Зеленило

НОВ ТРОТОАР И ДРВОРЕД НА РУЗВЕЛТОВА


Обновен е дрворедот на улицата Рузвелтова, на потегот од булеварот Илинден до улицата Орце Николов, од страната на општината Центар. Заменети се сите исечени и паднати дрвја со нови, здрави висококвалитетни садници од видот црвен јавор. 🍁
- На улицата Рузвелтова, една од антологиските градски улици, екипите на ЈП „Паркови и зеленило“ во изминатиот период извршија целосна обнова на дрворедот и на зеленилото. Пред две години почнавме со замена на дрвјата на почетокот на Рузвелтова, на оние исечени диви костени, а сега целосно е обновен дрворедот со црвени јавори кои се автентични растенија за скопската котлина. Полека се движиме од Малиот ринг кон периферијата со овој начин на уредување на јавниот простор. Гледате дека овде на Рузвелтова за првпат имаме одделен велосипедски и пешачки сообраќај за да овозможиме и алтернативен пристап до Зоолошката градина којашто е една од најпосетените институции во нашиот град. Знаете колкава девастација на зеленилото имаше во изминатите 15 години, пред доаѓањето на оваа градска администрација, особено во централното градско подрачје. А сега, со обновувањето на зеленилото, обезбедуваме нов квалитет на јавниот простор во нашиот град. Се обидуваме секаде каде што е возможно да ги замениме исечените дрвја и да ги обновиме дрворедите како што е во овој случај, а просторот кој беше неформално паркиралиште на тротоарите да го направиме простор по кој движењето ќе биде похумано - рече градоначалникот Петре Шилегов на денешната прес-конференција.









https://www.facebook.com/CityofSkopje

НОВ ГРАДСКИ ДРВОРЕД: РАЗЗЕЛЕНИ БУЛЕВАРОТ ГОЦЕ ДЕЛЧЕВ KAJ МРТВ







Висококвалитетни дрва го формираат новиот дрворед на булеварот Гоце Делчев каде што во изминатиов период го обновивме нискостеблестото зеленило не само во средишната жардиниера, туку и страничното на површина од над 9.100 квадратни метри. Вие знаете дека во изминатиот период сериозно работевме на подобрување на квалитетот на зеленилото во градот, само високостеблести дрвја во периодов имаме засадено околу 18 илјади. Во изминативе три години обновивме над 260 квадратни метри зеленило, и минатата година го срушивме рекордот со изградба на преку 100. 000 квадратни метри на нови и обновени зелени површини. Во исто време паралелно на повеќе локации низ нашиот град се врши обновување на постојното зеленило, а се формира зеленило и на новите четири булевари - рече Шилегов.

На овој зелен коридор, од двете страни на коловозот и во средишното зеленило на булеварот Гоце Делчев, годинава ќе се засадат вкупно 571 садници, од кои зимзелени се 75, листопадни 28, а 468 садници грмушки. Изминатата 2020 година на овој потег се засадени вкупно 1013 садници, односно 150 зимзелени, 28 листопадни, и 835 садници грмушки и перени.

https://www.facebook.com/CityofSkopje

Се сечат дрвја на улица „113“ зад хотелот „Арка“





На фејсбук-страницата на Иницијативата О2 се појавија фотографии со информација дека се случува масакр на дрвја на улица „113“ зад хотелот „Арка“ на Бит Пазар, на територијата на Општина Чаир.

Како што информираа од Општина Чаир, тие веќе испратиле инспектори на терен и вршат увид на лице место

Ниту од јавното претпријатие „Паркови и зелено“ не дадоа подетални информации кој и зошто ги сече големите и убавите зелени дрвја.

Директорот на ЈП „Паркови и зеленило“, Ардијан Муча, вели дека нема информации што се случува и оти откако ќе запознае со случајот подетално ќе информира.

На социјалните мрежи граѓаните ужасмати од тоа што се случува кометираат.

Така Лили Аети вели: „Наместо дрвјата, ќе никне нова зграда“.

https://www.vecer.press/се-сечат-дрвја-на-улица-113-зад-хотело/

на делницава од Мавровка до раскрсницата кај МТВ испуштена е можност за убава, физички одделена велосипедска патека таму каде што е зеленилото, наместо да се меша со пешаците

Сто милиони денари од градската каса за зелени коридори, плоштади и паркови

Град Скопје и ЈП „Паркови и зеленило“ планираат следната година да подигнат ново урбано зеленило на јавни површини и да го реконструираат зеленилото на 28 локации низ Скопје. За таа намена во градскиот Буџет за 2021 година се планирани 100 милиони денари.

