build.mk Homepage
Forum Home Forum Home > Главни теми > Урбани прашања > Јавен превоз
  Active Topics Active Topics
  FAQ FAQ  Forum Search   Register Register  Login Login

Такси превоз

Bookmark and Share
 Post Reply Post Reply Page  <1 13141516>
Author
Message
  Topic Search Topic Search  Topic Options Topic Options
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #281 Posted: 23-Oct-2021 at 14:45
Штипските такси превозници од новиот локален совет ќе бараат повисоки цени на такси превозот

Глигор Арсов, претставник на Здружение на такси возачи – Штип, вели дека барањето им е подготвено, се чека само формирањето на новите локални совети.

Според штипските таксисти, стартната цена од 50 денари треба да се зголеми на 70, бидејќи возат со загуба, а се зголемува и цената на горивото. Арсов вели дека ако пред четири години во Штип имало 300, сега има 150 такси возачи. Причина за намалување на такси возилата низ улиците е пандемијата, како и неисплатливоста да се занимаваат со овој бизнис.

Арсов посочува дека новите законски одредби за смена на регистерските таблички кои се веќе во сила, односно, секое такси возило мора да има жолта регистерска табличка, им оди во прилог на поголема професионализација на такси превозот и јасни правила во овој бизнис.

– Новите жолти регистерски таблички, како и доколку се прифати и ограничувањето на староста на возилата, а во моментов се возат и возила од деведестеттите години ќе придонесат за поголема професионализација, но, и за поквалитетни услуги кон патниците. Нема да има диви такси превозници, а ќе имаме осигурани возила, како и патници, вели Арсов.

Такси возачите регистерските таблички треба да ги заменат во рок од една година, односно кога ќе го регистрираат своето возило

https://kanal5.com.mk/shtipskite-taksi-prevoznici-od-noviot-lokalen-sovet-kje-baraat-povisoki-ceni-na-taksi-prevozot/a499729
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #282 Posted: 11-Nov-2021 at 11:59
НЕМА ВЕЌЕ ПОПУСТ НА ТАКСИ ВО СКОПЈЕ, КОМПАНИИТЕ СЕ ВРАТИЈА НА СТАРИТЕ ЦЕНИ ПОРАДИ ПОСКАПУВАЊЕТО НА ГОРИВОТО

Такси компаниите во Скопје повеќе не даваат попусти. Поради зголемување на цената на горивото од почетокот на овој месец, една по една такси компаниите ги укинаа попустите. Сега возат според официјалната цена одредена пред 10 години од Град Скопје, 40 денари старт и 25 денари за секој изминат километар.

„Ние моравме да почнаме да даваме попусти, бидејќи дивите таксисти кои не плаќаат никакви давачки на државата го правеа тоа. Сега кога се зголеми цената на горивата, на сите не ни се исплати да возиме ако даваме попусти. Цената на плинот скокна од 28 на 45 денари, па го укинавме оној попуст од 40 денари“, вели Абдула Рушити, претседател на Асоцијацијата на авто-такси превознци.

Сашо Рајчановски од Групацијата на авто-такси превозници вели дека нема да бараат од Град Скопје цената на такси превозот да поскапи поради зголемените цени на горивото.

„Цените остануваат исти според ценовникот од пред 10 години. Поради новата ситуација дел од членовите решија да ги укинат попустите, а дел ги намалија“, вели Рајчановски.

Во Скопје има 2.700 таксисти, според бројот на лиценци издадени од Град Скопје. Од Асоцијацијата на авто-такси превозници, во која се членови компаниите кои имаат свои возила и кои вработуваат таксисти, велат дека состојбата со такси превозот е лоша поради нелојалната конкуренција. Голем е бројот диви таксисти, кои не плаќаат никакви давачки кон држвата и возат со стари и нееколошки возила.

И покрај големиот број издадени лиценци, во Скопје попладне, а особено навечер не може да се најде слободна кола.

https://sdk.mk/index.php/dopisna-mrezha/nema-veke-popust-na-taksi-vo-skopje-kompaniite-se-vratija-na-starite-tseni-poradi-poskapuvaneto-na-gorivoto/
Back to Top
Denko View Drop Down
Senior Member
Senior Member


Joined: 14-Aug-2010
Online Status: Offline
Posts: 2271
  Quote Denko Quote  Post ReplyReply #283 Posted: 11-Nov-2021 at 12:49
Skopskoto Taxi e bruka e katastrofa. 10 dena se vozev isklucivo so Taxi i ne naidov na nitu edno vozilo ili taksist koj ispolnuva minimum standardi za normalen taxi-prevoz. Avtomobilite stari, necisti, smrdlivi, nekoi premali za taksi-prevoz, vozacite voglavnom mislat deka nivna rabota e samo da vozat i da te prevezat od A do B.
Back to Top
zabegan View Drop Down
Senior Member
Senior Member
Avatar

