Верски објекти (општо)

Македониј може координати од црквава? Каде точно се наоѓа? Ме потсети на Кајмакчалан за една црква што има Свети Илија (40°55'51.09"N 21°47'10.18"E). Патот до црквата е од Македонска страна, има и некаков црквен дом. А има и некоја гробница веројатно од прва светска војна. Сликите се мешани со македонски и со грчки наслови, разбирливо дека е на граница. Црквава изгледа е грчка црква. Може да објасни некој подетално што е со оваа црква.

Македониј добро знам за оваа. Јас прашував за црквата Свети Илија погоре од оваа. Од кога, грчка ли е, дел од грчкиот скијачки центар од таа страна? Имаш ли нешто информации за таа црква?

Цените на градбата на црквите се различни и главно зависат од тоа дали ќе се работи од делкан камен, со или без скап иконостас и фрескоживопис. Но, се цени дека просечно еден квадратен метар на црква е од 250 до 320 или најмногу до 350 евра, а на цената влијае и тоа дали црквата е лоцирана во градска средина или во некое оддалечено село, каде што транспортот значително ги крева трошоците.

http://digitalareopagus.wordpress.com

Во Скопската епархија готови се десет, а во завршна фаза се пет цркви, лоцирани во главниот град или во околината. Најголем и најскап објект од милиони евра е црквата „Пресвета Богородица“, чиј ктитор е градоначалникот Трифун Костовски. Станува збор за црква што го носи името на заштитничката на Скопје, која била запалена и урната во Втората светска војна, а чија обнова неколкупати била започнувана, но градбата секогаш се уривала. Ова импозантно здание, сместено спроти Академијата на науките. Исто како што во употреба ќе бидат предадени и црквите „Св. Илија“ во Аеродром, „Св. Злата Мегленска“ кај Матка, „Св. Наум“ во Радишани, каде што се погребани последните двајца поглавари на МПЦ г.г. Гаврил и г.г. Михаил, како и црквата „Св. Никола“ во Скопје – Север.

Св. Никола  Скопје – Север


Св. Наум во Радишани

http://digitalareopagus.wordpress.com



Edited by Makedonij - 14-Jan-2011 at 11:08

Makedonij браво за редовново информирање околу изградбата на црквите низ Македонија.

Едно прашање, незнам колку си упатен. Знам дека црквата си има многу проблеми со искоренување на т.н. пагански традиции и вонканонски прослави, собири, курбани и слично. Е сега за овие оброчишта постои ли некоја постапка пандан на легализација на дивоградби во урбанизмот. Ако ме разбираш што сакам да кажам, постои ли начин накнадно да се даде благослов и да се осветат дел од тие крстови каде што има услови за тоа.


Edited by lslcrew - 26-Sep-2010 at 17:07

Gradska kapela Negotino

   Врз основа на спроведената јавна анкета во која граѓаните јасно и недвосмислено се произнесоа дека на Неготино му е неопходна градска капела, градоначалникот Трајков, советниците во Советот на општината и стручните служби ги презедоа сите неопходни активности, што пак резултираше со поставување камен – темелник на градската капела која е лоцирана во близина на градските гробишта во Неготино.
Предходно, со запазување на потребните законски процедури по пат на јавен тендер се изврши избор на фирмата со најповолна понуда за градење на објектот, Лик – Авве од Неготино ја изготви потребната техничка документација, по што започнаа работите на објектот. Проценките на стручните лица говорат дека за комплетна изградба на капелата ќе бидат потребни 10 милиони денари – средства кои ќе се обезбедат од Буџетот на општината. Капелата е содимензии 20 на 20 метри должни, односно истата ќе има површина од 400 метри квадратни и во нејзин склоп ќе има влезен трем, сала за излагање, просторијата за подготовка, за оддржување, за најблиските и за свештените лица. Градежните работи ќе ги изведува ГП Пер – инжинеринг од Кавадарци, а доколку се тече според предвиденото, се очекува градската капела да биде комплетно завршена во период од 1 година.

http://www.negotino.gov.mk

Поплочување – пристап кон црква Св.Пантелејмон - Велес

Денеска се отпочна со градежна активност од страна на изведувач Мил Ден Населба Речани на рушење на ограден ѕид на дел од улицата Кирил и  Методиј (делот помеѓу првата и втората порта на црквата Свети Пантелејмон). Оваа активност е предвидена со цел да се прошири пристапната улица кон црквата. Предвидено е рушењето  и изведбата  на бетонското постоље  да се изведе во периодот до 8.10.2010 година, по што ќе следува поплочување  на проширувањето и изведба на парапетно ѕидче.

http://www.veles.gov.mk

Ќе се урива џамијата во Горна Белица



Случајот со бесправната изградба на џамијата во Горна Белица, Струшко, треба да се реши до крајот на октомври, кога ќе се донесе конечна одлука за уривање на изградениот дел од верскиот објект.