Покрај изведбата на зелени коридори и уредувањето на средишното зеленило на повеќе улици и булевари, во програмата е предвидено и уредување плоштади позади државното Собрание и кај Дом на АРМ, површини каде со години не е интервенирано. Зелен плоштад ќе се направи и во Капиштец, на улицата „Васил Ѓоргов“ во близина на Домот за деца без родители „11 Октомври“. Градот планира изведба на уште неколку паркови, еден од нив во Општина Шуто Оризари, потоа помеѓу реката Лепенец и складиштата на „Маврово“, но и во Карпош помеѓу булевар „Илинден“ и пешачката патека покрај Вардар, во делот на депонијата.

Наредната година хортикултурно ќе се уреди и кејот на Вардар од двете страни, а ќе се интервенира и на зелената површина на Кале.

– Ќе се продолжи со засадување на 600.000 цвеќиња на подрачје на град Скопје, како и со набавка и садење на 7.000 високо квалитетни парковски садници и декоративни грмушки за обновување на дрворедите од урбаното зеленило покрај булеварите, магистралните и собирните улици, мајор коритото на реката Вардар, како и во парковите, зелените плоштади и коридори, доколку се укаже потреба заради реконструкција или надмината физиолошка старост на стеблата – се вели во Програмата за подигање и одржување на зеленилото на подрачјето на град Скопје за 2021 година.

Град Скопје има надлежност да го уредува и одржува булеварското и парковско зеленило во Градски парк, паркот на Франкофонија, паркот „Жена борец“, на Водно, во паркот на природата Гази Баба и во СРЦ „Сарај“.

Во Градски парк, според планираното, треба да се продолжи со хортикултурно уредување и реконструкција на постоечкото зеленило со поставување забавни детски реквизити и друга урбана опрема. Во програмата се предвидува и реконструкција на урбаното зеленилото покрај велосипедските патеки и пешачките патеки, но и на друго урбано зеленило за јавна употреба во Градот, а кое е од големо значење за рекреација на граѓаните, како и на други неуредени зелени површини за кои ќе се укаже потреба за нивно хортикултурно уредување.

-Во текот на 2021 година ќе продолжи активноста за сечење на тополи. Се предвидува да бидат исечени околу 100 стебла во Градски парк и на други локации, заради надмината физиолошка старост на растението во градско подрачје – објаснуваат од Градот.

За хортикултурно уредување и реконструирање на јавното зеленило во Буџетот за 2021 се планирани 100 милиони денари, што не е доволно за сите планирани проекти.

– За планирање, подигање, и реконструкција на јавното зеленило за сите погоре наведени локации, потребни се финансиски средства во износ од 160 милиони денари, меѓутоа исполнувањето и завршувањето на наведените проекти, во најголем дел ќе зависи од поволните временски услови за работа – се вели во Програмата.

Финансирањето на активностите за одржување на јавното зеленило со сите потребни операции што е во надлежност на Градот Скопје , се врши преку одвојување на 19,5 отсто од цената на потрошената, фактурирана и наплатена вода и цената за одведување урбани отпадни води.

https://www.slobodenpecat.mk/sto-milioni-denari-od-gradskata-kasa-za-zeleni-koridori-ploshtadi-i-parkovi/

За градското зеленило (1): Слободниот простор пред раб на исчезнување



Скопје беше еден од најзелените европски градови, во контекст на булеварското вертикално зеленило (дрворедите). За таквото уредување значајно придонесе постземјотресната обнова, во која градот лесно влечеше потези не запирајќи се од постоечката состојба. Тоа е период на урбанизмот под влијание на доцниот модернизам и постмодернизам, каде што отвореноста на просторот е примарна. Но придонесот кон зелените потези го имаат и плановите пред ’63-та, каде што исто така дрворедите беа планирани долж секоја улица.
Овој белег, за жал, низ годините сѐ повеќе исчезнува, од нам веќе добро познатите, урбанистички незрели планови на транзицијата. Како платформа за промоција на домашната сцена, МАРХ укажува во континуитет на овие случувања, бидејќи нашиот менталитет на бавно учење и освестување во сите сфери на живеењето не дозволува да застанеме. Во периодот којшто следи треба да бидеме уште погласни, бидејќи основниот ресурс за развој на градско зеленило е пред работ на исчезнувањето – тоа е слободниот простор.

До 90-тите и оттогаш наваму

До каде сме отидени со нашата урбанистичка мизерија, можеме најсликовито да си објасниме преку паралелата меѓу времето до 90-тите години на XX век и оттогаш наваму. Впрочем, сите гореспоменати асоцијации на зеленилото на градот се дефинирани во минатото.







