Изградбата на новиот експресен пат Штип-Радовиш откри четири археолошки локалитети. Директорот на Заводот за заштита на споменици и Музеј на град Штип, Митко Штерјов на денешната прес-конференција истакна дека тимот од археолози веќе е на терен и се почнати истражувањата на локалитетите, а низ кој поминува новата траса. Четирите археолошки  локалитетите се од праисторијата до средниот  век. Штерјов забележува дека за нив се од големо  значење.

– Карактеристични се два локалитетa. Едниот, е од таканaречниот хеленистички период, а другиот, од железнодобскиот период. Токму од нив, очекуваме да дадат артефакти, како одговори на повеќе непознаници од животот на населението од овој регион, како и археолошки придонес во обемната македонска архелошка карта на вредни пронајдоци – вели Штерјов.

Архолошките истражувања на трасата на новиот екпсрен пат Штип-Радовиш ќе чинат околу 100.000 евра и  ги обезбедува Владата. Археолозите на терен на овие четири локалитети ќе работат до крајот на август.

https://plusinfo.mk/%D1%87%D0%B5%D1%82%D0%B8%D1%80%D0%B8-%D0%B0%D1%80%D1%85%D0%B5%D0%BE%D0%BB%D0%BE%D1%88%D0%BA%D0%B8-%D0%BB%D0%BE%D0%BA%D0%B0%D0%BB%D0%B8%D1%82%D0%B5%D1%82%D0%B8-%D0%BD%D0%B0-%D1%82%D1%80%D0%B0%D1%81/