Верски објекти (општо)

ИЗГРАДБАТА НА КОНАКОТ НА ЛЕШОЧКИОТ МАНАСТИР СЕ ОДВИВА НЕПРЕЧЕНО И ПОКРАЈ ВОНРЕДНАТА СОСТОЈБА



И покрај вонредната состојба поради пандемијата на коронавирус, изградбата на новиот конак на Лешочкиот манастир се одвива со несмалено темпо. Се почитуваат препораките на Владата и полицискиот час, но и покрај тоа за нешто повеќе од два месеци објектот веќе е дојден во фаза на карајапија. Објектот е со вкупна површина од 750 метри квадратни. Отец Александар Стојаноски е задоволен како течат работите но апелира до верниците да продолжат со приложување донации бидејќи до целосното завршување на објектот се потребни уште парични средства.

„Со изградбата започнавме во февруари оваа година и засега работите се одвиваат со задоволително темпо. Вонредната состојба не се одразува премногу врз изградбата а ние, односно работниците кои го градат конакот, стиктно се придржуваат и ги почитуваат препораките кои беа донесени во врста со заштитата од коронавирусот. На ова место каде сега се гради конакот до неодамна беа стари и трошни градби од помошните простории и оставата од манастирот. Сега на нивно место градиме два објекти кои се споени. Едниот, кој ќе има еден кат, ќе биде трпезарија. Тој во завршната фаза ќе се обложи со камен за да го зачува првобитниот изглед на градбата која беше тука, а вториот дел ќе посовремена градба и ќе биде административно резидентен дел наменет за потребите на манастирот и старешините од Тетовско-гостиварската епархија и свештениците кои ќе доаѓаат од другите епархии. Изградбата на конакот е со средства обезбедени од манастирот и од донации на верниците“, изјави отец Александар Стојаноски од Тетовско-гостиварската митрополија.

Освен изградбата на новиот конак во Лешочкиот манастир во тек се реконструкции на уште два значајни објекти.

„Во тек се работи на реконструкција на десното крило од постоечкиот стар конак. Тој целосно ќе се зајакне и внатрешно ќе се реновира а кога ќе биде завршен ќе послужи во него да престојуваат и преноќуваат посетителие на Лешочкиот манастир. Левото крило на манастирот дополнително ќе се реновира. Покрај ова во тек е санација на покривот на црквата Св. Богородица кој долго време прокиснуваше. Бидејќи овие два објекти се ставени под заштита на државата како вредно културно историско богатство, работите околу нивната реконструкција ја извршуваат стручните лица од Заводот за заштита на споменици а средствата за нивната реконструкција ги обезбеди државата. Ако се оди според планот и ако се обезбедат доволно финансиски средства, очекуваме во текот на наредната година изградбата на новиот конак и реконструкцијата на стариот конак и црквата да бидат готови со што Лешочкиот манастир да добие нови и квалитетни содржини со што ќе привлекува уште поголем број верници и посетители“ вели Отец Александар Стојаноски.

З. АНДОНОВ

https://sdk.mk/index.php/dopisna-mrezha/izgradbata-na-konakot-na-leshochkiot-manastir-se-odviva-neprecheno-i-pokraj-vonrednata-sostojba/

Originally posted by user8642 18 години 1972-1990. Кога ќе видиш дека со оглед на околностите, малку проблеми со идеологија и малку проблеми со финансирањем дека го одолговлекувале, што да кажеме на пример денес дека еве црквата на улица Македонија Св. Константин и Елена или па собрниот храм во Струмица веќе се по 10-тина години активни градилишта. Да почнат сега одма со довршување паќ ќе излезе горе-доле толку време. Нема ништо разлика.

нормално дека ет идеолошки и нормално дека има разлика ако се има во предвид дека е договорна економија та токму во тоа време можеле ако сакаат и’ по една во секој Град да кренат, сепак тогаш фактор се и сојузните политики, при што дури и локално републиката да смогнала сили за ваков Проект, доколку од централата добила заушка јасно дека ќе ја завлече ако не може да ја забораи работа, фактор плус тогаш е што Народ и да сакал да помогне неможел бидејќи изведбата била под капа на државата, слично ко и сега што не смее да се волонтира апансаз бидејќи изведбата е исклучиво во раце на Градежна Компанија, за ова има поучен абер на крај од постов ... може сум грешка незнам треба да поОзбилно во однос ова да се дума!