Од 90-тите години на XX век до денес, ние не успеавме да создадеме ниту еден нов белег на градот од ваков карактер. Тука зборуваме за градски парк или парк-шума, изоставајќи го Водно како издвоен и засебен случај по сите параметри, т.е неповторлив и неспоредлив.

Сѐ што успеавме да видиме досега се локални форми на парк, кои се реновираат со секоја следна власт поради неодржувањето и дотраената урбана опрема. Постоењето на малите паркови е исклучително значајно од микролокациски аспект, но во контекстот на град престолнина, густината на населението, потребно е многу повеќе. Кога ќе споредиме колку е зголемен градежниот фонд во облик на развиена станбена и деловна површина, а притоа се трајно изгубени слободни простори и преостанат е неспоредливо мал број нови квадрати зелена површина, остануваме поразени.

Што загубивме?

Во реaлизацијата на урбанистичките планови, најпогодени од новите интервенции се населбите Буњаковец, потегот меѓу Поликлиника „Јане Сандански“ и ОУ „Блаже Конески“, Малиот и Големиот ринг, сегашно Маџир Маало, Кисела Вода, Карпош во делот на Сити мол, просторот меѓу Воена болница и Поликлиника „Букурешт“ итн.

Она што е еднакво значајно (можеби и многу повеќе) во споменатите делови од Скопје, покрај изгубените јавни зелени површини (претворени во градежно земјиште), е загубеното и приватно зеленило.

Сликовито кажано – доколку една куќа, станбен објект за индивидуално домување, во својот двор имала тревник, 3-4 дрвја, повеќе грмушки со низок и висок раст и цветни насади, со пренамената од индивидуално во колективно домување, во густо збиени зони како населба Буњаковец, сето тоа е сведено на нула (зголемени површини за градба, паркинг, пристап до објектот). Во превод – помор на микроклиматските карактеристики што учествуваат во вкупната состојба на квалитетот на воздухот. Ова се параметри за кои јавноста скоро и да не зборува, а доколку ги искалкулираме, ќе видиме колку дрвја се загубени. Дрвото, сепак, е клучниот производител на кислород, апсорбер на јаглеродниот диоксид и прашина.

Што велат правилниците?

Урбанистичките планови се донесуваат врз база на правилниците, кои пропишуваат одредени проценти на максимална изградба од површината (70% според старите правилници), како и процент за зеленило (околу 10 %).

Со малите проценти не е возможно да се предвиди квалитетен зелен простор за жителите во колективните објекти за домување, ниту за дрворед паралелно на улиците. Веднаш до објектите се надоврзуваат паркинг-позициите, по кои доаѓате до регулационата линија, т.е тротоарите. За оваа ситуација да биде повеќе од незадоволителна придонесува и пропишаното растојание од соседната парцела од 3 метри. Во тој простор не може да се развие високо зеленило, ако се знае дека тука ќе мине патека кон паркингот зад објектот. Дури и оние случаи каде што се предвидува зеленило колку да се задоволат параметрите, тоа многу често се наоѓа единствено во проектите. Дали е изведената состојба изменета – Општината не ја интересира. Таа е заинтересирана за делот на високоградба од којшто наплатува комуналии, додека во поглед на зеленилото апсолутно никој не врши контрола, инспекција, ниту пак казнува или бара да се врати во обликот од проектот.



Паркови или фатаморгана?

Поголемата слика за општинското работење ја дефинира уште една сериозна привидна манипулација со зелените површини. Сакајќи да исполнат одредена норма, градоначалниците во своите мандати сѐ почесто уредуваат површини од привремен карактер. Тоа значи простор предвиден за друга намена, сѐ до неговото реализирање, го уредуваат во јавна зелена површина која често ја промовираат, свечено ја пуштаат во употреба и ја користат во политички цели како реализирани проекти пред изборите за новите мандати.

Доколку сѐ беше во ред со градот, ваквите површини не се на одмет, но на долг рок, во нашата ситуација тие се тешка манипулација. Во градот веќе се развива зеленило на кое граѓаните се навикнуваат и го користат, додека околината активно се гради. Кога ќе дојде времето за реализација на тие планови и за остварување на вистинските намени на тие површини, ќе се случи освестувањето кај жителите, но тогаш ќе биде доцна. Вакви простори што мора да ги спомнеме се локациите долж трасата на бул. „Македонија“, или попознат како Јужен булевар. Паркот наречен „Македонија“, којшто паралелно се развива со бул. „Теодосиј Гологанов“, е дел од трасата. Паркот којшто во моментов се реализира на полјанката кај 11 Октомври – бараки исто така се наоѓа на трасата на Јужниот булевар.

