Свети Јован во Штрбово, Ресен

НОВ ОБЈЕКТ ДО МИЛЕНИУМСКИОТ КРСТ

Ќе се гради црква на Водно



Според проектот на архитектите Јован Стефановски-Жан и Ивана Стефановска, околу црквата ќе се градат и манастирски конаци со околу 12 соби, како и ресторан

На стотина метри десно од Милениумскиот крст, на местото наречено Крстовар, на 27 септември ќе биде поставен камен-темелникот на црквата посветена на празникот „Воздвижение на чесниот крст-Крстовден“.

Според проектот на архитектите Јован Стефановски-Жан и Ивана Стефановска, освен црква, ќе се градат и конаци.

Од Скопската епархија информираа дека камен-темелникот на црквата требало да биде поставен на 23 мај, но почетокот на изградбата е одложен заради дооформување на проектното решение со манастирските конаци.

Авторот на проектот за комплексот, архитектот Стефановски-Жан, вели дека се работи за мала црква, која ќе биде во средина на манастирскиот комплекс.

- Најпрвин ќе се почне со изградбата на црквата, која ќе зафаќа површина од околу 200 квадратни метри. Манастирскиот комплекс, пак, ќе се состои од неколку конаци со околу 12 соби. Конаците ќе имаат големи чардаци од кои ќе може да се ужива во убавата глетка. Комплексот ќе биде од затворен тип - објасни Жан.

Освен тоа, ќе има и придружни објекти, како и ресторан.

Засега с` уште нема детали за тоа каков ќе биде иконостасот на црквата ниту, пак, кој ќе го изработи фрескоживописот.

Од Скопската епархија информираа дека црквата нема да има камбанарија, но дека во неа ќе се одржуваат богослужби, венчавки и крштевања.

- Црквата нема да функционира како парохиски храм, туку во рамките на некој од храмовите. Во неа секако дека ќе се одржуваат богослужби, а по желба на граѓаните и венчавки и крштевања - изјавија од Скопската епархија.

Оттаму велат дека објектот би можело да се очекува да биде готов за најмалку шест месеци, а најмногу до една година.

Ниту од Скопската епархија ниту архитектот Јован Стефански-Жан не открија колку ќе чини изградбата на црквата.

- С` уште не се знае колку пари ќе чини изградбата на храмот и манастирскиот комплекс. Но, ќе се користат средства од Фондацијата за изградба на Милениумскиот крст и донации - веалт од Скопската епархија.

Со изградбата на жичницата од Средно Водно до Милениумскиот крст, како и со давањето под закуп на ресторанот во Милениумскиот крст, за што е во тек постапка за распишување конкурс, во иднина и со изградбата на манастирскиот комплекс овој дел од Скопје ќе прерасне во вистинска туристичка атракција, но и привлечно и лесно достапно место за прошетка и за релаксирање на скопјани.