Originally posted by Zelenikovo од ова може да се извлече една чудно-слична паралела со Соборниот Храм Свети Климент Охридски во Скопје, за кој о.Стефан Санџаковски во едно свое предавање а во одбрана на Православната Сакрална Архитектура како нераскинлив дел со Византиската Традиција ќе каже што им требало да експериментираат зар не контаат дека така може да се случи расчекор утре и во однос други посуштни работи во Црквата, како велам подоле во постовите на следниот прв фус > малку по малку ојдовме во новокомпонирани, иако ко Православни сме од Изворни Поизворни, та така и јас ете се сложувам со таквиот светоглед на отец СтефанС [1][*2] сепак афирмативно гледам натака во нишката како појава која не ја лишува воопшто Молитвата од својата Сила [3] бидејќи во случајов на поклонет Коњ не треба да му се гледа во забалото ем некако Чудно баш бидејќи е Самопридонес ем во време на екс-ју позволено Нов Црковен Храм да добие еден Главен Град 10 години претходно и од Белград [4][4] тоа е речиси Благослов за Сите и тогаш и денес иако дури 90-тите почнува во полнота да Дише Православно [4][4][4] може да се каже дека диаСлавкоБ слично ко и АнтноиоГ се понел од природата но тро видена низ микроскоп та ја впрегнал својата визија формално во реалност можеби како посочен Атом на Цинк Тетраоксид ZnO₄

но Чуди денеска зошто толку се одолговлекуваат работите, а за што може еден посебен феномен е што стана пракса во овие времиња поимотните Ктитори кои имаа волја и средства за финансирање Изградба на Црковни Храмови тоа да го чинат најчесто топтан доколку од Темел до Кров е нивна Донација, така беше и со Гуштеров и со Костовски и со Чифлиганец, мислам ок е и тоа, но ова пак сред Центар на метрополата да стои незавршена Црка волку време е навистина баш огледало на нашата естетска свест, а слично ко и сите други пректи кои груевци ги почнаа а зајковци заборавија од кои и да е причини, логично ако е почнато треба и да се заврши, бар од овој естетски аспект мора да се смогне сили ... сепак исклучвиоста на првите се покажа наследна и во однос вториве, а сега пак кога не здрмуваат коронарни приоритети!

... може само да се радуваме на моментот кога ваков Црковен Храм како Свети Константин и Елена ќе дочека Живот Во Полнота ... интересно Црквата Свети Никола во нас. Скопје Север пример иако беше Карабина на времето и сеуште ни внатре измалтарена ниту пак Иконостас а не пак надвор Ограда да имаше, па пак Литургиии се Служеа, но веројатно констатирале дека такво нешто значи законски проблем та ако за Стамбени Згради треба Употребна Дозвола а за неа сите позиции завршени колку повеќе за Јавен Објект, сепак доколку работата стагнира мора да се бара бар во овој случај некаков компромис та да се дозволува измена на Проектот и да се помине дали со поефтини материјали или пак со Волонтерска Изградба, колку само Мајстори би се нафатиле да помогнат на Јуриш да се заврши бар во Центар Тој Црковен Храм доколку ова е правилно законски уредено со некакви Волонтерско-Мајсторски Стандарди ... чинам порано в Транзиција да не беше вака Народ малџиски или атарски солидарен тешко и нешто да се завршеше, но нели еу-инерција па груевци и предвреме удрија европска стандардизација ...

Кркардаш, 40 великомаченици или нешто така.

Толку од мојата битолштина

Кога беше Папата најавија изградба на нова католичка црква, што бидна од тоа? И ќе добиеме ли конечно храм посветен на светицата Мајка Тереза, дури чудно е што 4 години по нејзината канонизација нема храм во родниот ѝ град. Логично би било новава католичка црква да ѝ биде посветена нејзе.

Што мислите за одлуката на Ердоган за Аја Софија во Истанбул?! Јас, ќе се обидам на најнеобременет начин да ја анализирам одлукава. Ако се прочитаат интеренет дискусиите по фесјбук коментари на вестите за одлукава, ќе се види дека е една од покоментираните вести и 99% коментари се од рововски позиции на клише муслиман и клише православен верник. Да ги оставиме тие на страна, оние инаквите се битни. Како деклариран припадник на православната религија со номинално чувтсво за вера и религија како мнозинството македонски граѓани, сепак се обидувам да имам пообјективен пристап и се обидувам да не градам став по тоа што прво ми паѓа на памет, него напротив смирено да се разгледува одлуката.

