Велосипедски патеки и пунктови

не ми е јасна поентата на ова, кога за возилата, велосипедите и пешаците, важи истиот семафор, кога се движат во ист правец, во најголем дел од случаите... во најмала рака, пешаците и велосипедистите се на исто светло, плус, сите нови семафори со диоди на нив имаат обележано пешаци и велосипеди... џабе само трошење пари за нешто тотално непотребно и нерелевантно

Незнам зошто не ги наредија гумените столбчиња по цела должина на улицата тоа е според мене приоритет отколку непотребниот семафор кој реално никој нема ни да го примети ни да го почитува. На овој потег дневно има голем број прекршоци од речиси сите учесници во сообраќајот(пајакот врти на полна 20 пати во текот на денот,рандом коли одеднаш вртат 180 преку две полни и одат да точат гориво,кај депото на пајакот се претрчува итн итн) а без столбчиња велопатеките се многу небезбедни и узурпирани од возила.

од твитер

Знае некој каков е патот од Пелинце до Прохор Пчињски за точак?

Градот ја подобрува велосипедската инфраструктура, ама возењето велосипед во Охрид и натаму е опасен „спорт“



https://www.ohridnews.com/gradot-a-podobruva-velosipedskata-infrastruktura-ama-voze-eto-velosiped-vo-ohrid-i-natamu-e-opasen-sport/

ТРЕТАТА ЛЕНТА НА ГЛАВНИТЕ УЛИЦИ ВО ВЕЛЕС НЕМА ДА БИДЕ ПАРКИНГ ЗОНА, НО МОЖЕ ДА СТАНЕ ВЕЛОСИПЕДСКА ПАТЕКА

Најавата за воведување платен паркинг во Велес ги запали страстите и ги подели граѓаните. За градоначалникот Коцевски реакциите се очекувани и вели дека кога се прават промени во навиките на граѓаните, првите чекори се тешки.

Една од големите дилеми меѓу велешани е дали ќе се воведе ред во паркирањето во градот ако главните улици Благој Ѓорев и 8 Септември и натаму останат места за паркирање, иако тоа не е дозволено според сообраќајните знаци. Овие две улици се дел од регионален пат и на нив МВР не дозволува да има паркирање, иако тоа во пракса е секојдневие.

„Многу пати сме разговарале со сообраќајната полиција при СВР Велес. Тие знаат дека таму е забрането паркирањето и затоа не дадоа согласност. Затоа работиме на друго решение. Третата лента на овие две улици, каде што сега се паркираат возила, планираме да биде трансформирана во велосипедска патека. Се разбира, за тоа е потребна дозвола од МВР“, вели Коцевски.

Тој бара од сограѓаните да ги променат навиките и да ги користат времениот паркинг до Мало мовче и паркинзите од левата страна близу автобуската станица, а во подготовка е времен паркинг на местото на поранешниот АТД диспанзер.

„Велес заслужува да биде уреден град, без хаос на тротоарите и јавните површини. Понудените цени се дадени по сеопфатни анализи со градови каде има зонско паркирање, како Штип, Битола, Струмица и Кавадарци и не отстапуваат од нивните“, додаде Коцевски.

Вели дека работат и на катна гаража близу автобуската станица, но тоа бил обемен и долготраен проект. Останува дилемата дали Стар мост и приодот до Железен мост ќе бидат и натаму места каде што ќе се паркираат возила. Градоначалникот немаше одговор на прашањето дали и овие простори ќе бидат платени паркинг зони.

https://sdk.mk/index.php/dopisna-mrezha/tretata-lenta-na-glavnite-ulitsi-vo-veles-nema-da-bide-parking-zona-no-mozhe-da-stane-velosipedska-pateka/

Град Скопје делумно ги прифаќа предлозите од „На Точак“ за развој на велоинфраструктурата догодина

Буџетот на Град Скопје за 2021 година е во финална фаза на подготовка и градските власти делумно ќе ги прифатат доставените предлози на граѓанската иницијатива „На Точак“ за развој на велосипедската инфраструктура, унапредување на безбедноста на велосипедистите во сообраќајот и целосно ослободување на кејот на реката Вардар.

„Предлозите на иницијатива „На Точак“ за Буџетот на Град Скопје за 2021 година се внимателно разгледани, но според начинот на кој се побарани во голема мера не може да биде исполнети од технички причини“, информираат за „Мета.мк“ од Град Скопје.

„На Точак“ со писмо до градоначалникот Петре Шилегов и до Советот на град Скопје побараа догодина да се обезбедат минимум 30 отсто од вкупниот буџет за патна инфраструктура за велосипедска и пешачка инфраструктура, односно барем 70 милиони денари. Од Град Скопје велат дека за ставката патна инфраструктура догодина планираат околу 827 милиони денари, но нагласуваат дека велосипедската и пешачката инфраструктура не можат да се одвојат како посебна ставка од улиците.