http://www.dnevnik.com.mk/?ItemID=9C1F9F92B8057E489AF680CBB0D2D6A3

Конечно ќе се реши проблемот,кој веќе 10 години е срам за Прилеп

Чарши-Џамија ќе се обнови Познатата џамија во центарот на Прилеп ќе биде споменик на културата Прилеп - Прилепската Чарши-џамија ќе се реконструира во споменик на културата заштитен со закон, во состојба како пред една деценија кога на кобниот 8 август беше опожарена до темел, а кај Карпалак загинаа 10- мина прилепски резервисти. Уште лани беше постигнат договор меѓу Исламската верска заедница и Министерството за култура објектот да се реконструира како споменик на културата, а за потребите на исламските верници, ќе се гради нова џамија во населбата Тризла, каде што живеат најголем број граѓани со муслиманска вероисповед. Со ова треба да се надминат децениските проблеми и тензии меѓу прилепчани и муслиманските верници, кои ја брануваа јавноста секојпат кога бараа Чарши-џамија да биде обновена како активен верски објект. Од Прилепското муфтиство велат дека стартот на градежните работи, и покрај договорот на највисоко ниво, бил пролонгиран. Но, по формирање на новиот состав на Владата, се надеваат дека ќе се исполни ветеното и договореното. Бидејќи и тендерот бил завршен, документацијата готова, а ИВЗ префрлила средства на Националниот конзерваторски центар за реставрација на објектот. „Очекуваме сега со старо-новата Влада џамијата да се реставрира, да се стави во состојба како пред 2001 година. Ние како муфтиство на Исламската верска заедница и верниците во оваа околина имаме потреба од нов верски објект каде што ќе ги извршуваме верските обреди. Меѓутоа, има други објекти кои се национализирани џамии во 50-тите години. Бараме да се врати една од нив, а ние ќе изградиме верски објект за да ги извршуваме верските обреди“, вели Мустафа Топалоски, муфтија на Прилепското муфтиство. Во Чарши-џамија, според најавите, ќе биде сместено седиштето на муфтиството. Од локалната самоуправа во Прилеп потврдуваат дека согласно со новиот Генерален урбанистички план, предвидена е изградба на нов верски објект во населбата Тризла. „Предвидена е изградба на џамија во ромската населба каде што имаме концентрирано муслиманско население. Таа џамија набрзо ќе почне да се реализира. Ромската популација од муслиманска вероисповед треба да назначи Управен одбор, исто како што направивме со изградбата на црквата ’Света Петка‘, па дел од средствата да донира локалната самоуправа, а дел да се соберат со донации“, вели градоначалникот Марјан Ристески. Но, за да почне изградбата на џамијата, треба да се донесе деталниот урбанистички план за оваа населба, да се исчисти од привремените објекти на конкретната локација. Градоначалникот Ристески истакнува дека се планира изградба на повеќе други верски објекти со цел да се задоволат потребите на сите верници. Прилепската Чарши-џамија датира од 1475 година. Оттогаш низ вековите неколку пати била опожарувана и повторно реконструирана. Сега со најавената реконструкција ќе се затвори една страница од македонската современа историја, а центарот на градот ќе биде уреден. Зашто објектот што се наоѓа веднаш до Градскиот саат 10 години е оставен на забот на времето. Бездомниците тука фрлаат смет и отпад, комуналците вложуваат напори објектот да остане чист, но без успех. За неубавата слика на овој дел од градот придонесуваат и контејнерите за отпадоци што се поставени токму пред џамијата, во нив се собира целото ѓубре од околните дуќани, пазарот и на сите страни се шири непријатна миризба. Оваа слика од центарот на градот им паѓа в очи на сите посетители. Затоа оние граѓани што се политички неопределени и со развиена граѓанска свест, бараа колку што е можно поскоро да се реши овој проблем, да се обнови џамијата како споменик на културата и да биде уредено лицето на градот. Но, политичарите одбиваа да го решат проблемот, стравувајќи дека така ќе изгубат дел од гласачкото тело. Сепак, на нивните калкулации, се чини, им дојде крајот. Овој пат е постигнат договор, џамијата да се реконструира како споменик на културата.

http://utrinski.com.mk/?ItemID=C395E32199BC5047907477D49987BC6A

Одлично решение за сите.

Originally posted by spaceman091 ako navistina pod dzamijata se naogala crkva jas bi predlozil toj prostor da se iskopa i da se istrazi i da se rekonstruira vo vid crkva-dzamija kako sto e sveta sofija vo istanbul

како може објект да се реконструира во црква-џамија
Аја Софија не е реконструирана, туку е останата од нејзината оригинална изградба, со белезите на нејзините промени низ вековите...

Originally posted by gjoko spaceman091 вероватно мисли да се откријат темелите и на лице местото да гледаат два објекти изградени еден на друг во различни периоди, и како таков да се означи како музеј:џамија-црква.И Аја Софија е музеј,не се вршат обреди барем кога јас бев во 80-тите години.Добра идеја за разработка на конечно решение

погрешно сум разбрал, мислев идејата е да се прави lovechild меѓу црква и џамија, кога веќе ако пример се дава Аја Софија, што е нешто забегано и лошо
а ако се работи за реконструкција на џамијаа, со тоа што темелите на црквата ќе бидат видливи тоа е во ред

http://utrinski.com.mk/?ItemID=CFFA15E64417F64A8C53DCE649F67A4F

Изградбата на црква сретсело ги крена тензиите меѓу православните и муслиманите

црквичето кое се спомна во вестите за црквата кај паркот Јане Сандански
лоцирано на  41°58'51.30"N  21°28'8.33"E

Стоп за нова црква во Пешталево

петок, 05 август 2011, 19:10

Во Долненското село Пешталево во кое со векови едни крај други живеат околу 500 луѓе од православна и муслиманска вероисповед, пред неколку дена е избегнат инцидент поради планот да се гради црква. Еден дел од жителите сакаат да има православен храм, на местото каде што сега се наоѓа игралиште за деца, што е неприфатливо за останатите мештани – муслимани кои тврдат дека на таа локација и без комплетна документација, не може да се гради црква.

