Велосипедски патеки и пунктови

ЈП ГРАДСКИ ПАРКИНГ ЌЕ ГО ЗАЖИВЕЕ ПРОЕКТОТ РЕНТ А БАЈК

Наем на две тркала - евтино и брзо

Од средината на јуни скопјани ќе можат да изнајмат велосипед за 10 денари од час на еден од петте паркиралишта на ЈП Градски паркинг, Т Мобиле и фабриката Треска, во
Ѓорче Петров и во Аеродром

Од средината на јуни скопјани ќе можат да изнајмат велосипед за 10 денари од час на еден од петте паркиралишта на ЈП Градски паркинг. Се што ќе им биде потребно, е да приложат лична карта или друг документ за идентификација и да потпишат изјава за користење на нивните лични податоци доколку има потреба. Велосипедите ќе имаат сериски броеви, па ќе можат да се изнајмат на еден пункт а да се вратат на друг пункт.

Со ова, се чини проектот Рент а бајк којшто го почнаа Еко-свест" и Градот Скопје, по многу најави, конечно ќе заживее. Во прво време изнајмувањето на велосипеди ќе може да се врши на билетарите на паркинзите кај Т Мобиле и фабриката Треска, во Ѓорче Петров и во Аеродром, за потоа да се прошири на сите 17 затворени паркинзи во градов.

- Во моментов привршуваат активностите за обезбедување на документацијата и на техничката поддршка, активности кои би требало да завршат до крајот на месецов. Се надевам дека многу скоро ќе добиеме зелено светло и од Советот на Град Скопје, по што официјално почнуваме, информираше директорот на Градски паркинг, Панче Стојанов. Тој вели дека во првата фаза на располагање ќе имаат 100 велосипеди, а до крајот на годинава планираат да набават уште 500-600.

- Крајна цел на проектот е секоја општина да добие по еден ваков пункт, односно секаде онаму каде што Градски паркинг може да обезбеди услови за тоа. Исто така, се планира отворање на пунктови околу факултетите, околу трговските центри, покрај рекреативните центри онаму каде што ќе утврдиме дека има заинтересираност за изнајмување велосипеди, вели Стојанов. Тој додава дека ова е многу амбициозен проект, чијашто крајна цел е намалување на сообраќајниот метеж во метрополава и промоција на велосипедот како најеколошко алтернативно превозно средство.

- Во подоцнежните фази од овој проект, планираме да овозможиме и бенифиција за бесплатен паркинг на секој што ќе го паркира возилото, а ќе изнајми велосипед, вели Стојанов.
Во изминатов период градските власти изградија нови велосипедски патеки на Кејот на Вардар, на улиците и тротоарите кои се обележани со црвена боја. Скопје има одлична конфигурација за употреба на велосипед, но кај нас малку луѓе имаат навика да користат превоз на две тркала. Аланизите на Еко свест покажуваат дека доколку во секоја општина има по два пункта за изнајмување велосипеди, бучавата би се намалила за 4,5 децибели.

Буквално низ цела Партизанска велосипедските патеки се претворени во паркинзи, а за жал сообраќајната полиција пред мене ова го толеририраше, НЕСВАТЛИВО

Третоари ???, од каде сега тоа, или никогаш не си возел точак низ Скопје или стално си во кола, или ...
Тоа десно на сликата е пешачка стаза - тротоар

Originally posted by Vladimir P Третоари ???, од каде сега тоа, или никогаш не си возел точак низ Скопје или стално си во кола, или ... Тоа десно на сликата е пешачка стаза - тротоар

Друже по сите логики, внатрешниот дел треба да е велосипедска патека а делот кај што се паркирани овие тротоар. Која е логиката тоа да е велосипедска патека, кога на секои 100м има пешачки на кои стојат луѓе кои чекаат да пројдат улица?? Ако официјално е обратно, тогаш ок, во право си. Јас секој ден возам точак по Партизанска и НИКОГАШ не сум возел на делот што е до улица, поради безбедност, поради немање сенка и поради тоа што тука идат пешаци кои проаѓаат пешачки

Originally posted by Djole88 Originally posted by Vladimir P Третоари ???, од каде сега тоа, или никогаш не си возел точак низ Скопје или стално си во кола, или ... Тоа десно на сликата е пешачка стаза - тротоар Друже по сите логики, внатрешниот дел треба да е велосипедска патека а делот кај што се паркирани овие тротоар. Која е логиката тоа да е велосипедска патека, кога на секои 100м има пешачки на кои стојат луѓе кои чекаат да пројдат улица?? Ако официјално е обратно, тогаш ок, во право си. Јас секој ден возам точак по Партизанска и НИКОГАШ не сум возел на делот што е до улица, поради безбедност, поради немање сенка и поради тоа што тука идат пешаци кои проаѓаат пешачки