Joined: 01-Jul-2008
Location: Skopje
Online Status: Offline
Posts: 7859
  Quote zabegan Quote  Post ReplyReply #284 Posted: 11-Nov-2021 at 19:30
Originally posted by Denko

Skopskoto Taxi e bruka e katastrofa. 10 dena se vozev isklucivo so Taxi i ne naidov na nitu edno vozilo ili taksist koj ispolnuva minimum standardi za normalen taxi-prevoz. Avtomobilite stari, necisti, smrdlivi, nekoi premali za taksi-prevoz, vozacite voglavnom mislat deka nivna rabota e samo da vozat i da te prevezat od A do B.
еве да речеме и дека сите компании имаат средени возила и добри возачи
1. претешко е да добиеш такси во одредени интервали од денот, временски услови или кога има настани... плус тоа има некој лош диспечинг систем каде што не дај-боже да си вон стандардни линии што ги вртат, може да се јавиш на 100 компании и да не добиеш недно возило, па опција да ти биде некој рандом див таксист со кој случајно ќе вкрстиш пат
2. има малку станици и најчесто се на лоши места, да не збориме што кочат сообраќај, па таксистите паркираат на сообраќајни ленти и тротоари и на нив се тепаат таксистине ко див запад да е
3. ниедна компанија нема опција да платиш со картичка/телефон сеуште, или да имаат понуди за чести корисници... единствена што се обиде да го направи ова е Камео, и тие џабе со апликациите, кога возачите не знаат да ги користат
4. дивите таскисти уште роварат низ цел град и користат табли од компании

гледајќи кај бевме пред 10-15 години, имаме напреднато малку, ама уште сме во среден век за некои работи
Architects create dreams...politicians create nightmares
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #285 Posted: 11-Nov-2021 at 21:51
Не постои никаква унифицираност на возилата се тера со возила стари по 30 години освен Глобал(кои имаат понови возила и почесто ги менуваат Kia Ceed и Hyundai I30) и Камео со новите Dacia Logan другите се под било каков стандард за такси превоз. До толку се паднати условите што се дозволува Клио,Корса и Пунто да бидат такси возила.
Повторно сето тоа е поврзано со економските можности ако се заострат критериумите тогаш бројот на возила драстично ќе се намали.
Што се однесува до културата на возење тоа е посебна приказна,прават многубројни прекршоци секојдневно низ градот и често застануваат на автобуски постојки,во најголемиот шпиц застануваат ненадејно или вртат преку полна за да соберат патник отспротива и низа други прекршоци. Незнам колку децении би требало да поминат за да имаме поголем напредок во оваа област.
Back to Top
Denko View Drop Down
Senior Member
Senior Member


Joined: 14-Aug-2010
Online Status: Offline
Posts: 2271
  Quote Denko Quote  Post ReplyReply #286 Posted: 11-Nov-2021 at 22:34

Ako nadleznite nemaat volja za sreduvanje na taxi-prevozot segasnava situacija ke ostane zasekogas. Celta e kreiranje standardi i otstranuvanje na natrapnicite. Sekako dobra Taxi usluga pidrazbira i povisoka cena, taka sto ne ke moze sekoj da se vozi so Taxi kako sto e sega.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #287 Posted: 16-Nov-2021 at 12:18
АКО АРСОВСКА ВОВЕДЕ БЕСПЛАТЕН АВТОБУСКИ ПРЕВОЗ НЕКА НИ ГИ ПЛАТИ КРЕДИТИТЕ ЗА КОЛИТЕ ОТИ ЌЕ НЀ ОСТАВИ БЕЗ РАБОТА, ВЕЛАТ ТАКСИ ПРЕВОЗНИЦИТЕ

Авто-такси превозниците велат дека бесплатниот автобуски превоз кој го ветува градоначалничката Данела Арсовскa ќе ги остави без работа. Велат дека 2.700 таксисти и плус стотина диспечерки и диспечери се засегнати од проектот со кој граѓаните во автобусите на ЈСП „Скопје“ и приватните превозници ќе можат да се возат бесплатно.

„Кој ќе се вози со такси ако автобусите се бесплатни? Со овој проект кој го најавува градоначалничката Арсовска целосно ќе се уништи такси бизнисот. Ние имаме купено нови возила и сега како ќе ги враќаме кредитите. Ако се воведе бесплатен автобуски преовоз ние ќе бараме да ни ги исплати кредитите. Ќе го блокираме седиштето на Град Скопје и ќе протестираме“, вели Абдула Рушити, претседател на Асоцијацијата на авто-такси превознци.

