Велосипедски патеки и пунктови

Град Скопје интензивно работи на изведба на новата велосипедска патека на кејот на реката Вардар. Екипи на ЈП „Улици и патишта„, деновиве, го привршуваат тампонирањето на патеката, која ќе се протега од мостот кај Транспортниот центар до мостот кај хотелот „Холидеј Ин“.

На старата велосипедска патека, која се протега од мостот кај Транспортниот центар до мостот кај Народна банка на Р. Македонија, а која е направена пред четириесетина години и е целосно руинирана и оштетена, се направени потребните реконструктивни зафати и истата се подготвува за асфалтирање.

На местата каде што плочките од патеката се подигнати, искршени и оштетени, површината е порамнета за да може да се асфалтира. Оваа делница од патеката е долга 720 метри.

На делот од кејот кој се протега од мостот кај Народна банка на Р.Македонија до мостот кај хотелот „Холидеј Ин“, воопшто не постоеше патека за велосипеди, а теренот беше нерамен. Поради тоа се направи ископ и се постави бетонска основа врз која ќе се нанесе асфалт за потребите на новата патека. Овој дел од патеката ќе биде во должина од 330 метри.
Екипи на ЈП“Улици и патишта“, покрај подготвителните градежни зафати, едновремено поставија и рабници по целата должина на новата патека.

Новоизградената патека ќе биде долга вкупно 1.050 метри, а широка четири метри.
Град Скопје ќе направи рампи, за потребите на инвалидизираните лица и мајките кои туркаат колички со бебиња, веднаш до скалилата на кејот. Рампите ќе бидат широки по 1,5 метри и ќе овозможат полесен пристап до долниот дел на кејот на лицата со посебни потреби на мајките со мали деца.

Тендерската постапка за избор на најповолен изведувач кој ќе ги врши градежните работи за продолжување на велосипедската патека од рибарската куќичка на кејот на Вардар во населбата Аеродром до мостот Близнак, е веќе во завршна фаза. Избран е најповолниот побудувач, во моментов тече рокот за жалба.

Откако ќе заврши рокот за жалба Град Скопје ќе го потпише договорот со најповолниот понудувач, по што ќе започне изградбата на велосипедската патека до мостот Близнак. 

http://www.skopje.gov.mk/ShowAnnouncements.aspx?ItemID=2163&mid=24&tabId=&tabindex=0