Џоле се гледа дека не си возел точак и не ги познаваш сообраќајните правила за возење точак. Не дека кај нас многу се почитуват и има некои си услови ама сепак та кај што е паркиран пасатот е не само по општо сообраќајно образование велосипедска патека туку е и со сообраќајни знаци обележана. А јас користам точак и во германија како транспортно средство каде што многу се епообележано и каде авотмобилите имаат многу поголема почит кон велосипедистите, и каде на повеќето раскрзници има и специјални семафори за велосипеди. Ама далеку сме ние од нив кај нас ко з апочеток треба да се покаже почит и да се почитува правото дека тој просото род улицата е наменет ИСКЛУЧИВО за велосипедски сообраќај, вклучително и тие црвено офарбаните делови на расрсниците. Само колку за информација во германија ако ти возиш точак и удриш во пешак а си на тој простор резервиран за велосипеди пешакот е крив и не носиш никаква кривица.

Р.Ѕ. ВладимирП, ти како што ми излгеда живееш спроти мене, јас во влезот лево од зегинот во лептокарија.


Edited by mirakuliks - 12-Jun-2010 at 15:18

Е мој Djole, затоа ни е се во земјава поставено наопачке.

Оноа што е забрането за нас и кај нас е дозволено

Originally posted by Djole88 ок не знам правила за возење точак и баш не се замарам. Цел живот возам точак и не планирам да возам по таа велосипедска патека, зошто посигурно ми е по тротоарот. Иако неможам да сфатам кој деген го има тоа направено, зошто додека возиш на секои 100м ќе ти излетуваат пешаци, ама ај нема везе. И во цел живот додека возам точак и тука и на Илинденска, немам видено ама баш никој да вози покрај улицата, сите си возат под сенка, така да друже ако не сакаш да те пукне сонцево, би ти препорачал да се придружиш

Очигледно аргументот ти е дека на секој пешачки ќе ти излегуваат пешаци, ама така барем ги има еднаш на 100м, а не цело време да ги заобиколуваш...

Правилото е ако нема велосипедска, тогаш треба да возиш по десниот крај на коловозот, нормално тоа во наши услови е малку опасно па многу ретко луѓе се решаваат на таков потег на пофрекфентните улици без велосипедска патека.

ги продолжуваат кон Лисиче

Велосипедите остануваат паркирани Градот се' уште нема разработени идеи како да ја наплаќа услугата што ќе чини 10 денари од час Сања Наумовска Стоте велосипеди, подарок од Амбасадата на Холандија, по се' изгледа, летово ќе останат паркирани. Градот Скопје се' уште нема разработени идеи како да го започне нивното најмување. Иако помина еден месец откако велосипедите со одлука на Советот на Скопје му се доделија на Јавното претпријатие „Градски паркинг“, досега нема најави како граѓаните ќе можат да се послужат со ова превозно средство. Засега единствено се знае само дека најмувањето ќе чини 10 денари од час. Иако сезоната за возење велосипед е одамна започната, градските власти не знаат ниту од кога ќе почне најмувањето ниту на кој начин ќе се плаќа услугата. Се' уште се размислува и за начинот на осигурување од оштетувања и од кражби на велосипедите, како и за локациите каде што ќе може да се земаат и да се враќаат. Единствено, Градот Скопје ја потврдува одлуката дека еден ден граѓаните на Скопје ќе имаат еколошка алтернатива во превозот. „’Градски паркинг’ се' уште работи на целосното утврдување на правилата за работа, обележувањето, наплатата и промоцијата на проектот за најмување велосипеди. Освен тоа, Градот работи и на кампањата што треба да се реализира за промоцијата на проектот. Кога ќе се вклопат сиве овие активности, Градот Скопје, невладината организација ’Еко свест’ и ’Градски паркинг’ ќе го стартуваат проектот“, информираат градските власти, без прецизна информација кога, практично, ќе се случи тоа. Во имплементацијата на проектот за најмување велосипеди, Градот планира да имплементира и искуства од европски градови, како, на пример од Брисел, каде што тоа функционира подолго време. Познато е дека освен што цената за најмување ќе биде 10 денари за еден час, велосипедите ќе се земаат од паркиралиштата на јавното претпријатие. На почетокот ќе ги има на неколку локации, веројатно, во центарот на градот, во Аеродром и во Ѓорче Петров, а во иднина е можно проектот да се проширува. Велосипедите ќе може да се земат од едно место, а да се вратат на друго. Сепак, засега не се знае како ќе се плаќа услугата и дали ќе можат да се користат истите начини како и плаќањето во зонското паркирање. Треба да се утврди дали пред најмувањето ќе се бараат документи за идентификација од граѓаните или ќе пополнуваат одредени формулари.

http://www.utrinski.com.mk/?ItemID=E198BCEBE7DF55449D08E60213D1CEEB