Да, приметив дека профилот на новиот коловоз е за 3 ленти. Навистина е чудно во однос на планот, но сепак тоа не ги тангира колекторските улици, бидејќи проаѓаат во засебни пролази под надвозникот (од сликите ми личи дека за главните коловози има простор за по 3 ленти и нешто кусур, а за колекторските дека е потесно, ко за 2 ленти и за тротоар). Каков точно им бил планот порано и каков им е сега, дали е нешто привремено, дали горе има простор и за тротоари и за велосипедски патеки, стварно не ми е јасно.

Јас водејќи се од планот погоре, по грешка заклучив дека колектроските се наменети за клучката со Јужен. Ама сега ѕирнав во ГУП-от, планираната клучка е тип Паркло А4, каде што колекторски улици не прават никаква логика:



Во секој случај, доколку поврзуваат под надвозникот, сметам дека треба да има стандардна висина за сите видови возила. Многу подобро е да изнивелираат со помош на уличките што продолжуваат во Лисиче, отколку ограничување на поврзувањето под подвозникот (доколку воопшто прават поврзување, бидејќи во овој стадиум навистина е чудно и не одговара на она што на билд го имаме како план).

До Нова година и Србија ќе биде булевар Градот за овој зафат ќе потроши околу два милиони евра. Булеварот ќе биде готов до Нова година, иако првите најави го навестуваа за 13 Ноември До Нова година скопјани ќе имаат можност да се возат по уште еден булевар во градов - Србија. Градежните работи почнаа во мај, кога комплетно се асфалтираа 700 метри на потегот од раскрсницата со булеварот Видое Смилевски-Бато во насока кон Трета македонска бригада, а оттогаш полека се средуваат и другите работи - тротоари, рабници... Вкупната должина на проширениот булевар треба да изнесува 1.700 метри. - Проширувањето на коловозот на булеварот Србија е во завршна фаза и до крајот на годинава треба да биде пуштен во употреба - велат од градот. Овој зафат се прави во соработка со општината Аеродром и Владата, меѓутоа оттаму велат дека поголемиот дел од работите го извршува градот и дека не знаат точно кога ќе биде реализиран целиот зафат. - Наша задача беше само да ги отстраниме сите привремени објекти од трасата, пред да почне проширувањето. Проектот се реализира во соработка со градот, па сите детали би требало да ги знаат тие - ни рекоа од општината Аеродром. За градежните работи од буџетот на градот ќе се потрошат околу два милиони евра, меѓутоа колку пари се потрошени досега ни самите не знаат. - Процена за парите се прави откако ќе завршат сите набавки, така што сé уште не може точно да потврдиме колку пари се потрошени - велат од градот. И овој булевар е предвидено да има четири коловозни ленти, широки 3,5 метри, велосипедски патеки од двете страни, како и средишно зеленило. - Овој зафат го симболизира порастот на градот како метропола. Со проширувањето на оваа фреквентна сообраќајница ќе се зголеми безбедноста во сообраќајот, а и ќе се ослободиме од метежот во овој дел од градот - додаваат од градското одделение за односи со јавноста. За полесна реализација на проектот, покрај привремените објекти, исечени се петнаесетина тополи. На нивно место во текот на месецов треба да се засадат нови листокапни садници. Скопјани се задоволни од ваквиот потфат на градот и сметаат дека ќе дојде до големо растоварување на сообраќајниот метеж, особено во утринските и попладневните часови. - Секој ден се возам по таа улица и сега за сега е функционална, ама сé уште се работи на проширувањето. Сметам дека со овој зафат ќе се олесни возењето во овој дел од градот, затоа што наутро тука имаше неверојатен метеж, а не беше нешто подобро и попладне, кога повеќето се враќаме од работа. Оваа улица води и кон индустриската зона пред Пинтија, па редовно се случува да се вози во голема колона камиони. Со проширувањето мислам дека може да се реши ваквиот проблем, не само во реонов туку на ниво на целиот град - вели Марко Б. од Аеродром. http://novamakedonija.com.mk/NewsDetal.asp?vest=1110101020581&id=14&prilog=0&setIzdanie=22129

Edited by Cloverstack - 05-Dec-2010 at 01:00

    Се преслекува и асфалтот од Макоил до негде 50м по раскрсницата со Трета македонска бригада, на претходно постоечкиот коловоз.... па сега сообраќајот е пренасочен на новиот коловоз од другата страна....    

Edited by FoSsiL - 10-Nov-2010 at 14:24

Кај и да е треба да го пуштат делот бар до Првомајска. Крупната работа е завршена, новиот коловоз до таму е готов од поодамна, а ми изгледа дека е завршено и со рехабилитацја на стариот коловоз ама не го прошириле на три ленти
Сеуште има пренасочување и се вози само по еден коловоз ама не знам дали нешто доработуваат или прво треба да ја направат раскрсницата со новиот дел што доаѓа од кај цементара.

Originally posted by lslcrew Не ми е јасно, зошто воопшто е испланиран вака уште на времето овој мал сегмент за влезот на УСЈЕ, кога можеле елегантно, нормално да го решат преку Т раскрсница со Булевар Србија. Да не имало идеја за некој надвозник/подвозик со булеварот? Сега нема да се користи овој дел, па ни од оние што идат во цементарницата, целиот сообраќај ќе си иде преку булеварот. Но кога веќе е изграден, може да биде одличен паркинг за камиони. Пристапен е од двете страни, што значи нема потреба од полукружно вртење долги камиони. Може едноставно да се усвои еден правец во кои ќе се движат, што пак значи поголем капацитет. А и поврзан е со внатрешен прстен булевари, односно булеварот Србија му е одлична врска со излез на Скопје. Град Скопје, треба сериозно да размисли за оваа опција. Може би и цементарница треба да размисли за вакво нешто.