Ова се најавите на надлежните од Основниот суд во Струга, кои по неколкумесечни ветувања, конечно извршија увид на џамијата минатиот месец. Според она што може да се види, џамијата е веќе готова, а останува да се доврши минарето. И покрај забраната за градење и најавите за рушење на верскиот објект, досега на терен ништо не е спроведено.

Од Основниот суд во Струга се надеваат дека до крајот на октомври ќе го решат случајот, дека џамијата ќе биде урната, а земјиштето вратено во првобитната состојба.
Спроведениот увид покажа дека џамијата е веќе изградена, што значи дека не се почитувала судската забрана за запирање на изградбата. Досега стануваше збор за бесправна изградба на објект на државно земјиште, а ќе видиме кој ќе биде крајниот исход и дали пресудата ќе вклучи санкција и за некој друг прекршок - објаснија од Основниот суд во Струга.

Случајот за џамијата во Горна Белица имаше застој од неколку месеци, зашто за време на летните одмори судовите не работеа.
Надлежниот правобранител Мирко Велјановски деновиве не беше достапен да даде изјава за тоа дали рушењето на џамијата ќе биде извршено.

Досега од Државното правобранителство неколкупати изјавија дека уривањето ќе мора да се спроведе внимателно, за да не се нарушат меѓуетничките односи меѓу жителите во селото.
Жителите што имаат викендички во Горна Белица се незадоволни од одлуките на институциите и од одложувањата за уривањето на џамијата, зашто се надевале дека овој случај институциите ќе го завршат побрзо.

Во џамијата фали да дојде уште оџа. Таа е изградена и не знаеме како ќе биде извршено уривањето - коментира еден од жителите.

Тој додава дека Горна Белица својот најголем развој го имала во втората половина на 19 век, кога била развиено влашко село со жители од православна вероисповед.

Селото се наоѓа на планината Јабланица, на 1.450 метри надморска височина, а од општината Вевчани е оддалечено два километри. Според територијалната поделба од 2004 година, Горна Белица територијално припаѓа под општината Струга, но катастарски е на општината Вевчани.

http://www.strugadenes.com

Oсветување на цркавата „Св.Недела и Св.Петка“ во месноста Абланица, Берово



Духовното издигнување зборува за нескршливоста на верата која ја носиме во нас. Таа зборува за постоењето на христијанството низ вековите и постоењето на храмови за продолжување на верата која  води кон просветлување и духовна смиреност.

Колку повеќе храмови, толку повеќе божји домови за славење на името Христово.

Колку повеќе храмови, толку повеќе домови за духовно чистење на мислите на луѓето.

Берово е вистински храм за развој на Христијанството, што го докажува и постоењето на големиот број на цркви и манастири во општината.

Со осветувањето на цркавата „Св.Недела и Св.Петка“ во месноста Абланица, Берово доби уште еден божји храм во кој ќе продолжи развојот на Христијанството.

Осветувањето го изврши митрополит Струмички г.Наум кој изјави дека е убаво да имаме места во кои ќе се собираме, ќе ја одржуваме светата литургија и ќе го проучуваме божјото слово.

Изградбата на оваа црква е овозможена со средства донирани од правни и физички лица како од Берово така и од републиката.

http://www.malesh-net.com


Edited by Makedonij - 14-Oct-2010 at 19:07

Тетовчани ја срушија најстарата џамија за да изградат поголема

Според дел од истражувачите на тетовското минато рушењето на Гам-гам џамијата претставува уништување на културното наследство.

- Тој е најстар објект кој постоел во Тетово. 30 години пред Шарена џамија, најстар објект кој постоеше во Тетово. Ако некого му значи Тетово, ако некого му значи историјата треба да се загрижи и јас неможам да се свеснам како неможе никој да не реагира за објект срушен стар 500 години, никој ни да знае ни да реагира ни па да се оградува - изјави Дарко Гавровски, истражувач на тетовското минато.

Од џамискиот одбор велат дека џамијата била мала па затоа се одлучиле да се изгради нова. Од Националениот конзерваторски центар им посочиле во одборот дека има можност преку реновирање може да се зачува идентичноста, но пресудно за иницијаторите била потребата за поголем објект.

- Капацитетот на џамијата беше 150 максимум можеа да вршат обредот, а останатите беа надвор. Максимум со сите пратеќи објекти надвор може да се апсорбираше 350 луѓе.И затоа ви викам покренавме иницијатива да се изгради ова новата. Дадоа свои мислење за да се сочува идентитетот на старата џамија,значи културата, исламската култура.меѓутоа не се сложивме со нив тие дадоа многу мала простор, мислим,помалав габарит да се изгради џамијата.Нашето може да се здужи и понатака меѓутоа заради неопходни потреби се одлучивме на ова - изјави Неџати Јакупи, претседател на џамискиот одбор.

Гам-Гам џамија го носи името на семејство од Тетово  со истиот прекар кое приоднело за градење на овој објект.

http://www.sitel.com.mk/dnevnik/makedonija/tetovchani-ja-srushija-najstarata-dzamija-za-da-izgradat-pogolema