Сепак неможе да се види ништо друго освен гол популизам после последните изгубени избори во Истанбул па палење на страстите на масите народ дека еве сега насилнички ќе им земеме нешто на различните од нас, ќе освоиме. Стварно таков ракопис се гледа. Желбата не за себе да се направи нешто добро, него на другиот да му се направи лошо. И цела таа аргументација дека нема карта да се наплаќа како претходно, е само whitewashing на погрешната политика. Сепак, некако како да православниот свет демонстрираше повеќе смиреност него што се очекуваше да биде испровоциран. Освен Грција за која е очекувано, која е деклариран и признат правен наследник на Византија, кај другите некако и помина скоро незабележано. Генерално соопштенија и повикување на смиреност, ништо особено.

Од друга страна ако се анализираат верските потреби на граѓаните муслимани на Истанбул, во непосредна близина е Сината џамија која е исто така симбол на Истанбул, ова делумно ја засенува. Новата Чамлица со огромен капацитет исто така е во Истанбул. Реална потреба нема.

Или што прочитав еден коментар на интернет, "Ако нив не им смета да се клањаат пред икони и во погрешен правец, мене уште помалку!"

Ајде сега уште еден аспект, или... што па да не? Ако сме сите припадници на Абрахамовите религии и коренот се влече од исто теолошко учење видоизменувано со години, зашто па да не се воведе и некаде позитивни примери. Некаде каде едноставно демографската слика е длабоко променета поради различни историско-политички контексти и случувања, што па да не? И тоа не да има негодување од "оштетената" заедницва него братски да го даде на користење објектот на другите?! Зашто па овој принцип никој не проба да го замисли, со Благослов/Алал да се прават вакви пренамени?! Ама па тоа е малку проблемачно пошто тука се работи за катедралниот храм на Православието, не за било кој друг објект. Едноставно во овој конретен случај незнам колку може да стане збор за таков гест?

Изненадува и понашањето на Русија, од која се очекуваше жестока реакција, дојде само известување од некој треторазреден службеник дека тоа е внатрешно прашање на Турција. Дали може би Русија сака конечно вториот Рим да отиде во историските архиви, и да го успостави третиот Рим, симболички кажано, па затоа е ваквата реакција? Што како позиција е супер перспективна и има друга длабока тежина.





Edited by user8642 - 26-Jul-2020 at 20:29

Добро што некој ја почна темава.

Според мене лично, иако не сум религиозен и религијата ја гледам само како дел од мојот идентитет, односно како дел што е впиен во едната карактеристикна на она што не прави Македонци (иако имаме неколку „верзии“ во овој случај Православието), можам да кажам дека не ја подржувам оваа одлука на Ердоган.

Зошто? Затоа што е контра неговата политика. Не може од една страна да се претставува како заштитник на Балканските народи а од друга да ги фаворизира само Муслиманските заедници. Ајде да ги тргнеме другиве на страна и да се фокусираме на Грција. Света Софија е симбол на едно време, на Православието кое во моментот кога е градена црквата било предвено баш токму од нив. Така да мислам дека ова „насилно одземање“ на некој начин, само ќе ги разгневи двете страни уште повеќе и никако нема да придонесе за смирување на страстите.

Друго, мислам дека после ова Турција никогаш нема да стане дел од ЕУ. Прво сигурно Грција ќе си најде начин да ѝ се „освети“ за ова духовно злодело, а со вакво покажување на „диктаторска моќ“ од страна на Ердоган, тешко дека некој ќе го поддржи во Европската Интеграција.

Доколку зборуваме за храмот како религиозен објект, да напоменеме дека тој е изграден користејќи камен од напуштениот Храм на Артемида од Ефес, така да неговата употреба веќе еднаш се „променила“ следејќи го развојот на времето.
Така да немам ништо против некој од друга религија, во овој случај многу блиска до Православието, да го користи за неговите потреби, но овој мој став е двонасечен, односно и Христијаните треба да го добијат истото право.

