Нова Градска болница - Скопје

Инаку зградата на мајчин дом се реновира, а не се руши. Туку што почнаа да ставаат нови прозорци. Така да за нова болница на нејзино место има да се изначекаме ако уопште и се изгради.

уште 50 метри од лево и десно, па да додадеме уште 15-20 ленти најарно. A може и двоспратен да го направиме булеварот.

Сегашната стара градска болница, хируршка, иако е ценет објект меѓу некои архитектонски кругови, мислам дека е објект што треба да биде срушен или дел да биде срушен и изграден нов објект на негово место повлечен во насока на Јукан. Причина е зашто го опструира коридорот на булевар 11ти октомври и го смалува капацитетот за да може во иднина да носи голема количина сообраќај од/кон рекорд+ДамеГруев(позади собрание). И тоа околу 7-8м што е две сообраќајни ленти.

Веќе не го ни спомнуваат проектов,еве неколку денешни од зградата на Мајчин Дом во дворот а и на дел од балконите имаше вреќи со шут само незнам дали има некакво реновирање во внатрешноста или па се спрема објектот за рушење...

Некако премногу здравствени објекти за град како Скопје. Да, овие 4 главни болници плус КЦ се добра поставеност, но има уште еден куп други амбуланти, здравствени домови и што уште не. Тешко се оддржуваа и менаџира толкав број на објекти. Најдобро би било се да се сконцетрира на тие 5 локации.

Филипче: Проектираме нова градска болница во Аеродром

Реновиран е третиот спрат од Специјалната болница за хируршки болести „Св. Наум Охридски“, а набавени се и санитетски возила и нова медицинска опрема. Министерот за здравство, Венко Филипче, утрово беше таму да види што е направено.

-Завршен е уште еден дел од реконструкцијата на установата, благодарение на проектот на Министерството за здравство, но и бројни општествено одговорни компании. Третиот кат од болницата е целосно реновиран, опремен со нов под, прозорци, кревети, душеци, инсталација на лифт, а обновена е и старата фасада. Ова е зграда што потекнува од 20тите години од минатиот век. Благодарение на ангажманот на директорот и целиот стручен колегиум, пациентите добиваат подобри услови за лекување, а вработените подобри услови за работа, потенцира министерот Филипче.

Тој додаде дека истовремено интензивно се работи на проектот за нова градска болница, којашто би требало да биде лоцирана во населбата Аеродром.

Да се надеваме дека проектот брзо ќе се направи и ќе почне да се реализира, а не како оној за новиот клинички центар кој се влече со години.

https://skopskoeho.mk/filipche-proektirame-nova-gradska-bolnitsa-vo-aerodrom

Од 50-тина прес конференции на Филипче, на ниту една не се сети некој новинар да го праша за новиот КЦ и градскава болница? Се надевам дека ќе им текне кога ќе ги отвораат новите улици во клинички центар, ако воопшто има официјална церемонија со прашања. Сега наидов на ова од 6 септември 2018...

ОДРЖАНА ЈАВНА ДЕБАТА ЗА ДИСПЕРЗИЈА НА ГРАДСКИТЕ БОЛНИЦИ НА ПОВЕЌЕ ТОЧКИ НА ТЕРИТОРИЈАТА НА ГРАД СКОПЈЕ

Во организација на Министерството за здравство, во Музејот на современа уметност беше одржана јавна дебата на тема „Потребата од дисперзија на градски болници на повеќе точки на територијата на град Скопје“. На дебатата, како панелисти, учествуваа доц. д-р Венко Филипче, министер за здравство на Република Македонија, прим. д-р. Иван Спировски, в.д. директор на Универзитетската клиника по хируршки болести „Св. Наум Охдридски“ – Скопје и Иван Арсовски, д.и.а. (планер – урбанист) во Агенција за планирање на простор. – Сите ние, вработени во здравствениот систем имаме една основна цел – да им овозможиме на пациентите максимално квалитетна здравствена услуга. Скопје е речиси милионски град, распослан по должина на повеќе од 30 километри и има прекумерно густ сообраќај и дневна миграција на повеќе од 100.000 граѓани, па оттука се јавува и потребата од постоење повеќе болници во Скопје, кои ќе имаат болнички и логистички капацитети да прифатат доволен број пациенти со различна дијагноза, од различен карактер и многу често со потреба од итна реакција. (...)

http://zdravstvo.gov.mk/odrzhana-javna-debata-za-disperzija-na-gradskite-bolnici-na-povekje-tochki-na-teritorijata-na-grad-skopje/

... благодарение на оваа статија од 12 окомври 2018

Нема датум кога ќе се гради болницата наместо Мајчин дом во Аеродром

(...) Истовремено, ја поздравува идејата на Министерството за здравство за дисперзирање на градски болници. „Планирањето на неколку градски болници (уште една на сосема спротивна страна од градот, покрај оваа во Аеродром) е добар модел за намалување на притисокот кон терцијарното здравство, односно клиничкиот центар. Тоа ќе ја зголеми правичноста за пристап до истите и секако, ќе придонесе за разумен пристап кон за нашата земја најважниот проект или изградбата на клиничкиот центар, односно неговото репрограмирање, димензионирање и конечно чинење врз база на развиен систем на општи болници“, вели таа. (...)

https://www.radiomof.mk/nema-datum-koga-kje-se-gradi-bolnicata-namesto-majchin-dom-vo-aerodrom/

Што бидна со ова?

Ова е Градската болница, на местото на Мајчин дом во Аеродром.

Колку што знам победничко решение беше на Радиус Архитектс а еве го од BMA Architects