Sky City (Џеваир облакодери и трговски центар)

Originally posted by Supervisor Треба да се направи една акицја. Добар дел од членовиве тука живеат во различни делови од градот пред се надвор од општина Аеродром. Да се иницираат сите да направат неколку слики од различни делови од Скопје. Од своите места ако се на повисоко или пак од поминување. На пример овие слики горе што се позади Капиштец, куливе изгледаат фантастично, а има толку агли и потенцијал за добри фотки секако додека се градат...

Пошто јас несум од Скопје,еве слика од камерата

Аман бе супер им тргна и вчера имало инцидент на местото на изградбата Двајца потешко повредени, едниот сеуште во шок соба, вториот е сеуште во животна опасност

ВИСОКОКАТНИЦИ: Експлозијата се случила во кантината на градилиштето
Претставници на „Џеваир холдинг“ велат дека работниците се молери кои случајно се нашле во близина на уредот за греење вода кога експлодирал

Експлозијата во која вчера настрадаа двајца работници од висококатниците во скопската населба Аеродром не се случила на самиот градежен објект, туку близу канцелариите на градилиштето во објект во кој е сместена кантината.

Ејуп Учат, претставник на „Џеваир холдинг“, турската компанија-инвеститор на висококатниците, за Телеграф вели дека од засега неразјаснети причини експлодирал уред кој работи на плин, а служи за греење на водата во кантината. Според него, двајцата работници, кои инаку се молери и се ангажирани преку фирма подизведувач, во моментот на експлозијата случајно се нашле во близина. Всушност, едниот од молерите во моментот полнел вода од надворешна чешма во непосредна близина на уредот кој експлодирал, а вториот бил малку оддалечен од него.

Тој вели дека според информациите што ги добиле од болниците, едниот од молерите е надвор од животна опасност, додека другиот е потешко повреден и неговата состојба сѐ уште е неизвесна.

Учат посочува дека компанијата детално ќе го истражи инцидентот, образложувајќи дека такви уреди често се користат во Турција, а притоа не се случуваат вакви несреќи.

Инаку, според последните информации, едниот работник, на 30-годишна возраст, е на интензивна нега на Клиниката за неврохирургија со тешки повреди на главата и на мозокот. Другиот работник е во шок-соба.


http://www.telegraf.mk/aktuelno/hronika/12715-visokokatnici-eksplozijata-se-slucila-vo-kantinata-na-gradilisteto

Fosil -ima samo eden nacin da doznaes,pali kola i odi da proveris

nakaj Aerodromot slednava nedela ke pominuvam, pa ke vidime ako bide vedro vremevo bi trebalo da moze zum fotka da se napraj...

преземено од Pinsta.me



by vesnapota

Датум: 14.07.2013, 18:29
ОБЈЕКТИ ЗА KОИ СЕ ЗБОРУВА

Вискокатниците во Аеродром стасаа до 35. кат


Градејќи со брзина од еден кат за пет дена, на година по почетокот на работите, двете од четирите висококатници во Аеродром стасаа до 34-от, односно 35-от кат. Изградбата на просторот меѓу булеварите „Трета македонска бригада“ и „Србија“ е во полн ек, работниците на турскиот инвеститор „Џевахир холдинг“ неуморно ги нижат катовите, а со напредокот на облакодерите, расте и интересот за купување станови.

„Дневник“ го посети градилиштето и разговараше со Есер Џевахир, член на Управниот одбор на семејната компанија. Тој објаснува дека големата брзина со која градат е резултат на современата технологија што се користи во светот.

- Во Турција е позната како тунелски оплати. Овој систем е многу безбеден и погоден за брза изградба на висококатници. Тоа е најпогоден метод, особено за трусни подрачја какво што е Скопје. Во рок од пет дена правиме по еден кат и на едната и на другата зграда - објасни Џевахир.

Според него, до август ќе завршат двете згради до карабина, а веднаш потоа ќе почне изградбата на останатите две. Висококатниците ќе бидат високи 136 метри и ќе имаат по 42 ката. Се градат на површина од 35.000 квадратни метри, а во четирите згради ќе има вкупно 1.376 стана и простор за живеење на 4.000 жители.

Имаме беспрекорна инфраструктура

Дилема во јавноста предизвикуваат темите за инфраструктурата во објектите - ќе има ли притисок за водата да се качи на најгорните катови, што со противпожарната заштита итн. Џевахир вели дека инфраструктурата, спроведувањето вода и струја се решени беспрекорно.

