Велосипедски патеки и пунктови

Некако движејќи се по овие патеки, не ми даваат некое чувство на сигурност. Пак да се осеќа човек како по улица да вози и дека некој може да се те собере со кола. Одвојување како у Франција целосно со бетонски прагчиња е далеку побезбедно.

Овој концепт е тој што му треба на градот, но повторно е недоволно добро направен. Односно, вистински велоград е кога на крајот на патеката нема повторно да те однесе на тротоар (кај ЕУ-Инфо Центарот) за да семафорите ги поминуваш по тротоари, притоа гледајќи петпати да не те прегази некој.

Значи, не ви се допаѓа концептов, затоа што е недовршен, односно вистинскиот концепт е лентата потоа да биде и со адаптирани раскрсници, односно велосипедистите целосно да бидат на коловозот, па така да има посебна лента за тие што сакаат да свртат лево, додека тие што ќе одат право ќе добијат место пред првото возило. Но, ова што го зборувам е веќе многу напредно ниво за нашите градски власти.

Додека, брзината како на возилата, така за некој да го натераш да користи велосипед си ја бараме и ние, а брзина се добива кога возиш на рамна површина (коловоз), а не притоа да имаш дупки, тротоари, знаци, контејнери, автобуски, и што не на велосипедските патеки, кои вие викате дека се подобри. Патеките не се подобро решение од овие ленти во никој случај.

Ова го кажувам бидејќи јас веќе цела година на работа одам со мојот велосипед, освен кога надвор истура. Одам и зиме и лете и јас ПОБЕЗБЕДНО се чувствувам на коловоз (кога колите дури и ќе ми поминуваат на 20 сантими од мене и поблиску) отколку на патеките на кои сум имал ситуации со пешаци кои можеле да завршат со тешки повреди за мене пред се.

Јас не знам што е толку тешко, што е сложеното, да бидат велосипедските патеки во Скопје како на горниве слики.

Originally posted by <Fresno> Интересен феномен што го приметив на велосипедските патеки низ градот е што никој не се замара со гранките од дрвата кои на некои места се спуштаат до 1 метар од земја. Не е можно да се помине без некаква акробација или спуштање од точак/тротинет. Ова кажува дека нема ниедна екипа во градов која е задолжена за редовно одржување на патеките.

Да, за ова никој до сега нема нешто поконкретно искритикувано. Пред еден месец, возев по новиот булевар АСНОМ, на страната од хотелот Хилтон, и гранките од дрвјата буквално беа скоро до површината на патеката. Ама затоа кога ќе пресечат гранки по некој булевар има по 20 слики на Facebook... Срамота! Една најпроста работа да не може да ја извршат, па уште да биде иронично, кога делумно ќе ја извршат оваа од проста, попроста работа има по 20 слики на социјалните мрежи...

Edited by skopskodete - 12-Jul-2020 at 16:13

Често возам по вело патеката на бул.Кочо Рацин во принцип е ок само има некои работи кои многу нервираат,коли сега застануваат на лентата за возење за набрзинка да тркнат по цигари или сендвич од киосците кај Југодрво притоа стојат на патеката не обрнуваат внимание на велосипедистите,малце е непријатно (небезбедно) кога двокатен Јсп минува ептен блиску до патеката,голем број надвиснати гранки и потребни маневри да не се закачи некоја. Незнам кој им е планот уште колку булевари ќе стеснуваат за овие цели,донекаде е добро но сепак мора да се работи на зголемување на безбедноста гумениве столбчиња не се некое решение ќе видиме колку ќе опстојат веќе неколку ги има што се искривени и разлабавени особено околу Југодрво и автобуските постојки.

Edited by stef4o - 12-Jul-2020 at 21:22

Еве и некои размислувања за приоритетните велосипедски патеки низ државава.

Согласно современите трендови и преминот од интензивна употреба на автомобили што чурат кон поеколошки и почовечки форми на транспорт, Македонија мора значително да ја зголеми и подобри скромната градска и непостоечката меѓуградска, рурална и воннаселбна мрежа на велосипедски патеки. Ова треба да се одвива на 3 оски, и тоа (1) градска мрежа, (2) меѓуградска и рурална конекција и (3) рекреативни и туристички патеки во природа.

Како приоритетни за развој и напредок ги сметам:
- мрежата во Скопје (в. #660);
- поврзување на Скопје со Куманово - П1 од Арачиново до Пелинце (воедно и дел од ЕуроВело коридор 11) и П2 долж автопатот до Врање (прекугранична соработка со Србија);
- Полог, и тоа П1 долж автопатот Скопје-Тетово-Гостивар и П2 од с. Речане, преку Гостивар, Тетово и околните села, до патот за Качаник (п.с. со Косово);
- Пелагонија, со П1 Македонски Брод-Прилеп-Битола-Лерин (п.с. со Грција) и патеки од с. Железнец долж течението на Црна Река до с. Петалино, Демир-Хисар-Битола, Битола-Суводол, како и патеки околу езерата Костур и Острово во егејска Македонија (овие, како и Преспа и Охрид подолу, можат да бидат дел од заедничка македонско-грчко-албанска соработка за туризам, рекреација и повзрување);
- Преспа, П1 Битола-Ресен-околу Преспанско езеро и други линии околу Мало Преспанско и Билишта;
- Охрид, П1 с. Вевчани-Струга-Охрид-Поградец (обала), П2 до Ресен и П3 Поградец-Корча-Москополе; поврзување со с. Пискупштина на север и Пустец и Преспа на југ.