Арсовска во својата изборна кампања вети воведување бесплатен автобуски превоз и набавка на нови 250 еколошки автобуси. Сè уште не објасни како ќе го спроведе ова ветување, ниту колку пари ќе треба да се одвои од буџетот на Градот за да се покријат трошоците со оглед на тоа дека ЈСП „Скопје“ со години работи со загуби.

„Јас тоа што го кажав ќе го реализирам, но не можам во два дена. Луѓето планираат да се селат на Марс и да патуваат на Месечината, сè е возможно, па возможно е да имаме и бесплатен автобуски превоз. Па на ЈСП ‘Скопје‘ не му се единствени приходи продажбата на билети, имаат и други приходи. Се согласувам дека претпријатието 30 години работи со загуби и затоа постојано повторувам дека е потребно добро менаџирање. Потребно е да се проверат тендерите за набавки на гориво по високи цени“, кажа Арсовска минатата недела одговарајќи на постојаните новинарски прашања како ќе го реализира ветувањето за бесплатниот превоз.

https://sdk.mk/index.php/dopisna-mrezha/ako-arsovska-vovede-besplaten-avtobuski-prevoz-neka-ni-gi-plati-kreditite-za-kolite-oti-ke-ne-ostavi-bez-rabota-velat-taksi-prevoznitsite/
Back to Top
Denko View Drop Down
Senior Member
Senior Member


Joined: 14-Aug-2010
Online Status: Offline
Posts: 2271
  Quote Denko Quote  Post ReplyReply #288 Posted: 16-Nov-2021 at 15:34

Ova e mesanje babi i zabi. Taxi-prevozot ednostavno ne moze da propadne. Problemot e vo vas. Izgubeni ste vo vremeto i prostorot. Nitu imate novi avtomobili nitu licite na taxi-prevoz.
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #289 Posted: 31-Jan-2022 at 16:24
ПОСКАПЕ ТАКСИ-ПРЕВОЗОТ ВО БИТОЛА

Поскапе тарифата на такси-превозот во Битола. Стартот со пресметан еден километар ќе чини 60 денари, за секој следен километар ќе се плаќа 25 денари. Чекање од еден час ќе чини 300 денари. Претходно, цената на старт чинеше 30 денари плус 20 денари за километар.

Одлуката за поскапувањето беше донесена на седница на Советот, а како образложение беа посочени поскачувањето на горивото, резервните делови, поскапата регистрација за лиценцирани возила, недостигот на возачи, нелојалната конкуренција и друго.

„Се соочуваме со недостаток на возачи, колата не може да работи две смени, работи една и ние како сопственици возиме по 10 до 12 саати на ден за да стигнеме да исплатиме некои од трошоците. Работиме 28 до 30 дена во месецот за да ги платиме давачки, меѓу кои и фирмарини, зашто во сите други градови се ослободени од фирмарини, а ние плаќаме. Се сложивме да нема ноќна или празнична тарифа. Но, по старите цени не можеме да опстоиме. Ако не се почитуваат нашите барања, ќе мора фирмите да ги затвориме и да бидиме диви“, рекоа од Здружението на лиценцирани такси превозници.

На седницата, советниците како еден од проблемите го истакнаа постоењето диви такстисти. Рекоа дека во градот има 500 диви такси возила, а лиценцирани се 150 до 170, па неопходни се зачестени контроли од инспекцијата и МВР.

„Не сме партиски кон никого приврзани. И едните и другите бевте на власт, ни едните ни другите не го решивте проблемот со дивите таксисти. Од Инспекторатот кога ќе излезат со полиција на терен да вршат контроли, пет пати во годината, нè затекнуваат нас, зашто ние имаме таблици и не ги пикаме таблите во багажникот. Има група на вибер меѓу инспектори, полицајци и диви такстити каде се информираат каде е контролата“, рекоа од Здружението.

https://sdk.mk/index.php/dopisna-mrezha/poskape-taksi-prevozot-vo-bitola/
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #290 Posted: 10-Mar-2022 at 18:09
ЗА 10 ДЕНАРИ ПОСКАПЕ СТАРТНИНАТА НА ТАКСИ ПРЕВОЗОТ ВО ШТИП, ЌЕ СЕ МЕНУВА СПОРЕД ЦЕНАТА НА ГОРИВОТО



Штипските такси компании најавија дека стартнината се зголемува од 70 на 80 денари до 2 километри, а секој нареден километар ќе чини по 25 денари.

„Принудени сме за вакви корекции на цените затоа што Регулаторната комисија за енергетика веќе секојдневно ги коригира цените на горивото и ги зголемува. Такси компаниите се врзани за одлуките од Општините, но државната регулаторна комисија ни наметнува и ние да ја имаме истатата методологија, па ако се намалува цената на горивото и ние ќе ја намалуваме цената на такси услугата и обратно“, вели претседателот на Здружението на такси компаниите во Штип, Глигор Арсов.