Но најголемата површина која наскоро ќе исчезне е најголемиот парк реализиран од 90-тите години наваму, лоциран на последна 5-ка, Ново Лисиче. Овој простор отсекогаш бил планиран со намена Е2, т.е. тука отсекогаш се планирале депоата предвидени за трамвајот, или по последната одлука за воведување BRT (BUS RAPID TRANSIT) во Скопје.

Што нѐ спречува?



Зошто низ овие три декади ни се случува одново истото во круг?! Постојат повеќе одговори на ова прашање:

– Реткост е да забележите градоначалник кој е архитект или урбанист по професија. Често гледаме доктори, правници, бизнисмени (?) или луѓе од други струки. Менаџирањето на општината не е нужно да ја води архитект, но градоначалникот мора да има круг од искусни и активни архитекти, професори од сродни професии итн., или самиот да имал некаква активност во својот животен пат во слично поле. Во спротивно, не можеме да очекуваме визија за градот, исто како што здравствениот систем не може да очекува архитект да ја пронајде вакцината против КОВИД 19. Дискутабилни се ваквите амбиции, особено на лекари и хирурзи кои се многу попотребни во операционите сали;

– Архитектурата и урбанизмот се ставени под владение на Министерство за транспорт и врски – несвојствена институција. Треба да постои посебен сектор целосно посветен на планирање на просторот;

– Сосем оправдани се сомнежите за бизнис-интереси на поединци вработени во градските и во општинските институции, како и од политичките кругови, каде што се договараат дополнителни катови во замена за некој стан, процент од заработка и сл. Особено урбанистичките планови на земјишта што се неизградени немаат никакво покритие за сопствените предвидени височини во разработката на новите планови. Тука е реална можноста на инвеститорите да иницираат корупција врз оние кои ги носат плановите, или планерите, уште пред тие да се донесат. Во меѓувреме, сите парцели се продадени на градежни компании пред да има каква било разработка (тековно земјоделско земјиште), со што сомнежот е и повеќе од оправдан;

https://marh.mk/za-gradskoto-zelenilo-1-slobodniot-prostor-pred-rab-na-isceznuvanje/

ЌЕ ЗАЗЕЛЕНИ АГОЛОТ МЕЃУ ЖДАНЕЦ И ТРНОДОЛ ВО КАРПОШ
Започна уредувањето на аголот т.н. „чатал“ меѓу улицата кои ги двои населбите Трнодол и Жданец. Овој јавен простор од 400 м2 ќе прерасне во уредена зелена површина.
Службите на Општина Карпош започнаа со подготвителните активности за чистење и рамнење на теренот. Заради поволните временски услови, овој период ќе бидат засадени и нови дрвја, а на пролет ќе се засади нова тревна површина, украсни растенија и ќе биде поставен систем за наводнување.
Овој простор со години делуваше неуредено, со прашина и често претставуваше површина за паркирање или одлагање на шут.



https://www.facebook.com/OpstinaKarpos

Ќе треба да се продолжи оградата изгледа. Што е планирано според ДУП на цел тој потег источно од булеварот?

Процедурално прашање: Ова е дрворед?

Засадени повеќе од 500 дрвја кај кружниот тек во Чаир



Повеќе од 300 нискостеблести листопадни растенија и девет зимзелени садници се засадени на новоизградениот кружен тек во Чаир на улиците „Кемал Сејфула“ и „Втора македонска бригада“.

Денеска, скопскиот градоначалник Петре Шилегов, рече дека годинава и улицата „Втора македонска бригада“, која се наоѓа во продолжение на овој кружен тек, е побогата за прекрасен дрворед и ниско зеленило од над 200 садници.

– Екипите на „Паркови и зеленило“ секојдневно се наоѓаат на повеќе локации во градот, во текот на целата сезона на садење додека траат поволните временски услови. Некогашните депонии сега ги претвораме во паркови, го обновуваме зеленилото на постојните паркови, а садиме ново и го обновуваме и постојното булеварско зеленило – рече Шилегов.

Тој апелираше до граѓаните да се грижат за хигиената во парковите, со цел зеленилото да може да се користи во неговата полна убавина.

– Скопје станува видливо зелен град и тоа граѓаните секојдневно го препознаваат, што мене посебно ме радува и како човек и како градоначалник чија обврска е да се грижи и за овој дел од комуналните дејности во градот – заклучи градоначалникот

https://nezavisen.mk/zasadeni-povekje-od-500-drvja-kaj-kruzhniot-tek-vo-chair/