Објект на Мајка Тереза на плоштад „Македонија“

А некако да го зазеленат со оној мов или како и да се вика баш би било кул

кога го гледаш од одозгора е уште поодвратно... жалосно е што вакви чирови си стојат вака додека чекаме да поминат судски спорови, односно да се нагодат едни со други, наместо уште у прв ден владеење да му удреа една хилта

Споменик МајкаТереза, терасата на Дистрикт, машинските елементи на хотелот кои се исто така на среде улица. Улицата (миниплоштадот) се заебаа урбанистички уште со објектот на комерцијална банка (тогашен во изградба деловен центар Магор), ама овие другите три кои ги набројав стварно се испрчени на среде улица.

Тука требаше по сите нормални урбанистички критериуми по свет, да се оформи само плоштадче и да му се даде само поента некоја со еден од испрчените споменици по плоштад. Така ќе имавме и добро оформен јавен простор и еден споменик помалку на главниот плоштад. Овакво размислување е, како да кажам, 1+1=2, во урбанизам.

Полигоните не баш прецизни на сликава, ама се што е црвено е вишок овде.



Edited by user8642 - 20-Jul-2020 at 19:48

Originally posted by zabegan баш си е ок објектот на комерцијална, со оглед на тоа дека се две улици, а не една, а без маасивниот објект на Мериот, се формираше како некој визуелен лендмарк на вилушка на две улици

Не се гледа на "виљушката" само од една страна. Еве ти една перспектива од другата страна. Овој објект е натрупан кајшто не му е место урбанистички, "краде" јавен простор, твој простор. Тоа што ова зграда е остров на модерна архитекура во гипсаното море, не ја оправдува воопшто погрешната урбанистичка позиција. Нема потреба да ја браниме на тој начин.

Originally posted by zabegan агрегатот на Мериот... агрегатот на Мериот мора да е таму, затоа што секој објект што работи 24/7 мора да има свој извор на енергија

Како тоа само на Мериот мора надвор да му бидат агрегатите?? Како тоа Телеком на 100 метра од тука, а функционира со критична инфраструктура (ИТ мрежа што не трпи испади на струја). Или Охридска банка, или Комерцијална веднаш позади? Или па ДЦ Соравиа исто така во центар на Скопје со прибрани генератори во подрум. Како тоа сите може да си ги приберат агрегатите во подруми и во рамки на имотот, само Мериот може на улица да истопори. А доволно е доле во подрум само 3 паркинг места да се пренаменат во машинска сала за агрегати.

Edited by user8642 - 21-Jul-2020 at 18:10

1. Немора да се запињаме сега. Еве по кој план е изградена зградава и јасно се гледа дека е опструирана линијата на улицата. Во прилог за споредба и стариот ДУП Мал Ринг пред да почнат глупостите од пред 15тина години каде ја нема зградава и е сосема урбаниситчки исправен. Значи не е до поместување лево десно за сликање, зградата е испрчена на сред собирна улица према централен градски плоштад.






2. Агрегати може и треба да се приберат по машински хали во подруми. По центар на Скопје има барем 30тина агрегати, немам точна бројка и сите се културно фино предвидени со проект, прибрани кај што им е место и нема никаков проблем. Па во Скопје има неколку помали-котлари за парно што се многу повеќе од агрегати и нема промблем да се во подрум, напротив треба да се баш тамо во подрум. И тука поголеми издувни гасови има па соодветно се менаџираат. Ти кажувам ствари за кои имам и некој професионален допир и не реплицирам само на памет. И апсолутно нема никаков проблем со издувни гасови тоа има како да се изведува надвор од објектот.

Edited by user8642 - 21-Jul-2020 at 21:03

Originally posted by zabegan знам дека тоа што го има на маркици и на гугл мапс, не е исто во реалност

Ова е едноставно невозможно. И во криминалот во урбанизмот па пак има геометри, елаборати, премер. Не е така како што викаш. Зградата е според план, ама планот е урбанистички погрешен.

Originally posted by zabegan дискусијава ја правиме затоа што објектите на комерцијална и мериот се во функција и од нив опстојуваат фирми...

Ајде бе?! Па значи по оваа логика само индустриските зони имаат смисла, ништо друго?!