Тој вели дека во изминатиот месец, се затворија 20 помали такси компании неможејќи да ја издржат енергетската криза и постојаното зголемување цените на горивото, а вработените останаа без работа. Уште возат само 5-6 компании.

Здружението бара и поголема контрола на дивите таксисти. На пример, само во Штип од 200 такси возила, едвај половината се легални со жолти таблици. Оваа состојба ќе се толерира до септември до кога е рокот за лиценци, но потоа МВР мора да ги засили контролите и да казнува.

Според Арсов, компаниите за такси услуги деновиве имаат сериозни проблеми и со набавката на гориво. Не само што цената постојано се зголемува и го намалува бројот на патниците, туку горивото и го нема секогаш. Вчера и денеска седумте бензински пумпи во Штип останаа без гориво, освен бензинската пумпа на „Лукоил“ која се наоѓа на излезот од Штип кон Скопје.

Со оглед на аларамантната состојба на такси компаниите во државата, деновиве во Штип се одржа и заеднички состанокот на сопственицитеод целата држава затоа што проблемот е ист и во Битола и во Берово, во Скопје и во Штип. Тие се во постојана комунуикација и велат дека ако не се подобрат условите за нивно егзистирање сериозно ќе реагираат кај надлежните државни органи, а до Владата ќе поднесат и посебни предлог-мерки.

https://sdk.mk/index.php/dopisna-mrezha/za-10-denari-poskape-startninata-na-taksi-prevozot-vo-shtip-ke-se-menuva-spored-tsenata-na-gorivoto/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #291 Posted: 12-Mar-2022 at 15:04
ОТКАКО ПРЕД 20 ДЕНА ТАКСИСТИТЕ САМИ СИ ГИ КАЧИЈА ЦЕНИТЕ, СОВЕТОТ НА КУМАНОВО ОДЛУЧИ ДА ПОСКАПИ ТАКСИ ПРЕВОЗОТ

По три недели откако такси компаниите и дивите превозници сами си ги зголемија цените на такси услугите во Куманово, Советот на Општината синоќа донесе одлука за поскапување на такси превозот во градот. Новата цена е 80 денари на старт за возење до два килметра и 40 денари секој нареден километар, наместо 60 денари старт и 30 денари по километар, како што беше досега.

Одлуката ја поддржаа советниците на власта од коалицијата „За наша Куманово“, ВМРО-ДПМНЕ, Левица, Алијанца и Беса, сметајќи дека таа е неопходна во време на енергетска криза и зголемување на трошоците.

„Иако оваа мерка е непопуларна, треба да се излезе во пресрет на такси компаниите, бидејќи тие подолг период бараат да се зголеми цената. Покачувањето на стартот со поминати 2 километри ќе биде 80 денари и секој изминат километар 40 денари. Доколку не ја зголемите цената на такси превозот ќе се стимулираат дивите превозници“, кажа Дарко Митевски, координатор на групата „За наше Куманово“, кој го поткрепи тврдењето со зголемената цена на горивата и трошоците за минимална плата.

Координаторот на опозициската СДСМ Александар Јовановски, праша зошто општинската администрација дозволила таксистите на своја рака да ја зголемуваат цената, и побара одговорност од надлежните за стимулирање на беззаконието.

„Ние нема да го поддржиме овој предлогот, бидејќи сме ставени пред свршен чин да гласаме нешто за што веќе е донесена одлука, која веќе се спроведува на терен, во пракса, а граѓаните ја трпат најголемата штета. Сè уште немаме комплетен јавен превоз и сега со поскапувањето на таксито, превозот стана вистински луксуз“, изјави Јовановски.

Тој праша дали инспекторите за сообраќај излегле на терен и што е преземено, бидејќи Општината ги баждари и наплаќа по таксиметрите и дали тие воопшто биле вклучени во овие три недели или се возело на диво.

Претседателката на Советот Ивана Ѓоргиевска, кажа дека во 17 февруари имало барање од Здружението на такси превозниците за корекција на цената, но таа сметала дека не е време да се разгледа таа точката, по што таксистите сами си ја зголемиле цената. Иако им било укажано дека одлуката им е незаконска тие не сакале да ја сменат.

Во Куманово веќе два и пол месеци во поголем дел на градот нема јавен превоз, затоа што изборот на нови превозници заглави во жалбена постапка, па граѓаните од најголемите приградски населби се приморани на работа и за други потреби во градот да користат такси услуги со повисока цена, но со многу слаб квалитет.

