Ова во нормални градови (па дури и во Скопје на некои места) се решава со систем капка по капка црева и тајмер. 100 пати поелегантно, подобро за дрвцата, поевтино и поефикасно од оваа глупост.

ЈП ПАРКОВИ И ЗЕЛЕНИЛО ПРОДОЛЖУВА СО ЛЕТНИОТ РАСАД

Скопје се украсува со цветни алеи

Деновиве екипите на ЈП "Паркови и зеленило" активно работат на садење сезонски цветен расад, средување и одржување на градското зеленило.
Од ЈП "Паркови и зеленило" информираат дека активно се работи во ценаралното градско подрачје, каде што во жардиниерите-коцки на кејот на Вардар и во жардиниерите кај Владата се засадени цвеќиња од видот импатија, далија, сардела и џунџуле.
Истовремено со цвеќиња од видовите: балзамина, сардела, петунија, салвија и каранфил се уредуваат жардиниерите пред Судска палата, потоа кај споменикот на Скендербег, споменикот пред Универзитетот Св. Кирил и Методиј" и кај МНТ.

Во населбата Аеродром се нанесува земја во булеварската жардиниера, а во населбата Автокоманда се уредува и озеленува просторот на блоковското зеленило.
Во чест на јубилејот 65 години од постоењето на Црвениот крст на Република Македонија, беше промовиран и Паркот на хуманоста, којшто се наоѓа во дворното место на објектот на Црвениот крст на РМ. Првите дрвца ги засадија скопскиот градоначалник Коце Трајановски и претседателот на Црвениот крст на РМ, Милчо Трајков, по што и официјално, паркот беше предаден на користење на граѓаните. Одбележувањето на 8 мај.

Роза Петкова


Лазар Личеноски, улицата која минува покрај седиштето на јавното претпријатие „Водовод и канализација“ и наплатниот пункт на „ЕВН Македонија“, личи на запуштена и обрасната џунгла, од која само што не излегле змии. Проодни се само тротоарите на почетокот на улицата, а понатаму, особено во делот кој минува покрај полигонот за почетници возачи, израснати се диви треви и бодликави цвеќиња високи по три метри. По пешачката патека од спротивната страна, која доаѓа веднаш под Калето, воопшто не може ни да се помине, затоа што таа не се познава. Тука од тревите ѕиркаат само столбовите за улично осветлување. Секоја пролет ваквата слика се повторува, кога по неколку обилни дождови дивото зеленило израснува и ја прекрива околината. Ако високите и бујни треви не се проблем преку целата година, тогаш за минувачите пречка се паркираните возила по улицата. Со узурпирани тротоари, пешаците и оние кои се движат со велосипеди мораат да минуваат по коловозот, каде што е многу опасно, затоа што возилата овде најчесто фрчат со голема брзина. - Улицава е многу незгодна за поминување. Прво, може да се оди само од едната страна, која во работните денови е преполна со паркирани автомобили. Кога е петок, пазарен ден, тогаш се паркира и по коловозот. За тревите со боцки и да не зборувам, местово преку цело лето изгледа како запуштена џунгла од која не знаеш што ќе ти излезе - вели минувач. Скопјани реагираат и за тоа што тротоарите никој не ги одржува, па на неколку места тие се целосно изронети и споени со коловозот. Од тротоарот којшто е во близина на резиденцијата на архиеписокот Стефан, водат и скали, кои се врска за жителите од Кале со брегот на Вардар и со Градскиот парк. Но, тие велат дека и нив ретко ги користат и тоа само кога мораат, затоа што буквално не можат да се пробијат во зеленилото, а и скалите се во очајна состојба. Во Град Скопје, во чија надлежност е улицата, објаснуваат дека целото зеленило кое е израснато е диво и затоа „Паркови и зеленило“ нема обврска да го одржува. Сепак, претпријатието лани еднаш ја искосило тревата, но градските власти не посочија дали ќе имаат таква акција и годинава. - Оваа улица не е влезена во Програмата за редовно одржување на „Паркови и зеленило“, и тие површини се дивоизрастени и неуредени. Со годинешнава Програма за санирање на градските улици обезбедени се околу 220 милиони денари за реконструкции на 108 улици. Во сообраќајниците кои ќе бидат опфатени со големи санации на коловозите и на тротоарите, ќе влезе и улицата Лазар Личеновски - одговорија од Одделението за односи со јавност на Град Скопје.

Екипи на јавното претпријатие "Паркови и зеленило" ќе работат на расчистување на зеленилото на кејот на реката Вардар, а со акцијата, исто така, ќе биде опфатен потегот со зеленило под скопското Кале кај ЈП Водовод и канализација" и целата лева и десна страна на кејот.
- Со спроведување на овие активности ќе бидат опфатени и неуредените диви зелени површини, ќе се изврши машинско косење на тревата, рачно косење на тревата вклучувајќи го и обраснатото зеленило, но и собирање на искосеното и негово отстранување со помош на камионите на ова јавно претпријатие. Екипите на Градско зеленило" работат на подигнување на нова цветна површина во населбата Кисела Вода, во првиот дел од Градскиот парк ќе посадат сезонско цвеќе од видовите петунија, агератум и тагетес, а со цветен расад ќе се збогати и рунделата кај фонтаната пред бараките на Град Скопје - велат од Град Скопје.
Средување и уредување на ново зеленило ќе се изврши и на почетокот на ТЦ Лептокарија, каде што машински и рачно ќе биде обработена земјата, ќе биде поставен систем за наводнување и хортикултурно ќе се збогати просторот.

На булеварот "Илинден" екипи на ЈП Парткови и зеленило" вршат расчистување на теренот, односно реконструкција на зеленилото каде што ќе биде поставен систем за наводнување и просторот ќе биде хортикултурно уреден.