„Бурџ ал араб“, најпознатиот хотел во Дубаи, „Морска оаза“, најлуксузниот патнички брод во светот, шопинг-молови, транспортни и други проекти низ светот, се само дел од долгата листа врз која имаат ставено потпис компанијата „Аткинс“ и британскиот архитект Том Рајт, кои се посочуваат и како автори на комплексот „Сахарајан Маседонија“, кој треба да никне во Охридско Езеро, пишува весникот Утрински.

Британскиот архитект и фирмата за која работи го имаат ставено својот потпис на единствениот хотел со седум ѕвезди „Бурџ ал Араб“ и најлуксузниот патнички борд „Морска оаза“.

-„Бурџ ал араб“, најпознатиот хотел во Дубаи, „Морска оаза“, најлуксузниот патнички брод во светот, шопинг-молови, транспортни и други проекти низ светот, се само дел од долгата листа врз која имаат ставено потпис компанијата „Аткинс“ и британскиот архитект Том Рајт, кои се посочуваат и како автори на комплексот „Сахарајан Маседонија“, кој треба да никне во Охридско Езеро. 
За „Бурџ ал араб“ Рајт има кажано дека ги следел барањата на клиентот, објектот да стане обележје на Дубаи, како што тоа се зградата на операта за Сиднеј или Ајфеловата кула за Париз. „Тоа треба да биде објект кој ќе стане синоним за името на државата“, изјави своевремено овој архитект, пишува Утрински.

Инаку, Рајт е роден во 1957 година, во Крајдон, дел од пошироката област на Лондон. Студиите ги завршил во „Ројал Расел скул“ во родното место. Мотото на факултетот е „Не за себе, туку за сите“, а патрон на оваа образовна институција е кралицата Елизабета Втора. Подоцна Рајт продолжил со образованието и на школата за архитектура при Универзитетот „Кингстон“. По завршување на студиите работел како директор за архитектонска практика во „Листер Дру Хајнес Бароу“, која во 1991 година била преземена од „Аткинс“ каде што работи и сега. Од 1999 година е на позицијата шеф на тимот за меѓународна архитектура, со седиште во Епсом, Лондон.

-Занимливо е што во некои дебати за хотелот „Бурџ ал араб“ има видувања дека во конструкцијата се наоѓа христијанскиот симбол крстот, па за самиот хотел велат дека е „најголемиот христијански крст во светот“, иако Рајт за себе вели дека е агностик. Во еден извештај за најпознатите современи архитекти се вели дека „ако некој заслужува да биде во врвот на најмоќните 50, тое е Том Рајт“. Изготвувачите на ранг-листата биле изненадени од сознанието дека ремек-делото, 27-катниот хотел во Дубаи во форма на јахта што плови, бил првиот проект од таков вид на Рајт. Кога архитектот дошол во Дубаи во 1993 година тој бил уверен дека „Ал бустан палас мускат“ на „Интерконтинентал“ е најдобриот хотел, но групацијата „Џамераја“ во чиј состав е „Бурџ ал араб“, постави нови стандарди во регионот и во светот со овој единствен хотел со седум ѕвезди, што беше прифатено и од страна на пазарот. За Рајт се зборува дека е апсолутно посветен на квалитетот, на деталите и на правото на клиентот тоа и да го добие. По триесетина години поминати во светот на архитектурата, дури и ако пропадне, за овој „господар на јахтите“ се пишува дека нема да се качи на брод за својата родна земја, туку планира да се пензионира и да плови околу светот. Кој знае, можеби ќе заплови и во Охридско Езеро, пишува Утрински.

-Том Рајт е архитект на единствениот хотел во Дубаи со седум ѕвезди и автор на вториот најголем крузер, туристички брод-крстосувач. Рајт е архитект во една од најголемите проектантски куќи ’Аткинс‘ во Лондон. Но, во проектот во Љубаништа покрај него се вклучени и други архитекти бидејќи станува збор за голем комплекс, и не би можел да издвојам друго име, Рајт е водач на проектот“, изјави вчера во Охрид индискиот милијардер Субрата Рој, на прашањето за тоа кој е главниот архитект и дали тој го посетил Охрид при креирањето на проектот. 

Компанијата „Аткинс“ за која работи Рајт е најголема во својата област во Велика Британија и се занимава со дизајн и консултантски услуги. Таа е вториот најголем мултидисциплинарен консултантски тим во Европа со мрежа од над 100 канцеларии во Велика Британија, како и во Данска, Ирска, Норвешка, Полска, Португалија и Шведска.