Во сообраќајот има повеќе нерегистрирани такси превозници отколку легални. Тие вршат превоз со стари возила, без таксиметри и фискални апарати, а цената и километражата ги одредуваат од око. Најчесто возат по неколку патници за цена колку што чини автобуски билет. Со тоа се стимулира сивата економија на штета на регистрираните таксисти, јавниот превоз, Општината и државата.

За хаосот во такси превозот на локално, но и на меѓуопштинско ниво кон Скопје и Липково, со години се зборува, но ништо не се презема да се реши.

Во Куманово такси услугите последен пат поскапеа во декември 2018.

https://sdk.mk/index.php/dopisna-mrezha/otkako-pred-20-dena-taksistite-sami-si-gi-kachija-tsenite-sovetot-na-kumanovo-odluchi-da-poskapi-taksi-prevozot/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #292 Posted: 13-Mar-2022 at 16:06
ТЕТОВСКИТЕ ТАКСИСТИ СЕ ЖАЛАТ ДЕКА ВО ГРАДОТ ИМА 40 ЛЕГАЛНИ ТАКСИ ВОЗИЛА И 350 ТАКСИСТИ КОИ ВОЗАТ НА ДИВО



Растот на цената на горивата се одразува и на такси превозот во Тетово. Деновиве таксистите беа принудени минимално да го поскапат превозот, но велат дека поголем проблем за нив е големиот број лица кои вршат нелегален такси превоз и со години не се санкционираат. Лиценцираните такси фирми побарале помош од новиот градоначалник Касами, кој им ветил брзо решавање на проблемот.

„Дивите таксисти се голем проблем во сите градови во Македонија, а овој проблем е најизразен во Тетово. Десет години ништо не е преземено за да се реши овој проблем и тоа придонесе во градот сега да има околу 350 таксисти кои работат на диво. Има и такви кои имаат и по десетина возила на име на такси фирма, а таа нема никаква лиценца за такси превоз. Наспроти нив има само 42 возила од четири такси компании кои поседуваат лиценци за вршење такси превоз и работат според законите. Вчера имавме средба со градоначалникот Касами и го изнесовме овој наш, со години присутен проблем. Тој вети дека ќе им даде рок од еден месец на дивите таксисти да се легализираат. Во Тетово до неодамна имаше само еден сообраќаен инспектор, а сега примиле на работа уште еден, но дали тоа е доволно“, вели Зоре Томоски, сопственикот на такси компанијата „Зоки комерц“ и потпретседател на Асоцијацијата на такси превозници на Македонија.

Поради зголемувањето на цените на горивата тие велат дека биле принудени да ги поскапат своите услуги, но од друга страна, прометот им опаднал за половина бидејќи новите цени одвратиле голем број редовни корисници.

„Наглото поскапување на горивата придонесе за кратко време да бидат затворени околу 25 такси компании во државата. Со секое покачување на цената на превозот опаѓа и бројот на лицата кои користат такси превоз. Кога горивото чинеше 72 денари, нашата цена на превозот беше 70 денари на релација до два километра. Но, денес горивото достигна до 97 денари за еден литар. Сега ние бараме Советот на Општината да донесе одлука стартот да биде 20 денари и 70 денари за релација до два километра. Ние бараме од државата да се намали акцизата барем за 50 проценти, најавеното намалување на ДДВ нема многу да ни помогне. Но, кога барем за 40-50 отсто би се намалил бројот на дивите таксисти, ние и со вака повисоки цени на горивата би можеле да опстоиме и да понудиме поприфатлива цена на такси услугите“, посочува Томоски.

https://sdk.mk/index.php/dopisna-mrezha/tetovskite-taksisti-se-zhalat-deka-vo-gradot-ima-40-legalni-taksi-vozila-i-350-taksisti-koi-vozat-na-divo/
Carpe diem
Back to Top
phenomenon View Drop Down
Senior Member
Senior Member
Avatar

Joined: 26-Oct-2010
Location: Kumanovo
Online Status: Offline
Posts: 2646
  Quote phenomenon Quote  Post ReplyReply #293 Posted: 08-Apr-2022 at 10:06
Куманово - старт 80 ден, километар 40 ден во стари такси возила.
https://www.kumanovonews.mk/vesti/i-oficijalno-poskape-taksi-prevozot-vo-kumanovo

Чачак, слична големина на Куманово, старт 80 дин, километар 50 или 55 дин, во зависност од тарифа, во електрични тесли.

https://cacak.premiertaxi.rs/cene/

Edited by phenomenon - 08-Apr-2022 at 10:09
開始されていないだけの戦いが失われ、
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #294 Posted: 19-Apr-2022 at 16:46
ОД 1 МАЈ ПОСКАПУВА ТАКСИ ПРЕВОЗОТ ВО ОХРИД, СЕ ВОВЕДУВА И НОЌНА ТАРИФА

Од први мај ќе поскапи такси превозот во Охрид. Советот на Општина Охрид го прифати барањето на такси превозниците за зголемување на цените, но им побара да ги подобрат услугите и односот кон граѓаните и туристите.

