пост ме зачуди-немам отидено да видам, навистина е се празно како што велат? Не би ме чудело, затоа што човек да сака да престојува во таков простор треба нешто да му фали...

Последен пат во објектов влегов кон крајот на летото, беше сосема пусто. Веројатно улога имаше и летниот период и одморите, ама не верувам дека до таа мерка...

Веднаш по отварањето, кога се соочивме со новата организација на просторот во објектот, стана очигледно дека се работи за голем архитектонски промашај. Сега е јасно дека е направен и економски промашај, но испаѓа дека ова второво е добра работа (со исклучок за инвеститорите) бидејќи ќе мора нешто да менуваат. Се надевам дека размислуваат за враќање кон концепт на стоковна куќа.

Да, да, се согласувам, го делам мислењето дека архитектонскиот FAIL во голема мерка резултирал и со економски FAIL. И на иста линија сум околу потребата инвеститорите малце поинаку да го сфатат ваквиот бизнис отколку секој можен метар квадратен да биде исцеден за рентање. City Gallery нека биде добра лекција.