„Во Буџетот на Град Скопје, изградбата на патна инфраструктура (улици, тротоари, вело патеки) е во една ставка, па невозможно е да се издвојат во посебна ставка или да се одвојат 15 отсто само за таа намена“, велат за „Мета.мк“ од Град Скопје.

Градските власти велат дека новитет во предлозите од „На Точак“ е барањето за субвенции за сервис и резервна опрема за велосипеди, но во моментов Градот нема потребни механизми за реализација на ова барање, имајќи предвид дека овој вид субвенции може лесно да доведат до многу злоупотреби.

„Градот Скопје секоја година дава субвенции за велосипеди, кои споредено со барањето за сервис, се и многу полесни за администрирање“, велат тие.

Во однос на предлозите за промена на рабниците на булеварите во Скопје и за густо поставување на столпчиња по сите велосипедски ленти, Градот Скопје вели дека веќе ги прифатиле. Средства за поставување рабници се многу повисоки од 4 милиони денари, а како и досега, ќе се поставуваат на сите локации каде велосипедистите ќе укажат дека има проблеми.

Исто и за заштитните столпчиња на велосипедските ленти, Градот Скопје секоја година издвојува средства повисоки од 5 милиони денари, но сметаат дека овие средства не треба да се издвојуваат во посебна ставка, бидејќи тоа би довело до непотребни трошоци и неразумно трошење на време при реализација на градежните активности на терен.

Во однос на велосипедската патека на кејот на Вардар, скопските власти ветуваат дека догодина ќе биде целосно прооден кејот за велосипедистите во центарот на Скопје. Сепак, продолжувањето на велосипедската патека од фабриката „Купром“ во Хром во правец кон Ѓорче Петров засега е несоодветно, бидејќи најпрво треба да се изгради минор и мајор коритото на река Вардар, а тој проект би чинел многу повеќе од 20 милиони денари колку што би чинела велосипедската патека.

„Во моментов до источната граница на ДУП-от постои велосипедската патека, односно до железничкиот мост во Лисиче. За жал, таа е неупотреблива за велосипедисти и ја користат собирачи на отпад и палачи на диви депонии. Правењето велосипедски патеки на места каде што нема фреквенција на луѓе, соодветна инфраструктура или нивна потреба е контра продуктивно“, сметаат од Град Скопје.

Во врска со предлогот „Бројачи на велосипеди“ од „На Точак“, Град Скопје смета дека ова е важна тема и е во план за реализација, но сепак поради намалените приходи предвидени за следната година ќе остане за реализација во иднина или ќе се бара начин да биде реализирано со донација. Инаку, „На Точак“ предложија догодина да се постават 5 бројачи на велосипеди на клучните велопатеки во Скопје, во вредност од 4,5 милиони денари.

За „Простор Антикорона“, за кој „На Точак“ побараа 20 милиони денари од градскиот буџет за 2021 година, од Град Скопје велат дека ќе продолжат со активности и во следната година, по примерот на овогодинешното отстранување на рекламните билборди. Средства за оваа намена не се издвоени, бидејќи и досегашните активности биле без финансиски импликации.

Градот Скопје догодина ќе гради нови велосипедски патеки или ќе ги реконструира постојните на улиците Христо Татарчев и Вера Јоциќ (Општина Кисела Вода), булеварите Видео Смилевски Бато и Србија и на улица Владимир Комаров (Општина Аеродром), булевар Александар Македонски и улица Благоја Стефковски (Општина Гази Баба), булевар Босна и Херцеговина (Општина Бутел), булевар Никола Карев и улица Џон Кенеди (Општина Чаир), улиците Лондонска и Јуриј Гагарин, со довршување на патеките на булевар 8 Септември и на улица Никола Парапунов (Општина Карпош), како и улиците Рузвелтова, 11 Октомври и Лазар Личеновски, заедно со булевар Митрополит Теодосиј Гологанов од кружниот тек до студентскиот дом Кузман (Општина Центар).

Конечно, во однос на предлогот од „На Точак“ за издвојување на 600.000 денари за изработка на стратешки документ за безбедност во сообраќајот – Визија нула – Визија за Скопје без жртви, од Градот велат дека тие настојуваат за неколку години Скопје да биде еден од градовите без жртви во сообраќајот, но не можат да се обврзат на имплементација на „Визија 0“ бидејќи во голема мера сообраќајот и сообраќајните политики досега се регулирани од други државни органи, а не од Град Скопје.

https://meta.mk/grad-skopje-delumno-gi-prifakja-predlozite-od-na-tochak-za-razvoj-na-veloinfrastrukturata-dogodina/

Се прашувам до кога нема да го средат делот на велосипедската патека под мостот кај Александар Палас... Со години и години стои така оштетен (плус и навечер неосветлен).

Патеката е ок и јас си ја користам, само што нема никаков тротоар и нормално луѓето си пешачат по патекава, зашто НЕМА каде да се движат.

И така.

Колку што сфаќам, пешачката патека е всушност она на кое се паркирани сите автомобили на сликите.