Новата цената на услугата за првиот километар е 50 денари, а секој следен километар во период од 5 часот наутро до 23 часот ќе се наплаќа по 35 денари. Се воведува и ноќна тарифа, односно од 23 часот до 5 часот наутро секој изминат километар ќе се наплаќа по 45 денари. Досега, такси превозниците возеа за 50 денари прв километар, и 30 денари за секој следен километар.

Советниците сметаа дека е основано ваквото барање на такси компаниите за да можат да се справат со предизвиците и да имаат континуитет во работата, но како што рекоа, повеќе да не се повторуваат познатите појави на одбивање од таксисти да возат на пократки релации, неможноста да се повика такси по телефон во летната сезона и слично.

Такси возила треба да имаат на видно место лиценца, беџ за возачот, а ќе биде зголемена и инспекциската контрола, посебно во текот на главната туристичка сезона.

„Јас како градоначалник и советниците ќе излезиме во пресрет, она што го имаат такси превозниците како барање да се реализира, но ќе бидам крајно ригорозен, мислам заедно со инспекциските служби, ако увидам дека работите не се одвиваат како што треба“, рече градоначалникот на Охрид Кирил Пецаков.

За некоректниот однос на таксистите во текот на туристичката сезона, како одбивањето да возат патници на пократки релации или возење без вклучен таксиметар, градоначалникот најави поставување информативни табли со број на кој незадоволни граѓани и туристи ќе можат да пријавуваат такси превозници.

Проблемот со нелиценцирани таксисти кој долги години е присутен во градот ќе се решева со жолти регистарски таблички, со кои ќе бидат означени сите лиценцирани субјекти кои вршат авто-такси превоз согласно законските измени.

https://sdk.mk/index.php/dopisna-mrezha/od-1-maj-poskapuva-taksi-prevozot-vo-ohrid-se-voveduva-i-nokna-tarifa/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #295 Posted: 21-Jun-2022 at 16:39
Такси-превозот ќе поскапи, но за колку, ќе се знае деновиве

Ова следува откако по предлогот стартот да чини 50 денари, а секој изминат километар 30 денари, следувале и други, а се доставени до градските власти. Од Советот за сообраќај веќе имаат драфт-верзија на предлогот, но како што велат таа треба да се доработи. – Предлогот за промена на тарифниот систем на такси возачите ќе се доработи. Се очекува во наредните денови тој да биде објавен, а на следната седница на Советот на Град Скопје да се стави како точка на дневен ред која треба да добие зелено светло од советниците, изјави за весникот ВЕЧЕР, претседателот на Советот за сообраќај, Ленин Јовановски

Советот за сообраќај на Град Скопје ќе ја дефинира конечната цена на такси услугите. Ова следува откако по предлогот стартот да чини 50 денари, а секој изминат километар 30 денари, следувале и други, а се доставени до градските власти.

Од Советот за сообраќај веќе имаат драфт-верзија на предлогот, но како што велат, таа треба да се доработи.

– Предлогот за промена на тарифниот систем на такси возачите ќе се доработи. Се очекува во наредните денови тој да биде објавен, а на следната седница на Советот на Град Скопје да се стави како точка на дневен ред која треба да добие зелено светло од советниците – изјави за ВЕЧЕР, претседателот на Советот за сообраќај, Ленин Јовановски.

Тој додаде дека без конечно да се дефинира предлогот, за новата цена не би сакале да објавуваат ништо.

– Се насочуваме кон решавање на проблемот со тарифниот систем кој произлезе од енормното зголемување на цената на нафтените деривати. Има неколку предлози, па сега се обидуваме да ги вклопиме во еден за да бидат задоволени сите страни – истакна Јовановски.

Инаку, такси-компаниите, такси-здруженијата, Синдикатот на таксисти,   Асоцијацијата на легални таксисти и Групацијата на автотакси превоз на Град Скопје неодамна имаа заедничка средба откако цените на нафтените деривати почнаа вртоглаво да растат. Тие по 11 години исти цена за такси-превозот се договорија да поднесат барање за корекција на цената и на тарифата на такси-превозот на територијата на град Скопје.

Предлогот беше стартот да биде 50 денари и 30 денари за изминат километар, за разлика од досегашната, која беше 40 денари старт и 25 денари за изминат километар. Но, во меѓувреме, како што информираше Сашо Рајчановски, претседател на Групацијата на автотакси превоз на Град Скопје и член на новоформираниот Совет за сообраќај се јавиле и други компании со предлози, па затоа морало да се реагира на ваков начин, односно со единствен предлог да пресече Советот за сообраќај на Град Скопје.