Скрос имаш право за ова lslcrew. Стално сум се чудел зошто е така. Ама сега со пробивање на булеварот не би требало да остане така, а со ова како што предлагаш или нешто слично е ефтино и корисно. Најважно е да нема сечење на Првомајска и да си има полна линија.



Edited by Cifra - 05-Dec-2010 at 00:50

Збунува она на слика 9. Што е работата со рабниците што се така оставени. Нема логика да е ова за уличето кога пристапот кон колекторското уличе е многу порано уште пред да понира булеварот веднаш после раскрницата. Најверојатно е оставено за во иднина за клучката со јужен булевар што ме зачудува некој за тоа да мисли уште од сега па оставени се рабниците како да за скоро време мислат да го градат, а не после години. Ретко се случува ова вака да се игзрадат приклучоци вон употреба, за кога ќе им дојде времето, освен кај салата Борис Трајковски на паркингот што има такви раскрници оформени што чекаат идни улички ова е втор пат да гледам нешто вкво во Скопје, а особено е изразени низ странство каде се градат едно чудо оформени раскрници и кружни текови кои допрва ќе ја добијат вистинската функција.

Која друга уличка? Велиш за оној мал сегмент што се изгради претходно накај Припор? Ако е за него, баш моментално се работи на делот што треба да го поврзе. Пролистај наназад, има мапи.


@ lslcrew
Хммм да, навистина како да е оставено ради клучката со Јужен Булевар... и јас не можам да се изначудам. Во секој случај доколку е за таа намена за поздрав е. Барем менталната бариера за долгорочно размислување да ја пробиеме.


Edited by Cloverstack - 06-Dec-2010 at 22:27

Пак нема логика. Далеку е клучката пред оној оставениот пристап. Изгледа сепак ќе биде за уличката покрај пругата, само па во тој случај не е јасно зашто би имало уште еден приклучок/исклучок кога веќе уличката има приклучок/исклучок на почетокот и на крајот.

Имотноправни проблеми ја запреа изградбата на булеварот Србија       Градоначалникот Коце Трајановски конечно со жалење призна дека градежните работи на булеварот стагнираат поради нерешени имотноправни проблеми             Кога точно ќе се вози по оваа сообраќајница ќе се знае напролет Ниту една досегашна најава на градоначалникот Коце Трајановски за крајниот рок на градежните зафати на булеварот Србија не е веродостојна. Кога почна втората фаза од проширувањето во јули минатата година тој најави дека булеварот ќе биде готов наесен, односно до 13 Ноември, роденденот на Скопје. Потоа рокот се одложи до Нова година и, еве, празниците поминаа, а од завршување на работите сé уште нема ни ал ни абер. Исто така, градските татковци тврдеа дека на трасата на булеварот нема нерешени имотноправни прашања, за на 30 декември, на последната средба со новинарите во 2010-та, градоначалникот Трајановски да признае дека работата на булеварот Србија е запрена поради вакви проблеми. Кога точно ќе се вози во полн профил по оваа сообраќајница веројатно ќе се знае напролет, кога ќе почне новата градежна сезона. - Изминатата година се реализираа повеќето планирани проекти. Жал ми е што булеварот Србија не е во нив, како што беше планирано. Проблем се нерешени имотноправни односи и поради тоа целата работа се одложи - изјави Трајановски на предновогодишниот брифинг. Имотноправните проблеми има на потегот од општината Аеродром кон цементарницата „Титан Усје“. Од градот велат дека потегот на кој сега се работи не бил влезен во првичниот проект за проширувањето, поради што не се ни знаело дека тука ќе има имотноправни проблеми. Според градските власти, вината за одолжување на рокот паѓа на товар на изведувачот „Маврово инженеринг“. - Тоа што има проблеми во изведувањето и одолжување на рокот за завршувањето на булеварот е вина на изведувачот. Во договорот што го потпишавме има посебни одредби, според кои на изведувачите откако ќе ја завршат работата ќе им се наплатат и пенали за направените грешки. На сопствениците на земјиштето веќе им е исплатен надоместот за нивното одземено земјиште, така што повеќе не би требало да има проблеми за изведување на градежните работи - објаснија од градот. Летово, кога се работеше на потегот кај крстосница на булеварот Србија со улицата Трета македонска бригада, беа оставени две парчиња земја, кои воопшто не беа ниту расчистени, а камоли асфалтирани. Жителите од овој дел од градот, како и оние што секојдневно поминуваат од тука се прашуваа како планираат градските власти да го прошират булеварот кога на трасата е оставен приклучок за локален пат, кој го користат жителите на Лисиче. Неколку метри подолу по трасата имаше и мал приватен објект. Градските власти тогаш објаснија дека нема никакви имотноправни проблеми, туку така им било полесно на екипите на изведувачот да работат. А тој дел ќе се направел откако ќе се завршеле другите работи. Проширувањето на булеварот Србија почна пред речиси две години. Вкупната делница што се проширува е долга 1.720 метри, а според проектот булеварот ќе има четири коловозни ленти. За неговата изградба ќе се потрошат 120 илјади денари, обезбедени од градската каса. http://www.novamakedonija.mk/NewsDetal.asp?vest=1711201917&id=14&prilog=0&setIzdanie=22176

Не знам што толку се завлечкаа со преостанатиов сегмент. Одамна се чини дека се при крај, а како што кажав во претходниот пост, на објаснувањата на надлежните не можам да им најдам НЗС, плус тоа трасата на сегментов одамна е пробиена.


1
На ова вкрстување прават кружен тек:   41°58'17.24"N  21°27'27.42"E
За мене сосема изненадувачки, не помнам дека имало било каква најава или информација за ова.


2


3


4

А тука не требаше ли да бидат 4 ленти ?