Соживотот во селото досега се одвивал нормално и хармонично. Жителите од православна вероисповед, денеска вознемирени не сакаа да зборуваат пред камерите. Говореа само нивните соселани муслимани.

Анкета во која зборуваат за добиот соживот и за помошта која ако им е потребна за градење на црква ќе ја дадат само не на местото каде е училиштето.

Од СВР Битола потврдуваат за сериозноста на ситуацијата – во неделата, кога требало да бидат ставени темелите на новиот православен храм, Црковниот одбор побарал полициска интервенција, бидејќи селаните-муслимани не дозволиле почеток на изградбата.

Во селото веќе постои една стара црква, во која се извршуваат сите христијански обреди, а има и две џамии, едната постара, и другата новоизградена.

Марија Димитровска

http://vesti.alfatv.com.mk/default.aspx?mId=36&eventId=39642

Оваа село се наоѓа на патот кон Зрзе, односно поминуваш преко него, сум ги видел сите три верски објекти, селото е македонско (муслиманско и христијанско), старата црква е ногу запуштена....

Црква и темели во Сопиште без свештенички амин

Зошто црквата не благословува некои верски објекти, за чија изградба се иницијатори група верници, официјално никој не сака да образложи, ниту, пак, која е причината зошто се прави селекција на осветување одредени храмови

Новата црква „Света Мина“ во скопската населба Сопиште, чии темели треба да се постават утре, нема да добие благослов од поглаварот на Македонската православна црква-Охридска архиепископија. Причина за тоа е што во исто време ќе се одржува традиционален македонски собор, во црквата „Пречиста Богородица“. Од скопската епархија вчера соопштија дека поради тоа се одложува осветувањето на црквата „Света Мина“. Камен-темелникот што ќе го постават претставници од иницијативниот одбор на жителите во Сопиште нема да биде попрскан со светата вода на свештенството, зашто локацијата на изградба изминатиот период беше оспорувана од скопската епархија. Иницијативниот одбор е дециден, изградбата на црквата ќе почне без разлика дали ќе бидат присутни претставници на МПЦ-ОА. - Не сме известени за отсуството на свештеници од МПЦ-ОА. Целиот настан веќе е организиран, ќе се постави камен-темелник, без разлика на сé. Осветувањето може да се изврши и подоцна. Народот е тој што сака да се гради црква - нагласува Богоја Златановски, претседателот на иницијативниот одбор за изградба на црквата „Света Мина“ во Сопиште. Голем дел свештеници во МПЦ-ОА велат дека проблемот на црквата во Сопиште настанал поради недоразбирање меѓу скопската епархија и иницијативниот одбор на граѓани. Ова е еден од ретките случаи кога верници почнуваат да градат верски храм, а црквата тоа да го игнорира. Но познавачите на црковната состојба велат дека ова не е единствен случај, а најкарактеристични се малите параклиси, што обично се градат покрај патиштата во државата. Зошто црквата не благословува некои верски објекти, за чија изградба се иницијатори група верници, официјално никој не сака да образложи. Која е причината што црквата прави селекција на осветување одредени храмови? Свештениците велат дека владиката има централна власт во една епархија и тој одлучува за работите или проблемите, односно дали и кој ќе благослови одредена црква, без оглед на желбите на верниците. Иницијативниот одбор, пак, тврди дека ги поседува сите градежни документи, како и дека има градежна дозвола потпишана од епархијата, дека имаат добиено и благослов од архиепископот Стефан и заеднички договор со црквата, во кој е предвидено дека парите од обврзниците за денационализираниот имот ќе бидат искористени за изградба на црковниот комплекс во Сопиште. Но во меѓувреме настанува проблем, скопската епархија се повлекува, со образложение дека изградбата на црквата не била канонска. На обвинувањата од отецот Григориј, епархиски ревизор во скопската епархија, дека градбата била неканонска и дека црква треба да се гради на друго место, иницијативниот одбор вчера обелодени одлука потпишана од архиепископот г.г. Стефан, со која се потврдува дека лично тој дава благослов за изградба на црквата. Жителите на Сопиште се децидни и нема да дозволат парите што локалната црква ги добила од денационализацијата да завршат во нечии раце, туку строго да бидат наменети за црковниот комплекс.

Автор: Радмила Заревска

 

http://nm.com.mk/NewsDetal.asp?vest=930112141194&id=9&setIzdanie=22395