Инаку, Советот за сообраќај беше формиран на 16 овој месец и како што информира градоначалничката на Град Скопје, Данела Арсовска, има за цел дејствување во насока на зголемување на безбедноста за сите учесници во сообраќајот, подобрување на јавниот превоз и сообраќајната инфраструктура во Скопје. Тој е составен од девет члена, сообраќајни експерти, професори и стручни лица од областите поврзани со сообраќајот во Град Скопје и треба да креира политики, предлози и сугестии за подобрување на сообраќајот и сообраќајната инфраструктура во Градот Скопје.

https://www.vecer.press/такси-превозот-ќе-поскапи-но-за-колку/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #296 Posted: 09-Jul-2022 at 17:08
Предложени нови, повисоки цени на такси услугите во Скопје

Поради зголемувањето на цената на горивата и упатените барања до Град Скопје од страна на такси компаниите, предложени се измени на цените на такси услугите. Советот за сообраќај на Град Скопје изготви три тарифни модели по кои таксистите ќе ги наплаќаат услугите за граѓаните на главниот град, а првиот е на сила веќе 11 години. Која од трите тарифи ќе се применува ќе зависи од тоа дали цената на горивата ќе расте или ќе се намалува, велат од Град Скопје.

Тарифа 1: Старт на превоз – 40 денари, за секој изминат километар – 25 денари и за чекање во место 1 час – 300 денари;
Тарифа 2: Старт на превоз – 50 денари, за секој изминат километар – 30 денари и за чекање во место 1 час – 420 денари;
Тарифа 3: Старт на превоз – 60 денари, за секој изминат километар – 35 денари и за чекање во место 1 час – 480 денари.
Тарифите се усогласени и прифатени од Асоцијацијата на легални таксисти, Синдикатот на таксисти и Групацијата на такси превозници.Од Град Скопје велат дека при формирањето на новите цени на такси- превозот биле земени предвид цените на горивата, но и други фактори.

https://telma.com.mk/2022/07/09/predlozheni-novi-povisoki-ceni-na-taksi-uslugite-vo-skopje/
Carpe diem
Back to Top
phenomenon View Drop Down
Senior Member
Senior Member
Avatar

Joined: 26-Oct-2010
Location: Kumanovo
Online Status: Offline
Posts: 2646
  Quote phenomenon Quote  Post ReplyReply #297 Posted: 29-Dec-2022 at 22:07
開始されていないだけの戦いが失われ、
Back to Top
Denko View Drop Down
Senior Member
Senior Member


Joined: 14-Aug-2010
Online Status: Offline
Posts: 2271
  Quote Denko Quote  Post ReplyReply #298 Posted: 08-Jan-2023 at 18:14
Taxi-Skopje-2022,

eden mal izvestaj za kvalitetot na skopskoto taxi.
Posle nekolku godini povtorno bev patnik i gost na skopskite taksisti.
Prvicniot zaklucok e deka ova lici na se samo ne na Taxi-prevoz vo glaven grad na edna drzava. Stari, dotraeni i krajno necicti avtomobili avtomobili, kako na izgled taka i na miris (Vo site avtomobili se pusi). Na izgled neuredni taxi-vozaci koi cesto ne gi pocituvaat soobrakajnite pravila. Glasna radiostanica koja za vreme na patuvanjeto treba da bide isklucena ili barem namalena na minimum, i red drugi sitnici koi skopskiot taxi-prevoz go pravat bukvalno grozen. Na krajot posle tolku pominati godini se prasuvam dali navistina vo Makedonija nema sila koja ke stavi red i pristojnost vo ovaa kategodija na prevoz!?
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #299 Posted: 13-Aug-2023 at 16:50
Такси компанија со електрични возила ќе вози во Скопје



Нова такси компанија со електрични возила ќе започне со работа во Скопје.

За почеток, ќе возат 50 електрични возила низ главниот град, со дополнителни уште 50 во 2024 година. Компанијата ќе се вика „BeeRide“, која, како што се најавува, ќе ја користи најнапредната технолoгија.

Возилата ќе бидат од брендот на MG4 Electric.

https://www.vecer.press/такси-компанија-со-електрични-возила/
Carpe diem
Back to Top
stef4o View Drop Down
Moderator Group
Moderator Group
Avatar

Joined: 20-Oct-2015
Location: Skopje
Online Status: Offline
Posts: 19482
  Quote stef4o Quote  Post ReplyReply #300 Posted: 11-Oct-2023 at 14:56
Уште еден аргумент зошто дивите таксисти ги нарекуваат „диви

Нелегалниот такси-превоз им го уништува угледот на главниот град и на државата

Состојбата со такси-превозот во Скопје се чини дека никогаш не била полоша. Диви таксисти „ловат“ патници, а најголема цел во последно време им се странците, кои се магнет за брза и нереална заработка за несовесните и диви такси-возачи. Се наплатуваат нереални цени за кратки дестинации, бидејќи многумина од дивите возачи мислат дека ако се странци, не ги разбираат парите, па се обидуваат да им наплатат големи суми и брзо да заработат.