Ќе се урива недоградениот споменик на Мајка Тереза



https://kanal5.com.mk/kje-se-uriva-nedogradeniot-spomenik-na-majka-tereza/a459027

ЧЕТИРИ ГОДИНИ ВО СДСМ НЕ СЕ НАЈДЕ ЈУНАК ШТО ЌЕ ЈА УРНЕ ДИВОГРАДБАТА НА ГРУЕВСКИ ВО ЦЕНТАРОТ НА СКОПЈЕ

Бетонската дивоградба висока 32 метри која минатата власт на ВМРО-ДПМНЕ замисли да биде споменик на Мајка Тереза, стои нечепната на влезот на Плоштад Македонија. Повеќе од четири години СДСМ е на власт на централно ниво, а над три на локално ниво во Скопје и скопските општини, но никој сè уште нема абер да ја урне грдосијата во центарот на градот.

Архитектите и урбанистите, како и комисијата која ја формираше Владата за справување со проектот „Скопје 2014“, веќе неколку години бараат објектот веднаш да се урне бидејќи се наоѓа на пешачка улица и го крши Уставот и низа закони. Но, никој не ги слуша и дивоградбата си стои на некогашната пешачка улица оградена со скелиња и тараби, при што за пешаците е оставено едвај половина метар простор за движење на едно од најфреквентните места во градот.

Споменикот е под надлежност на Министерството за култура кое почна да го гради во 2013 кога министерка беше Елизабета Канческа-Милевска. Дозволата за градба тогаш ја издало Министерството за транспорт и врски. Но, ниту еден од досегашните министри за култура не почна постапка за уривање, туку топката ја префрлаа во Владата.

Градоначалникот на Општина Центар Саша Богдановиќ каде во моментов се прави Деталниот урбанистички план „Мал ринг“ вели дека Општината нема надлежност да реагира, односно решението за градба треба да го поништи повисок орган, па потоа да се пристапи кон уривање и бришење на маркичката. Тој вели дека за ова прашање имале неколку состаноци во Владата, а наредната недела ќе имаат нов на кој треба да се договори конечно решение.

„Јас сум согласен дека споменикот треба да се тргне. Го утврдивме правниот начин на кој тоа треба да се спроведе, останува само да имаме уште еден координативен состанок со Владата. Имаме правни аргументи дека тој простор не смее да се користи за изградба на било каков објект и тоа е доволно да се поништи решението за градба. Откако ќе се поништи решението тогаш може да се пристапи кон уривање“, вели градоначалникот Саша Богдановиќ.

Владата пред две години одлучи споменикот на Мајка Тереза да не се урива, туку бетонската дивоградба да стои на Плоштадот само да добие нова намена и наложи на Министерството за култура да распиша конкурс за избор за идејно решение. На ваквата одлука остро реагираа од Асоцијацијата на архитекти на Македонија, како и градоначалникот на Скопје Петре Шилегов бидејќи не е спорна намената на објектот, туку тој воопшто не треба да постои. Тие најавија дека на конкурсот ќе учествуваат сите архитекти од Асоцијацијата и сите ќе понудат ист проект, просторот да биде улица. Шилегов побара да му го предадат споменик во негова надлежност и тој ќе го урне. По ова конкурсот не беше објавен, но оттогаш помина една година, а не е донесена одлука ниту за отстранување на споменикот.

Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде в затвор оти не платил оштета на измамени инвеститори во Индија, Владата на Груевски преку Министерството за култура и тогашната министерка Елизабета Канческа-Милевска го презеде проектот. Официјалниот старт на градежните работи беше во октомври 2015, а вредноста на договорот за негова изградба е 5,5, милиони евра.

https://sdk.mk/index.php/dopisna-mrezha/chetiri-godini-vo-sdsm-ne-se-najde-junak-shto-ke-ja-urne-divogradbata-na-gruevski-vo-tsentarot-na-skopje/

ГО СЛУШНАВМЕ ГЛАСОТ НА НАРОДОТ, ПРОЛЕТВА ЌЕ СЕ УРНЕ ДИВОГРАДБАТА НА ПЛОШТАДОТ МАКЕДОНИЈА, РЕЧЕ ЗАЕВ

Пролетва ќе се урне дивоградбата што требаше да биде споменик на Мајка Тереза и која го блокира влезот на Плоштадот Македонија, а која почна да ја гради експремиерот Никола Груевски пред 8 години, најави денеска премиерот Зоран Заев. САКАМДАКАЖАМ.МК денеска го праша премиерот зошто власта на СДСМ четири години дозволува сред центарот на Скопје да стои 32-метарската бетонска дивоградба за која архитектите, урбанистите и граѓаните бараат да се урне оти го крши Уставот и низа закони. Заев одговори дека јасно му е што е барањето на граѓаните, го слушнал гласот на јавноста и верува дека пролетва споменикот ќе го нема и пристапот кон Плоштадот ќе биде слободен.