Истите треба да се дел од стратегијата за развој на велосипедизмот и алтернативните начини на транспорт во Република Северна Македонија, а да се изградат до 2025 година. Понатаму на ред би дошле останатите линии, означени со бело, со давање предност на Скопје-Велес-Прилеп, Скопје-(Качаник-Приштина), (Врање-Ниш), Гостивар-Кичево-Македонски Брод, Кичево-Охрид, Гостивар-Мавровско езеро-Дебар, Скопје-Свети Николе-Штип-Кочани, Струмица-Дојранско езеро и Струмица-(Петрич). Може да се размисли и за патеки долж Брегалница и Треска, кои не се вцртани на картата подолу. Целта би била создавање на широка балканска мрежа велопатеки, поврзувајќи го секое населено место и пружајќи можност на рекреативците да патуваат на поголеми должини.

Овој систем одлично би функционирал на кратки растојанија, како поврзување на села и блиски градови, и би пружил можност на рекреативците и авантуристите да велаат поголеми должини и поинтересни предели. Онаму каде што нагибот е преголем, без физичка можност за ублажување, на располагање би биле електрични возила кои би се изнајмувале за 30 денари од точка до точка. Долж сите вело патеки ќе има и одвоена пешачка патека, клупи и канти и ЛЕД осветлување, а на одредена дистанца и места за одмор (летниковци, тоалети, рекреативни содржини, комуникација).

може сум досаден, ама прашање по 1000 пат, зошто се узурпира просторот на коловозот на булевари каде има простор да се направи велосипедска и пешачка патека ко што треба?
можда звучи супер за некои едносмерни сокачиња збутани во блок од објекти како на сликава, ама не и за булевар каде што се развива брзина до 60 км/ч и на кои се движат различни типови на возила


Edited by zabegan - 13-Jul-2020 at 17:20

Originally posted by ehrlich Можеби сум и јас досаден, ама дефинициски има разлика во твоето и моето: 1. велосипедска лента = пат за велосипедисти спуштен на ниво на коловоз 2. велосипедска патека = пат за велосипедисти издвоен на повисоко ниво на коловоз Зашто ние се буниме со второто, затоа што во Македонија тоа не значи како што ти викаш изградба на нова патека, туку пребојување на тротоар со боја и обележување на патека, која потоа нема соодветни рабници, не е одвоена од пешаците, има контејнери/бандери/радари/семафори/сообраќајни знаци на неа. Во суштина, на патеките има се, само не подлога за возење. Обично ваквите муабети завршуваат со тоа како велосипедистите поминувале на црвено, не почитувале правила, па еве може јас сум наивен и глуп, ама јас сум тој што свири со ѕвонче и ги опоменува и самите велосипедисти, кога возат во спротивна насока на патеките

па значи проблемот се контејнерите, билбордите, знаците и останати проблеми, за кои што треба да се искористат барем две мозочни клетки наместо една за да се решат
не знам што е толку тешко да се задоволат сите учесници во сообраќајот?
еве како пешак ми се имаат бунето велосипедисти зошто сум одел по велосипедска, а пешачката патека е непостоечка поради летни тераси на локали на пример...

треба физички да се одвои, да, ама зошто да се жртвува коловозот и да се прави понебезбеден, ако има простор за друго решение? не мора со секое решение за еден учесник во сообрќај, да се саботира друг учесник во сообраќај

има еден куп проблеми во сообраќајот кои мора да се решат во синхронизација, ваљда на градскиве власти кога-тогаш ќе им стане јасно, наместо да се хранат со популизам кај одредени групи

Во првата моја објава објаснив дека подоцна овие ленти, ако се синхронизираат и со раскрсниците на убав начин, тогаш и те како е потребна да биде на коловоз.

Originally posted by zabegan да, поправи ме ако грешам, ама види колку лошо се вкрстуваат велосипедска патека и автобуска постојка, и дека пак патеките се качуваат на тротоар решението е направено така што вкрстувањата на патеките ќе бидат на коловозот, а не ја гледам потребата од тоа кога има доволно простор за пешаци и велосипеди на толкава раскрсница, а на семафорите важат истите правила за велосипедистите не знам, може сум глуп, ама мене ми личи ко велосипедистите упорно да сакаат да учествуваат во сообраќај како автомобили, што нема никаква логика, затоа што се работи за комплетно различни превозни средства со комплетно различни особини

А бе се знае како е најубаво, како во Ротердам:


(Втората слика од Google Maps)

Велосипедските патеки се физички одвеоени од коловозните ленти, а притоа се на исто ниво за да нема потреба од качување и спуштање при пресекување со улиците. Едноставно, како што треба да биде.

Edited by skopskodete - 14-Jul-2020 at 22:34