СТРАНЦИТЕ СЕ НАЈЧЕСТА ЦЕЛ

„Ако сме странци и првпат доаѓаме во Скопје, не значи дека сме глупави и дека не ја разбираме вредноста на парите“. Со овие зборови го започна разговорот Италијанецот Алекс, кој туристички беше дојден во Скопје, каде што остана три дена, а потоа замина за Охрид.
Алекс е 29-годишен Италијанец, кој ова лето одлучил да шета на Балканот. Особено интересно му било да дојде во Скопје и Македонија, бидејќи неговите пријатели му раскажале за убавините на Матка и Водно, за старата скопска чаршија, но и за модерните трговски центри.
Сепак, нешто го разочарало. Тој за нашата редакција истакна дека како главен град имаме сериозен проблем со нереални цени на такси-превозот. За превоз од „Ист гејт мол“ до зградата на Владата, таксистот му побарал неверојатни две илјади денари. И, како што би звучеле рекламите, „тоа не е сѐ!“. Наместо таксиметар, возачот вклучил апликација на телефон, која во секунди го накачувала износот на превозот.
– Ми побара две илјади денари, без никаков срам! Добро велам, дај ми сметка, сакам да знам колку чини километар и зошто е толку скапо. Наместо да ме услужи, избега. Знаете, ние сме странци, но не сме глупави. Пред одмор сите ние ја анализираме земјата каде што одиме, а особено внимание ни се парите, за да знаеме колку ни требаат и слично. Но ваков обид за „грабеж“ досега немам никаде видено – вели Алекс.
На нашето прашање да објасни какво било такси-возилото, тој рече дека не можел да утврди дека станува збор за нелегален таксист.
– Возилото беше исто како и сите други такси-возила. Не можеше да се утврди дека станува збор за див таксист – вели тој.

СОСТОЈБАТА СО ТАКСИ-ПРЕВОЗОТ ОД ПРВА РАКА

Според претседателот на Групацијата на автотакси-превоз на Град Скопје, Сашо Рајчановски, моменталната состојба во автотакси-превозот во градот Скопје е катастрофална, кој сака става табла и вози такси со каква било боја на такси-возило, без таксиметар, нелиценцирано возило, непријавен такси-возач.
– Сѐ почесто се жалат граѓани корисници на автотакси-превозот дека им се наплатуваат високи цени не по таксиметар туку по некоја апликација од мобилен телефон. „Ист гејт“, Транспортниот центар и Клиничкиот центар се местата од каде што доаѓаат најголемиот број жалби. Вакво безредие во автотакси-превозот никогаш немало. Дававме предлози за решавање на автотакси-дејноста во градот Скопје што институциите ќе ги чинеа 0 (нула) денари, а со кои гарантиравме намалување на сообраќајниот хаос, намалување на загадувањето, намалување на невработеноста и зголемување на буџетот по основа на придонеси на нововработени лица – вели тој.
Според него, безуспешни се сите залагања на Групацијата на автотакси-превоз за институционално решавање на проблемите во автотакси-превозот во градот Скопје.
– Запознаена е инспекцијата за патен сообраќај на Град Скопје, Трудовата инспекција, Град Скопје, имавме изјави во медиуми, апел до соодветни институции да се преземе нешто со што ќе се стави ред во автотакси-превозот, ама никој ништо не презема. Во фаза на изготвување е новиот закон за превоз во патниот сообраќај, каде што во делот на таксито НЕ се предвидува подобрување на состојбата, напротив зголемување на хаосот поради намалување на казните, кои и онака не беа високи. Дадовме свои реални забелешки, мислења и предлози, кои доколку бидат игнорирани, хаосот во такси-превозот ќе биде поткрепен со закон – нагласи Рајчановски.

https://novamakedonija.com.mk/makedonija/skopje/ushte-eden-argument-zoshto-divite-taksisti-gi-narekuvaat-divi/
Carpe diem
Back to Top
 Post Reply Post Reply Page  <1 13141516>

Forum Jump Forum Permissions View Drop Down



This page was generated in 0.096 seconds.

Copyright ©2007 - 2024  build.mk

Коментарите на форумот претставуваат лично мислење на нивните автори и не претставуваат официјален став на build.mk.