„Без разлика на желбите на Владата, на премиерот и на другите функционери што можете да направите со нешто за што се потрошени народни пари и е дојдено во состојба во која треба да одлучите дали ќе го отстраните или ќе го продолжите, морате да внимавате и на правните аспекти. После слушање на гласот на граѓани одлуката е јасна и кај нас како Влада и кај Град Скопје, овој објект мора да се отстрани за да може градот да дише. Но, мора да почекаме да завршат правните аспекти бидејќи не можете слушајќи го гласот на народот веднаш да постапувате. Јас верувам дека оваа пролет ќе имаме правно решение за да можеме пролетва да го отстраниме овој објект“, рече Заев кој денеска присуствуваше на почетокот на градежните работи на Град Скопје за реконструкција на Кеј 13 Ноември.

Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде в затвор оти не платил оштета на измамени инвеститори во Индија, Владата на Груевски преку Министерството за култура и тогашната министерка Елизабета Канческа-Милевска го презеде проектот. Официјалниот старт на градежните работи беше во октомври 2015, а вредноста на договорот за негова изградба е 5,5, милиони евра.

https://sdk.mk/index.php/naslovna/go-slushnavme-glasot-na-narodot-proletva-ke-se-urne-divogradbata-na-ploshtadot-makedonija-reche-zaev/

ВЛАСТА НЕМА НАМЕРА ДА ГО УРНЕ СПОМЕНИКОТ НА МАЈКА ТЕРЕЗА КОЈ Е ДИВОГРАДБА И 7 ГОДИНИ ГО БЛОКИРА ВЛЕЗОТ НА ПЛОШТАД МАКЕДОНИЈА



Споменикот на Мајка Тереза на Плоштадот Македонија во Скопје, кој е дивоградба и прекршува низа закони, уште стои нечепнат. Оваа дивоградба ја загрозува и безбедноста, бидејќи е блокиран влезот на Плоштадот. Власта на СДСМ нема абер да ја урне бетонската дивоградба која почна да ја гради експремиерот Никола Груевски, а која архитектите и стучната јавност бараат веднаш да се отстрани.

Премиерот Зоран Заев на 19 февруари на прашање на САКАМДАКАЖАМ.МК кажа дека го чуле гласот на народот и споменикот пролетва ќе се отстрани. Но, од изјавата на Заев поминаа три месеци и не само што споменикот не е урнат, туку постапките за отстранување не се мрднати од место.

Градоначалникот на Општина Центар Саша Богдановиќ признава дека нема никаков напредок во постапките за уривање на споменикот, но вели дека тоа е така бидејќи чекаат документи од Министерството за култура.

„На 26 април, испративме допис до Министерството за култура во кој бараме да ни се достави целокупната документација за овој споменик, кој е всушност нивни проект. Врз основа на таа документација треба да се утврдат прекршувањата за да може споменикот да се урне. До денеска немаме добиено одговор“, вели градоначалникот Саша Богдановиќ.

СДСМ е на власт на централно и на локално ниво четири години и ништо не направи да отстранување на оваа дивоградба. На градоначалниците на Општина Центар Саша Богдановиќ и на Град Скопје Петре Шилегов за 4 месеци ќе им истече мандатот, а дивоградбата која и двајцата остро ја критикуваат и велат дека треба да се отстрани, уште стои.

Споменикот на Мајка Тереза беше најавен како донација на фирмата „Сахара Индија“, сопственост на контроверзниот индиски бизнисмен Субрата Рој. Тој заедно со тогашниот премиер Никола Груевски во јануари 2013 го најавија проектот отворајќи ја спомен плочата на Мајка Тереза на Плоштадот Македонија, на местото каде ќе се гради споменикот. Откако Рој отиде в затвор оти не платил оштета на измамени инвеститори во Индија, Владата на Груевски преку Министерството за култура и тогашната министерка Елизабета Канческа-Милевска го презеде проектот. Официјалниот старт на градежните работи беше во октомври 2015, а вредноста на договорот за негова изградба е 5,5, милиони евра.

https://sdk.mk/index.php/dopisna-mrezha/vlasta-nema-namera-da-go-urne-spomenikot-na-majka-tereza-koj-e-divogradba-i-7-godini-go-blokira-vlezot-na-ploshtad-makedonija/