Ако зоборуваме за политиката на Путин, тој со тоа што дозволи Владата да ја финансира градбата на новата Централна Џамија во Москва што се изгради пред неколку години, и со тоа што му дозволува на Рамазан Кадиров да гради огромни религиозни комплекси по Чеченија, тој само дава на знаење дека на Русија не ѝ смета Исламот, и дека Русија е конзервативна земја која се движи до традиционалните сваќања. Исто така тие постепено си градат нови цркви низ градовите и селата, ве советувам да го прелистате рускиот форум на skyscrapercity и ќе се ви стане јасно.

Со оваа црква/џамија во Штип не сум запознаен, па затоа не би коментирал. Но, факт е дека во Македонија постои огромна дискриминација на Православното население. Па видете во Тетово, веќе колку години не се дозволува изградба на нова Соборна црква? Не знам зошто, ама постои тенденција на злоупотреба на моќ онаму каде муслиманите се мнозинство.

Edited by JovanOdGjorche - 27-Jul-2020 at 06:55

Чудно е како тоа во политиката и генерално општеството, секогаш кога некој ќе се обиде некое прашање да го реши со сила, најчесто му се случува backfire односно го постигнува баш обратниот ефект од посакуваниот/очекуваниот. Кога тогаш во некаква форма се случува таквиот обратен ефект. Еве гитардемон што спомна, дека го напаѓа Израел. Па со оваквата одлука за АјаСофија, Ердоган само му дава аргументи на Израел за реализација на долгогодишната крајно оправдана желба на Израел да си го врати во владение Temple Mount. Ако пренамената на верски објекти од една во друга религија станува правило со одлуката на Ердоган, зашто па тоа да не се случи и на други места?! Тоа е тој backfire што ќе го доживее политиката на Ердоган!

Аја Софија е само круната, претходно повеќе вакви објекти станаа дел како имот на вакуфската заедница, а не на Министерството на култура на Турција.

Студитскиот манастир бил изграден уште во 6 век и бил еден од најважните, но и тој уште во 2013 година бил пренаменет како џамија.

Originally posted by ehrlich Аја Софија е само круната, претходно повеќе вакви објекти станаа дел како имот на вакуфската заедница, а не на Министерството на култура на Турција. Студитскиот манастир бил изграден уште во 6 век и бил еден од најважните, но и тој уште во 2013 година бил пренаменет како џамија.

посекако ефектот од аспект на Музеј vs Верски Храм а во однос ризиците кои одат рака подрака со опуштено запоседнат објект од Туристи вака би се ескивирале, во секој случај врз темелите била изградена Џамија та дури е и поразбирлив потег него во случајот со Света Софија која Цркава е преадаптирана во Џамија, но ако Ердоган гледаше други што и суфлираат на Турција тоа и да го чини, сигурно немаше да има свое јас, што треба да ни е поука и нам, дека во својот двор нема што кршки да ти кршат клечки комшиите и тоа дрско, ова гитар што го вергла колку Чоеко е светски ризик малку ми е смешно а во однос колку дипстејтовци сакаа запален Блиски Исток виа ноу-флај зоун и хиларка на претседничко столче, на што Ердоган удри и совреме црвен картон, иако пробаа да му сместат преку изетот на давотглу и рушењето на еден Руски Авион на граница со Турција, поѕоа следеше обидот за пуч итн. итн. но да не должам нишкава не е за геополитика, а ме чуди зошто упорно дрско се натура истата како анализа, небаре така нешто ќе се демистифицира која е потребата од или не за пренамена на Света Согија од Музеј во Божји Храм каде Молитвата а не селфијата ќе бидат приоритет, сега дури и отповеќе како Културен Момент ќе им биде на мнозина разбирлива, конечно што има поубаво од тоа да оној обејкт кој е предвид за дадена намена да биде користен во иста цел!? Слава Богу За Се’ Што Ни Е И Ќе Ни Биде така и потегот на Ердоган кој јас го разбирам повеќе од Духоносна корист него нечија провокација, иако за жал луѓе се површни та се фаќаат за она профаниот момнет и некаква самобендисана правда, оди таму живеј и буни се ако нешто не ти чини, но вака од страна некому да приговараш подома што требало или не да чини, тоа е мислам само изгубено време ако не и дрско имајќи во предвид дека Турција нам за ништо не ни приговорила, бреј капак да мора Амбасадор на новинари да им се правда, хм, може требапе да ги праша јаји бе дозволивте да ве самообезличат вашиве евроатлански трансери!?