- Луѓето што ќе ги купуваат становите на погорните катови не треба да стравуваат дека ќе немаат вода или електрична енергија. Целокупната инфраструктура е направена така што може да одговори на височината на зградите и како сопственици и инвеститори гарантираме дека нема да има проблем од каква било природа - дециден е Џевахир.

Противпожарната бригада на Скопје има опрема за гасење пожари само до седмиот кат, а инвеститорот вели дека применуваат највисоки европски противпожарни стандарди.

- Повторно се навраќаме на современата технологија. Во секој блок од најдолниот до најгорниот кат има противпожарни скали, а вратите кон нив се направени така што не пропуштат чад. Во секој стан има детектори за чад, а на таваните ќе има уред „спринг“ кој веднаш ќе прска вода и тоа ќе оневозможи проширување на пожарот. Вакви детектори и уреди има во сите останати простории во зградите и во ходниците - тврди Џевахир.

Објектот може да издржи и 65 ката

Во врска со издржливоста на земјотреси, инвеститорот вели дека на зградите не може да им се случи ништо.

- Темелите се направени така што можат да издржат 65 ката, бидејќи имаме ставено 800 шипови широки по еден метар, кои се со должина 24 метри под земја. Сеизмичката стабилност е потврдена и од Институтот за земјотресно инженерство, кој го одобри проектот, а проверена е и од најдобрите статичари во Турција. Ниту при силни ветрови нема да има осцилирање на зградата. Можеби технички тоа ќе биде минимално, до еден милиметар, но станарите нема да го почувствуваат - потенцира Џевахир.       

Освен четирите згради, комплексот ќе содржи трговски центар кој ќе биде на површина од 26.000 квадратни метри, од кои 17.000 квадратни метри простор ќе се издава. Предвидени се деловни простори, кафулиња и ресторани, како и киносали и рекреативни центри.

- Интересно и важно е тоа што под секоја зграда ќе има премин и станарите без да излезат надвор од своите живеалишта ќе може да влезат во трговскиот центар - истакна Џевахир.

Оваа мини-населба ќе има базени, фитнес-центри, турски бањи, сквош и тениски игралишта и детски игралишта за секој блок.

Од „Џевахир холдинг“ појаснија дека на врвот на зградите нема да има јавни површини, ресторан, кафуле или нешто слично, за да може и останатите жители на Скопје да ја видат панорамата оттаму. Тоа ќе биде привилегија само за станарите и нивните гости.

Првата фаза од проектот, во кој Турците вложуваат 300 милиони евра, се очекува да заврши до крајот на 2014 или на почетокот на 2015 година.
Анела Петрова #
http://dnevnik.mk/?ItemID=210B4A5124B84E43AE8F884D5C3B1E27

Чаршиски муабети: квадрат 650 евра, продадени првите 18 ката.
Знам дека звучи глупаво ама неколку луѓе кои меѓусено не се познаваат ми ги спомнаа овие две информации и бројките им се поклопија па еве да го пишам

Originally posted by alexsend Чаршиски муабети: квадрат 650 евра, продадени првите 18 ката. Знам дека звучи глупаво ама неколку луѓе кои меѓусено не се познаваат ми ги спомнаа овие две информации и бројките им се поклопија па еве да го пишам

650 евра е нереално ниска цена за солиден стан во Скопје во моментов... јас би бил пресреќен доколку навистина толкава цена држи еден ексклузивен стан

Mojte znaenja za cenite na stanovite vo ovoj tip na zgradi se deka istiot stan na prvi sprat i toj nad 30estiot nema da bidat ista cena. Tie gore stanovi se najskapi so nekoj astronomska cena, a ovie dolu negde 4ti do 10 bi trebalo da imaat normalna cena. Dodeka pak stanovite najdolu so pogled vo druga zgrada ili nekoj zidovi od garazi ili trgovski se najevtini. Nadvor taka se dvizea rabotite, sepak cenata ke ja odluci pobaruvackata...  taka da ako ima golema pobaruvacka i za najevtinite stanovi kade saka nekoj da plati i poveke samo za da se fali deka zivee vo towerite ne e problem za investitorott...

Edited by Portal - 16-Jul-2013 at 01:26

Originally posted by alexsend Чаршиски муабети: квадрат 650 евра, продадени првите 18 ката. Знам дека звучи глупаво ама неколку луѓе кои меѓусено не се познаваат ми ги спомнаа овие две информации и бројките им се поклопија па еве да го пишам

И јас го слушнав истиот муабет од мои пријатели па и мене ме чуди.